日月堂

營業中

休息中

觀塘真係好多好嘢食！嚟到有少少偏僻嘅工廈食台灣菜，門口好有文青感覺，店舖入面有用心佈置，貼咗明信片同埋台灣場景！店員服務好親切，平日夜晚都算幾多人幫襯👍🏼我同朋友各叫咗杯黑糖珍珠鮮奶，好大杯，啲珍珠量都幾多+好咬，同埋黑糖味濃！小食嗌咗蚵仔煎，好有台灣風味，有啲黏嘅口感。非常推介麻辣鴨血，唔會太辣，有好多舊，厚切好有口感，又入味，真係好好食！我叫咗個牛三寶麵，個湯甜甜地唔重味精，啲牛好嫩，試到3個部位，啲麵彈牙！

日月堂係隱世喺觀塘嘅一間台式料理店,提供各種道地嘅台灣美食😋今次就試咗佢哋招牌嘅牛肉麵、小食同埋台式飲品,全部都好正㗎😏紅燒半筋半肉麵&鹵水雞翼麵🍗首先湯麵嘅湯頭濃郁,牛肉燉煮得剛好,牛筋嘅口感都非常嫩滑.麵條都好有咬勁,同湯頭十分搭配🫶🏻燙青菜&台灣香腸🇹🇼兩款配菜都相當唔錯,蔬菜好新鮮而且台灣腸都好有道地嘅風味,配上蒜頭一齊食口感更佳👍茉香奶綠&荔枝紅茶🧋抹香奶綠是台灣特色嘅飲品,奶茶嘅香濃和抹香的清香相融合,非常順口🥰而荔枝紅茶則帶有淡淡的荔枝香氣,飲落去好解渴🥳

觀塘工廈一向多美食，今次我同朋友去咗食台灣菜。麻辣餛飩拌麵 $55拌麵麵底係刀削麵，加入咗數粒餛飩、白菜同滷蛋，以及麻辣醬。麻辣醬係拌麵嘅靈魂，辣度適中，非常適合做醬料。餛飩係白菜豬肉味，皮薄餡多，十分juicy。牛三寶麵 $80牛三寶麵大大碗，十分足料。牛三寶包括牛肋條、牛筋同埋牛展，每個部位都滷得好香好入味。炸鹹酥雞 $48鹹酥雞大大塊，炸得十分香脆，亦好juicy。蚵仔煎 $42蚵仔煎同平時食開嘅有啲唔同，平時食嘅大部份都係加蛋同麵粉去煎，今次餐廳加入薯粉粉，食落更Q彈。

平時都見唔少朋友會特登過嚟呢邊食。我從來都好少喺香港食台灣菜，今次一試，竟然有驚喜。 《牛三寶麵$80》有牛筋、牛展同牛腩。牛筋大條，炆得夠淋，骨膠原get！牛展同牛腩肥瘦適中唔柴皮。湯底超濃，蘿蔔相當入味，麵條又彈牙 ，食到雪雪聲😋😋 《 牛肉蔥油拌麵$56》似以上既小孩版，略嫌蔥油唔夠多，可以再香啲。 《起司肉鬆蛋餅$40》超好食！食落竟然有炭燒 香！芝士味濃仲要拉絲～肉鬆keep住微脆，好正好正好正！直情好食過我喺台灣食過嗰啲添！ 《甜不辣$38》反而就同想像中有啲出入，不過都唔差既。

今次又去觀塘食好西。台灣名物不外乎牛肉麵及炸物。餐廳做得好用心！ 在工廈既隱世小店，做得好好，裝修都令人舒適。肥美的豬肉加上香濃的醬汁，超下飯又美味！招牌牛三寶麵大大碗，可自選不辣、少辣或大辣，餓底友人食完表示很滿足。湯底濃郁牛肉味，牛腱肉咬落唔韌，牛筋及牛肋條非常淋身，夠晒膠質。蛋捲餅經用心香煎，上盤時熱騰騰，散發著誘人的蛋香。軟熟煙韌的蛋捲餅內包裹著滿滿的肉鬆，咬落酥脆又香口，口感極佳。黑糖花生麻糬甜而不漏，滿足度爆燈!

又想食台灣野喇~~~ 估唔到排隊入車立既全部都係一齊去日月堂既食客。感覺無揀錯喇！清燉牛肉麵的湯頭鮮美，牛肉片軟嫩多汁，配上彈牙的麵條，有少少酸菜喺面，碗裡仲有白蘿蔔。炸排骨麵，厚身夠大塊，香口酥炸，碗裡一樣有白蘿蔔，滿足。肉鬆蛋捲餅則是一種特別的台灣小吃，入口有重蛋香味，薄薄的包住內裡的肉鬆餡料，好好食。凍珍珠奶茶和凍仙草奶茶，珍珠和仙草都滿滿的，每一口都充滿Q彈有嚼勁珍珠&爽滑仙草，茶香和奶香都濃郁。

✨起司肉鬆蛋卷餅💰40💫評分: 7.4/10📝 蛋餅記得要趁熱食，配上滿滿肉鬆、芝士，肉鬆有鹹香味，口感豐富，經典台式風味，芝士唔係有拉絲效果嗰種，餅皮係偏軟身✨手工滷肉飯(大）💰42💫評分: 7.8/10📝滷汁香噴噴，味道濃郁，連埋蛋都入味，滷肉份量都多，啖啖飯都可以撈到滷肉，除咗酸菜，仲有娃娃菜減膩✨虎咬豬 (刈包)💰36💫評分: 7.9/10📝再叫多個小食，夾係刈包嘅半肥瘦豬腩肉，肉汁juicy入味，加咗芫茜、酸菜等配菜，好match✨仙草芋圓💰32💫評分: 7.5/10📝 芋圓好Q彈，有3款口味，配上仙草同花奶，唔會好甜，份量好足！日月堂@sunmoon_402c 📍觀塘興業街14號永興工業大廈4樓C2室(觀塘🚇B2出口行5分鐘就到)💫評分: 7.5/10💬兩個人食到捧住個肚🤰🏻，好豐富同都抵食，終於完成咗自己一間好想食嘅台灣菜！台灣菜當然唔少得叫台式飲品，所以試埋凍珍珠奶茶🧋同香竽奶茶！見隔離枱食鹽酥雞都好吸引🤩🏃🏻‍♀️再訪？🄼🄰🅈🄱🄴#蛋餅 #排骨飯 #蛋餅 #滷肉 #滷肉飯 #觀塘 #觀塘美食 #香港美食 #香港 #followforfollow #foodieblog

肉鬆蛋捲餅賣相：🐧🐧🐧🐧🐧味道：🐧🐧🐧🐧🐧蛋捲餅經用心香煎，上盤時熱騰騰，散發著誘人的蛋香。軟熟煙韌的蛋捲餅內包裹著滿滿的肉鬆，咬落酥脆又香口，口感極佳。特調的蛋餅醬汁鹹中帶甘，令蛋餅更添惹味。台灣香腸賣相：🐧🐧🐧🐧味道：🐧🐧🐧🐧🐧台灣香腸與大量的蒜片一同炒香，濃郁的蒜香味道滿溢，令人唾涎三呎。香腸味道非常正宗，咬下去口感非常紮實，嚼勁十足，煙韌又多汁，肉味濃厚，鹹甜並呈的滋味獨特又難忘。黑糖花生麻糬賣相：🐧🐧🐧🐧🐧味道：🐧🐧🐧🐧🐧麻糬烏黑亮麗非常迷人，口感軟糯又Q 彈，黑糖的甘甜味道十分突出。麻糬內含厚厚的花生醬餡，醇厚油香的花生醬令麻糬口味更顯邪惡，惡魔誠意推介😈 仙草芋圓賣相：🐧🐧🐧🐧味道：🐧🐧🐧🐧🐧仙草口感冰涼滑溜，入口帶有獨特的青草香，清新又解暑，夏日良伴。芋圓粒粒煙韌可口，嚼感滿分，甜蜜蜜的滋味正好中和仙草原有的甘苦，十分出色。凍百香果紅茶、凍冬瓜茶賣相：🐧🐧🐧🐧味道：🐧🐧🐧🐧🐧百香果紅茶帶有清新的果香，沈穩的茶味與百香果的酸香完美融合，入口解膩又醒神，開胃必選。冬瓜茶香甜清新，冬瓜的甜味不會太俗，冰涼又解暑，夏日推薦。🐧❣️飲品可讓客人自選甜度和冰量，十分貼心❣️環境：🐧🐧🐧

▫️ 起司肉鬆蛋捲餅 ($40)👉🏻 蛋餅皮煎到金黃色好香口，好有彈性同唔會好乾😉芝士同肉鬆呢個配搭冇得輸！肉鬆非常鬆脆唔會過鹹🙆🏻‍♀️⭐️⭐️⭐️⭐️⭐️.▫️玉米起司蛋捲餅($38)👉🏻 蛋餅皮同上面一樣咁出色，餡料係塞滿芝士同栗米粒，栗米香甜，加埋好香嘅蛋味，大滿足☺️⭐️⭐️⭐️⭐️⭐️.▫️ 牛三寶麵🍜($80)👉🏻個面係刀削麵非常煙韌彈牙，湯底濃郁😆牛三寶有牛展、牛肋條同牛筋，全部份都幾多！牛展好有咬好，牛肋肉煮到好腍，牛筋Q彈滑嫩⭐️⭐️⭐️⭐️.▫️凍珍珠奶茶($20)👉🏻 茶味香濃，珍珠好彈牙⭐️⭐️⭐️⭐️.▫️凍冬瓜茶($10)👉🏻好解渴而且唔會好甜⭐️⭐️⭐️⭐️—————評分：8/10 .平圴消費：～$100

唔係因為朋友推薦，都唔知呢間台灣野咁出名可以畫紙仔亦都可以QR code落單有湯麵、拌麵、便當、小食及甜品等紅燒半筋半肉麵湯底好濃味，刀削麵彈牙有嚼頭，牛肉入味又軟淋配料有白蘿蔔、娃娃菜等等，大大碗，好足料。炸排骨便當炸骨大大塊，炸得香口，滷得入味，而且唔會油膩。蚵仔煎外皮好煙韌，蚵仔幾鮮味，加埋啲醬，感覺同係台灣食差唔多。見好多枱都叫酥炸魷魚，幾有驚喜，炸到好酥脆。另外仲叫左黑糖珍珠鮮奶同鳳梨紅茶，亦有一定水準。

喺觀塘附近book咗間party Room所以就喺附近搵嘢食啦呢間喺工廈上面嘅日月堂，睇嚟人氣都幾旺清湯牛肉麵牛肉好嫩，配上酸菜，紅蘿蔔，香菜湯底好有牛味，清新唔油膩面嘅份量都充足，咬落去彈牙肉鬆芝士蛋卷呢個份量超大，要兩個人share一份先得蛋皮煎得好香脆配上少少醬油，入邊嘅餡料都好充足蚵仔煎台式嘅蚵仔煎同潮州嗰種做法唔同台式嘅係偏水同埋淋略嫌啲蠔仔唔算好新鮮而且都唔係大隻肉燥飯（細）呢個肉燥飯份量一啲都唔細女仔食一定夠飽而且啲肉燥好正宗，真係食到台灣嘅味道，夠肥膩，配上啲配菜食，好好味

觀塘工廈有唔少隱世美食😆 今次去依間人氣高企嘅台灣菜🇹🇼 選擇好多: 除咗牛肉麵、便當、蛋餅，仲有芋圓同充滿台灣特色嘅飲品!牛三寶麵 （牛腱肉 牛筋 牛肋條）$80+$5 刀削麵: 牛腱肉透徹嫩口😋 牛筋充滿骨膠原!! 牛肋條牛味濃 不過比較碎~ 紅燒湯底幾正宗 而且有娃娃菜、紅白蘿蔔及酸菜，仲有少少藥膳味! 刀削麵好煙韌😚起司雞排麵 $55: 炸雞扒入邊捲咗半溶芝士🧀️ 非常邪惡🤣 外脆內嫩 配清湯中和油膩感~ 麵質幾爽口彈牙!蚵仔煎 $42: 好似去咗台灣夜市一樣💕 蚵仔煎做法好正宗 蚵仔肥美😍 加蛋煎好香脆 配生菜同醬充滿幸福感🙌🏼宜蘭花枝丸 $38: 有5大粒花枝丸 炸得幾香脆⭐️ 真材實料!黑糖珍珠鮮奶 $32桂圓薑母茶 $10: 兩杯飲品都好大杯，而且味道都幾好!

🐳一幢工廠舊樓，沒有想過會有一間台灣餐廳，而且很多人也會慕名而來，外表真的沒什麼特別，但一打開門，嘩！很多人😲 座無虛席，証明我沒有來錯。🐳紅燒半筋半肉麵💰80價錢不貴，好合理！湯底濃郁，味道剛好，牛筋又大又淋，正！🐳牛三寶麵💰80其實牛三寶就是多了一種牛腩，食材更加豐富，牛腩牛展和牛筋都非常入味！🐳家鄉水餃💰40份量比我想像中大和多，皮薄餡靚，另外湯底都可以喝的。🐳梅子地瓜條💰36即叫即炸，厚厚的地瓜條，很香，另外加上梅子粉，跟地瓜條絕配。🐳凍百香果紅茶💰14清清的茶香，加上鮮甜的百香果，好喝！🐳凍黑糖珍珠奶茶💰26很大杯，茶和奶調得剛好，甜度也適中。🛎️ 日月堂 (觀塘)🔍觀塘興業街14號永興工業大廈4樓C2室

今天去探朋友，他帶了我地去了一間觀塘工廈上層的一間台式食堂，裝潢有濃濃台灣風。朋友說價錢比較便宜，食物味道不錯值得支持幫襯的。牛三寶麵 有牛腱肉、牛筋、牛肋條，份量豐富，湯底牛味濃郁，除左牛三寶外，配上紅蘿蔔、白蘿蔔、半隻流心蛋好滿足！豬手便當🍱有驚喜的豬手入味又軟滑，便當🍱跟隨有肉嬠飯加半隻蛋，同樣豐富可口！下次再想來試一下甜點方面的芋圓呢！🍴日月堂📍觀塘興業街14號永興工業大廈4樓C2室

餐廳空間寬敞，裝修簡約，地方整潔。牆身有一幅傳統老街插畫，仲有推薦菜式木牌，好有台式地道風味。除咗佢哋嘅招牌牛肉麵，仲有好多唔同嘅台灣地道小食、台式滷水、台式便當、乾拌麵。依度可以 ᴡᴛsᴀᴘᴘ 落單自取，可以嗌咗先去拎，唔使等咁耐，岩嗮上班族。○ 手 工 滷 肉 飯 // $35珍珠米粒粒圓潤飽滿，索盡滷水汁。半肥瘦滷粗肉條唔會太油膩，香濃微甜既滷肉醬汁，加埋正宗台灣酸菜，送飯一流。○ 牛 肉 蔥 油 拌 麵 // $56除左牛肉之外，配料有半隻蛋、小棠菜。半肥瘦牛肉幾軟嫰，刀削麵幾彈牙，入口唔覺得好油膩，又厚又闊好掛汁，撈埋大量炸蒜、蔥，好惹味。○ 炸 鹽 酥 雞 // $48即叫即炸金黃酥脆，內裡軟嫩多汁，鹹香惹味，重口味既枱面有鹽蘇酥粉可以自己加。○ 蚵 仔 煎 // $42份量大醬汁超多，餡料充足，煎得幾香。○ 凍 黑 糖 珍 珠 奶 茶 // $26無論熱飲跟冷飲，都係用外賣杯，方便飲唔嗮帶走。伯爵茶底香醇濃厚，黑糖唔會過份甜膩，珍珠 ǫ 彈煙韌。○ 桂 圓 紅 棗 茶 // $10ᴏʀᴅᴇʀ 飯 / 麵指定飲品可以有半價優惠。紅棗非常之多，健康養生，清清地可以解膩。ꕀ