日夜餐廳 (已結業)

朋友極力推介這家於油麻地的西餐, 尤其是這裡的法式焗乳鴿. 既然價格不貴便即管一試. 涼快的天氣, 挑了最近店外的桌子. 雖然近著馬路, 但這條路晚上近乎沒有車輛進入. 亦方便朋友看著愛車. 店子裡的氣氛不錯, 樓底頗高, 坐著的感覺舒適. 朋友介紹的這個法式焗乳鴿是大家今天來的主要目標. 這個價格在中式茶樓連半隻乳鴿也買不到. 比起炸薯條我更愛吃炸洋蔥圈, 難得這裡的炸洋蔥圈並不會吃得滿口粉. 配湯用的烘法包烤得非常鬆脆, 誠意十足. 蟹子沙律的蔬菜爽口脆身, 顯示用上的蔬菜鮮度充足. 大啡菇是燒烤時我常吃的菇類. 這裡的大啡菇比我買過的更大隻. 即燒出來裡頭會有更多的水份. 另一方面, 帶有明太子, 蟹柳的芝士饀配合大啡菇更提升了濃厚感覺. 之前從未吃過法式乳鴿, 所以這個是不是法式無從肯定. 但乳鴿做得皮脆肉嫩, 而且是真正的嫩滑的"乳"鴿肉質. 乳鴿已有少許調味, 所以不用沾醬已十分好吃. 絕對超越$28/隻的價值2倍以上. 主菜是這塊比手掌更大的燒美國黑毛安格斯斧頭扒. 幸好怕吃生的朋友這次不反對, 點了的是Medium, 控制火候的功夫做得不錯. 這塊黑毛安格斯的肉味非常濃

油麻地，好多人會諗起廟街、玉器市場同埋電影中心等，算係文化之地。可惜周圍築起高樓大廈，起左屏風效應，原本已經係鬧市，夏天更加熱。眾坊街，除左已經駐守多年嘅中華書局，有名醒獅團之一夏國璋辦公室亦在此。15年開始，呢度多咗條花樓梯，多咗好多人黎呢頭，感受下文化，眾花嘅色彩，確實令人愉悅。花樓梯旁有一間滿浪漫氣氛嘅餐廳，可以一嚐。點餐後，店員捧上生果同沙律，生津兼開胃。今次點海鮮為主，想鮮味一下。口淡淡，先飲海鮮龍蝦湯，78元，非常足料，鮮香十足嘅湯頭，香而不太濃，海鮮亦多而且入味。西京燒銀鱈魚扒，198元，好滑好嫩，魚油不會太膩，味道剛剛好。黃金燒原隻大虎蝦，188元，好似食波斯龍蝦嘅口感，啲汁剛好，唔會好乾身，而且啲肉已經起哂，啱哂我呢個懶人。今次豪氣一次，叫咗黑松露鵝肝多士，鵝肝本身粉紅嫩滑，入口即溶，下面多士吸咗其精華，再加上黑松露本身嘅香，78元絕對值得一試。一個慵懶嘅下午，聽到有啲雀仔吱吱喳喳，都幾嘆。店內夾雜英倫風，播嘅係多個年代英文情歌，都幾有feel。店員有禮，而且亦好細心睇下我地個碟，會主動換碟同加暖水，讚👍🏻。

星期二收工約咗朋友食飯，約咗去油麻地，行行下見到呢間有LIVE MUSIC SHOW，地點又靜，入到去環境我地都好鐘意，好靚！感覺好舒服就去試下佢位置唔多但坐得好舒服，又可以聽下歌！唔錯唔錯！坐低叫咗份牛排SET, 再加埋七味雞翼﹑明太子焗大啡菇仲有乳鴿牛排SET有埋湯+跟薯菜/飯/意粉同埋有埋甜品，$188蚊價錢好合理！又好大份湯叫咗白湯，好足料！又唔會好淡無味，忌廉都幾重，加埋蒜蓉包黎食好match!牛排係肉眼排黎，肉汁好多，好嫩，切落去有小小既肉，岩我地鐘意牛排唔會太熟既人！薯菜好多好大份，唔會好淋，其實一個SET share黎食再加埋其他小食真係好飽！七味雞翼係我最鐘意果種味道，雞翼SIZE都幾大隻，帶小小辣好滋味！明太子焗大啡菇好足料，明太子極多！超好食，切落去大量既明太子出黎，菇又好有咬口！乳鴿同中式乳鴿唔同，同埋佢比既醬汁好特別，有小小甜。皮好脆好好食，一流！見到佢地寫住星期二同埋星期四會有LIVE MUSIC SHOW! 下次都約埋朋友係呢個時間再食住D咁好食既野又聽下歌仔先!

迷信嘅小妹去完廟街睇完相之後，就同朋友去睇下附近有啲咩食行下行下去到對面中華書局旁邊有間餐廳，見到佢地個餐牌又唔貴，個格局又好靚咁，所以今次就試咗呢間餐廳！估唔到油麻地呢個旺中帶小小靜嘅地方有間隱世﹑食物水準一流嘅餐廳！入到去先講個環境好正，係配上我最愛嘅藍色襯紫色，再加埋星星吊係天花板到，好夢幻，感覺好舒服！食物方面有好多好多選擇，無論係套餐或者單叫價錢都好合理！加上我同我朋友睇完相都太肚餓啦，係到食個扒都唔貴同埋一間西餐廳有乳鴿真係未試過～所以我地叫咗燒美國黑毛安格斯肉眼扒﹑乳鴿同埋大啡菇試一試佢～服務員態度好好有好禮貌，落單又快！呢一點非常讚！無黎耐啲食物就上菜啦～1. 燒美國黑毛安格斯肉眼扒$188等咗無幾耐個湯就黎到啦！其實個餐$188真係好抵食！我同朋友叫咗一紅一白湯２個湯都好足料！先講白湯，白湯唔係一般餐廳好淡嘅忌廉栗米湯，味道非常濃，加上小小嘅黑胡椒味道更香更重！而紅湯入面有好多料，蕃茄味好強，將蒜蓉包點湯都好好味，令人一試難忘！而呢個餐我地都係跟薯菜～呢個好值得一提！薯菜份量好驚人，好大碟！！就咁睇相都已經睇到有幾大碟～～　真係好有份量！同埋佢好好食！我地實在太睇小佢

這個悠閒的星期日，我和他來到花樓梯旁的日與夜餐廳。環境頗舒服，天氣好，坐室外都不錯。這裡掛了星星，夜晚應該情調非常好(￣▽￣)。先吃了沙律，夠新鮮叫了一碗菇湯，很好飲，菇味出，忌廉湯底，很開胃。還有厚厚嘅大薯條，薯仔和蕃茄本來就不合，但當成了薯條和茄汁，互相配合到，這點有點似我和他，我和他本來不同，卻可以成為一對（＾◇＾）。大啡菇（$78）是我最愛，用了明太子芝士，入面料亦十足，好味但不「溜」。燒安格斯牛肉（$128），要了5成熟，還有燒薯仔，牛肉上面煎了一層，肉汁仍然有。再來一客長腳蟹長通粉（$128），蟹肉都幾乎整好，已經很容易起到，肉亦好滿。長通粉煮得剛剛好，汁亦剛剛好，咸濃適中。叫了杯熱玫瑰咖啡和榛子咖啡，飲一呷心情大好。要不是趕住和他一同做義工，定必可以在這裡過一個真正的悠閒下午。

有日去爵士花園探朋友，玩夜左就去山下呢間餐廳食飯，朋友介紹話唔錯，我諗住近近地就是是但但吧，結果有D驚喜。當日叫左個 蟹子沙律、薯皇、煎鱈魚、同埋乳鴿。可能心情好、又或者係肚餓關係，我覺得沙律同薯皇都比出面的好食。薯皇炸得非常脆，有鹽調味己經好好，根本唔洗茄醬。  至於個乳鴿，又冇下面講得咁瘦弱喎，燒出黎隻乳鴿真係"乳"鴿黎，夠嫩又夠味，唔似沙田龍華那些"大"但"老"的鴿，而且一隻$28，絶對對得住佢個價。最好食後係個煎鱈魚，都係非常嫩，又冇雪味，而且個醬汁係我喜歡的日本燒汁，甜甜地非常好味。呢間餐廳，呢個價位，係我食過的西餐廳中，整體水準算是上上。但佢最好同最唔好既地方，都係佢既地點。如果不是去朋友家，不是玩夜左，都不會去到這間餐廳；但間餐廳位於掘頭巷，泊車"應該"不會被人抄牌吧。所以如果下次揸開車黎呢頭，呢間餐廳係一個好選擇。

二月最後一個星期天晚上，朋友飯局。晚上跟一群很久不見的朋友吃飯，有人選了這家開業不久的西餐廳。餐廳附近環境清靜，我們的位子有一半在戶外，坐在戶外看著滿天的星空感覺特別好。第一道先點蟹子雜菜沙律，蟹子份量足，蟹肉棒鋪滿沙拉，蔬菜新鮮，而且沙拉汁開胃，味道清新又健康。小吃有明太子焗大啡菇，大啡菇又名燒烤菇，烤過菇類的人都知道菇類經過燒烤後都會被抽乾水分，而大啡菇由於肉身肥厚，菇味濃郁，所以非常適合燒烤食用。主菜點了燒美國黑毛安格斯斧頭扒，斧頭扒為牛上肋部位，由於切成印第安戰斧狀，故稱斧頭扒。燒之前師傅會從廚房拿出斧頭扒給客人看，證明是現燒而且分量不欺人，足足有42安士，原來需要兩天前預訂的。口感豐盈，肉味濃郁，大口的牛肉跟牛脂香配合起來吃得非常痛快。大亮點是這道法式焗乳鴿，一眼看去乳鴿烤得乾身，一切開，整隻乳鴿肉的滑嫩度是真正的皮脆肉嫩，本身的野味香已經不需要另加調味醬，鮮美酥香，一試難忘。最不可思議的是這隻乳鴿才28塊錢，師傅說因為想讓更多客人試到這道巧手菜，是真的太划算了吧！今晚的意外發現更讓我感受到甚麼是隱於市的手藝。

在繁忙的彌敦道旁，一個寧靜的角落，發現了這家隱世餐廳，仿似在喧嘩的鬧市中，找到了能讓人沉澱的綠州。餐湯/蒜茸包跟餐送的餐湯及蒜茸包，一點也不馬乎。羅宋湯香濃足料，湯料大大粒吃上來依然有味道有口感，不是湯渣的無味乾爛。蒜茸是外香脆內軟綿的，充滿牛油香蒜味。法式焗乳鴿已經很久沒有嚐過乳鴿的香及美味，這次實在是一試難忘。皮脆肉嫩已經不在話下，咬落肉嫩滑而且油潤肉汁，還嚐到陣陣鴿香。餐廳現正做推介只是$28一隻乳鴿，有無搞錯！黃金雞翼雞翼炸得十分香脆，還有陣陣咸蛋香，十分惹味，內裡雞肉嫩滑有肉汁。還配有清爽開胃的麻醬沙律，清一清味蕾及增加食慾！燒西班牙伊比利亞黑豚鞍扒西班牙伊比利亞黑豚是豬肉中的極品，無論味道及口味都與別不同。一上枱就見到厚大的黑豚鞍扒上塗滿密密的松露醬，可見餐廳用料足，用心要做出最佳食物。黑豚鞍扒厚實甘香，咬落每個位置都油潤嫩滑有肉汁，濃郁松露香把黑豚香羶散發得更突出。

放工見到人少少就再入黎食上次試左羊架今次就試下其他啦見到bbq豬仔骨好似幾特別就叫下啦點知一等就等左差唔多半個幾鐘原本侍應都係話等4-5個字 點知比想象中耐好多等得黎食薯條都食飽不過最後上菜既時候係冇令我失望既未開始食就已經開始聞到好香既味道食落甜甜地口感好軟嫩 完全唔洗點醬仲好味美中不足係配菜既小番薯今日燒得太乾啦有小小焦味 不過配有好多沙律菜可以食埋感覺健康好多食完埋單老闆仲認得我上次黎過同我吹下水好親切

上星期六晚同太太去MK食飯，由於太過多人，搞到我地冇乜mood同人迫。我地人路沿住彌敦道行去油麻地果邊，結果比我地誤打誤撞既情況下去左呢間旺中帶靜既小店。間鋪個位就係中華書局後面，唔起眼的，路口有兩塊坐地水牌閃下閃下，鋪頭個招牌就好eye catching。去到果陣唔太多人，一坐低waiter就已經好醒咁拎左暖水，水果，熱湯同埋蒜蓉包黎，十分醒目。我同太太之後點左法式焗乳鴨、豬鞍同埋窩燒野菜烏冬，十分之有驚喜！首先係個乳鴨，一個字：嫩！一般我地食乳鴨，食到咁上下就會有陣"鴿"味出左黎，而且D肉會好"鞋"口，令你食半隻就夠。但呢隻乳鴨反而就冇呢件事發生，嫩之餘D肉仲好Juicy，令人好想食多一隻！第二道菜就係黑松露醬豬鞍，個豬鞍一上台我同太太就十分之興奮，因為整舊豬鞍上面都鋪滿左我地最鍾意既黑松露醬，老闆真係十分慷慨。但唔好以為咁多黑松露醬係用黎掩飾D雪藏味，因為舊豬鞍出奇地有豬味，而且出奇地Juicy，同黑松露個味夾得岩岩好。第三道就係窩燒野菜烏冬，十分大份，D料食極都仲有，岩晒我呢D食量大既人。最後waiter走之前仲送左幾舊蛋糕比我地食，我同太太都十分之滿足，之後一定會試下其他菜式

話說今日女朋友生日，諗住搵間餐廳幫佢慶祝喺油麻地接咗佢放工之後，行行下見到有間都算隱蔽嘅餐廳，望落環境唔錯啲燈火有啲浪漫feel就揀咗呢間，叫咗個幾個main course，一開始上咗餐湯同埋法包餐湯普普通通羅宋湯， 但係個法包好脆 蒜蓉味啱啱好唔會太重，雖然出餐時間稍微耐少少（ 可能嗰日坐滿人關係掛）之後上西冷肉眼扒， 有啲令人喜出望外我叫medium， 個廚師真係掌握得啱啱好 唔係幾食牛嘅女朋友都食咗半塊（特別提下， 個扒我係跟薯菜， 佢呢度薯菜嘅份量係超級多！！ ） 值得一讚另外呢個價位居然有黑松露三文魚沙律， 三文魚有微嘅煙燻味， 美中不足嘅係啲菜雖然新鮮， 但係有啲多水。個意粉普普通通， 女朋友話好食但我個人覺得麻麻地， 除咗隻蝦特別大同多肉。之後我問 侍應生日有啲咩特別嘢點知佢居然送咗個生蛋糕仔畀我哋！！應該係tiramisu嚟嘅？總括嚟講， 呢間西餐廳雖然隱蔽， 但係可以用平民嘅價位 有 ok嘅食物質素同埋舒適嘅環境

咁岩喺附近放工，又唔知食咩好，路過見到呢間餐廳，諗住用試伏嘅心態去試吓，就叫左份美國安格斯肉眼，點知一試有驚喜，肉味香又重，擺盤都幾靚，加唔少分，唔似得一般西餐廳，肉質乾又難咬，擺盤亂七八糟，食完份主菜hea左一陣，準備俾錢走人嗰時，侍應哥哥話仲有份跟餐甜品未上，食埋甜品，俾完錢仲有現金卷送番，總括黎講呢間值得一試，同埋個老闆都好好人，仲問我d嘢夠唔夠食。下次如果再經過附近，會再嚟多次，試吓其他嘢。

路過見到新開張的餐廳就來試下味道如何因為自己喜歡吃羊所以試點了羊架 結果一試驚人 晚餐本身包括餐湯，餐包，主食及甜品。蒜蓉包蒜味特出本身亦有調味，很合適夾埋忌廉湯食。本來以為意粉是放在板上的寨意粉，結果原來是分開上菜而且落了卡邦尼的汁煮成。羊架本身一試驚人，本以為以這個價錢不會吃到太好的羊架。但一試便愛上，切開有肉汁，咬落鮮嫩多汁。一點也不乾不柴，與廉價餐廳的羊架不同，這裡的羊架肥瘦適中，主要都是肉不是肥膏，配搭薄荷醬解膩十分美味。結賬還送了現金卷會再來第二次

今日喺旺角行行吓唔知做乜好，行咗一間餐廳，環境都唔錯坐落幾舒服，我見到隔離叫咗個肉眼扒，睇落個樣幾好食，所以我就叫咗個一樣都係肉眼扒，但係出人意表嘅係，依間餐廳啲扒真係好好食，肉質好好，相信依間餐廳一定係用靚嘅牛扒去製作，唔係用啲質素差嘅牛扒，有質素嘅保證，廚師煮法方便生熟道啱啱好，唔會太過熟，如果太熟會好硬，我個人認為太過硬會唔好食，今次食完都好滿意，我亦都有同店員講話好好食相信可以下次返嚟再食多一次

新店開張到現在，已經幫襯過好幾次了，除左近我工作地點，最重要係覺得呢間餐廳無論喺各方面都令我十分滿意，首先食物水準很高，環境令人好舒適，有種令人好放鬆嘅感覺，員工親切，總廚Gary 哥不時會關心客人對佢出品嘅評價，還會分享佢嘅烹調過程及技巧，感覺到佢對食物質素要求好高!尋晚係男友為我慶祝生日，他特意預訂左牛仔骨，聽聞呢個喺Menu 無架，原來有d隱藏菜單味道令人十分驚喜，外皮好脆好香，但內𥚃好嫩滑，5成熟真係無得輸簡直完美還有明太子大啡菇，好有層次感，好味道，從未試過咁嘅整法，獨特有創意最令窩心嘅就係這個生日蛋糕了，因新年假期，Gary 哥話來不及自製蛋糕，專程買了一個蛋糕🎂送上給我，很有誠意啊