日夜餐廳 (已結業)

Nights & Day 餐廳，朋友帶我到這裏晩餐，地方不太大但環境氣氛給人舒適感覺，後來聽大㕑「彭哥」稱剛剛加了聖誕燈飾，所以光猛了不少，朋友笑稱早前的光線看牌都有困難，現在反而更好。重點我發現餐廳對出品很認真，用料和烹調都用心地去做，不管是餐湯或沙拉配菜都一絲不苟，這樣給我有Fine Dinning 的細致，今天主題是牛肋骨扒，雖然花了40分鐘等候時間，但是吃過了就認為值得。我們享受一個愉快的晚上。收費合理，物有所值。個人小建議，蒜蓉包的油份控制稍加注意就完美。

行過見到呢間新餐廳，幾開揚，環境唔錯。再見到呢個法式焗乳鴿，28蚊就有一隻，一於試下先。點知見到隻乳鴿有啲被嚇親好似營養不良咁幫佢黑白製作，感覺更悲慘，似皮包骨零脂肪，肌肉量不足。我真係唔知食左咩落肚有個唔知乜醬汁比你醮，但點睇都唔係法式醬汁羅叫野飲，有蛋糕送。三件超迷你蛋糕仔，不過不失啦。我認我有港女格，可否唔好用茶記隻杯，盛戴價值三十幾蚊杯既咖啡，令到成杯咖啡cheap晒😣😣🙈🙈而呢杯所謂玫瑰咖啡，一啲玫瑰花香味都冇，反而有蜜糖味太甜了，咖啡我愛苦味多一點的。唉！真係好失望現金卷比我都冇用，我唔會再行入黎食！仲有，order左食物，唔知點解要等45分鐘先有得食。完全漏左我張單，追單追到我火滾。經理話新人多，所以出錯漏。但餐廳整體表現真係欠俸，服務和食物都待改善。作為消費者，有得揀，我會揀第二間食羅。

爸媽上次來吃了這家店，這一次經過就一起再去吃。點了上次他們說好吃的小牛肩肉和安格斯肉眼，都是五成熟，一個燒汁、一個黑椒汁。上菜前送了一盆水果，有哈密瓜、西瓜和菠蘿。吃飯前吃水果健康啊，貼心！牛排先來，五成剛剛好。牛排肥瘦適中，肉汁豐富！喜歡滑一點的肉質可以吃牛肩肉，兩個汁差不多。一份牛排跟薯菜，薯角份量很多，問老闆為什麼，原來是為了讓帶小孩的客人可以分給小孩吃，很用心！再來還有份甜品，不得了。兩層的小碟子特別可愛，有5種小蛋糕選擇。真的是一頓豐盛的晚餐！

星期二同女朋友去呢間餐廳吃飯. 間餐廳喺油麻地地鐵站行過幾個街口, 彌敦道轉入去嘅小巷,有少少偏僻,但勝在環境安靜. 餐廳嘅裝潢唔算特別, 但好乾淨, 我最怕就係啲檯面收拾得唔乾淨嘅餐廳, 但呢間餐廳完全無呢方面嘅擔憂, 喺檯面上你唔會見到任何油積或者麵包碎之類嘅野. 我點左一份五成熟嘅牛排, 略顯邊位煎得太熟, 但整體味道係唔錯嘅, 分量好足, 就算無吃曬附送嘅沙拉同飯都已經好飽. 主菜前又會奉送餐湯, 之後又有甜品, 係一個好完整嘅套餐, 而且唔收加一服務費, 性價比超高. 服務態度都好好, 感受到其實係一間有心經驗同顧客關係, 而唔係單純賺錢嘅小店.

今晚接完老婆同啊女外出食飯，約八點半左右到了油麻地一間從心開業不久的小店開餐。店內氣氛很好，位置不大但富有空間感。大廚為我們介紹不同的扒類，我們挑選了比較肉香的西冷扒及一客蘑菇長通粉。服務員送上餐前水果，餐湯，主餐加上迷你小甜品。實在是值得回味的一餐週中晚餐。星期一至五晚上特價$28的濃香焗嫩乳鴿更令人回味，外脆內軟，肉汁飽滿，一試必有驚喜！雖然餐牌內的選擇不多，但作為地區內的小型西餐廳出品可以講得為「用心製作，實而不華」

朋友飯聚～環境舒適寧靜。食物不錯 啡菇長通粉夠味道 好吃 羊鞍熟度剛剛好 夠多汁配菜椰菜仔好味☺️☺️配意粉 銀雪魚味道適中 香口好吃豬肋骨 不會太乾 肉質嫩有肉汁整體很好 值得再黎食 見其他客人食豬手 外貌吸引 下次再黎試

一間不論食物水準，服務，環境都一流既食店。頭盤西湯同蒜蓉包，片包即焗熱辣辣登場，而西湯亦交足貨用料十足，並唔係0個種一大煲為做而做既行貨。100分推介「明太子啡菇」，真係超級好味，其次係海鮮意粉，除左大大隻蝦之外，仲有龍蝦汁意粉，真係超級好味！食扒既時候，伴菜係炸椰菜芯，外脆內香，除左伴碟，亦感受到廚師既專業。餐廳裡面，你好容易會搵到老闆大廚彭哥，因為佢成日會行出黎同客人打招呼，逐枱逐枱去問客人對食物既意見，我當然唔放過讚賞炸椰菜芯伴菜既特色啦！彭哥話伴菜由開業短短一個月就改過六次，多謝客人既意見同嘗試而得到最後結論，一個細心到連伴菜細節都carry埋既大廚真係無得彈。雖然食物水準高，而且又新鮮，但價錢絕對合理，朋友食飯，情侶談心，一個人想浪漫下對自己好d，都誠意推介！

大廚肥哥哥好細心用講解係奇異果醃肉，B.B. 豬肋骨不膩，BB法燒鴿真是燒焗即叫即燒，夠juicy及有香草味！加上小小甜的醬汁點點就更開胃！竟然送一柱甜品，Donout 就較硬，下層3款好好重朱古力味，另綠色係綠茶密瓜糯米滋，總括真唔錯😋試業中有85折好抵

服務很好很細心海鮮意粉的汁很重蝦味，應該是即炒，意粉軟硬度剛好al dente桌上有芝士粉給客人加很讚肉眼扒肉味重，如果牛扒再厚身一點會更好新開張還有甜品盤送很有心的小店

啡茹上有蟹籽口感好特別，牛仔肉juice好味，服務細心，羅宋湯好多蔬菜，味道啱啱好，牛油面包好香好脆，餸湯一流，兩個人三個菜已經夠飽，試業期間仲有甜品送，飲品半價，可以再嚟!