日喜樓 (已結業)

日熹樓由灣仔搬到銅鑼灣V Point，並改名作日喜樓，主打新派中菜，新開張試業期間有85折優惠當然要試試啦～扶手電梯落B1層，裝潢優雅環境闊落，餐廳還有房間可以包廂。入座後店員便附上電子Menu和茶水，我們點了清熱解毒的菊花茶～很快就上了前菜手拍小青瓜和酸辣海參羹。手拍小青瓜清甜爽脆，很醒胃的一道涼菜酸辣海參羹，湯羹蠻多料的，酸辣鮮美，加了富營養的海參可以在這個春日滋補一下這客是七里香醉乳鴿，醉雞吃得多醉乳鴿倒是第一次吃。原隻上的乳鴿肉質很柔嫩，鴿肉充滿濃郁酒香非常入味，味道甘香醇厚這個爆汁牛肉餡餅很推薦！外表圓滾滾很樸實，咬開入面豪邁的湯汁多到會噴岀來哈哈外皮煎得酥香，牛肉內餡鮮嫩多汁，整個非常惹味主食點了醬炆燒羊架，賣相十分精緻，看著已經覺得很吸引，甫上菜頓時有陣孜然香味彌漫開來羊架的外皮燒得極為香脆，而羊肉則鬆軟香嫩，肥瘦均勻，一層脆皮一層嫩肉口感豐富，色香味俱佳的一道菜甜品是香糯擂沙湯丸，大粒香軟的糯米丸子均勻地沾滿黃豆粉黑芝麻內餡盈香撲鼻，煙韌香甜的湯丸很好吃哩食物服務都很好，店員十分主動加茶和換碟，值得一讚👍🏼

從來未試過寫食評，今次真係忍唔住，伏到不得了。星期六晚7:30pm去到，成間餐廳只有4枱客，已心知不妙，話晒係銅鑼灣黃金地段。其次係個價錢真係好貴，百碟宴價錢$4688 一圍+ 每位$12 茶錢再加一，雖然試業期間有85折，但係我接受唔到比成$4500食d甘野。食物方面，聲稱有100碟，共50款菜，但每款菜其實只有dd, size好細，配菜多多。涼菜有成3x碟，但蔬菜為主，醉雞放酒太多，牛展亦唔覺好味。跟住上熱盤，分量少到好似d餸頭餸尾，佢話即煮，亦唔見熱。蝦碌一碟有2粒，但個粉漿應該大過個蝦球。辣子雞同KFC的炸雞粒有得fight. 水煮牛肉，水煮豚肉一d味都冇，又冇色。點心一碟都有2件，但皮厚餡料極鹹。甜品簡直不知所謂，雷沙湯丸d皮極厚，高力拔絲香蕉的香蕉只有細細片。成晚我只係食左好多味精，小朋友完全冇野啱食。我覺得我所比的錢大部分係用來比租金同比阿姐洗碗。

難得約齊人終於可以嘗試挑戰百碟宴！雖然我唔食辣野，但都有我喜愛的小碟，麻辣雲耳、醉雞、涼拌海蜇、宮保蝦球、黃金蝦、蔥爆牛肉 （重有其他未寫得哂 🤣）第二輪，春卷、蔥油餅、韭菜餅、牛肉餅 都好好味 😋😋 一定要留返個肚食第三輪，桂花糕，豆沙鍋餅，高力豆沙 😂😂