新齋橋 (已結業)

一人食店越開越多其中燒肉店更甚!!燒肉無需再呼朋引伴一人只身都可前往~最近發現觀塘亦有一人燒肉店而且日式燒肉!!個人認為調味會更貼合港人-牛舌定食包沙律、味噌湯、一碗白飯（不是任添）、一罐汽水及雪米糍環境及配置十分友好木台有卡位剛好卡實托盤燒肉調味時不怕盤會到處移動爐就在面前　可調節火力調味料亦足夠　可根據個人口味調整~-十分欣賞按壓式的黑胡椒十分吊味之餘燒肉時使用亦很方便控制用量牛舌質素不錯　有咬口亦有牛味當然燒肉亦十分考個人技巧新齋橋的爐不容易燒糊火力容易控制-整體環境寬敞　設有獨立房間餐廳分開兩邊　一邊提供燒肉　另一邊則提供和食不過抽氣可以再加強~

朋友介紹到新齋橋，位於觀塘駿業街58號電訊數碼大樓1樓。 開業不久， 店內以日式風格設計為主，環境舒適寬敞。 餐廳主打一人日式燒肉， 用qr code落單， 我點了兩款定食🍱，特上美國西冷扒定食$168、 極上牛小排定食$98， 定食已包括有白飯、味噌湯、野菜、沙律、是日甜品和汽水。 🔸特上美國西冷扒定食🍱 ～ 西冷扒定食是餐牌上最貴價格的， 輕燒起來味道香濃， 肉質呈粉嫩顏色， 肉汁juicy， 每一啖都有濃厚的肉味， 餐枱上提供三款不同的燒汁， 有原味、蒜味和辣味， 可迎合客人不同的口味。 🔸極上牛小排定食🍱 ～ 肉質結實，油花豐富， 口感軟腍， 我喜歡配上蒜味燒汁一起吃，令肉味更加提升。 整體而言餐廳各方面做得不錯，觀塘又多一間 性價比高的日式燒肉店了☺️。🏷️溫馨提示～ 整個用餐體驗均屬個人分享意見， 只作參考😊。

話說本身想食龍鳳號，但係咁啱見到經過呢間新店燒肉再加有得食壽司咁就想試，點知真係中伏到…雜錦丼用料我覺得完全同喺爭鮮食布分別…有一次喺爭鮮試過自稱中拖、定係唔知吞拿魚，成口冰，好腥，而我呢個吞拿魚完全就係爭鮮食過嘅完全一樣，只係解凍版本個蝦同埋吞拿魚腩感覺俾人真係好似好平嘅貨色…重點來了，呢個湯清到好似水咁樣嘅，雞白湯拉麵個湯底應該真係用啲味粉求其溝一溝，莫講話雞味最有趣嘅係佢個面100%唔係拉麵，係唔知邊度買嘅幼面，腍啤啤…加埋佢個白烚雞胸，我都知道出面雞都係流行白烚，但係加埋啲面共同埋個湯底，有種食緊健康餐嘅幻覺🥹🥹最後講講個價錢，原本佢Menu係收緊出邊好似一般拉麵百幾蚊嘅，但係佢全張單打左個類似新店優惠，比左$164，但係感覺都唔值得…所以呢間舖最多都係隔離食燒肉啲人，壽司真係差唔多完全冇人因為我冇即時寫OpenRice，冇得以最清晰嘅狀態upload啲相，但係我都係影返我自己啲相，所以真心冇假，大家真係可以認真參考！不過我諗最過分真係連拉麵個面底都慳，我諗呢間舖都😀

新齋橋行開觀塘見到呢間一人燒肉新開同男朋友都幾鍾意食一人燒肉 就去試試佢😍入到去發現地方好大，座位都分得幾開，環境幾舒服💛 極上牛小排 100g $98 （圖二)就咁望落去已經覺得油脂分佈得好靚😍套餐包左飯、沙律、湯、汽水、甜品，更加完整😋牛小排燒出黎啱啱好，脂肪食落都唔油膩💛特上美國西冷扒 150g $168 (圖三)一上到黎覺得份量都幾多，好大塊😍西冷扒好重牛味😋 見佢脂肪多但燒完食落唔油膩一樣有飯、沙律、湯、汽水、甜品，個湯一啲都唔求其(圖六)有埋甜品真係好滿足，食到好飽呀！價錢：$266 (二人）⭐️⭐️⭐️評分：8.5/10⭐️⭐️⭐️#即日食即日打系列📍新齋橋 (觀塘)觀塘駿業街58號電訊數碼大樓1樓

喺觀塘返工嘅打工仔有好消息啦，新開左一間間有日式燒肉又有定食嘅餐廳，環境寬敞，食燒肉唔會好大浸油煙，仲有孤僻位可以一人自己燒燒肉套餐由$68至$168，已經包埋、白飯、沙律麵豉湯和汽水特上美國西冷扒($168)有150g，自己燒生熟程度自己控制，已經幫你切埋有八件一定夠食，一開始一定要用大火燒，鎖緊肉汁。肉質有彈性，肉味濃，脂肪分布平均。調味方面，有原味和香辣燒汁，不過牛扒本身有鹽調味，我覺得已經好夠香食到尾，仲有綠茶糯米糍做甜品

呢間餐廳位於觀塘樓上鋪,好大間環境光鮮,每個位置都放左一個爐同餐具響自己位置前面,座位好闊落,都好岩一人自私食既地方,呢間餐廳要自己先用QR CODE落單同俾左錢先,之後店員就會跟據客人落既單去送餐到客人既位置上面,餐廳送餐速度好快客人唔駛等好耐就有得食,我地叫左一份西冷扒燒肉定食餐,店員已經幫我地切好一片片方便燒,而西冷都好厚切,肉質比較厚同有濃郁既肉味,咬落好香口,油脂唔算好多同好肥,但肉味就好香,仲可以跟據自己口味加入胡椒粉同唔同既醬汁去提升肉味既層次,另一份我地叫左極上牛小排,牛小排油脂比較多同薄片燒既時候比較易熟,口感就薄切但都好香油脂分布都算平均。

真係多謝一人燒肉嘅發明家😂因為方便又快捷，一份燒肉配有沙律🥗同麵豉湯飲🫶🏻仲有埋飲品同雪糕糯米糍食，真係好啱我！今晚係觀塘發現咗呢間燒肉店，大間又坐得舒服😳我哋一人嗌一份，分別係牛舌芯同西冷牛扒🥩，先講牛舌芯，八塊大大塊，解凍已經做得好好，放上爐每邊燒一陣就食得，肉質爽彈又有肉汁，好食😋而西冷牛扒大大份，肉質鮮嫩多汁，最正係自己掌控火喉，燒得剛剛好，正呀❣️座位仲有各種調味料🧂，果隻燒汁醬好好味🤤如果鍾意食辣味，仲有隻辣味燒汁，好不錯👍🏻食完仲有雪糕糯米糍，真係好豐富，而且價錢優惠，非常抵食❤️

駿業街有一間新開幕嘅一人日本燒肉店，去到電訊數碼大樓就會見到一條私家電梯，直上就見到架喇。估唔到店舖面積咁大，目測有超過100個座位。今日嚟試咗兩個燒牛肉套餐，套餐配麵豉湯、沙律同埋罐裝飲品，我哋揀咗蘆薈汁同埋黑糖薑茶。如果唔食牛，可以揀雞肉或者豚肉。🐮極上牛小排牛小排肉質厚實軟嫩，油花細緻，分佈均勻，滑而不膩，口感好豐富👏🏻🐮特上美國西冷扒 西冷扒係呢度最貴嘅套餐，亦即係最高質。西冷肉味較其他牛隻部分濃郁，食落味道香濃，肉色呈櫻桃般的色澤，輕輕一煎已經肉香撲鼻。🛎️必試指數：8/10🔆

平時我哋都會周圍去觀塘搵嘢食，食得西餐多!! 今次想食下日本野! 咁岩就有間思鄉情好重既心齋橋(新齋橋) ! 一於要去試下日本燒肉😂😂一入到去環境都非常闊落! 好多座位- 仲可以一人有一個燒烤位置🤭自己想燒乜嘢就燒乜嘢～ 唔駛同人迫😆😆😆我哋就一人叫咗一個燒肉套餐試一試！因為我實在太鍾意食牛🐂 所以就叫左極上美國西冷扒 ($168)同極上牛小排（$98) 試一試套餐包咗麵豉湯+ 白飯+牛肉+沙律+嘢飲+ 小甜品都幾豐富下～ 一個人食既晚飯都足夠到餐時就可以開始自己燒下肉啦😆可以慢慢燒有時就係好享受燒嘅過程～ 仲可以一人一爐～ 慢慢燒自己鍾意幾成熟都得都幾過癮！仲有醬料可以自己隨便落~最後仲有小甜品送番😍😍😍

✨ This hidden gem offers the best of both worlds! 🔥🍣 Indulge in their sizzling yakiniku and authentic washoku dishes.🥩 The yakiniku set menu boasts 8 mouthwatering options—beef, pork, and chicken—allowing you to customize your feast. Add-ons are available too!  The set includes comforting miso soup, fluffy steamed rice, crisp vegetable salad, refreshing drinks, and a delightful dessert. 🥗🍧🍽️ We enjoyed the tender beef chuck tender set and the premium beef ribeye set. Absolute perfection! 😍🥩The ri

📍 新齋橋 Sunsaibashi🌍觀塘駿業街58號電訊數碼大樓1樓 1/F, Telecom Digital Tower, 58 Tsun Yip Street, Kwun Tong📝整體評分：７／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝勁大個場，一邊是和式料理；另一邊是一人燒肉，裝修走簡約無印風格。▸ 特上美國西冷扒燒肉定食◂ ✿ 西冷扒耐嚼，而且肉味較香濃▸ 極上牛小排燒肉定食◂ ✿ 牛小排質地柔軟，鮮嫩多汁～☹ 爐火相對比較慢，要調到好高先滿足到我呢D心急人士最後有甜品，雪糕糯米滋~

今次去日本旅行都唔係食咗好多美食,燒肉都係食咗一次咋....所以男友返到嚟都有點投訴,話要再食喎 好彩香港係美食之都,咩菜都有得食,仲要近近地起我們家附近的觀塘就食到日式燒肉好多人都知我是小鳥胃,所以放題就一定唔啱我,一人燒肉而家又好hit,大家可以選擇自己想吃的,又啱哂香港人嘅速食文化各自點了一份餐,雖然套餐得8個選擇,但牛豬雞都有齊,所以適合所有人口味至於牛魔王嘅我倆,就點了一份特上美國西冷和極上小牛排每份套餐都包含味噌湯,米飯,野菜沙律,是日甜品和飲品,全包仲要免加一其實套餐以外,仲可以追加食物的,大胃口的朋友不用擔心呢度空間感都幾大,落單是用QR Code的,落完都幾快上菜一人燒肉唔使照顧別人,係食得開心的兩份牛嘅色澤都唔錯,小牛排有十片,都唔叫少西冷係扒嘅厚度,肉質好嫩,兩份都推介而佢嘅味噌湯都好多料,熱辣辣又唔會太咸,好正!野菜沙律都係新鮮的,仲伴埋芝麻醬,好開胃最後是日甜品是雪榚糯米滋,都好過d唔知咩甜而唔好食嘅布甸/小蛋糕缺點係食完都有陣油煙味,建議通風系統可以再強一些

天氣凍左就很想食熱辣辣既野食, 煲仔飯, 火鍋。係觀塘接朋友收工, 順便係附近食, 搵到一間食燒肉的。一上去全部的單人位已經滿了, 我同朋友就坐雙人位, 對著坐, 傾計會舒服D。我們各點左一個定食:極上牛小排100g定食 $98牛板腱肉100g定食$98定食包左100g 的肉, 味噌湯, 沙律, 飲品同甜品。肉既份量不算少, 色澤也不錯。自己燒就可以控制熟成度, 剛燒好既肉配上一口熱飯, 滿足。 燒完肉質唔柴, 特別係牛板腱, 由於是薄切, 所以不用煎太耐, 食落係有咬口既嫩, 加少少黑胡椒更加香。甜品係小雪糕這家店的裝修乾淨, 都係行無印風, 通風都做得幾好, 至少食完出去, 身上唔會有味。職員的態度都好好, 下次可以再去。

📍新齋橋🇭🇰 觀塘駿業街58號電訊數碼大樓1樓個日同朋友講起好耐冇試過日式燒肉佢推薦呢間比我我都係第一次食呢種一人燒肉雖然話係每人一個爐 不過佢地方好大可以容納大檯嘅客人 同場都見到有幾台5-6人！佢係做定食 價錢都唔貴好ok仲要唔洗加一！定食跟白飯、沙律、麵豉湯想讚佢個白飯🥹🥹 係好味嘅飯😋 特上美國西冷牛扒定食 $168都頗厚！本身見佢唔算好肥 仲驚佢會好鞋但又唔會喎 好淋！😋 極上牛小排定食 $98相對嚟講我會鍾意呢個多啲首先抵食啲！第二就係我鐘意呢種肉質油脂分佈均勻啲薄切 入口即溶牛香味 好食

🔸極上牛小排定食 $98🔸牛舌芯定食 $98叫左2個定食，咁就有2款牛，可以同朋友share食。定食套餐已經有齊沙律，味噌湯，汽水同白飯牛小排既脂肪比例幾好，的雪花紋均勻，未燒見到賣相都已經幾吸引，一份都有13 14片，牛既熟度可以由自己控制，入口肉汁鮮嫩，牛脂濃郁不膩，而且分量幾好👍🏻。 牛舌心一客有8片，係有厚度既薄切，食落爽口同好香牛味，而且唔油膩。燒完除左原味咁食，仲有3種汁(香辣燒汁，蒜味燒汁，原味燒汁)同黑椒可以自選，一定有一款啱你心水。食完之後仲有迷雪米糍做甜品，完滿。**肉類係可以追加既，不過我就無啦，留返下次