新齋橋 (已結業)

行過見到呢間新開，就去望下，電梯上一層就係，原來餐廳都幾大，地方寬敞，座位好多！主要分兩邊，一邊係食壽司刺身，一邊係食日式燒肉。燒肉係時下最興嘅一人燒肉，一人一個鐵網面燒爐。新開環境都幾乾淨，一d油膩油煙感都無。職員好熱情有禮，座位上面有QR code自取點餐，亦有wi-fi提供。每個位旁邊都有一set豉油、bbq汁等等醬汁，唔使飛象過河咁拎醬油，呢樣值得一讚❣️點餐方面好簡單，有套餐選擇，每個餐都有齊白飯、味噌湯、椰菜沙律及飲品。🥢🥩特上美國西冷扒定食豪一豪點最貴既餐，不過所謂最貴都係講緊$168。有少少油脂位，燒落去已經聞到好香，肉味算濃，肉質嫩滑。🥢🥩極上牛小排朋友嗌左呢個,$98牛都好食，油花都好靚，但比較起黎係比西冷扒薄。原來最後仲有甜品！係一粒雪米糍，唔知係咪雪得唔好有d硬。but anyways, overall黎講，觀塘區附近好似都無乜呢種性價比高既一人速食燒肉選擇，想食燒肉既話，可以一戰！

地方: 闊落夠大，光猛，有房提供，啱晒一大班朋友聚會，職員都好欣勤有禮👍🏻🔥兩個都係Set，包左前菜沙律，味噌湯、一碗白飯，汽水同一件小甜品(雪米糍)。我本身都算大食，呢個份量可以話剛剛好。如果再大食D，都可以追加其他美食。🥩極上美國西冷扒～$168西冷份量算大塊，因為都夠厚身，少少肥膏，而我本身都係偏向半生熟，所以個爐火夠勁，燒一燒兩面，好快就食到牛味豐富，肉質都讚好嘅西冷。 🥩極上牛小排～$98呢個真係算性價比高，牛小排脂肪比例唔錯，唔會好肥個隻，都係個句，鐘意半生熟，快速烤一烤兩面，D油脂味都出晒黎，肉質嫩口，送飯真係如虎添翼。❤️不得不讚個碗白飯，唔知點解佢煮得真係好好食😋而家諗起都流緊口水😆

觀塘新開既燒肉店，環境好大而且抽煙做得好好，就算1人去都唔會尷尬，位置分區幾好，menu有8款唔同牛既部位，唔夠仲可以加錢追加，價錢唔貴，而且肉質質數幾高質。極上美國西冷扒定食，色澤紅潤，邊位帶點脂肪！牛既肉質嫩滑，帶有淡淡的香氣，每一口都充滿濃郁的肉汁，口感豐富，肉質有嚼勁，咀嚼時帶有微妙的彈性。質數夠高！極上牛小排定食：味道濃郁，牛小排肉質鮮嫩多汁，相對上比較薄，所以做到入口即化，帶有獨特的牛肉香氣，口感鮮嫩滑潤，咀嚼時肉汁四溢，令人回味無窮。跟餐有湯，沙律，汽水！性價比夠高

行過觀塘見到大廈樓下show咗個一人燒肉bander, 見到價錢好吸引，幾十蚊就可以食到燒牛肉，所以上去試一試。上到去見到裝修幾靚，係新開張嘅日式餐廳，佢有分2part,一邊係食定食，另一邊就係食一人燒肉，睇睇餐牌都幾多款式嘅肉可以選擇，我地就叫咗2個餐試試。特上美國西冷牛排，塊牛排都幾厚，食落牛味都幾重，都幾嫩，一d都唔韌。極上牛小排，每塊牛嘅脂肪都好均勻，食落好juicy。每個餐都跟，沙律飯，麵豉湯，汽水同甜品。，所以都幾抵食。

#電訊數碼大樓 又有新餐廳進駐 今次有 #日本燒肉 😋最開心係而家有 #試業優惠 好抵食🤑神枱Early Lunch Time or Late Lunch 去仲有9️⃣折 8️⃣折最推介嘅當然係 #燒肉套餐 #YakinikuSet 有8️⃣款怕唔夠食🤭仲可以追加 套餐有 #味噌湯 #白飯 #野菜沙律 汽水➕甜品#味噌湯 好濃郁 而且仲有海帶 豆腐 魚糕 #野菜沙律 係 胡麻醬➕粟米➕車厘茄➕沙律菜唔想食白飯 仲可以 +$32 要 #日本生蛋 或 #溫泉玉子 #木魚紫菜飯 #極上牛小排 #PrimeKarubi $98脂肪比例唔錯 雪花紋都好均勻 入口肉質嫩口#牛板腱肉 #OysterBlade $98肉質偏瘦 切成薄片 令口感更好牛味比牛小排出燒肉有三款醬汁 #蒜頭豉油 #BBQ醬 #辣味噌醬 有share table 同單人吧枱Share table二人一爐#無火煮食 要發熱線燒 所以油煙少好多再加上爐頂就係抽氣扇 食完都唔會成身油煙味😌但變咗冷氣好凍😅最後 #是日甜品 係 #雪米糍

餐廳提供左多種選擇有吉列炸物、燒肉、壽司、燒物、涮涮鍋多種選擇…..多都數唔完午餐更加有平價選擇 觀塘是靚午可以諗諗一大班同事去到每人食唔同野都得✨特上壽司10貫定食 $298坐左係壽司吧枱 睇住師傅係前面即切味道不錯 醬汁較淡 ✨吉列大盛定食 $168份量好多 有吉列豬 吉列蝦 吉列蠔吉列蝦同吉列蠔都好大隻 啖啖肉炸皮好脆 吉列豬都好大塊配左沙律醬同沾醬✨兩個定食都分別配左麵豉湯 沙律 茶碗蒸茶碗蒸非常滑溜 同好足料 麵豉湯有豆香 但唔會太鹹

係觀塘附近行街上次係電訊數碼食過見到有間燒肉好多人排隊新開張又有優惠一百元內有燒肉食好經濟實惠每一個套餐都有沙律/罐裝汽水/雪米糍❤️極上牛小排牛小排有牛味每塊都好瘦唔會有肥肉牛小排數量都唔少以為$98會唔多食完都好飽❤️特上美國牛西冷牛西冷都幾厚身幾大塊同牛小排口感不同食落實在d好有咬口店內既BBQ醬配肉食好正而且好好送飯新張期間下午茶時間仲有折扣當晚都好多一家幾口去食好多小朋友都食得開心十分經濟實惠唔洗話一個人要食幾百元大家經過都可以試下💁‍♀️新齋橋 (觀塘)👣觀塘駿業街58號電訊數碼大樓1樓

駿業街熟食市場對面既電訊數碼大樓，新開咗間日式餐廳，有一日前燒肉、定食同Sushi。裝修都ok,座位都闊絡舒適。套餐包埋茶碗蒸，剌身飯，麵豉湯，同埋沙律。剌身就叫咗海膽、三文魚子同吞拿魚，剌身份量都唔少架，吞拿魚都好厚，總共有四塊，海膽都唔會得一兩舊，三文魚子都放滿成個corner. 好滿足！！朋友就叫咗個鰻魚飯，個汁唔會太濃，蓋過本身鰻魚味。再加埋蛋碎，讚啊！其他枱既食客都有點炸物同天婦羅，下次可以再黎試下。

愈嚟愈多一人前燒肉店出現 出開觀塘搵食 行過見電訊數碼大樓多咗間食燒肉嘅店 我咁鍾意食燒肉埂係去試試 而且價錢唔貴 叫咗2個餐同朋友share 嚟食 新張期間仲送汽水同雪米糍🔸️極上牛小排 100g $98 油脂分佈好平均 肉質軟嫩 有入口即溶嘅感覺 薄薄地好快燒到金黃色脆脆哋仲好味 🔸️特上美國西冷扒 150g $168牛肉味濃 西冷扒大塊 帶少少肥膏 入口有油香 相比之下西冷扒比較有咬口 🍽新齋橋觀塘駿業街58號電訊數碼大樓1樓

經過見開左間#新齋橋， 個名咁日式嘅，一於今晚收工去品嘗下美食先。原來餐廳分了有#和食 同 #燒肉 ，我哋就選擇食#和食 ，晚市有多款定食可以選擇，定食套餐包了麵豉湯、日式海鮮蒸蛋、主菜同白飯。跟朋友都點了吉列大盛，有齊我地都想食的吉列鹿兒島黑豚、吉列廣島蠔和吉列虎蝦，不同滋味一次過滿足3個口味。即叫即炸，炸到金黃色，外酥脆內柔嫩，肉汁同口感都豐富， 食到唔停口，超級惹味! 現餐廳在試業期間有9折❗️下午茶則有85折，另外會再送上日式海鮮蒸蛋❗️經過路過都唔好錯過囉☺️。

今次係官塘上班一族又可以大飽口福啦！係官塘電訊數碼大樓1樓新開咗一間新嘅日本料理店， 裝修簡約清新，而且有獨立房，地方非常大同舒適，可以約埋一班好友一齊去。今晚就同朋友去試下餐廳嘅晚市嘅定食，分別有刺身丼定食、日本料理定食，仲有Shabu Shabu同燒肉！😍蒲燒鰻魚飯 - 定食定食包含了沙律、主食、湯和茶碗蒸，非常豐盛！非常欣賞茶碗蒸，吃起來非常鮮甜，口感香滑！蒲燒鰻魚飯份量十足，燒汁分量足夠配飯食！鰻魚邊燒得焦香，非常軟稔可口！吞拿魚親子海膽丼 - 定食定食包含了沙律、主食、湯和茶碗蒸，非常豐盛！喜歡吃吞拿魚的朋友們，不要錯過！吞拿魚刺身顏色粉嫩，口感柔嫩滋味，海膽亦都有兩款，同樣入口即融，非常新鮮！粒粒魚子飽滿又香口，配珍珠米飯吃一流！另外見到佢哋嘅午市定食，性價比非常高，搵日再係午市時段食吓！😆

餐廳係新開張，位置好多，坐得好舒服，而且職員好細心好有耐性，值得介紹朋友嚟食。特上壽司10貫定食🍣刺身質素非常好，魚生新鮮，海膽鮮甜冇腥味，用料上乘！拖羅無筋入口即溶，超推介😍呢款定食仲有沙律、茶碗蒸、麵豉湯，夠晒豐富！黑毛和牛A4西冷涮涮鍋🍲平時會話實物與圖片不相符，但估唔到今次竟然係實物嘅牛肉係比圖片優勝咁多！未試過油脂咁平均，一啲都唔鞋嘅A4和牛西冷，簡單灼兩下已經食得😋除咗牛肉之外，仲有野菜盛盒，入邊有各式各樣新鮮嘅蔬菜，仲有滑捋捋稻庭烏冬，同樣地都有沙律、麵豉湯同茶碗蒸，嗌兩份定食同朋友share食就最適合不過喇！

👩🏻👦🏻放假去咗觀塘新開嘅日本菜。佢哋啲一人燒肉幾抵食。定食包晒肉類、沙律、白飯、麵豉湯、汽水。個爐好夠力，而且唔易痴底。✨極上牛小排定食 $98呢份有100克牛小排。肉味濃郁，唔使加汁都好食。而且肉質都好柔軟！✨五花豚肉定食 $68呢份有100克五花豚肉。豚肉燒耐啲口感脆脆地，而且一啲羶味都冇。枱面有幾款sauce。配ginger sauce味道好夾。📍新齋橋 (觀塘)觀塘駿業街58號電訊數碼大樓1樓

觀塘新開燒肉店，除左燒肉仲有定食選擇..新開張鋪頭仲有優惠，價錢都好吸引👍🏻地方大，同隔離枱都唔會太近中吞拿魚腩海膽三文魚籽丼定食($268)-海膽，三文魚籽鮮甜，仲有幾多三文魚籽-吞拿魚腩入口即溶🤤-仲包茶碗蒸，沙律，湯吉烈大盛定食 （$168）-有蝦，豚肉，炸蠔-豚肉彈牙，食物都係即炸 -包茶碗蒸，沙律，湯定食同燒肉既地方係分兩邊，唔洗驚會成身燒肉味走🤣燒肉店員都話雞肉，五花豚最多人揀，下次可以再試

見到觀塘新開咗一間燒肉店，依家試業期間仲有8折優惠，就拉埋朋友去試下😆我地分別叫咗兩個套餐share，套餐入面有包括沙律、白飯、味增湯、甜品同汽水🥤而且提供三款醬汁，我同朋友都鍾意蒜汁同埋辣汁😚*牛舌芯燒肉套餐 $98牛舌好味👅因為火候都夠猛，所以快速雙面燒一下變色就食得～同埋因為火候夠猛，燒嘅時間唔洗太耐，所以唔會overcooked，有彈性得黎唔會太韌🤤*極上牛小排套餐 $98牛小排對比牛舌芯就失色咗少少，相對冇咁軟嫩同埋牛味冇咁香，不過呢個價錢黎講絕對係抵食，cp值好高🥰而且每塊切得薄，所以都好容易燒👍🏻*甜品甜品係雪米糍，入面仲有夾心添😽