新麻蒲 BBQ (波斯富街) (已結業)

👭新麻蒲 BBQ (銅鑼灣)👭午餐時段竟然做到下午6點，而且仲有買3送1優惠，可惜38得兩丁友，用唔到個優惠，下次一定集齊四隻腳一齊食😤一坐低店員隨即送上五道小菜，最有驚喜係連腸仔都有🤣本身有考慮過2個人食4個餐，不過見有咁多小菜就即時打消念頭🤪1⃣全州牛肉拌飯 $72拌飯食材好豐富😍有紅蘿蔔、芽菜、節瓜、洋蔥、冬菇、菠菜、牛肉同雞蛋。每種食材都有用水煮過&加入麻油。韓式辣醬係另外附上，可以自由調整辣度👍🏻不過38比較鍾意韓國正宗拌飯，因為佢地唔會將蔬菜類煮過，所以食落仲有爽脆感❤2⃣牛胸肉大醬湯 $72牛胸肉粒雖然較少，但個湯好夠熱，而且都有大量菜，大醬味都算濃，食到中後期都仲有暖暖的溫度，送飯一流🤪跟餐飲品方面叫左杯天藍色既檸檬汽水同凍柚子茶。兩者都無咩特別，檸檬汽水唔會過甜同重藥水味，柚子茶方面38都係鍾意飲熱既多啲😬推薦度：7/10🏠銅鑼灣波斯富街24-30號寶漢大廈2樓🕐Mon-Thu 12:00noon-00:00am Fri-Sun 12:00noon-11:45pm Public Holiday 12:00noon-1:00

去開韓國旅行，食到條脷非常挑剔。今次試銅鑼灣站一出就見到嘅韓燒。心諗：地段咁優越，冇咁上下質素都唔會站得住腳。叫咗個$588套餐齋睇都覺得好多嘢食。點知原來免費前菜都幾大碟，我地2條女，其實唔會食得哂。終於上齊菜，其實都幾大滿足，基本上你想食嘅韓國嘢都出現晒。咁但係又講真呢個價錢，咁多嘢食，你都唔好期望啲食物質素好高級，都只係叫做正常囉其實可以當放題咁食，唔好期望食靚高級韓牛，當自己係滿足個胃而非滿足條脷，咁你會食得好開心

呢日帶埋媽咪去一嘗朋友推介的「麻蒲」，依間舖主打韓式烤肉，各位肉食主義者不妨試試。當日我哋就叫左個「三食套餐」、「海鮮蔥煎餅」。前菜都係平時常見嘅泡菜、海帶、芽菜、沙津等等，不過味道唔錯，但係對好辣嘅朋友嚟講就差咁D不過不得不說，嗰度嘅烤肉真心好食！我哋當日嘅三食套餐包括水原霜降牛肉、水原牛肋排同牛仔骨。每一款食落去都好好好juicy，三款入面牛肋排係my favourite，點醬食，包生菜食又得，就咁食都得，得咗。食左咁多肉都要食返啲菜清清口先，個海鮮蔥煎餅都真心唔錯，作為一個唔太鐘意食蔥食韭菜嘅人，我都忍唔住食多咗幾舊。另外不得不提依間舖頭嘅另一個特色，就係佢地個無限量泡菜煎蛋。職員會喺開爐嘅時候喺爐邊嘅坑入面加上蛋醬，等到食到咁上下啲蛋都食得架啦，全熟又得、半熟流心都得，睇自己口味啦，食晒仲可以叫職員再加蛋醬添。以價錢同質素嚟講依間舖都幾高，間唔放肆食返餐都係個唔錯嘅選擇！

又來到晚餐嘅時間，我好興奮，因為要出發去食好西。今晚有朋友一齊食，所以可以一齊分享試多啲款。喺灣仔呢頭真係有好多選擇，我哋今晚想食多啲肉，而韓式不嬲都係我哋最鍾意嘅菜式。所以我哋就揀咗呢間餐廳，即管試吓佢嘅牛夠唔夠正。我哋坐低店員已經俾咗好多免費嘅小食比我哋去食，當然唔少得有泡菜，昆布，同埋其他唔同嘅沙律菜。啱晒我哋食肉得來又要健康。小食係有得refill㗎。我哋就叫咗款牛肉，一邊食小食一邊等大概8分鐘左右就黎到啦。同場都有爐端蛋食，唔錯。size適中。即刻燒，唔使全熟啦梗係。食落口幾淰喎，有牛味，都唔錯。再叫多兩碟先！我哋係咁食。最尾梗係食飽啦。另外值得一提呢度啲店員服務態度都唔錯，餐廳環境都算乾淨，不過個廁所係可以改善。

夜晚收工嚟咗銅鑼灣呢邊食飯見呢排好耐冇食燒肉所以就揀呢間啦除咗一般韓燒有嘅小食（即係泡菜、芽菜之類）之外，佢仲有一盤都係可以無限任添嘅沙律，呢個沙律幾清新幾特別，因為用咗芝麻醬，完全係中和到食肉嘅油膩好啦，食完沙律開晒胃之後就可以瘋狂嗌肉喇！近排做緊呢個優惠，叫餐嗰陣出現咗啲唔會，因為我哋以為佢講呢一個優惠價嘅條件話要3份肉以上先可以有優惠，原來呢三份係要同一隻肉，而唔係散嗌三份唔同嘅肉就得。咁所以我哋都果斷叫咗三份牛肋排。牛肋排脂肪分布平均，而且味道都好好，值得一睇嘅係佢冇多餘嘅醬汁醃料掩飾，只係好簡單咁灑左少少蔥花，突顯肉味係咁肉肉肉食到厭，所以嗌多咗個飯送下！好得意個碗蓋有個福字！另外仲嗌多咗個炒粉絲，好香麻油味，蛋絲都好軟滑，牛肉略微老左少少，味道帶甜，令人食完一啖接一啖！

今日放左學約左男朋友食lunch🥰暑假剛剛去完韓國食完幾餐燒肉，返到香港都無再食過喇🤢所以今日lunch就去左銅鑼灣嘅新麻蒲BBQ，係一間正宗韓國燒肉店🤩入到去地方都幾大下，每張枱都有一個燒烤爐。店員安排一張四人座俾我地，然後發現呢到有幾位都係韓國人，而且識得講幾句廣東話好可愛🥰好似真係嚟左韓國咁😬由於今日係星期一，佢有特別優惠-$168仼食新麻蒲五花肉同牛肋排兩款肉，仲附送三款滋味醬添，有韓式辣醬、香蒜醬和芥末醬。但呢個優惠只適用兩位或以上，享用90分鐘，我同男朋友都算大食，所以諗住叫呢個星期一仼食。下單後，店員會陸續為你遞上前菜，有黑芝麻醬沙律🥗，我覺得味道好得意，好重黑芝麻醬，但又帶有酸酸甜甜咁好開胃！然後有海帶，男朋友超喜歡呢個，話海帶夠哂酸！仲有洋蔥、芽菜和絕對唔少得嘅泡菜🤤🤤🤤呢到嘅泡菜就岩哂我口味！好重蒜味！包生菜同肉食超級正！主角嚟喇！店員係用三層盤分別裝住蔬菜(有冬菇、脆肉瓜、金菇仲有大菇)、牛肋排和五花肉，食完可以向店員refill😻店員首先幫我地換個燒烤板，爈邊仲fill滿哂蛋醬😍嘩！個五花肉好有肉感，燒完啲肉汁仲鎖住係裡面啊，入口啲肉汁即刻bit出來！點埋佢俾果

食BBQ韓燒最怕大油煙，又坐得迫同嘈，食到周身吾舒服。黎新麻蒲bbq就完成無呢個問題，因為呢度樓底夠高，抽風強勁，環境乾淨企理。一坐底，店員就二話不說放底四五碟前菜。青瓜絲切得幼，加上少少韓式辣醬，就咁食或襯燒肉食都得。呢度當然有泡菜。雖然吾知係咪自家制，但味道真係幾好食。小小辣，小小酸，白菜爽脆有口感。呢度個爐望落好乾淨。燒到咁上下或者食哂d蛋，店員仲會主動更換。d蛋加埋泡菜好有韓國既感覺。d蛋都有蛋味，吾會話淡到無味咁。吾洗10分鐘，主角就到場，係夏日限定既牛肉三食套餐。雖然寫話2人用，但我覺得份量不少，細食既朋友應該3人用都無問題。牛肉一睇就知係高質貨，因為有雪花紋理，而且呈深粉紅色。除左牛肉，個三食套餐仲包埋d菇同瓜，吾洗另外叫，夠細心。雖然菇同瓜都係配菜，但都吾係"行貨"。牛肉更加吾洗多講，肉質鮮嫩，牛肉味濃，特別係牛仔骨。我地有幾舊燒得耐左d，都吾覺好韌。呢個三食套餐盛惠$488，比散叫好平五十幾蚊，酷牛既朋友，可以一試。呢度仲有好多套餐可揀。

韓燒係香港都幾多間 但唔係間間都抵食又正宗 今日去到位於銅鑼灣既一間新麻蒲BBQ食個午餐。店舖係2樓 可以坐電梯上到樓上 入面既環境都係好傳統既燒肉店 一條條既吸油煙管同有得掀起擺嘢嘅圓形坐椅 一陣陣既燒肉味。一睇個餐牌 Wa!!!好多款式 無論係豬定牛都有唔同既set/部位選擇🤭 我地諗嚟諗地 忽然見到枱面有個牌寫住逢星期一專享 $168任食牛助排或五花肉 仲有三款滋味醬🤤 咁啱我哋係星期一就決定試試佢 畢竟我都係一個食肉獸！🤭另外我哋仲帶咗一個Lunch set 《$82 牛肉牛骨濃湯》餐送一杯餐飲 我哋就order左咗石榴果醋 order左冇耐員工就送上前菜 淨係睇個前菜都覺得好豐富！佢全部都可以無限refill 包括有泡菜 、酸酸甜甜嘅海帶、芽菜、芝麻醬沙律、醃製過洋蔥圈、生菜 仲有泡菜蛋係燒烤爐嘅邊邊 淨係前菜已經覺得好有韓國feel😋 店員送上一個三層高嘅鐵架 第一層係蔬菜 入邊有啲蘑菇類嘅嘢 同埋一啲節瓜 第二層係放牛肉 而第三層係兩塊五花腩肉。 店員話如果食完可以舉手再要求要邊一層想refill就可以了！先講一講肉嘅質素 本身諗住呢啲任食。牛同豬嘅質素都會一般 但係比意

日日心郁郁想食韓燒，順便中秋節做節，所以就嚟到銅鑼灣嘅新麻蒲食韓燒，因為附近仲有我哋想食嘅糖水😆😆😆我哋一家人四個人就唔叫套餐食，直接逐碟肉叫，因為佢而家有最新嘅優惠,叫滿三碟肉就可以用優惠價$98再換購一碟肉，所以我哋最後總共食咗四碟肉加一個水冷麵，另外佢仲有好多前菜供應俾我哋，無限refill。爐邊亦有泡菜蛋無限供應😗依個係牛肋排依個係豬肉依個係護心肉，我地總共叫咗兩碟！(⁎⁍̴̛ᴗ⁍̴̛⁎)前菜嘅話佢有泡菜，豆芽，同埋海帶。茶餐勁辣度唔算太辣，我唔食得辣都可以接受。海帶係比較驚喜嘅，因為佢係比較酸，食落好開胃！幾種肉來講，護心肉嘅肉質係最好，油脂分布平均之餘亦都好稔，唔難入口，建議大家可以唔使燒到全熟都得🥳另外都推薦佢嘅豬肉，因為豬肉好容易會好乾身，但係佢依度嘅就唔會！另外值得一讚嘅係佢個水冷麵，麵條分明之餘亦都非常之有彈性，qq彈彈而且味道亦都唔會好濃郁，係食緊燒肉嘅同時食依個水冷麵清清喉嚨之餘亦都比較飽！最後我哋總共食咗$652，但係連埋前菜同埋所有肉，其實四個人食都夠飽呀！😊

今日嚟到位於銅鑼灣嘅新麻蒲食中秋節飯店員安排好座位俾我哋之後就即刻拎左餐牌俾我哋由於選擇太多，經過一輪嘅掙扎之後最後決定散叫落左單之後就好快上埋其他嘅配菜同埋爐邊蛋佢所有嘅配菜都好大兜同埋可以添食都比較出色嘅就係黑芝麻沙律同埋海帶黑芝麻沙律個醬汁比較驚喜，第一次試黑芝麻嘅沙律汁但係諗唔到同個沙律出奇地夾另外海帶同埋個汁酸酸味味十分之開胃喺肉類嘅方面我哋叫咗兩碟牛護心肉，一碟護心肉，一碟牛肋排同埋一個水冷麵肉嘅份量都幾多擺碟亦都一流就我個人而言我覺得呢三隻肉入邊最好食就係牛護心肉肉質比較嫩口，同埋個大細啱啱好可以拎黎包生菜食而水冷麵個汁亦都做得非常之出色加埋個梨甜甜地係咁熱嘅時候食返個凍冰冰嘅麵真係好解暑佢而家仲做緊個優惠只要order三碟肉，第四碟肉就可以揀$98嘅精選牛肋排

韓燒永遠有種魔力，想食就要即刻去食，飲湯怪嘅我揀間豆腐湯🥘好飲既新麻蒲bbq。😆與女友人二人吃韓燒，一黎到就放成台前菜，因為我遲到，多到以為佢咁快嗌好菜！昆布、泡菜、黑芝麻沙律係我同朋友最鐘意前菜！而且全部可以refill添！雖然肉類併盤花多眼亂，但得兩個人食可以唔洗睇，由於朋友不太愛牛，於是只叫五花肉 ($125) 燒完後都唔太乾，秘密係快熟狀態不要剪太小。仲有個附送爐邊嘅蛋邊燒加入左芝士，好味都暈！怕太肥又熱氣，叫左水冷麵降温，一啖肉一啖麵，爽呀！另外叫併盤，有菇類、蝦、芝士腸片。蝦好新鮮呀！芝士腸好爽超好吃！仲有個好特別煉奶蜜糖拉花醬，用來點年糕，感覺好特別！當然唔好忘記我為碗海鮮嫩豆腐鍋而來($68)，比起韓國唔會超辣但保留地道風味，飲完一啖即刻想飲第二啖！聽講點四份肉就有優惠價點五花肉！十分期待下次多人聚餐再來，可以點多啲，享用更多優惠！

話說早兩日朋友約我去食韓國野🇰🇷聽完本身都reject佢叫佢選過第二間 因為之前去韓國間間野都得個辣字 不愉快既經歷對韓國野有啲偏見🙄唉 佢又話好掛住韓國有啲思鄉咁我就陪下佢食我哋去咗呢一間BBQ 新麻蒲度食韓國菜當然就由我朋友發板啦😌啦啦啦以上嘅小菜我都冇叫架吓全部都係一嚟到就上菜 啲小菜多到不得了淨係食呢度都夠飽囉之後我仲叫咗個冷麵食呢個冷麵真係不得了超級好食又彈牙同我之前去韓國食過嘅冷麵直情一模一樣好掛住韓國添突然間嗱講到明今次係要叫燒肉㗎嘛所以我哋都唔少得叫咗個豬肉嚟燒 豬肉厚切燒完之後一啲都唔乾仲好Juicy 添包埋生菜一齊食簡直一流仲有一定要講埋杯嘢飲呀真係好似飲極都仲有咁呀超抵我呢就幾鍾意食辣野嘅所以就叫咗呢一個大醬湯黎飲酸酸辣辣咁好醒胃

成日喺銅鑼灣經過呢間燒肉今日一於定食個lunch喺樓下已經見到有餐牌, $100左右就有燒肉午市都坐左一半人，但環境都唔算好嘈座位幾舒服 唔錯😙護心肉 牛肋排各80g肉本身已有調味，肉質唔錯👍🏻紫菜飯太好味喇 一碗唔夠喉呀除咗燒肉另外仲叫咗一個牛肉牛骨濃湯湯裡面已經有麵，另外仲加多碗飯呢餐三個人食都夠飽啊！服務員係識講少少廣東話嘅韓仔？好好笑啊佢地既廣東話😂😂😂下次再黎食，就算無套餐 價錢都合理呢！當然lunch set真係好抵食😙😙

原本以為呢間野一定要韓燒 點知原來唔使🤣🤣🤣🤣普通韓國嘢食都有好多選擇 譬如流水麵 芝士年糕 韓式炒飯等等🤫🤫🤫我哋一坐低 店員已經放低幾碟小菜 主要都係泡菜 魚糕 沙律🥗 然後我哋order左個韓式芝士年糕同埋韓式海鮮豆腐煲😽😽😽😽個芝士年糕汁唔夠濃郁 相對比較淡同埋稀 而年糕口感一般 可以再硬啲 咁樣口感會再好啲🤪🤪🤪🤪而海鮮豆腐湯味道一流 非常之濃味而且海鮮同埋豆腐嘅數量都幾多 性價比唔錯👍🏻

今日同朋友嚟銅鑼灣行街，咁岩上網見到依間韓國餐廳好出名好多人食，於是跟住Google Maps行過嚟，比我想像中近好多，喺銅鑼灣地鐵站C出口過對面，一過咗馬路上2樓就到。一入到去仲有IU女神個紙牌😍然後職員招呼我哋入去，入到去座位好闊落，我同朋友兩個人坐四人枱，而職員好多都係韓國人，識講韓文㗎😆野食方面，睇餐牌有好多嘢食，有好多種類嘅燒肉，同埋韓式飯。於是我同我朋友每人叫咗一個韓式飯👍🏻等緊嘢食嘅時候，職員幫我地上咗好多前菜，我最鍾意係泡菜，食落去同韓國嗰種味一樣，酸酸甜甜，茄子係沙律，好清爽，加埋蛋沙律味好夾👍🏻終於都上菜，我叫嗰個係芝士泡菜炒飯，係用泡菜、水蛋同芝士撈埋一齊嚟食，個味好夾，而且好大碟，我一個人都食唔晒😂我朋友叫咗牛肉石鍋拌飯，蘿蔔絲、牛肉、菇等等嘅材料，撈埋一齊嚟食，好嘢味👍🏻咁方便我哋叫咗梅湯可樂，隻味出奇地好夾，有啲似夾糖嘅汽水糖味，好特別😆