新高麗苑韓國餐廳 (已結業)

肥牛?唔係日本料理0既專利,今次我居然起韓式燒烤店吃到肥牛,真係誇張!最近新相識0左個朋友,佢勁愛吃韓國燒.此店都係由佢發掘出來,果然係一間好店!(講到間店好似我開咁)不過最攪笑係,我朋友原來唔食牛....好彩唔食都唔洗分開每人一個爐0者...打電話訂位時,店員有通知過每人限食90mins.如果冇人等可以繼續.我地7點到,已經坐了大半.到7點半,出面已經要等位喇.店員都好nice,收碟又快, 好乾淨.我地安排坐單邊卡位,好舒服.個地都冇油淋淋呢~我地樣樣試少少, 其中豬類係最好吃的!其實每一樣都醃得不錯,只係樣樣都同一個方法燒,燒出黎都一樣味0者.至於熟食都有好多款,菜, 刺身壽司, 雞翼, 配菜........參雞湯好夠味,係好多味精先0岩.水果有西瓜同哈蜜瓜, 好多汁,好甜.甜哈就有西米露, 涼粉等等~我地食到8點半,陸續有人埋單.我地又繼續坐,吃到差不多11點多.我最欣賞係店員唔會因為趕收工叫我地走,好多店係做唔到的!

同友人們聚舊(兩個星期無見,掛死人咩~~)因為幾位友人放工時間較夜,所以訂位訂9點星期四晚,7成入座率,環境不差.雖然人未到齊,還是邊食邊等吧~前菜:麻油白菜仔;麻油波菜;麻油芽菜;泡菜;豆卜 --- 各款都好GOOD呢~刺身;壽司 ---- 款色不多,刺身只有三文魚,友人說夠鮮.BBQ配料各款肉類,菜類,海鮮大家都讚不絕口;尤其1)西冷牛肉 2)羊肉 3)冬菰 4)海蝦 5)魚柳 6)豬頸肉友人們說牛仔肝跟牛舌都很讚~不過小女子未有一試熟食種類不多,這樣反而可以令客人們專心BBQ1)薑醋蛋 2)炒飯 3)人參雞湯 4)白飯甜品1)啫喱 --- 只有提子口味,某友人吃了3碗2)木瓜雪耳3)涼粉4)蕃薯湯丸糖水 --- 好夠薑味,我愛呢~湯丸是花生心.5)西瓜另加飲品1)一JAR菊花茶---無冰但夠冰凍,有8杯份量2)可樂 --- 玻璃樽,12大元~好似太貴喔~友人們一邊食,一邊說:這個好味~這個好味~我問:請問有那一款是不好味呢!??友人:..........又好似無喔~服務方面,帶位阿姐很不錯,都面帶笑容.REFILL配料的哥哥們都會跟客人有講有笑.可惜叔叔們不是態度差,只

呢晚我地一行4人去左呢間食韓燒..都係上黎見到d食評唔錯所以試下..一黎到放低左個cake 員工d服務都幾好..放野食既環境都好整齊乾淨!!!有2款湯..人參雞同泡菜湯..我覺得2款都好飲!!!之後到燒物方面..最正既係有海蝦..真係好正好好味!!個牛舌都幾好!!另外仲有三文魚刺身..都算ok啦..話哂唔係日本野..算係咁啦!!有d suprise係有帶子sushi..都有帶子味!!不過多數其它韓燒都無..甜品就有jelly..涼粉..仲有沙津..生果!!都ok啦..係少d..有雪糕食要好d囉!!而爐就換左一次啦..整晚都ok每人128加一..唯一唔好就係無野飲包..要另計!!不過如果大家想食韓燒..我建議大家可以去試下呢間

星期日一行6人去食韓燒, 因為大家都唔想去漢x苑, 見大家係openrice 對哩間韓燒評價唔錯, 就去食下!1. book左唔駛等....2. 食品味道, 唔錯3. 店員態度, 女嘅ok...d 叔叔就4. refill....唉....大家見船唔見魚生同sushi, 以為未refill, 但等左一個鐘都無覺得好怪!我個好大膽嘅女仔friend走去sushi bar 問有無魚生, 師傅就攞出來....由船的魚生排位, 7pcs x 3 行 = 21pcs....唔駛一分鐘, 三文魚無哂......再等15分鐘都無refill....到我出馬...5分鐘後, 7pcs x 3 行 = 21pcs再出現....唔駛一分鐘, 三文魚無哂!再派生面口的, 再多轉7pcs x 3 行 = 21pcs....不過第4round巳經唔work lu90分鐘一到, 叔叔攞張單要我們埋單....一俾完錢, 叔叔就發狂了!!!! 好彩d碗碟係賿的, 如果唔係一定俾佢掟爛哂.....找的錢都未袋好, 就嚇到唔走唔得...好恐怖呀!

佢d 食物係唔差 既質素黎講 比其他既好因為 佢既品種 唔多但勝在好特別缺點 個爐 一次都未換過又冇油供應其實不斷係到食緊d 炭屎咩叫韓燒?又冇野飲平時d 咩酸梅湯 豆漿 都冇三文魚又唔係成日供應到海蝦又係要睇下你走出去拎野食個時好唔好彩但價錢 計埋架 加一140係貴左小小仲有 未食夠一個鐘 就俾單你叫你俾錢 仲話 俾定你 你地要夾錢分明就想我地走 =_="overall 黎講可以去試下,, 不過只此一次一咁多如果想食韓燒 都係會走番去食 創興 個間好味好多

因為自己好喜歡吃韓燒, 今晚就拉了朋友一齊去試試這家在OPENRICE裡面評價不錯的餐廳~大概6點45分去到, 不用等位, 不過就因為沒有BOOK位所以沒有卡位, 只能坐那種6人位的長桌, 一開爐就馬上跟朋友輪流出去拿東西吃牛仔骨==> 不錯呢, 不會太咸也挺入味雞肉, 豬排, 羊排==> 一般般, 吃不出來跟別家的有什麼分別牛脷, 火雞腎==>我覺得這兩個不錯, 可是友人說牛脷厚了點, 反而不太好海鮮(包括蝦, 魷魚,等等)==>因為我不吃海鮮, 所以不太清楚, 不過看到友人把其中一個青口燒到一半就挑出來, 說有點問題不能吃, 其他的倒是吃光光了雞軟骨, 牛仔肝==>很少見到韓燒店有這兩種, 不過味道只是一般粉絲, 芽菜, 炸饅頭==>粉絲好好食, 芽菜也不錯, 饅頭可能炸完放得比較耐, 就有點"林"了因為看過這裡的食評, 說會準時在限時1個半鐘頭到後趕你走, 所以不敢吃得太慢, 可是今晚吃了差不多兩小時, 也沒有人趕(最後還是自己叫埋單), 不過這裡的服務態度還是有待改善, 話說當我們吃到一半的時候, 想叫人幫我地換那個燒東西的盤,

昨晚跟小學同學影完相去食韓燒 (因為呢間未食過, 就試一試!!) 好在有訂位, 要不然...訂枱7pm, 我們早了5分鐘左右到, 安排了我們4人坐一張6人卡位枱(入面4個位, 心想不太方便) 當我們這樣想著時, 女侍應跟我們說: 「你們介意再多等一會, 我轉一張4人卡位給你, 因為我剛巧有一枱6人party , 所以有這樣的安排, 真不好意思!!」 就這樣我們到門口再多等一會!大概10多分鐘有位了. 女侍應再接待我們, 主動送飲品給我們說要補償剛才不便的安排!!哈哈, 賺了, 因這家韓燒沒有提供任飲服務~那我們就開始拿食物, 回來時枱面多了一碟海蝦, 我朋友說是剛才那位女侍應送的!又送? 轉一轉枱, 又送飲品又送蝦? 以為海蝦不是自助的其中一種食物, 但我看自助的食物中, 有海蝦這個牌, 但就沒有見到有海蝦的蹤影!! 難道是女侍應為我們預留的嘛??? 又賺了!之後開始燒燒燒了~必選推介: (不吃牛者另作別論)1) 海蝦 - 但不常供應2) 牛脷 - 比其他韓燒店厚3至4倍3) 牛仔肝 - 未見過有韓燒店有這款4) 金菇肥牛卷 - 超好食 , 肥牛入口即溶, 金菇不"痴"牙5) 西冷牛

之前因此朋友介紹食過一次，覺得食物同環境都ok。所以星期六再同另一個朋友上去，book左7pm，點知無record，都OK，有俾位。1.5小時為限，可以食到8:30PM。但食物和飲品方面好失望，沒有任飲，連基本酸梅湯都無。重叫係自助式韓燒嗎?食到8:00PM，伙計叫你先俾錢，都OK，因為理應仲有半個鐘呀，8:15PM，張我地D碗、碟呀全部收哂，連枱紙都收入!!!!仲問我「要唔要加鐘」??咩態度呀??? 同人講有1.5小時，1個鐘開始就催你走，不知所謂。我相信大部份成年人都唔會賴死唔走呀? 我係客定你係客呀? 我以後一定唔會再上去，俾錢食無野飲的自助餐，仲要得個一粒鐘，低能!!!

星期6放假約左fd出TST食韓燒~我重特登上openrice睇下TST有咩好食~咁就選左E間"新高麗苑韓國餐廳"~多人都話好食咪試下囉 好彩我地話食完先行街,如果5係就要等位我地上去6:30pm個時都無物人,一到7點就爆場,重勁多人等位添~我地真係有先見之明 xp我選e間既其中一個原因就係因為佢有海蝦燒~真係超正!!重點係超爽!! 無死蝦味!! 我地兩個人燒左十幾隻 xp係個度重食左我好耐無食既炸饅頭~好好味~重有春卷+咖哩角,重好脆身的,所以我比滿分

吃過後...對韓燒改觀..(由壞轉到好)可能是因為以往都只係去旺角果d""韓國餐廳""即係"漢x苑"..同登打士街果d..呢間新高麗苑真係比佢地好好多!!一行11人...book左8點...唔洗等好耐就入得^^!個位安排得好好...好有私人空間ge感覺...又唔會好迫讚的是女待應好有禮貌..但男的就唔係咁好....野食方面...雞..豬...牛..都比其他餐廳好吃最喜歡的是...銀雪魚=D好少韓燒餐廳會提供...真係好好味!!熟食方面...亦唔好好似其他韓燒餐廳咁馬虎有幾樣我都覺得好好食!!!食飽之後..我地想切蛋糕..待應好快手幫我地清台!!唔洗加切蛋糕錢^^仲比埋新餐具我地...very good!!中途亦冇催我地埋單!!讚!唯一唔好ge係飲品方面偏貴!$12蚊一支細可樂...$60一JAR西瓜汁.....想抵d的話.....大家或者可以袋定支飲品上去!

我地兩位八點15分去到, 等到十點先入坐lor........已經係最後一枱入去, 我估d 人等到九點半都唔駛去呢間啦,因為佢十一點就收.....我地燒左三輪, 第一輪有1. 雞扒, 豬頸肉, 雞軟骨第二輪有2. 牛扒, 西冷, 豬扒第三輪有3. 八爪魚, 魷魚我地食到十點半佢已經話要last order, 之後去到十點九左右d 人都走得7788,所以我地十一點都走人了........基本上我覺得遲過九點都唔好入去, 好似坐一陣就要走,同埋好多野食都係出左好耐.........不過我覺得呢個價錢任食90分鐘都幾抵, 但唔知個d西瓜汁好似要分開叫的.....服務嘛, 員工唔係好夠咁, 唔會有人加水~~同埋都幾嘈下~~

噚晚去食完黎，OKAY啦。基本上睇番 openrice 09年打後，對呢間餈廳o既食評我都好同意，冇需要重覆。09年以前o既食評有d批評好似唔係好啱，可能佢地已經改善咗。好似冇人提有菊花茶同酸梅湯飲，50蚊一jar，有一1.5L~2L。試咗酸梅湯，又okay喎，唔會甜食人，亦唔會太酸，但係又唔會話好淡。仲有，飲到一平覺得唔夠凍，叫佢地加多D冰都冇咋型，一讚！ (其實好似仲有其他野飲的，不過唔記得了。)美中不足O既係番薯糖水落茜米，搞到比較難食。豬腳薑同番薯糖水都唔夠薑(可能係個人口味問題)。湯唔係唔好，不過都係一般。兩個人食埋單33X，整體黎講算okay，不過始終自助餐食物質素要求唔能夠太高。間中食吓無妨。

上個sat同班同事去食韓燒，上網睇過佢地嘅食評唔錯，躍躍欲試，果然無令人失望，係值得推介嘅地方！首先地方算企理，雖然唔算好大，但係枱與枱之間嘅空間夠，唔會坐到沙甸魚咁；而且地下同枱凳都算乾淨，唔同出面嗰d隨時跣到攤攤腰。服務亦值得一讚，由接電話同waiters都好nice好有禮貌，什至有個哥哥仔好心到自發行埋嚟解釋我地知要點燒至冇咁易燶，即刻加哂分！燒嘅食物好好，唔會腌到咸到阿媽都唔認得，而且選擇算多，又幾新鮮。lunch buffet嚟講算好有heart！個人尤其推薦牛脷、豬、雞軟骨，其實樣樣都值得試~前菜選擇多，而且每樣都正(我地試哂咁滯)，係個粉絲有d過甜，但係食完辣再食就啱啱好。個人尤其推薦薯仔同菜~甜品同湯品選擇少d，但係質素高！芝麻+花生湯丸好正，至少冇煮到糊哂，而且仲係用薑湯煮，有heart！至於湯同薑醋就冇食，因為已經太飽~12點到3點嘅lunch buffet絕不欺場，真係2:45至"請"我地落埋last order (注意：係真係"請"！好禮貌到吖！)，包保你食到last minute！$80+10% service charge有咁嘅質素，唔去多次都對唔住自己啦！

7點去到,都坐滿左八成,一行三人坐卡位,坐得都算幾舒服,先食前菜,最好係薯仔同蘿蔔絲,肉類食物都唔錯,肥牛,牛仔骨同蝦等等都好新鮮其餘既熟食,咖哩角都ok,最起碼係熱既,唔會好似其他咁凍冰冰,同埋值得讚既係員工既態度好好,無哂既食物亦都好快補番!唯一就係飲品唔係free既,要另外加$$,只供應熱茶,侍應會係咁幫你加茶,服務的確唔錯!!呢間野可以再去喇!!

天文台話今日黃大仙三十七度，做左咁耐人都真係未聽過咁熱﹗坐0係度唔郁都會流汗，真係痴孖根的﹗晚飯都係要食，我同食家一行四人去左尖咀既新高麗﹗有勁冷氣，話知佢五十度﹗訂左位唔洗等，仲咁岩得咁橋有卡位坐添﹗自助前菜，有十五款可供選擇﹗呢個無骨鳳爪酸酸甜甜帶0的話梅味，肉質亦彈牙爽脆，好食﹗好鬼鍾意食芽菜，呢度的不會醃得太過份，依然脆口好食﹗燒烤食物不停添加，睇住佢一無待應就倒就加，很不錯﹗特級肥牛肉質鮮甜，不會過肥夠香好食﹗我最鍾意就係咬牛仔骨邊條筋架喇﹗一大班食肉獸大快朵頤﹗中蝦都幾大隻仲任攞，好少吃韓燒有中蝦食呢﹗香草羊夠哂羶不過肥左少少﹗墨魚仔夠肥肉又厚，令我最驚喜既係有我好鍾意食既雞軟骨﹗成日去食串燒都嫌佢一串得幾粒唔多夠喉，而家任你燒一次燒幾十粒慢慢食，一次過滿足哂﹗呵呵﹗某友人專食內臟，話呢個牛肝夠新鮮亦十分香口﹗佢仲話呢度0的鴨腎、牛脷好鬼正﹗熟食方面也不錯，有三文魚刺身，不過一出好快俾人攞哂，要醒醒定定推開人群先有得食﹗壽司種類也不少，不過我唔係好明點解食韓燒要食壽司？魚類都有好幾種，有鯖魚、銀鱈魚同埋秋刀魚等，食家話秋刀魚味道很好﹗我是西瓜王，一路燒一路食食左成個西瓜咁濟