新高麗苑韓國餐廳 (已結業)

大約7:30點去到都唔駛等位一坐下來就有人問我有無優惠劵+埋食野限時1:30鐘因自己無肉不歡頭盤拿晒點肉返來主菜就食下點其他野最後一定係飯後甜品特級肥牛好入味,好重牛肉味又滑又多汁茄子好甜,幾好味壽司點壽司超級難食,無論點飯定上面個塊野西瓜平時食果點有暖又難食><但這裡又凍又甜又多汁我地食左兩個鐘都無叫我地走,可能無人等位la服務幾好成日幫我收碟,加茶.....下次食韓燒一定左來這間^0^

前幾日去左新高麗苑韓國餐廳食韓燒都幾好食~~雖然冇飲品﹑甜品得南瓜雪耳糖水,涼粉同jelly而水果得西瓜..但佢provide既燒物種類凡多而且醃得好正,有魚有蝦(都幾大隻)有雞軟骨牛扒...最欣賞佢既牛柳粒!正過扒皇~其間仲有三文魚刺身~個人蔘雞湯有成隻雞o係入面飲落唔覺有味精~但就唔係幾飲到有蔘味地方都幾乾淨，雖然坐唔到卡位~!但環境都算唔錯~係細左d但可能因為咁佢既抽煙系統係一流架!燒完d衫完全冇味而且staff動作快手,話要換盤就即換,,唔會好似漢陽苑咁..~食物質素good~會再去!最重要既係食完冇BBQ味!!

我通常會去灣仔果間店,一路都覺得幾好,因為價錢唔貴,都多選擇,而且環境都算乾淨.上星期六橫風橫雨既3號風球晚上,同3個朋友黎到尖沙咀店食飯,6點幾去到,好少人,好開心有卡位坐.食物選擇都幾多,仲要d蔬菜,如青椒同冬姑,唔使成日啖啖肉.而肉都醃得幾好味,涼菜我最鐘意食佢既薯仔,我覺得整得好入味,又夠林.湯有兩款,一款係人參雞湯,我男友話真係有隻雞係度,証明佢唔係開粉.我好同意呢個係同價錢既任食韓國餐廳中,環境最好既一間.放食物既地方好整齊,唔會d食物放到亂晒,有d見到已經唔想食.而香港好多食韓國燒烤既地方都好貴,呢度係比較便宜既一間.所以都會再黎食.

昨晚第一次去，因有訂位及7點未到已經開始食所以唔洗等位，仲有好正的卡位坐好舒服，又有priviacy。環境幾好，乾淨。waiter服務都好好，唔飲茶，要熱水，換鐡板都好快手同有笑容。未夠7點半已人山人海等位，但服務都好週到，但有時都係自己收碟。食物都好好味，食完唔會成晚口渴。青魚超正!新鮮，厚肉，無細骨，鮮甜香滑，有驚喜。牛仔骨，牛舌，魷魚so，豬頸肉都好好味，又唔太咸。同事激讚人蔘雞湯，平均一人飲三bowl，仲有蔘有雞食。個人喜歡食炸曼頭，都好好食，食時仲暖暖地，外層仲好crispy，不遜於上海飯店。涼菜都一般ok，西芹，chicken feet都好味。甜品普通，不太甜，都幾好。唯一美中不足是限時1.5hr，無食得咁暢快，成日驚夠鍾，但又好唔捨得枱上的美食。我地最尾食咗兩個鍾，都無趕我地走，最後真係見我地連爐都熄埋，停晒手先來拾野。都ok，好過東大門，成日提你就夠鍾，好似考試hands-up, pens-down咁。埋單有飲食男女coupon　－１０％　一人＄１１８，好抵呀。

見雜誌有9折coupon，就諗住拖行人馬今個星期四晚去試，但未食已對這家食府非常失望。打電話去booking位，聽電話既男士態度厭煩，查實已經係下午近3點，理應午飯時間都過啦，忙都忙完啦，唔洗咁煩呀。以咁既服務態度想留住D食客真係唔洗諗，幾平幾好食都無用啦!

我們一家共5人於2008年1月12日晚上光顧新高麗苑, 都係因睇倒不錯的食評, 再加上某雜誌有9拆coupon, 所以決定一試, 不過, 最後都覺得滿意嘅.環境: 地方不太大, 但感覺乾淨, 值得一讚係少油煙, 唔會污煙障氣, 食完後只覺有少少味, 感覺不錯.食物: 其實種類也不少, 除了一般嘅牛肉, 豬肉, 雞肉外, 還有牛肋骨,豬扒, 羊扒, 豬頸肉,三文魚, 銀雪魚, 多春魚. 雞軟骨, 雞中翼, 魷魚, 金菇牛柳卷, 大蝦, 翠玉瓜, 鮮冬菇等等, 最好味係燒蝦, 雞軟骨同金菇牛柳卷. 我還吃了不少三文魚及壽司呢,可能係星期六, 所以出得多一點.飲品: 自助餐並不包括飲品, 汽水$12支, 西瓜汁$50渣.時間: 不論人數, 只限1個半小時, 略嫌不足, 夠鍾便會叫你埋單, 不過, 並沒有趕你走.服務: 整體服務態度良好, 其中有位4眼小姐不時主動幫我小朋友取食物, 還跟我們有講有笑, 感覺愉快.整體感覺不錯, 所以會再幫襯嘅.

2008年1月11日星期五我看到食評好似幾好，又未試過咪去試下囉。6點去到間餐廳黑漆漆，幾個伙計仲係度食緊飯，咁我咪問下幾點開始，個老闆娘話6點，仲叫我地坐下先，咁我地4個人咪入去坐，坐5分鐘，伙計收埋d野，先有個女人4杯茶俾我地，我地問係可以去食物，佢地話得，有個男人話計我地6點入坐(我都知限時1個半小時)，咁我咪同佢講我個錶係6點10分喎，佢俾佢櫃個電話俾我睇，佢話係計佢個鐘，我見到顯示6:07，個女人話佢地唔會計得一分一秒咁清楚，我聽見咪安心無再佢爭辯落囉。d食物味道幾好，不過糖水就祇涼粉同好稀既雪耳糖水，前菜就有幾多，我地一路食一路d伙計先逐樣湯呀小食呀出來，(乜唔係6點前預備好嗎?)，d汽水好貴$12支。最勞氣係佢地d單張有魚生壽司，我7點10分問伙計點解無壽司，佢話等下啦，我再係7點20分問個老闆，佢居然同我講唔係時時有，睇人流喎，咁係咪我地收平d先，生果都係得西瓜，仲要7點25分先出來，我個朋友出去4片西瓜回來，我都未放落口，個男人張單話夠鐘喎，有無搞錯，又話唔會計得咁清楚，7點29分就要我地埋單，總之之前同佢理論啦，我地開始食係6點10分呀?我一毫子都無俾多佢，我以後都

好耐之前黎過一次, 係同級數既自助韓國燒烤黎講係最乾淨既一間. at least唔會好似其他店舖咁係舖頭行既時侯覺得個鞋底係黏住既. 不過因為都唔係好就腳所以好多時都會屈就自己去其他既舖頭. 今日終於都有機會幫襯佢.8點鐘去到, 要等位. 因為我同朋友都唔想同陌生日搭枱, 所以等左一陣間. 其間有一對店舖既舊待應番黎食野. 我開頭以為佢哋一定會入先過我哋. 不過好彩都無咁既情況發生.compare to 漢陽苑有幾種味道既牛排. 呢到既選擇真係唔多. 不過叫做樣樣都有只不過無幾種味道咁囉. 不過d野整得幾好食, at least 唔會好salty先啦. 其中魚係最好食, 其他地方又未必有得食. 不過唔知係唔係我哋太夜去. 魚生同埋小食中既韓國粉絲由我去到我走都無refill過. 不過我就見到舊待應嗰枱不斷都有魚生供應囉.... 鬼叫自己唔識人咩......呢到既價錢compare to 漢陽苑或者東大門我都覺得抵好多. 不過可能係因為感覺問題, 其實大家既價錢應該差唔多. 不過我唯一覺得貴既係酸梅湯. 我同我個frd兩個人叫左一jam. 走既時侯睇一睇單先知要成$50. 呢個真係好貴!

魚生都幾好味,不過真係好少好少有,不過今日食入面個職員通知我太太一聲就尼有魚生,所以先可以食到。d野食味道真係好過漢陽苑,不過款少好多,野飲都太少。

分兩種, 燒烤or 熟食.6 人食lunch, 叫左六個唔燒既set, 有牛肉, 豬肉, 雞肉, 墨魚, 蛋包魚等等, 前菜我覺得比以前細碟, 但係如果你好鍾意食某一種前菜, 可以叫服務員同你換. 個人覺得個湯好好飲, 好夠味! 但係牛豬雞等等餸基本上我覺得係同一種味! 甜品係jelly.其實入去食前菜多過食主菜, 前菜好食過主菜...

4/17/2007 12:45pm同新同事一行5人到此食LUNCH, 自己都係第一次黎.午餐款式有飯($39-45) /麵($45), 都跟湯, 韓式小碟, 甜品. 飲品,算幾經濟.我要了韓式什錦飯, 什錦有芽菜, 肉碎(好好味), 白菜, 上面再加了一隻太陽蛋. 材料雖不太多, 但混起來又幾好味. 好大既一碗, 一定夠飽.其他同事叫了牛肋骨飯, 泡菜湯飯等等都應該不錯. 而韓式小碟都幾精彩, 有炆薯仔, 泡菜, 芽菜, 銀魚仔, 青瓜, 豆腐卜,…. 大家SHARE用黎送飯一流.甜品係芒果啫喱, 食得出都係新鮮做起, 唔係正左幾日.

我想講係午市熟食套餐。39蚊加一大概40幾蚊一位。包一款韓國小食、一款泡菜、牛骨湯、主菜同甜品。40幾蚊包咁多樣野，仲唔抵? 不過最開心係d 野都好好食呀~ 最抵讚係個牛骨湯，白色湯，加有白蘿蔔片、蛋絲、牛肉絲(?)、仲有d 花，賣相好吸引。因為加左頗多胡椒，有d 辣，我個人就覺得ok 好好飲啦~主菜我叫左雜錦飯。超大飯碗(應該叫湯碗)，都載得滿滿咁，實在覺得40幾蚊餐，駛唔駛比咁多呀? d 小食同泡菜都用比一般鼓油碟大、童裝碗咁上下size 碟載，我覺得真係好有誠意。今次係我第二次去。兩次甜品都上喱，我諗甜品一般都上jelly 卦~ 第一次我一個人去食，食剩一半。今日帶多個friend 去兩份分至食得晒，不過可能因為咁，d waiter 有少少趕客囉... 都ok ~

依家市面有好多自助形式的韓燒都是以"平" 來招徠客人, 雖然平, 但質素卻是差到難以入口. 新高麗雖然略貴, 但我覺得貴少少但好味D, 又何妨呢!!! 而且都OK乾淨喎!!! 我之後都有同其他朋友再去食過.

在朋友介紹下到此店吃韓燒，此處是自助形式的~比想像中的差很多先說說環境及收費服務態度不錯，有注意客人的杯子定時加水。可是限時要在1小時30分鐘內要吃完再者店內沒有油提供~不到1小時燒盤已很多"火農"了的渣~不能再燒了~~又不換盤子。由於地方少，門口進出處是放食物的地方，好像有欠衛生。收費更是100多元一位~~比起其他韓燒店來說略貴。食物質素太咸了~~完全是迫你吃飯~~牛肉雖然軟可是已處理到沒牛肉味~~總括來說環境不好,食物不好~~完全不合收那麼貴，下次不會再去吃!!