新香園 (堅記)

營業中

休息中

If you happen to be close by, this is a solid option for a quick bite. But don’t expect it to be super clean or taste that awesome. We tried it’s famous beef egg sandwich, pork feet noodles. Milk tea and read bean drink. All pretty good. But not worth a trip to come here for.

食左一碗「爽滑牛丸米」加杯凍奶茶牛丸唔爽滑，有啲似伯邑孝肉丸咁淋淋地凍奶茶(已經係少冰左)冇乜奶味 茶味唔香唔濃成杯野好淡味老實講個人應為大家樂戈杯好飲過佢整體有啲失望

新香園好出名架，平時好多人好多人排隊但因為蛋牛治最出名，十枱都有8-9枱都叫出餐快，又快食晒，所以翻枱得好快但不過係疫情下，同埋係平日未到下午茶時間，冇人排長隊我見冇人咁，所以先去試。蛋牛治烘底其實睇相都覺得個蛋同牛都好，的確係，我期望佢蛋汁係流出黎，但真係過熟但個牛好咸香，好為太熟會太老，但又唔係喎⋯又好嫩口個麵包烘得岩岩好奶茶係少見既排檔奶茶幾好飲！個餐唔貴，下次再黎唔排隊就比多次機會佢希望佢比個正常水準既蛋牛治我

以前住九龍區，夜晚間中會去買佢個蛋牛治當宵夜。搬離九龍後，我暫找不到一間令我對三文治咁回味的食店，間中也會忍不住坐車去食佢個D牛肉多汁又香，食個時少D紙巾都唔得，會滴汁架。真係好好味。不過，一定要即刻食！

因為今日有事要去深水埗所以在附近食好西，深水埗除左有菜檔同地攤賣便宜的蔬果、鮮肉之外，仲有好多美食，經朋友介紹去左試一試傳說中的蛋牛治有得簡烘唔烘底，我就簡左烘底，麵包烘左脆口，但唔係烘到硬又或者脆到餅乾咁，仲有軟軟地感覺非常好，牛肉岩岩好又多又滑又香，蛋有小小燶邊，配合得非常好我知道豬手都好出名，但我叫左平時應該好少人會叫鯪魚球米粉，我以為普普通通，但佢既鯪魚球是自家製，有雲耳，彈牙好食，米粉就一般

久聞新香園大名 , 吸引了呢兩年罕至深水埗的我到臨進店用餐約3-4pm , 乃下午茶之黃金時間 , 對此類主力做半輕食為主力的老牌茶記應忙個正著 , 不出所料, 不論堂食或外賣人士早已蜂湧而至堂食位置約坐滿了8成多食客 , 看似目測是街坊侖里 , 多為踢拖大叔阿伯及阿嬸甫一坐下即點了招牌的馳名蛋牛治 ,  中年伙計口爆大叫蛋嘔治 , 廚房阿叔明顯忙個正著勉強應付可能日做過百蛋治關係 , 不夠3分鐘已端上桌上 , 色香不俗 , 牛香味未上台就撲鼻而至 , 牛肉稍為過熟左少許選用了鮮滑牛配制 , 輕微的沙嗲入魂 , 麵包雖有烘底但不夠脆 , 肉碎顯不夠多 , 導致口感嫌不足 , 味道徘徊一般至中上埋單盛惠$22 , 因早前來臨前早了功課 , 其他食物只屬一般程度而沒有再試

係隻肥仔瞓到自然醒時我都等到佢發霉啦我唯有打住機等佢 我都餓過龍啦 枉我悉心打扮 佢竟然同我講睇唔到有咩分別 我好傷心呀😩 佢話帶我去尋寶食好野補數 就係咁我地黎到深水埗 佢帶左我去食呀叔精選😝蛋牛治烘底 咸香得黎好好食 好香口 如果我公司係附近 我會買黎做早餐 諗起都覺得係一件好幸福既事❤️熱奶茶茶味都ok 但未係最好飲豬手麵 豬手好淋身 基本上都唔洗點咬 好入味 肥仔推薦呢個呀叔精選成件事有夠麻甩但勝在真係幾好食🤩不錯選❤️

心血來潮想食新香園，係深水埗出哂名～叫左三樣馳名美食；紅豆冰$20佢哋以碎冰為底，主角紅豆煮得多林身，甜味適中配上煉奶味道夾，我很喜歡還非常解熱。馳名蛋牛治$21（一定要烘底 +$1）土司烤嘅焦度剛剛好，外脆內軟，𥚃面的牛跟蛋煎得非常好，牛醃得入味不韌加上中間流箸濃濃蛋汁香，好味阿。 西多士（$21）好邪惡但真係不得不吃。熱辣辣炸起，配厚牛油再淋上滿滿糖漿，中間又夠軟綿綿（沒有夾餡），真係好好食。還有南乳豬手麵都係馳名，舖入面過半枱都叫來食，不過今天太飽了沒叫來吃。

深水埗除了合益泰，一街之隔的新香園亦遠近馳名。下午三點，店內人數不多，選擇外賣的仍是大多數。筆者閒著，固然入內安坐。點了招牌的豬手麵、蛋牛治烘底、茶走；樓面不用寫單的，轉身朝廚房方向大叫即可。負責輕食的大叔聞聲，左手拿起裝了蛋漿的膠杯，右手伸向頭上方鐵架那碗熟的牛肉碎，撥了些到杯裡，用匙攪拌幾下便倒進鍋裡煎，一分鐘後翻面再煎半分鐘即成，剷起放在旁邊一塊烘好的白麵包上，再蓋上另一塊，用刀在中間斜著切成梯形放在膠碟上。樓面端來，立馬揭起麵包一看，蛋煎得死死的；一口咬下，麵包外層乾而少脆，熟透的蛋包著肉碎偏實，邊少脆，蛋味重，牛肉以沙嗲鮮牛入饌而不是常見的鹹牛肉，沙嗲味淡嚼勁輕，整體偏乾，有驚喜但亦有改善空間。不一會，茶麵亦至。先說奶茶，底層明顯有煉奶層，心知不妙；攪勻一喝，奶薄茶味缺，只有明顯的煉奶甜，失敗。試麵，麵重鹼水，來貨之罪也；豬手炆得骨肉分離，然而南乳味偏淡，豬膻味猶在，一般。結帳，六十一大元，親民至極，也不能要求太多了，要解嘴饞的話點蛋牛治便可。有機會也要到新店試試，希望有新驚喜。

食到傳說中嘅蛋牛治，不過不失，可以嘗試，未真係好食到想再食多次，我會去食，但佢好難令人記翻起想食多次。牛筋面同魚蛋面都係一般般，魚蛋我唔明點解咁硬，係我唔識食定咩我唔知，反正只可以講有比佢更好食嘅，同埋啲三文治窿窿地，不過真係平

服務態度極差 不會再去 嘢食普通... 衛生意識0 不太乾淨 大家諗住去哩間 請三思而後行 加上我之後先知原來每人消費要過$20 間鋪又唔寫清楚 啲姨姨之後同返我地講 又唔係友善嘅語氣講 總之一句講晒服務態度好差 拜拜...

呢間非常出名既蛋牛治 禮拜六日遲少少去都要排隊 最好12點半前去到 今次食完大約1點出返去已經見到有條隊蛋牛治係必嗌 而呢度既蛋牛治係用新鮮牛肉 非常足料之餘 牛肉同蛋既份量配合得好好 每啖都食到晒麵包牛肉同蛋而呢度另一樣出名既係豬手麵 不過不失 算係中上既水準豬手炆得幾入味 隻滷水汁亦都幾好味 個麵既湯底都變左大地魚湯加少少滷水汁 所以個湯比起食開腩汁就清淡d 最後仲有西多士 都係水準中上 最緊要係熱辣辣 呢度既野食全部都即製 一定係夠晒新鮮高質舊式小店 要支持！

今天是阿二佬離開香港的大日子，由於時間方面要嘗試配合他，所以飯餐方面都比較亂，送他到機場離開以後，我們一家三口便來到深水埗買點小東西。聽聞家中兩老沒有試過傳說中的蛋牛治，那我們就決定一齊來試試。到了門口人流十分多，排隊大概5分鐘便到我們，由於店內座位不是太多，所以一張圓枱坐四至五個人也是很常見的，我們被安排坐下後便立刻點餐。蛋牛治不是用出面茶餐廳的鹹牛肉，事先牛肉炒蛋，個人覺得牛肉不夠，打嘢吵得比較多，所以可能真的是有點雷聲大雨點小，感覺普通。餐蛋麵是標準出品，不過個人口味會希望雙蛋不要煎得太熟，有蛋黃汁就更好。雲吞粗是兩老的自愛，他們表示不錯，個人覺得茶餐廳出品應該不過不失。總括來說已深水埗眾多餐廳中，它有它出色之處，不過以個人口味就是覺得比較普通，沒有太大驚喜，如果沒有expectations 去的話可能會更好。環境方面就是大排檔式茶餐廳，四五個人坐一張圓枱就是希望你快快脆食完就走得，如果想試食的朋友可以考慮，如果想食得舒服的其實大有選擇。

每次陪媽咪去深水埗買餸～經過門口都會見到好多人🙈一直都心郁郁想黎試💓所以今日十一點半倒就黎左😋原本以為佢係咸牛肉，但係原來佢係手打嘅鮮牛肉🐮啲肉質真係食得出係用人手打出黎嘅，好有口感🤤仲好Juicy!!好濃郁嘅牛味🥰睇相都見到佢鎖住晒啲肉汁😎不過佢可能加左啲梳打粉?鬆肉粉?好似食到有少少味🙈個包加$1可以烘底～冇理由唔烘啦😚個三文治keep到脆卜卜唔會比啲餡整淋左🥪但係因為我走左油～唔知加左牛油🧈會唔會令到個包濕啲🙈不過我自己就鐘意食乾身啲嘅！所以我覺得好好味🥰🥰🥰可以encore

這裏比較有名的蛋牛治，必吃，蛋牛份量不會少，很多人也會叫。另外雲吞麵和水餃粗，湯底不錯，雲吞和水餃也很豐滿。至於西多士也很好味。只是環境感覺比較污糟，一張枱也坐五個人，有點迫。而且坐正收銀進出位置，收銀員不停進出，不停被撞。不過食物不錯，所以有不少人進食