新記芝士麵 (已結業)

豬頸肉芝士汁撈公仔麵($47)-新記既芝士撈公相信好多人都食過，今次係司令第一次食，失禮失禮😂。麵好快上枱，要盡快撈勻唔係麵餅會痴埋一團，芝士味都幾出，食多兩啖都幾膩🤔，唔怕辣可以加枱面既辣椒油🌶，加完之後減輕左膩既感覺。豬頸肉🐷都有五六塊，肉偏軟身，帶少少肥。不過一碗價錢唔平，份量偏細，性價比唔算太高。

聽聞排隊先有得食，呢日好彩唔使等位，一去到就有得入～店內裝潢是舊式風格，玻璃檯面下放有不同國家硬幣做裝飾～今次我叫左豬頸肉芝士撈公仔麵$45芝士味濃郁唔渣流～公仔麵有少少硬身，有口感，我覺得都唔錯～我最怕食豬頸肉好乾身，呢度既豬頸肉好味！唔會太乾太硬！雖然份量唔算多，不過因為芝士好濃，所以呢個份量已經好飽～不過就快飽易肚餓....

朋友是芝士控，所以決定嚟試下喱度好出名「芝士麵」餐廳位於香檳大廈地下，正正在"美麗華商場"的對面，地點都算方便。去到門口已經見到玻璃是貼滿明星的相片同報章雜誌的報導。地方唔算太大，可能我地去的時間仲早，未見太多人食野!我同朋友都叫咗「豬頸肉芝士麵」，落左單都吾夠10分鐘就有得食。豬頸肉芝士麵先見到濃郁的芝士汁佈滿整個碗，芝士味吾太重，都吾會太"漏"，有點像忌廉汁。不過麵質有少少淋，喱個公仔麵吾多似平時食開的出前一丁。豬頸肉好薄, 只得幾片, 吾算太特別。

好耐無去過，以前食開芝士雞排麵，宜家無左。最後叫左芝士豬頸肉同檳城白咖喱。d芝士保持水準，豬頸肉好食但份量好似俾以前少左。檳城白咖喱有d辣無咩特別，個湯味道同喺超市買到嘅即食麵差唔多，返而覺得紅腸有驚喜大大塊又夠厚。

第一次到新記餐廳試食撈丁，因為有朋友話佢聽佢朋友講呢間舖既芝士撈丁好食，所以去試。地方環境普普通通，似一間舊式茶餐廳; 跟住睇完價錢牌，都已經覺得吾普通; 再見到黎到果豌芝士豬扒撈丁同雞扒腸飯，真係個心涼左一截。又細豌，又少餸，每豌價錢$50找返$2。豌芝士麵味道一般，吾差又吾特別好，但豌飯真係嘛嘛，我可以肯定冇下次。

黎到新記緊係要食最出名嘅芝士撈丁啦唔係講笑，見倒47先食倒個撈麵我都打左個突40幾蚊響茶餐廳可以食倒個飯仲有湯送不過一場黎到點都試下嘅叫左豬頸肉芝士撈丁，雞扒芝士撈丁同一杯凍檸茶不過阿姐溜左我杯凍檸茶一黎到見倒碗野咁多芝士即刻收翻果句40蚊響茶餐廳食倒飯仲有湯送事關試過叫芝士麵細果啲芝士係稀嘅所以我對個麵冇抱太大期望所以一見倒啲芝士咁濃條氣順翻哂雖然好多芝士，不過夠我岩岩好撈哂個芝士麵嫁咋食落口芝士味好濃但又唔會好溜，不過啲麵就略為林再小小先講個豬頸肉，雖然個豬頸肉唔係脆果隻但係好煙韌不過個雞扒就略為失色，塊雞扒有啲老，好似食緊蒸老左嘅雞咁個人認為豬頸肉芝士撈丁好食啲，係啲麵林左小小咁

經過尖沙咀，找到了一間芝士撈麵鋪，見有很多明星合照，心想應該不錯吧，誰知才是失望的開始店內環境很一般，是舊式茶記的格局！店內最出名的是豬頸肉芝士撈麵，但個人不吃豬點了雞扒撈麵啦，結果阿姐落錯單，來了個雞扒炒麵⋯⋯已經很禮貌跟她說，結果給她𠲖𠲖哦哦，說有單又不看清楚、又要廚房再出過等等⋯⋯服務態度完全是零！終於重新再出過，芝士味很香很惹味，不過吃下口就無咩味道，而且麵又很乾身，比坊間的小食店還要差，雞扒有一兩件未熟透，已經不敢再問阿姐了，吃多兩口匆匆走人⋯⋯雖然有很多明星合照報章雜誌報導，但細看下都是十年八年前的舊聞舊樣，可能餐廳不憂做食老本吧，不會再來了⋯⋯

已經幾年沒有再光顧了，最近突然很想去吃芝士撈麵，可惜味道已不勝從前了，芝士很快便會凝結，基本上整碗麵熱度不足。豬頸肉芝士汁撈麵 $47鹹檸七 $12雖然是原隻檸檬，但奇怪檸檬裡面是有些啫喱狀，而且個檸檬脹卜卜，感覺怪怪的。菜蜜 - 菜蜜濃度夠，正常。

特登慕名而來既芝士撈丁🧀🍜有少少失望☹️鋪面同鋪內都有好多名星黎食野既相同朋友一人叫左一個撈丁試都幾多芝士汁，個係好咸好乾$47一碗麵😿好貴💸💸

朋友知道我喜歡芝士麵，介紹我到尖沙咀試試新記，特意慕名而來前往一試！ 店鋪開設在舊式大廈內，毫不起眼，而且裝潢略舊，不過勝在有風味吧？而且看店內有大量報紙雜誌介紹，又有明星到訪的合照，似乎值得推介呢！ 餐廳沒甚麼好吃就只有這些，店內食客清一色都只會叫芝士麵呢👍👍👍凍檸賓，平日跟餐加12元便有，假日要正價廿多元杯不化算呢！用上一般餐廳少見的大鐵杯，既保溫又有一份懷舊感，很特別！不過唔知是否師父重手了，凍檸賓味道偏甜，宜少甜會比較好！ 最後到戲肉，豬頸肉芝士撈麵了！芝士香味就一般，不過吃一口就感到超香濃的滋味了！芝味一百分！豬頸肉就有輕烤過的痕跡，而且切得薄身，十分彈牙可口呢！

成日聽到人地話尖沙嘴新記餐廳的芝士撈丁好食，今日就去試下啦紅腸雞蛋芝士汁撈公仔麵 $42賣相好靚，中間有一隻太陽蛋，有4塊脆皮腸，芝士汁感覺與卡夫芝士相似，唔特別，食落仲有點漏，所有食材撈埋一齊係好食，但我覺得唔需要加雞蛋，因為撈完之後食唔出有蛋味，而且價錢偏貴，試一試就算啦

今日去尖沙咀做嘢，心思思就走咗去新記嘅食芝士撈丁，係餐廳外表睇落好普通，不過裏面環境都ok同餐具都幾乾淨，餐牌裏的不是寫撈丁而係寫撈公仔麵的 ~ 朱扒芝士撈公仔麵 朱扒好味，芝士撈入公仔麵唔覺太油 朱頸肉芝士撈公仔麵朱頸肉比起朱扒更入味，撈入麵到更正 瑞士汁雞翼 瑞士汁比較鹹 ~ 一般普通 $50 有啲覺得唔抵 芝士撈公仔麵平均都$40幾，加飲品（凍，熱）都係加$9，但星期六，日及假日飲品就要付原價 ~

終於黎左試呢間芝士麵，真係第一次入黎呢幢香檳大廈，原來響正the one 隔離。星期六，日及公眾假期，飲品正價。凍奶茶與凍菊露，味道好似某紙盒裝既菊花茶。兩樣各自大約十八蚊定二十蚊。小食叫左魷魚鬚併雞翼，咁就六十二蚊，雞翼得兩隻，加多隻翼尖，魷魚鬚上面既芝麻，畫龍點晴，個蜜汁好甜，加埋一齊好好味，黎多個淨麵用黎撈汁就正啦！ 重點來了！雞排芝士麵，食落似係白汁芝士，同埋有種芝士粉既味道咁。整體食落都係好味既。總括黎講價錢稍貴，咁樣食唔飽都食左143 蚊。同類店舖推介大圍既康和，款式更多，而且價錢較平！

平時食開好多港式茶記美食，食到悶悶地，可以到尖沙咀新記茶餐廳一試，係酒店美麗華及商場 THE ONE 附近，招牌主打豬頸肉芝士撈丁，蜜汁龍鬚及瑞士雞翼，大家一定要試誠意推介: 豬頸肉芝士撈丁 ( HKD $55 )， 豬頸肉炭燒得十分野味及鬆軟，再配上濃郁芝士汁撈丁一齊食，非常新奇及開胃，雖然價錢略貴及份量少，如果一般男士並唔夠喉，可以加底 ( HKD $16 )必食小食推介:蜜汁龍鬚，今日與女朋友一齊食，所以試咗雙拼，蜜汁龍鬚拼瑞士汁雞翼 ( HKD $56 )，蜜汁香濃野味，再配上彈牙嘅龍鬚，味道難忘， 龍鬚爽口並不黏牙，但可能與瑞士汁雞翼放在一碟，本人覺得雞翼味道一般，但價錢略貴及份量少，建議叫小食不要叫拼盤平日星期一至五，可以用半價換價飲品，熱飲 HKD $ 6，涷飲 HKD $ 9 ,特飲 HKD $12 ,星期六，日及假期收正價，我就試咗特飲咸柑桔擰七，店舖自稱是用泰國咸柑桔，咸酸甜適中，值得一試店員招呼態度一般，環境一般，但有好多明星相陪你食飯，感覺特別

今日係我個friend18大壽，咁重要噶日子真係好驚唔夠時間準備禮物吖，於是就霖著隨便落樓下搵啲野食，然後就可以出發去party啦 豬頸肉芝士車仔麵，呢度噶野食最特別噶系會落芝士，呢個車仔麵食落去係好濃郁噶芝士香味，豬頸肉好嫩好多汁 蜜汁魷魚須超級入味，不過一個人食一份可能會甜到有啲漏，因為啲醬汁真係好入味 嚟翻杯正宗噶絲襪奶茶，味道香醇，有好濃郁噶奶香味同埋茶味 芝心丸芝士車仔麵，魚蛋好彈牙爽口，而且麵同魚蛋都好有芝士味，甜而不膩