新記芝士麵 (已結業)

一向都係新記芝士撈麵嘅常客 食過新記嘅芝士撈麵，絕對唔可能返轉頭 亦都好難有第二間嘅芝士撈麵超越佢（註：可參詳之前於羅麥記的食評中有提過芝士撈丁）今日路經尖沙咀，就即興再嚟食返個芝士撈麵醫肚 場內的牆壁都痴滿哂相，組成一片眾多名人明星嘅集郵相片海 ，係每位嚟食過嘅明星所留低嘅倩影 就算係完全未食過嘅人，都分分鐘因為明星效應慕名而來！今日簡簡單單叫左兩個《炭燒豬頸肉撈丁》，亦係呢度嘅必食招牌菜 首先芝士汁夠哂「杰身」同濃味，唔會好似其他店鋪咁偷工減料溝淡咗。炭燒豬頸肉幾香口，雖然未能見證係咪真係炭燒，但食落味道唔差，唔韌唔痴牙 。麵底就正正常常爽口口感。不過今日唯一不足係芝士汁太過咸喇 ，以往食咁多次都未遇過呢種情況，可能真係偶有失手！伙記呈上時：撈完之後即刻靚仔哂 最後埋單$88，$44一個芝士撈麵，價錢不算平，但起碼係食得到質素。以同區嚟講，已經算得上係物超所值，希望下次再嚟食嘅時候，能夠食得返以往嘅水準啦

Tried it yesterday.  Not alot of people maybe because it is stil Chinese New Year.  The quantity of cheese vs noodles is quite balance and the pork is quite good.  I also ordered the grilled honey squid, which is a bit too sweet for me but my female colleague like it alot.  Overall, meet my expectations for a simple dinner.  Will come again soon.

對於一個芝士fan黎講, 呢間芝士面真係無得輸.記得第一次黎食係個fd帶我黎. 果時帶住一個好期待嘅心情, 而食完第一次之後就愛上咗佢.呢次都係照舊叫咗豬頸肉芝士面. 除咗芝士面, 豬頸肉都係佢另外一個招牌.份量夠多, 豬頸肉燒到有少少焦, 少少脆, 入邊肉又好爽,入味. 真係好味.雖然44一個面真係少貴. 不過都算佢d料夠,同埋芝士成本高.見到隔離食芝心丸芝士面, 居然都有5粒芝心丸, 都算佢夠足料.次次食完都覺得好滿足, 雖然有d罪惡感. 但d芝士味一直都唔散, 都值得嘅.

我叫了番茄猪颈肉捞丁，味道跟瑞士鸡翅没太大分别，叫了这个鱿鱼苏，味道也是跟瑞士鸡翅差不多。最后我叫了一分瑞士鸡翅，结果我的味蕾没有骗我。很统一都是瑞士汁。朋友叫了一碗照片芝士猪颈肉捞丁，味道淡淡的，我本人比较怕吃浓浓的cheese味道，这个就刚刚好

先入為主關係我係早半年就食過觀塘大圍兩間都係以芝士豬頸肉撈麵就賣點的康x..search下好易搵到..而的確兩間都做得各有千秋..唔錯..最近見到電視播金剛小兒個節目介紹..先知原來最始祖話係呢間啵..我心諗有咁既一回事..一定要試下..抱著期望心態的你就輸了..果然..先睇食評就奇怪做乜差天共地..真係各佔一半好劣..唔甘心下點都要試心態去..點知中伏..先講價錢..個麵講到限時段先跟餐有汽水跟..51$ 我就叫左先發現..不過唔會覺洩左..因為散叫42$..加罐汽水要9蚊..發達啦佢地..到講主角..個麵一來..比康x個d細份0.5倍..個汁..哇..稀的..無乜芝士味..d肉小成倍..得5-6件..人地鋪滿成碗嫁..而且肉味無乜特別比較之下..真係遜色成倍..仲有試埋尤魚鬚..個汁ok..比坊間d蜜汁出色0.5星..但唔足以彌補主角扣分數..所以唔會有下次..份量算係多..有廿條到..45$

今天下班後和老婆仔約會由於下雨只能在室內活動而我們都很想看等一個人咖啡這套電影最後在尖沙咀看了看完後尋找晚餐地點時老婆仔就想吃這裡出名的芝士撈麵馬上上網搜尋一下位置這店位於一個小商場的角落似是隱世美食別具特色我和老婆仔都叫了42元的豬頸肉芝士撈麵要一嚐這裡最著名的味道很快就送來了看起來麵很少但芝士很多而且吃起來芝士很美味那份口感剛剛好似是芝士汁但又不會太稀應該是加了牛奶或者奶油吧使芝士味格外濃厚配襯得麵很好吃而豬頸肉與芝士簡直是最佳的配搭雖然豬頸肉很薄但很香很脆再加上濃厚的芝士怪不得成為這裡的招牌我們都很快便吃完不過這裡地方不大來別的人也很多所以都不好意思逗留了不過那份芝士味確實值得來嘗試一下

上星期因為看演唱會相約了數名朋友吃星座冰室. 誰不知那天沒有開門 時間緊迫便吃了在樓上的這家餐廳。 看門面寫著芝士撈面非常有名 想著應該跟星座冰室差不多 又是蕃茄跟芝士一入門其實已經覺得招呼有點差。。。 但食物最重要， 同行朋友全部吃芝士撈面我就點了蕃茄撈通粉先來蕃茄撈通粉. 一吃我已經知道這個醬的組合是大量砂糖加罐頭蕃茄加一個"顯' 完全不ok ... 通粉是極淋身 最後我只吃了面頭的雞扒。 雖然不想浪貴食物 但不好吃很難勉強 其後是朋友們的芝士撈面很濃味的芝士。 我對芝士不反感 但吃了一啖已經覺得很→膩 朋友們要吃一碗 感覺應該是放大10倍 →膩膩膩膩膩膩膩膩膩膩 , 面質也是淋淋的 ....... 分量不多每碗大約38~45 實際價錢已忘記 假日食又沒有跟餐飲品 要用正價17大洋一杯凍檸茶。..... 舖面很多明星合照 但應該是數年前合照 , 那是否數年前的質素比現在好很多呢？ 希望餐廳可以改進下食物味道， 不好吃把舖面舖內貼滿明星合照也沒用， 我相信早幾年有很多明星光顧之前味道一定是不錯的.....但現在是有點差................

哩間芝士麵都好出名 應該好多人都知係好好味啦, 今次來就諗住試下其他野 叫左個魷魚鬚湯麵, 個湯麵就係純粹公仔麵, 無咩味, 味精粉都好似無落咁, 但個魷魚鬚真係幾正 D汁勁好味, 不過D魷魚鬚就麻麻地入味… 如果來到唔想食芝士麵禁滯 都可以試下食哩個嘅~

早幾年係理工大學讀書時期，窮學生想喺尖沙咀食平啲就會去香檳大廈，一係芝士麵，一係蕃茄麵。不過小妹一直唔多欣賞芝士麵，一來圓枱坐得唔舒服，環境舊但無味道，二來真心唔特別好食，三來蕃茄麵個蕃茄底真心出色，永遠會揀蕃茄而拼棄芝士。近幾年發覺，芝士麵質素低左好多，小妹已有起碼兩年無去過。今日想食蕃茄，但蠢左唔知星期日休息。摸門釘又行到好攰，就一試芝士麵。哈！唔食由自何，一食就大獲，激起小妹打第一篇食評。小妹與男友各點了一個蕃茄雞翼螺絲粉和終極芝士麵，等了又等，足足呆等左三十分鐘，咁都算。先講男友碗麵，話「終極」，有幾「終極」咁呢？其實就係四塊豬頸肉，四至五塊紅腸，加隻煎蛋，完。豬頸肉，話係招牌之作，但硬而乾，唔通係新製品---豬頸肉乾？紅腸同煎蛋正常野，芝士味呢？有但唔濃，或者應該話無以前咁濃，吸引之處都無左，其他野食又普通到唔普通，咁點呀？重點在於我碗蕃茄麵，蕃茄粒幾粒，再用叉沾少少紅色汁一試，下？茄汁黎既？即係煮熟螺絲粉再加茄汁呀！食到我無言。兩碗加埋$94。其實是但搵間茶餐廳都OK過佢，小妹同男友都表示以後唔會再幫襯～

近期太忙了, 以致儲存了好多食評未打.呢間係同事話D芝士麵好好食, 所以相約收工後一同去食, 可能期望過高, 所以好失望.我哋4個人去食, 只係得提議去食個個女仔話好食, 真係個人口味唔同, 我同其餘2個同事都覺得唔好食,可能係有小小明星效應, 所以有D人話好食, 但個人認為完全唔好食, 寧願食麵包都好過食佢哋D無味道嘅麵.先講環境, 好細間店舖, 好座位與座位之間好窄, D餐具又肥淋淋, 比人感覺好唔清潔.價錢 : 貴, 完全唔值食物 :芝士麵: D芝士淡而無味, 完全係無芝士味, 無咸味,  D麵質又唔係出前X丁, 又話係丁麵, 我覺得只係大光麵質地, 真係難食到死.瑞士汁雞翼 : 普通到任何一個識煮飯都識煮嘅瑞士汁雞翼.魷魚鬚: 好硬, D汁過得去, 只係好濃味嘅燒汁

今日特登去試佢嘅馳名芝士麵，如果單係食麵可能唔夠飽，但加埋個豐富嘅芝士汁就真係又飽又滯。點左豬頸肉芝士麵，一上枱香濃嘅芝士味已經撲鼻而來，麵的軟硬度也適中，夠晒彈牙，豬頸肉亦燒得恰到好處，外表香脆但入面肉地夠稔，整體來講都相當不錯。唯一我覺得，即使我都幾like食芝士，那pat芝士汁我都覺得多左啲，感覺有點太膩，我覺得減少三分一或一半，就啱啱好。另外價錢我覺得真係稍為貴了點，$42一碗，確係有點「喇脷」。

上年黎過一次,今次個Friend exchange完返黎,話好掛住要試下!黎呢度基本都唔洗諗,一定係食最出名ge芝士豬頸肉撈丁!順道叫多個蜜汁龍鬚!好老實,其實佢ge賣相係一般!好似好普通ge茶記咁,之但係聞到係非常之香!見到咁多芝士,真係好吸引!芝士已經係好食,撈麫又係我鍾意ge食物之一,加起黎就好好食啦!撈完一翻,即刻食啦!芝士係好香濃,色香味都有!而麫本身就有少少硬度,不過撈麫太軟身就唔好食啦!豬頸肉有4-5片左右,幾好趙口,而且有炭燒味,絕對冇單單focus係撈麫而忽略左豬頸肉!成個麫其實好少,食完多數都唔夠喉!所以整返個蜜汁龍鬚就岩啦!又一出名之作,個汁係好正架,絕對要點多D汁先好食!價錢雖然唔算係平,但係好值得黎食!當下午茶就最岩啦!

Another "hidden gem" in Tsim Sha Tsui, Sun Kee is tucked in a tiny, back corridor on the lobby of Champagne Court. The general location seems seedy and the entrance is easy to miss what with a bigger and "louder" restaurant right next to it, but once you walk by and see the countless newspaper and magazine cut outs featuring the restaurant and the celebrities who patronize it plastered all over it's walls, you'll know you're in the right place.And no, it wasn't the celebrity endorsements that dr

今次黎左依到食好出名既豬頸肉芝士撈麵,自己都真係非常鍾意食芝士,當然要黎試下,叫完等左一陣好快就已經有得食,D芝士汁真係好香,聞落到覺得佢好濃, 一開始當然就要撈勻哂成個,依到個芝士汁顏色同出面個D有少少唔同,依個有少少黃同埋無咁稠,不過食落都係好濃既,而且夠哂濃,都係好好食！麵底係大光麵，整得好都夠爽口唔錯,依個麵最正就係佢個炭燒豬頸肉,食一啖已經有陣炭香味,好鍾意依隻味,而且個蜜煻味都好香,加埋少少炭味,好有燒野食既感覺,最緊要就係肉質做得外面好夠脆同裹面做得好軟身,,又唔會太薄,不過份量少左D,如果可以既多少少就好正。不過一個正常男人食應該唔太夠,不過唔包野飲嫁。所以要考慮下去唔去食,不過味道同價錢都係成正比既。

有好多名星都黎過幫襯. 仲發現D野食好似好唔錯咁! 可惜上次經過既時候無時間食, 今天難得得閒, 特登出黎試下佢!豬頸肉芝士汁撈麵 - 芝士味可以, 個麵都彈牙. 不過, 同一般係屋企自己煮既出前一丁, 混D白汁加塊卡夫芝士, 放入微波爐丁一陣, 差唔多! 再者, 一碗裡面只有五小塊豬頸肉. 失望呀..雞翼芝士撈麵 – 雖然D雞翼一定用左好多調味料去煮, 不過都算整得好食! 過得去啦.蜜汁龍鬚 – 另一個出名之作, 好似個個名星黎到都會食! 賣相幾吸食, 蜜汁甜甜地都可以但略嫌煮得老得濟, 食落唔係韌而係有D硬.