新記芝士麵 (已結業)

新記芝士麵，又係一間大隱隱於市嘅本土食店。差唔多九點嚟到，人唔算太多，仲有少少枱未滿。事頭婆係愛狗之人，收銀處貼滿狗相，而且不斷同佢隻狗係收銀台度玩。一坐低，即點兩味：豬頸肉芝士麵 同 蜜汁龍鬚。後者先至。三個字：勁好食！啲蜜汁非常入味，加上芝麻香，完全係畫龍點睛。大推！芝士麵。麵唔會煮得太軟，所以食落有口感。豬頸肉本身做得不過不失。兩者再配搭上一大片芝士汁，只可以講係「非常放肆」！好滋味。唯一要吹毛求疵嘅美中不足，就係芝士唔夠香。不過呢種芝士先有港味，換轉咗用真係有水準嘅芝士，可能就冇咗呢種本地感。結論：值得返嚟一食再食！

今日嚟呢度試吓下午茶嗰啲杯奶茶好難飲另外叫咗個公司炒飯＄50，嚟到就超級細碟而且收＄50真係超級貴，另外杯奶茶有一浸味，至於服務方面亦都係超級差，下次一定唔會來幫襯

馳名豬頸肉芝士麵-新記新記亦都係大面另一最愛! 充滿學生哥回憶💙第一次試位於尖沙嘴嘅分店, 但感覺質素大不如前, 芝士汁略少且唔夠濃稠, 芝味相比起以前真係淡咗好多! 公仔麵亦偏淋身, 希望灣仔嘅分店可以維持翻以前水準啦😭rating: 5/10

是日喺The One睇完神奇女俠，有少少肚餓，於是行過隔離街新記，嘆返碗招牌芝士麵同蜜汁龍鬚！近lee幾年，新記都冇乜點變。不變嘅當然包括服務、衛生，仲有weekend冇set飲品正價啦我哋order咗終極芝士麵同埋蜜糖魷魚鬚。終極芝士麵比起一般豬頸肉芝士撈麵，終極芝士麵除咗豬頸肉之外，仲多咗紅腸同煎雞蛋。豬勁肉煎得夠香，外焦脆內嫩滑； 芝士味好濃，我將個半熟煎蛋督穿咗嗰蛋黃，同d芝士撈勻，好和味~蜜汁龍鬚蜜糖醬汁都仲keep到嗰水準，魷魚須略嫌韌咗少少，同埋唔夠入味。炒香咗嘅白芝麻灑喺上面，芝麻香撲鼻~是日禮拜六下午，但餐廳入座率都不算高，既然餐廳營業的話，為什麼不提供套餐包飲品呢?? 就算跟餐on top加飲品都已經要加$8，同市場上其他同類食肆比較都不算便宜，更何況正價要接近$20的飲品? 我眼見附近的食客，除咗遊客之外，一般嘅用餐食客都冇order飲品，好明顯都係因為lee嗰原因啦~ 為咗賺多嗰十蚊八蚊，結果得不償失~ 希望店家有機會考慮週末加設套餐包飲品啦，各有所得~

每次自己去開尖沙咀美麗華都心思思嚟新記食翻碗邪惡芝士麵。每次都係會揀炭燒豬頸肉做配料，成個配搭真係百食不厭！芝士汁唔會太稠太濃搞到好漏，但又好有芝士味。麵就係普通茶記用既麵，碌得啱啱好唔會太淋太硬，撈埋d芝士汁真係好正。而豬頸肉燒到好香脆，切得好厚身，啖啖肉，但唔會好乾好鞋，d汁甜甜地mix埋d芝士汁簡直畫龍點睛。但價錢有少少貴，而且份量真係偏細，做下午茶就啱啱好，如果做晚餐或者午餐就略嫌唔夠飽。

是咁的我係去睇二手相機嘅，個個廣告裝修唔靚，好唔顯眼，一般都好小會行到入去。所以我都只係因為係網上搵到地址去搵相機先會去呢到。就係咁有緣，比我搵到呢間餐聽啦。門口已經貼滿明星照片，好多明星㴝過。好，咁就入去試下啦。茶記㴝講佢都算偏貴，叫左一個麵一個奶油多已經73蚊啦，冇包括嘢飲但食物真係有驚喜

久不久一次，我覺得係幾好。我一向都不太好芝士味嘅食物， 呢個芝士撈丁算係我可接受。今次去食有少少失望， 味道比以前淡咗。但都可以架……鋪頭開12點， 已經有好多人等位啦。啱啱開鋪， 可能未ready好啦！ 所以出食物比較慢。雖然芝士撈丁， 佢係最早期既。但味道真係要改革下。

話說小妹既👲🐽係芝士狂迷🙈🙈而佢每次出到尖咀都會心思思搵佢既至愛既【芝士撈丁】加凍🍋茶😂😂✨豬頸肉芝士汁撈公仔麵（hkd $47）豬頸肉厚薄適中，爽口不乾身並帶蜜味💕芝士汁份量足夠不膩口；公仔麵亦煮得剛好，不會因煮得過熟而令麵質變得淋身糊口👍整體黎講，呢個撈丁都算係喺中上水平啦！因為小妹最怕喺出食公仔麵會食到啲淋身既麵😫😫所以小妹同👲🐽都食左唔少次，而小妹每次都係獨沽一味食豬頸肉😝😝😝但其實都唔係平食之選黎架，但鬼叫👲🐽咁中意食咩😑😑

以用料成本來計，芝士、公仔麵、豬頸肉、雞翼，新記芝士麵真係好貴；周末飲料分開計其實貴得離譜。但係我都差不多每一個月會光顧一次，別叫我，我犯賤。去親新記感覺就是cheat day，fat loading的一天：一啖啖濃厚的芝士，阿媽話冇益的撈丁，肥瘦剛好的豬頸肉，每一啖都充滿罪惡感。瑞士雞中翼，十幾蚊一隻，真係好很貴。但係絕對係城中最好食的一間瑞士雞翼：熱辣辣，脹卜卜，啖啖肉，勁入味-- 冇得輸！Shut up and take my money!

有一日ot完想喺尖沙咀搵野食，諗住撞下彩睇下新記收左未，好彩仲未收！可能夜所以唔多人。叫左一個豬頸肉芝士撈麵同蜜汁龍鬚芝士撈麵。蜜汁龍鬚同以前一樣咁好食，芝士就比以前淡左同杰左所以難撈左 不過都係咁好食

係尖沙咀有咩平野食？一時間真係諗唔起。有朋友係台灣黎，同佢係尖沙咀食完飯再周圍行下，佢話有d餓，咁我就search下尖沙咀咁夜仲有咩地到野食啦，一搵先知原來新記開到咁夜，即刻帶外國朋友試下香港既芝士公仔麵啦。大大碗，濃厚既芝士味，台灣朋友感覺不錯

女友話哩間係香港首間芝士撈麵，係唔係真係唔知，不過佢話想試下，咪聽下佢話囉！豬頸肉芝士撈麵黎到，已經有好強烈芝士味！中意食芝士嘅人必定中意！豬頸肉其實比較易處理，所以豬頸肉都唔錯，意料之內。個人喜好，我中意食芝士，但唔多識欣賞芝士嘅香味，所以我叫左個炒公仔麵, 雞蛋煎得唔錯，炒麵味道適中。缺點係餐廳太細，可能我地早到又好彩，唔洗等就有位坐，如果唔係必然要等位，另外細鋪死症，就係選擇唔多。最後一提，服務都唔錯。

有一日同朋友喺尖沙咀放工，我哋好肚餓，但係有成差唔多11點都唔知周街邊度有得食，突然諗到新既嗰個籠包嘅芝士醬汁我哋即刻衝過去成個公仔面抌晒落去完全滿足到肚餓又鍾意食芝士嘅我哋，新記咁出名都唔需要我多介紹，但認真係想介紹比好肚餓，但又諗唔到尖沙咀有乜嘢價錢相宜又好食嘅嘢嘅朋友們食！

前幾日約咗個朋友去尖沙咀行吓想食芝士撈麵點知行到去香檳大廈附近The One附近發現到一間芝士撈麵叫做新記，入得去佢有唔同款式嘅撈麵有蕃茄芝士撈麵啦有筍嘅芝士撈麵，我自己就揀咗豬頸肉芝士撈麵食落去芝士味好濃豬頸肉亦都好爽唔會太硬煎得，不過價錢就比較貴左少少！

Every time I'm back in Hong Kong, I come to this hidden cafe at least twice to have a bowl of cheese noodles with grilled pork jowl. While the noodles belong to the instant brand, it is cooked perfectly chewy, complementing the generous amount of cheese sauce that coats every strand after. The grilled pork jowl is my go-to because its subtly sweet & smoky flavour cuts through the heaviness of the cheese and clears the palate for the next spoonful.Absolutely delightful – just recalling it is enou