新華茶餐廳

營業中

休息中

男朋友在這區實習，忙裡偷閒到這兒吃下午茶．見大家對酥皮蛋撻讚不絕口，先叫兩個來一試．新鮮出爐熱辣辣，酥皮好鬆化，蛋好香滑．吃完蛋撻有點口渴，想叫飲品，不過一杯凍飲要十多元，不如叫個特餐才多十元．我不太肚餓，只試了一口沙爹牛肉麵，沙爹牛肉果然好入味，麵好爽好彈牙．可是餐廳內太多人吸煙，著實受不了四處飄來的毒氣．這區有那麼價廉物美的食店，在這區實習真有口福．

我好鐘意食酥皮蛋撻架！不過我食過好多間食店既酥皮蛋撻，冇一間比得上新華。佢d蛋撻酥皮好厚、好香，唔食蛋，剩食酥皮都會覺得好好食！當然，d蛋亦係非常好食，唔太甜，好軟、好滑！我嘗過佢新鮮熱辣出爐既酥皮蛋撻，好味度可以話爆燈，200%！我也嘗過佢非新鮮熱辣出爐既酥皮蛋撻，好味度竟也有100%！好好食！可想而知新華d酥皮蛋撻有幾掂！(1個HK$3.5)另一強烈推介：沙爹牛肉包！即叫即焗，e個又係超好食，好食到唔識形容！九蚊大大個，好過食炒飯面！

行街遇到長沙灣地膽auntie，佢帶我兩公婆嚟坐低傾偈。我倆飲咗咖啡同奶茶，都夠味唔錯。又試咗蛋撻同雞批，蛋撻嘅皮做得幾香脆，蛋好香滑。雞批就相對上普通咗啲。

1.最愛是餐蛋包2.奄列十分滑3.茄豬扒飯很好吃4.蛋達絕5.不過位好迫p.s個人更喜歡前面街的"金園餐廳"，所有賣的大致一樣，但沒有飯，奄列是香煎，聽說是兩兄弟，分裂出來的。

個特餐好抵.$22 only. 沙嗲牛肉面好食.好懷舊0既茶餐廳, 幾乾淨.

經典茶餐聽!不可不試既奶茶,,茶味奶味都好香濃!各樣食物都幾好,,個人推介沙嗲牛肉包,,個包好脆,,牛肉好香,,夾到不得了!食一個加杯茶都好飽!加上服務一流,開口埋口都請坐呀,慢用咁!!值得試下!

呢間野d蛋撻真係一絕…佢又唔會太甜啦…個皮好鬆化…新鮮熱辣食…真係好正呀…我覺得好味過蛋撻王d蛋撻好多呀…行過不防試下…一定包你稱心滿足呀﹐食完想再食

平時我係唔食酥皮蛋撻但見咁多人勁讚今日咁o岩經過呢頭買個黎試番到屋企雖然已經凍晒但叮番熱食仍然唔錯蛋果然好香蛋味酥皮分成好多層夠鬆化又唔油係唔錯！！不過有d登阿叔慘成日就咁企o係街度等人幫襯

5/4(三) 1pm見旦撻新鮮出爐,二話不說買左個就地正法,之前食過吾系新鮮出爐,真系差好遠!今次旦漲卜卜,相當滑溜,甜度適中,酥皮鬆化,$3.5物超所值.但切記要新鮮出爐先好買!

(1/4)　　在這個薄霧的早晨，坐在餐廳的樓上雅座，伴隨著是咖啡杯的奶茶及微暖的早餐。眼前那牆上壁畫，似乎它已超脫了無情的界限。　　那位《鼓手》－－時間對他來說已不重要，因為他已經站在永恆的那一邊。

今日買左個新鮮出爐蛋撻,果然無令我失望,D酥皮好鬆,旦又夠滑...正!不過個椰撻D皮就實左D,味道一般.蝴蝶酥得個邊位好食,中位置焗得唔夠鬆,味道都係一般.

（因日內發神經咁連續食o左幾間唔同餅舖既卷蛋，o係味蕾比較敏銳既情況下記一記低。）係一位深水步街坊介紹過我的，搞到我成日心思思想去；試過第一次之後，逢落深水步必去。新華最正既係...（唔知係咪賣/食既呢？），係門口左邊冰櫃個Barbie 蛋糕：個公仔插o左o係個半球、用傳統茶餐廳忌廉製既忌廉蛋糕上面；D 忌廉一粒一粒唧o係個蛋糕面，好考功夫，但當我每次幫襯，每次都見到o個陣，就開始問到底個蛋糕有幾耐「歷史」。卷蛋用既係薄既蛋糕皮，用既係茶餐廳好企身既忌廉；比其他地方既卷蛋捲多半個至一個圈，cream 好滑、蛋糕唔太甜，好夾。新華值得記既不止是卷蛋，而係所有西餅。其中大曲奇都值得一試：軟（但唔係非常鬆o個隻，但又唔係一咬散o個隻）曲奇夾住朱古力dipping，有粒蜜餞裝飾。唔好睇個樣平平無奇，食o左覺得出奇地夾：朱古力dipping唔太甜，就連粒蜜餞都唔太甜，或者太勁味搶哂曲奇味，好。

今日下晝無啦啦落雨...無遮既我原本打算去小金井食飯....但無遮又無費事行就是但搵左呢間茶記入去啦。 入到去見到個餐牌就知佢係舊式茶餐廳,無無期望之下叫左個沙爹牛飯+凍奶茶。上個陣佢個碟好特別,係'墮'圓形碟,佢d沙爹牛真係好好食!勁入味,我覺得呢度既沙爹牛係我食咁耐以黎最好食既一間,但奶茶就過甜啦....下次要叫少甜...埋單都只係廿六(凍飲+6蚊)..實在抵食,值得推介

中午因為碗味千拉麵太鹹沒有吃完，未到3點已經肚餓，去了老牌茶記食個下午茶。叫了蛋撻及熱奶茶。老字號始終係老字號：蛋撻又熱又香又夠蛋味；奶茶亦夠滑，乃高水平之作。論服務，茶餐廳來說絕對可以接受。

沙爹牛面正, 蛋撻更正.最值得讚賞的是,其中一個waiter十分有禮貌,竟叫我們請慢用.他是載著一個類似助聽器的男人,真的十分十分有禮~~