新華茶餐廳

營業中

休息中

主人與奴隸獸既然來到蘇屋邨，又怎可以錯過『新華茶餐廳』的蛋撻（HK$4.0）和雞批（HK$6.0）呢？除此之外，亦點了熱咖啡（HK$12）及剛出爐的腿蛋包（HK$4.5）。蛋撻和雞批已經涼了，味道難免打了一些折扣。蛋撻的酥皮尚算鬆化，但中央下陷的蛋身，味道尚可，賣相及口感就有點令人失望。雞批批皮牛油味香濃，白汁雞粒餡，味道亦不錯，獨欠那份 Juicy 的口感，相信新鮮出爐，應該會是頂呱呱吧！得到補償的，是那件，包身軟熟，蛋香四溢，美味得很。希望下次光顧可以食到剛出爐的蛋撻和雞批。

難得空閒的一個星期天~等左好耐ge一個休息日~忽發奇想地想冰一冰~就決定到青山道走一趟~七個字的電話號碼~小比的腦唔曉轉的~只懂問...咁點打~?!大比說著..加個2字係前咪得囉....=.=''門口還保留了舊式餅櫃~~蛋撻同雞批都好像不錯呢~~見有樓上雅座~當然不放過..啡調是舊式茶餐廳的主色~~~很懷念呢~老樣子的想吃沙嗲牛~就要了個午餐~這裡最特別就是粉麵通以外~也可轉粉絲的~不過這麼飽肚的東西就可免則免了~小比要一個蛋撻就可以了~但不是熱辣辣~吸引力少了點點tim~是酥皮樣式的~若只從外觀判斷~當然不及常見的討好...酥皮就認為太厚的了~若只吃中層的酥皮與蛋~感覺會好一點沙嗲牛麵沒有太多沙嗲汁~~~但牛卻來得入味~雖然只是大光麵~但卻是最迎合到咱們的草根口味牛肉是有一點點燒焦了~也少不免梳了梳啤了啤~~但可接受小比搶著奄列先吃~~~切開簡直有點surprise的感覺~好耐都無食過咁蛋汁的奄列了~~說真的~~在這餐中~奄列是最強的一環~凍奶茶都夠滑~略嫌茶味偏淡~所有桌椅都經歷了不知多少個年頭~但卻保留了當年的風格一推門出去就看到芭比的蛋糕了~~woow...全港好像只有兩三間冰

有一次經過這一間茶餐廳我行了入去食tea,居然比我發覺左呢一到的鷄批($6)和蛋撻($4)係這麼好食的,我講鷄批,見佢新鮮出爐我立即叫了一個試試,我先月义吉落去,我就feel到佢有好多汁在批內,可以keep到仲係濕濕地的,外面皮脆,內裏多汁,非常好味到,食落去仲有些鷄粒添.........$6呢個價錢超價. 而佢的蛋撻係用酥皮做的,現在好小地方用酥皮做蛋撻了,蛋漿的甜味剛剛好,唔係太甜..........一個字"正",加埋杯凍央真係食得非常開心.......今次個tea我真係滿意到極呀.

週末我地去李鄭屋村影相前，黎比較一下新華和金園新鮮出爐的酥皮蛋撻！ 新華既蛋撻 ($4) 少甜夠滑，酥皮一層層油油而鬆化的，味道和口感能媲美泰昌。 如果鍾意曲奇皮蛋撻既，會略嫌油膩，但可以接受。

星期六早起來, 行去長沙灣廣場辦點小事後, 又興緻圯來, 行上明愛醫院, 再由蘇屋落返黎, 入K仔買了飲品, 突聞蛋撻香, 雖然$4一隻, 但都忍不住手, 買回家食.沒有用盒裝俾我, 四隻蛋撻反轉"吸", 靚既蛋撻始終不同, 反轉了一樣唔爛.等到兩三點凍了才食, 蛋撻皮夠酥化, 蛋質結實. 甜味適中. 做蛋撻始終是由老港式茶餐廳出品為正! 來到茶餐廳買餅的人, 不是椰撻就是蛋撻, 靚蛋撻餅食麵包, 在香港老城區, 往往給你不少驚喜.

最初我發現佢既酥皮蛋撻好好食, 好香~放左一陣先食個酥皮重好脆好鬆!成日食~到左宜家,呢度已變為我午飯食堂~成日食特餐,因為個奄列火腿蛋好好食, 有蛋汁…(不過有時冇蛋汁,十次中有二次冇咁啦)D伙計雖然唔係時下出面個D禮貌周周,但係好有記性又快手, 個個都好有character…哈哈

上次話要試蛋撻，所以趁星期六放工買黎當下午茶同屋企人試下。新鮮熱辣三點出爐的蛋撻十分之吸引，不少人於等紅綠燈期間都聞香而至買撻一試。一心買蛋撻，但見其他懷舊糕餅都十分精緻，所以也買了兩件椰撻及兩件牛油曲奇，件件四蚊。店員收錢收到無停手。其間有人買了一盒非常大的東西，原來她買了陳列在門口玻璃櫃的洋娃娃蛋糕，還要是巨大版那個。之前見到洋娃娃蛋糕覺得好得意，不過一直懷疑有無人買，原來真係有客路的~ 唔知味道又會如何呢？朋友笑說肯定唔方好吃 =="買完餅飛車返屋企，一路上都感覺到蛋撻的熱力從盒裡傳到我的膝蓋，非常之燙，令我很心急想快些吃掉它們~~~可愛的蛋撻回到家時還是熱的 一口咬下，十分鬆化，和預期一樣美味。最喜歡它的皮一點也不油，中間的蛋又十分滑流~ 至於椰撻也是不錯呢，甜度適中，而且大大個、厚厚的，非常「豐盈」，咬下去很滿足 =\比較之下，那兩塊曲奇就沒有那麼突出了。普通牛油曲奇，中間夾了少許朱古力，食落有點兒乾，需要大量灌水。要在這裡吃餅的話，首選蛋撻、椰撻啦。

去開長沙環做野，好朋友熱烈推介我去新華茶餐廳。我同朋友一樣叫了 $25 茶餐，有火腿奄列沙爹牛麵 <--- 轉粉絲熱飲一杯朋友話沙爹牛麵可以轉粉絲，索曬o的汁會好好味，我見平時好少可以o係茶餐廳叫沙爹牛配粉絲，所以點都要試一試！個沙爹汁好好味，牛肉唔韌，不錯可惜唔夠多汁，如果多o的沙爹汁，o的粉絲會更吸引。令我喜出望外的是那份火腿奄列。本身不是太好雞蛋的我覺得這個奄列很好吃。蛋煎得很香，但一點也不油膩，火腿味道又剛剛好，本人非常喜歡 結帳離開時看見剛出爐的糕餅，朋友說這裡最出名的其實是蛋撻。看見那些香噴噴、熱騰騰的蛋撻、椰撻還有紙包蛋糕，愛吃零食多於正餐的我決定下次一定要試試它們

其實新華茶餐廳幫襯次數好少好少(好似只得一兩次...)但d蛋撻就幫襯過好多次了...嘩!!!真係好好食架!!!本身我就已經覺得酥皮蛋撻係咁多種蛋撻之中最好食架喇,新華仲要係整得特別好食既一間tim ar!!!冇呃你,你去試下就知架喇!!!每當佢d蛋撻新鮮熱辣食嗰陣...嘩,嗰層酥皮,鬆化到...好味到...個皮又夠厚喎,但又唔會油林林,中間d蛋,軟硬適中,總之成個蛋撻都做到接近十全十美 o係啦!!!(雖然我知逢係蛋撻新鮮出爐都好味架啦,但係新華真係特別特別好味架!!!)

離開車品品後，我倆步行到太子地鐵站，再乘地鐵到美孚站。因為今天是女友的回顧日，所以也到了她昔日學校的地方四處走走。一走便是兩小時，差不多整個美孚新邨都行遍了，到最後也就決定邊走邊看看有那一間店可以吸引我們進內用膳。由美孚一直的走，走過了荔枝角再轉入青山道便被在雪櫃中的那個公仔蛋糕吸引住了。再細看之下，這店保留著七十後八十前年代的裝修，回顧一下舊式茶餐廳風味也不錯。進店後即受到伙記的熱情歡迎，這位叔叔說話時"陰聲細氣"甚是趣怪~ 拿著餐牌在看時，發現這店有售賣很多舊式食物，例如：金牛、黑牛、七星梳打、保衛爾牛汁等等 最後決定要了沙爹牛肉飯、火腿奄列、乾炒叉燒意粉和奶茶(濃)~先來的是奄列，它的份較應該比不上荃灣的嘉華，不過雖用蛋漿來作但是蛋香味仍然四溢，火腿切成幼幼的絲，味道較切成粗條的較易與蛋的味道結合，奄列仍有一點蛋汁，已經收貨了~再來是沙爹牛肉飯，這飯一放下來，便聞到一股強烈的沙爹香味，原來這個沙爹是加入了洋蔥即炒的!怪不得醬汁的香味能夠完全發揮出來。沙爹汁味道非常香而微辣帶少許甜，牛肉該不是化學牛。一大口飯連著醬汁牛肉一起下去，令人越吃越開胃，正!凍奶茶，茶味香而幼滑，水準不錯~

今日中午去開長沙灣, 來左呢間好多食家話好食o既茶餐廳試下. 門面真係好普通, 行過左都唔覺! 入到去侍應立即招呼去卡位坐. 間舖俾我o既感覺就好似返去細個時去茶餐廳食o野咁, 因為裝修好舊式茶餐廳!! 叫左個出名既特餐. 先上枱係奶茶, 又重又大隻杯果種, 夠滑又有茶味; 之後有餐包+火腿奄列, 餐包有點失望, 雖然夠大, 又有搽牛油, 但係唔熱! 然後就上沙爹牛肉粉絲, 果然不錯, 牛肉份量ok, 而且算淋, 粉絲較滑口, 又能吸收沙爹汁, 比米粉還好! 如果個餐包可以焗熱就更加好!!

今日3:30pm已經上完堂...之後覺得有d肚餓!!!有朋友話想食e 間茶餐廳...所以我地又再次光臨!!我地6個女仔又係坐返上次樓上個張6人台..由於我地只係當hi tea..所以我同另外2個女仔夾份食1個飯.."楊州炒飯"之後另外加多左件"葡撻"- 楊州炒飯 (炒得幾乾身..幾好味..而且份量幾多..1人1碗滿滿的)- 葡撻 (雖然賣相麻麻,而且拎上手只係暖暖地....但食落去係熱的..唔錯!!)食左2樣野都只需要$13....真係抵!!!而且又食到好飽^^

第二天在另一個早上，來了這裡吃菠蘿包及喝咖啡。也是出爐的，也是熱熱的，椰蓉皮亦是「硬脆」版而不是鬆軟版。不過這裡的做得比隔離的鬆一點，而包本身也是超高水準，香軟無比，也是不吃菠蘿包吃餐包也一樣出色的。熱咖啡也有水準，用的還是厚身的茶杯，加上埋單是13元半，比起隔離，嬴個馬鼻咁多多。果然值得一試，而這邊亦人客較多的。

兩個星期前做野經過呢間餐廳﹗間餐廳看來有d似舊式o既冰室，入到去第一個感覺就係，幾舒服啞﹗坐低叫個lunch﹗出得都唔慢﹗d waiter動作快﹗雖然見佢地有時會同d熟客傾下計﹗但依然可以一路做野一路傾﹗唔會覺得佢地偷懶，黎到個沙嗲牛肉面幾香口﹗我好鐘意食沙嗲牛肉面架﹗所以會去唔同地方食﹗呢間食落去味道幾好味丫﹗值得再黎一試~^^~

上完堂,我同幾個個同學一齊去食lunch!!!長沙灣好多地方我地都已經食過,都唔知食咩好!平時我地成日經過e間茶餐\廳..完全冇唸過會入去食嫁,但今日我地入左去!!我地有6個人.所以坐左係2樓!!我叫左\"特餐\/$25\"-沙嗲牛肉米(d牛肉好入味,好正!!)-火腿奄列(佢\d火腿切成1線狀包係蛋度,份量好多^^)-牛油餐\包-凍華田食完之後好飽飽..估唔到e間野幾好食,而且d伙計仲好好人添,哈哈^^