影片
更多
2008-09-20
15 瀏覽
由興華街搬到青山道,到拆伙多左間隔幾個鋪位既金園...加加埋埋三十年都有....豬排會意粉----份量夠大,件豬排炸得好香口,雖然近年食慣鬼佬意粉(即係硬到有少少生果隻)佢果D係淥完勁啤水已經軟晒變左好大條果種,但比佢用茄汁炒一炒加埋個杰撻撻會汁,咁多年都係咁.....正!沙爹牛肉----食完會意粉,公仔麵就一定食唔落,不過都會叫個沙爹牛肉包!沙爹香濃牛肉入味,用大個甜餐包中間開一刀搽D馬芝蓮,放上扒爐烘一陣加埋沙爹牛....飽死都要食!佢D牛肉仲係用手切,唔係出面刨好晒交貨果種.蛋撻----撞正出爐就外賣,因為次次食完上面兩樣已經頂爆!由細到大只食酥皮蛋撻就因為佢,皮就好香牛油味,蛋漿不太甜及不會過熟.覺得佢咁好味可能同食左咁多年有關,呢間就係自己搬走咁多年,都仲會專登番來食既茶餐廳!
豬排會意粉----份量夠大,件豬排炸得好香口,雖然近年食慣鬼佬意粉(即係硬到有少少生果隻)佢果D係淥完勁啤水已經軟晒變左好大條果種,但比佢用茄汁炒一炒加埋個杰撻撻會汁,咁多年都係咁.....正!
沙爹牛肉----食完會意粉,公仔麵就一定食唔落,不過都會叫個沙爹牛肉包!沙爹香濃牛肉入味,用大個甜餐包中間開一刀搽D馬芝蓮,放上扒爐烘一陣加埋沙爹牛....飽死都要食!佢D牛肉仲係用手切,唔係出面刨好晒交貨果種.
蛋撻----撞正出爐就外賣,因為次次食完上面兩樣已經頂爆!由細到大只食酥皮蛋撻就因為佢,皮就好香牛油味,蛋漿不太甜及不會過熟.
覺得佢咁好味可能同食左咁多年有關,呢間就係自己搬走咁多年,都仲會專登番來食既茶餐廳!
張貼