新華茶餐廳

營業中

休息中

由於來長沙灣睇醫生，就順便係呢度食埋飯啦， Google 搵左評分最高既呢間舊式茶餐廳，點知野食中左伏，但餐廳阿叔幾好人，唔係西口西面既侍應。分別叫左一個常餐一個午餐，都係叫左凍檸茶，茶底係比較苦澀味重，反而幾欣賞，因為同檸檬既酸有互相提味既作用。主菜既面分別係叉燒湯意，同沙嗲牛肉麵，叉燒好似有層粉包住咁，而意粉都太淋了；牛肉同叉燒犯左同一個錯，都係太多粉，面質都唔滑又唔爽，如果有出前一丁揀就好了。奄列剛熟，餐包甜甜地都軟身。負評係比個面既，因為佢係常餐同午餐中係好重要既一角，個面一唔好食，成個餐就少左。

蛋撻我認為一定要食酥皮的。充滿油酥味香噴噴嘅千層酥皮，加上甜甜滑滑嘅蛋心，絕正！不過而家有出爐酥皮蛋撻嘅地方買少見少了，所以見到就要食😁🤭。是日行過長沙灣新華茶餐廳，見到新鮮出爐，腳仔自自然然就走左入去， 點一個蛋撻，配一杯凍檸樂，一來消暑，二來止癮😏，好滿足了。

周日嘅下晝4點，啲街坊多到要上樓上雅座。嚟到香港地買少見少嘅地道冰室，唔洗諗都係食常餐特餐。見到個long time no see嘅奄列，突然發現其實宜家周圍啲常餐都變咗火腿+炒蛋，想食個奄列都唔係咁易榨菜肉絲米係有滿滿嘅榨菜叉燒意嘅叉燒睇樣都知夠經典，湯頭仲要係忌廉雞湯成個餐美中不足係牛油餐包好少牛油蛋撻當然亦係冰室必食：新鮮出爐嘅蛋撻，個酥皮仲鬆過方塊酥，入面嘅蛋亦都滑嘟嘟。葡撻就比較失色，應該擺咗一段時間，酥皮已經腍哂變咗一pat野，焦糖味唔夠出，反而成個蛋都超級甜。

光顧多年的長沙灣青山道「新華茶餐廳」吃個早餐。以前都很熟悉新華當年的掌櫃和樓面，過年我會落去派利是，他們可能以為這個客人是街坊，殊不知茶餐廳熟客也會有駕車跨區前來的。老香港的味道，出色的奶茶蛋撻，和他濃郁的人情味和人文情懷，是我青睞新華的原因。青山道從過去到現在依然是「港味」最濃的社區之一，附近孕育了好些香港傳奇如許冠傑黃家駒等的蘇屋邨，杜鵑樓地下的「杜鵑茶餐廳」，與新華堪稱該地區茶記的一時瑜亮。

相約朋友在深水埗做運動, 佢介紹呢間懷舊茶仔, 話特餐係出名既~ 就不妨聽聽地膽介紹~ 試一試佢~環境:一睇門面, 果然係老店,  傳統招牌, 茶色燈光,  門口仲有舊式茶仔特有的麵包蛋糕: 紙包蛋糕、椰撻、蛋撻、瑞士卷... 店有兩層, 樓上無開, 我坐樓下, 見枱有卡位, 4人枱, 店細細, 枱與座位空間較細, 四人卡位坐齊四個成人真係啱啱好, 不能移動~ 可能從前香港環境無咁富裕, 街坊都係瘦D, 坐四人位都係有鬆動既~而家我地大部份人都"肥絲大隻", 懷舊老店的坐位都唔太夠坐喇~ 哈哈~食物:朋友介紹得特餐, 梗係叫呢個啦~沙嗲牛肉麵, 沙嗲味濃, 牛肉量算多, 麵呢, 我叫左淋D... 但食落唔多覺碌耐左... 味道中規中矩~奄列係不錯既, 蛋唔會好多油, 裡面仲係有滑蛋, 火腿絲係真係絲, 唔係大大條~餐包就正常~ 已塗牛油, 份量剛好, 包是室溫的, 沒有特別~朋友話佢杯凍檸茶係正既, 冰是碎上, 檸檬5片, 好足料~ 好飲~我杯係唂咕, 無平日飲既朱古力咁甜, 較苦, 都不錯~  服務:上菜極快, 一陣就有~ 店員叔叔都好風趣, 會同客人吹下水, 講下笑, 有禮親切~我

早幾個月因工作關係而經常到長沙灣，新華差不多是每次的早餐聚腳點。特別鍾情這裏的歲月痕跡，枱凳地板都較舊，上層是個騎樓。老顧客都沒有那種急速感，吃個包、喝杯茶、讀讀報紙，享受着早上。我們有時會叫新鮮出爐的麵包或蛋撻，熱呼呼的；有時會點米粉餐，因為米粉可以轉作粉絲！今次叫了搾菜粉絲配奄列！如果想轉煎蛋亦都可以。每次食完都感覺滿足，而且會慢慢嘆那杯茶，打打牙骱，談談工作上或以外的事。期待下次再來。留意 - 他們已經沒有再做啫喱了

早歺➡常歺omelet有蛋汁，不太乾，火腿足夠。歺包已搽好牛油比你，微暖。沙嗲牛肉麵，牛肉份量適中，味道好味，麵都好吃，不太淋或硬。熱咖啡冇加糖也吾算太苦另$6一塊大餅，中間有朱古力夾心，朱古力太少，吃不出有朱古力。餅係淋的，不是翠的餅。牛油味好香。環境:比較舊，但dirty程度ok,可接受。服務：全部阿伯阿叔，但都有礼

兒時的麵包店、款式不多、當年發明的西餅，忌廉是重奶油打起，同一產品，今天的小孩子一定覺得唔好味，新華茶餐廰堅守原創，幾十年如一日，原來懷舊亦可成為潮流。有閣樓嘅餐廳，整潔舒適奶油椰絲包，撇開重口味嘅奶油，本身麵包帶甜，同椰絲亦係好夾，一口咬落，新鮮輭熟，D奶油喺中間必曬出來，真係好high 。蛋撻係傳統果隻，千層酥皮，熱辣辣充滿蛋香，中間仲有少少流心，無得輸。當然還有一般茶餐廳的通粉意粉，不過既然要食回憶，當然就是傳統的西餅麵包大勝。

三點三，下午茶，你會揀D乜呢？一件蛋撻，加一杯港式絲襪奶茶，又是不是你杯茶呢？除咗蛋撻，雞尾包、紙包蛋糕，相信香港人嘅你唔會未食過，但係要食得有質素嘅，呢間餐廳必然是你的首選伙記會好熟練咁同你落單，佢仲會提你呢度有最低消費，你如果唔習慣，會覺得佢地寸寸地，不過如果你將啲心態放喺食物上面，就會忘記佢哋咁有性格的態度又或者簡單啲說，佢哋寸得有道理熱騰騰的酥皮蛋撻，濃濃的蛋香，當你咬了一口，會望到啲蛋漿「震騰騰」，𢇁襪奶茶，香滑茶味濃，絕對絕對不會令你失望還有呢個紙包蛋糕，是我小時候最喜歡吃的，講真細個嘅時候覺得好好食，而家食落就覺得食唔番以前嘅味道，可能以前根本冇咁多好嘢食，簡單的一個紙包蛋糕已經係當時嘅美食

長沙灣青山道的餐廳, 其實我都唔知幾耐先食得晒。新餐廳固然要試, 但新華的食物常常纏繞我心魔。火腿奄列, 五香肉丁米, 熱奶茶, 這些看似最普通的食物, 要做得好, 其實很難。奄列要煨邊, 要蛋汁半熟豐盈; 奶茶底要濃, 奶要滑卻又不能遮蓋茶味,這些條件,對於簡單的食物來說, 要求其實頗高, 但新華就是有這樣水準的餐廳。入到去, 一條友, 不用愁, 見有空凳就可以坐, 全部自動波。餐牌也不用看, 因為根本就背得出個餐牌。今日難得坐到水吧前個位, 叔叔們在水吧前後粗口聲此起彼落, 作為顧客, 其實我幾喜歡聽, 因為証明他們做得開心。係香港地, 越出名其實就越恐怖。希望有朝一日, 新華唔好變到好似澳洲牛奶gam, 要等好耐先入到去食。

黎得新華, 我只會食常餐午餐早餐特餐, 姐係都係果D lor, 餐包, 奄列, 火腿, 牛通, 配我至愛的熱奶茶 (色香味俱全, 杯用得正宗)盛惠37元, 抵食。不過男朋友肚餓要食飯, 就將常餐午餐早餐特餐的面叫左做飯gam 佢食左咩? 「餐肉煎蛋飯」配豉油, 盛惠40元 (雖然無野飲, 但我都覺得抵), 因為我煎唔到果種蛋比佢)。至喜歡呢D 餐廳, 不用「扮」懷舊, 因為佢根本就係咁,叔叔侍應們句句粗口, 我至愛, 佢地做得開心, 唔洗谷住谷住。餐廳雖然細, 我走出門口比錢, 叔叔雖然忙住收碗碟, 仍然讓顧客行先, 服務十分滿分。

中學時代開始黎食，都差不多18年前既事雖然住附近，但不是成日黎，因為早餐黎講比較貴（由$20食到而家差不多$40）每次必叫的特餐個人喜好，會轉炒雙蛋，因為不喜歡吃火腿。餐包通常都是比較凍的我的最愛，而家係香港都幾難再食到舊式冰室既沙嗲牛肉（以前長沙灣還有一間仲好食的，不過結業左都十幾年）這裡的麵通常比較硬身，岩晒我口味，湯是忌廉雞湯煮成（大多數舊式冰室湯底都係忌廉雞湯）沙嗲牛肉味道夠晒濃同入味，食落唔會好淋，好有口感，係份量少了一點，唔夠喉

依間茶記真係從小食到大。啲伙記關係幾親切。好似朋友咁。食左三次就一入到去就已經知你鐘意食乜。杯奶茶更加係世界級。最出名當然係特餐沙爹牛肉面。大家去到一定要試下！

今日八號風球同男朋友落街搵食好多舖頭都無開就黎左新華我好鍾意食呢間的蛋撻男朋友叫了特餐我叫了學菜肉絲公仔麵奄列好味，雖然油左D餐包軟熟雪菜唔會過鹹好立克唔需要落糖已經好夠味滿足的一餐

放假出去行下，舊式茶餐廳，我嘅至愛，今日叫左一份特餐＋蛋撻。1.五香肉丁粉絲，無咩特別略嫌粉絲淡口。2.火腿奄列，好味，半熟有蛋汁流出來。3.奶茶，其實茶底飲得出係濃，可惜放太多奶。4.蛋撻，凍冰冰食唔出好冇食，酥皮夠厚！