新華茶餐廳

營業中

休息中

長沙灣青山道的餐廳, 其實我都唔知幾耐先食得晒。新餐廳固然要試, 但新華的食物常常纏繞我心魔。火腿奄列, 五香肉丁米, 熱奶茶, 這些看似最普通的食物, 要做得好, 其實很難。奄列要煨邊, 要蛋汁半熟豐盈; 奶茶底要濃, 奶要滑卻又不能遮蓋茶味,這些條件,對於簡單的食物來說, 要求其實頗高, 但新華就是有這樣水準的餐廳。入到去, 一條友, 不用愁, 見有空凳就可以坐, 全部自動波。餐牌也不用看, 因為根本就背得出個餐牌。今日難得坐到水吧前個位, 叔叔們在水吧前後粗口聲此起彼落, 作為顧客, 其實我幾喜歡聽, 因為証明他們做得開心。係香港地, 越出名其實就越恐怖。希望有朝一日, 新華唔好變到好似澳洲牛奶gam, 要等好耐先入到去食。