新華茶餐廳

營業中

休息中

讚1. 出乎意料地乾淨，通常呢啲咁樣樣嘅夠型冰室，一定係好污糟，但呢間絕對唔係，非常企理2. 樓上閣樓位好有氣氛3. 蛋撻夠鬆化，雖然凍左，但手功的確好，蛋漿再滑啲就一流4. 奶茶夠香彈無乜

蛋撻好好好食必食~ 路過見到新出爐記住買兩個食,  冷茶咖啡都好重味, 正, 但沙嗲面有D 不如以前了, 有好多時拎出黎已經發脹左, 扣D 分啦, 但而家都時時為左食佢個蛋撻行好遠過去

今次過泥長沙灣目的係睇醫生，順道喺新華食個晏好多人都鐘意食呢度嘅特餐、話沙嗲牛麵好食，我覺得好普通，其實我認為呢度最好食係麵包同蛋鐽，不過因為今次係食晏唔係下午茶，所以我叫左個午餐試吓個麵淋到發漲、成個餐最好食就係個餐包仔我係個奶茶控、呢度嘅奶茶係所以.....如果下次再泥都係食包飲奶茶好D

少時在蘇屋村長大，每日步行上落山，青山道是主要生活區，此店是核心區，上下山的補給站。重建後的蘇屋村開始入伙，商店大部分未裝修。驚見洪慶老店被強迫遷移，特來懷舊此店一番。平日樓下爆滿，我上閣樓懷舊，歎下午茶。其特餐是經典、屬香港史一部份。歷史文物上檯，主角沙哆牛肉麵只是合格水平，牛肉不惹味，勝在不嚡、有牛味。湯底太清淡。餐包鬆軟和炒蛋香滑程度遠遜灣仔的金鳳。凍咖啡更是跌破40分，近乎冰奶水。鎮店蛋撻仍有中上水平。但同一條街附近的金園更酥更香更滑。

🍗🍕🍔🥘👫🍜🍣🍭🍮舊式茶餐廳系香港少之又少呢度岀名沙嗲牛肉麵同蛋撻餐牌上都唔系好多 同特別既選擇可想而知 食物一定有甘上下質素先可以成為老字號⭐️❤️特餐沙嗲牛肉麵+火腿奄列+餐包沙嗲牛肉系招牌 沙嗲味濃 牛肉無筋份量亦都唔小 公仔麵掛湯效果一流而且食完亦唔會話好口渴 唔怪得甘受歡迎la👍🏻🧡米粉餐雪菜肉絲米+火腿奄列+餐包如果唔想食沙嗲牛 呢個都系一個唔錯既選擇雪菜肉絲唔會太咸 比例都正常帶小小微辣 ✨😉💙酥皮蛋撻 今日撞正早上新鮮岀爐熱辣辣外脆內軟 超級鬆化蛋漿又唔會太甜 每次泥都會買反半打走😋😋🔥有啲野唔方便系餐廳講 - 系好食既🥳除左食陣懷舊味之外 食物質素都好ok黎食唔好預期伙記好好服務 但又未到西口西面既不過見到有相熟客人同伙記都有傾有講 其實都充滿人情味既🤓

今早 0605 ..本人打算前往新華買蛋撻, 未有, 問門口著淺色衫紮辦呀姐, 蛋撻有未.  呀姐無聲出. 喂喂, 出聲 "未整好個檔咪無羅".ok, 搵紙巾抹番D 屁. 噴到一面都係.再問, 甘麵包有未, 無聲, 喂喂喂 anybody home? "呀姐你出句聲得嗎?", 出 : "未有呀""你講句野都得掛" "而家唔買啦". 目送妳背影溜走.晨早流流, 我呀媽都無甘對我.也難怪, 甘多人幫襯金園有原因.  只不過你開早人地30分鐘.  反正返工早, 甘明天就等多30分鐘吧.都唔知祝唔祝你生意興隆好.

這長沙灣的舊式茶餐廳，怎會沒來過，但是一直不記得這兒究竟有沒有曲奇蛋撻。這次問一問阿姐「有沒有曲奇蛋撻」。阿姐卻說「曲奇還曲奇，蛋撻還蛋撻。」雖然我外貌看來可能年輕，但到底也懂得分辨曲奇蛋撻與酥皮蛋撻🤯，與其惡言相向，倒不如就說沒有曲奇蛋撻就算吧😟。舊式餐廳有時候就是這樣，要麼就非常之有禮貌，人情味十足，否則，人們服務態度非常之全，感到不是味兒😤。酥皮蛋撻普通，始終多層皮的模樣，還不是我杯茶。由於這次不算太肚餓，因此沒有叫常餐特餐那些有麵有奄列的，只係一個蛋撻以及喝了一杯凍檸茶。想不到，現在的凍檸茶，淨飲索價$21 ，即是兩樣加埋都要$28埋單。但凍檸茶仍然保持質素，茶味夠濃又香，亦都可以見到有厚厚的四五片，檸檬夠新鮮，檸味十足，我戳得太久，還初到有點兒澀味，證明檸檬極之新鮮。亦都慶幸這兒碰巧有幾張卡位，否則，要我坐中間，可能不會勉強坐在中間的位置，熙來攘往，太繁忙的話就不夠有限。我就坐一邊卡位，一個蛋撻，喝杯茶，休閒一下，也是假日不錯的選擇。但就其價格，以及服務越趨轉差，即使下次再來，似乎都是點常餐特餐，那麼就可以順便有喝的東西，會比較屬於上策。

晏晝三點三下午茶-新鮮蛋撻揮手區🙋🏻‍♀️🥳 3:15pm - It’s time for teatime! 🥳食蛋撻長久以嚟嘅問題 - 曲奇/酥皮？👩🏻餓妹子最愛❤️一定係酥皮！·酥皮蛋撻 Puff Pastry Egg Tart $7可能因為真係三點三，蛋撻啱啱出爐！😍熱辣辣！🥚蛋夠香夠滑！恕👩🏻餓妹子顧不了儀態🤪，鬆化香酥嘅酥皮呀！一個點會足夠？😎Egg Tarts are always my teatime favourite! 🤩 (especially when it’s just out from the oven)🤤 With the outer layer puff pastry, sorry for my temporary amnesia on table manner! 🙊How could one egg tart be enough? 🤓·#HungryMeizi #餓妹子

點左個沙爹牛麵特餐加個酥皮蛋撻。睇個menu,以為只有沙爹牛麵，原來包埋個火腿蛋麵包。沙爹牛麵(4/5)：沙爹牛肉唔韌，沙爹汁好味,麵係一般公仔麵，但也彈牙。火腿絲炒蛋(4/5)：蛋不老，調味適中，不會過鹹，配個軟熟的包，不錯。熱奶茶(3.5/5)：ok,有茶餐廳水準，不是一般只用Lipton. 雖茶香未算上品，但已經唔錯了。酥皮蛋撻(4/5)：酥皮夠脆，是層層分明，但缺牛油香，蛋漿亦唔錯。整體對我而言，是有驚喜的。

難得一個星期六出去長沙灣覓食，就要去返多年前經常幫襯嘅茶餐廳。裝修依舊，有一種傳統懷舊感。坐方面，都係比較迫，如果冇卡位就要同人搭枱啦！不過食落依然保持質素，最值得推介就係蛋撻啦！

一心諗住搵間舊式茶餐廳幫襯支持下，點知入到去點餐時叫凍檸檬茶走飲管，個侍應姐姐就話入面啲伙計好惡ga, 寫多幾隻字都俾佢鬧。咁我唯有放棄，因為見啲伙計真係好黑面咁。之後見佢有新鮮蛋撻出爐咪叫一個嚟食，點知佢俾左個凍冰冰硬哂嘅蛋撻我，我咪好有禮貌同個姐姐講可唔可以俾個剛剛出爐嘅我，佢話個個蛋撻都係咁架啦，出左爐放凍左先攞出嚟，個個都唔熱ga，唔食就食第二樣啦。咁樣嘅服務態度，真係唔會再幫襯，啲野食又普通。

以前長沙灣返工會間唔中黎呢度食，而家無食年幾再次幫襯，感覺上最吸引既味道好似消失左，如果覺得最好味就係奄列，因為都算有料唔單薄。點了： 叉燒意粉，餐包奄列， 熱檸檬。餐包包內已經搽左牛油，所以食落去已經有牛油味道。奄列份量還算不錯，相比街外食既已經算大份同足料，多火腿啊。叉燒意粉，叉燒份量比較小不過唔肥，瘦瘦地所以都可以接受，意粉既口感一般，雖然唔算林不過欠缺咀嚼既口感。熱檸檬茶都算係普通茶餐廳味道，不過都算比較濃一點。環境方面就會比較迫一點。總結普普通通，吸引既感覺好似消失了。

長沙灣真心越來越少茶餐廳有自家製麵包出品剛剛喺附近同媽媽飲茶，經過長沙灣，見到門口有自家製麵包，即刻望下有咩好食，行到過去，個大叔話小心小心熱辣辣新鮮出爐，忍唔住買返過嚟試吓，香噴噴，今次特意買個餐包試吓，麵包結實，蛋味濃郁，上面還有甜甜地的蜜糖，現在出邊連鎖店絕對冇咁嘅出品，連鎖店多數好似食風咁，即刻有以前細個時候嘅味道出現，我見到出面有蛋撻，葡撻，雞批，椰絲撻，仲有我至愛嘅瑞士卷，下次必定試埋其他重熱辣辣

好耐無係新華食早餐，新華出名係訂做忌廉蛋糕，其實新華既奶茶亦非常有名。今日我食了雪菜肉絲米，雪菜肉絲份量足夠，唔會得幾條肉，食到得我飽飽！食完我買了西餅返公司，而家少茶餐廳有現成西餅，仲要係新鮮即做，食落去，非常有口感，唔會得一層風既感覺。

人越大 就好鍾意去呢啲買少見少既懷舊茶餐廳這一間老字號 傳統的外觀 招牌 餐牌 食物舊舊的格局 環境 卡位 餐桌都記錄住歲月痕跡🍜🍳🍞特餐🍜沙嗲牛肉麵 公仔麵煮得偏硬一點 唔會好易浸冧 🐮沙嗲牛肉入味 鬆軟唔韌 🍳火腿奄列 唔會過熟 帶點蛋汁 火腿絲好幼 係稍微油左小小 🍞牛油餐包軟熟微暖🥧酥皮蛋撻新鮮出爐 熱辣辣蛋好滑嫰 好酥脆 食落唔會好油⚠雖然食物唔算好特別好岀色 但係越平凡越滋味 尤其是係咁懷舊既環境 特別有風味 有另一種味道