新竹園軒

營業中

休息中

新開張既新竹園軒位於尖沙咀區，地方比較遠離地鐵站，要行10分鐘左右先到達，要上樓梯先到，酒樓環境都很光猛，座得十分舒適。店員開左茶水比我地及有碟花生，食物方面真是幾好，介紹一下比大家參考！本人當天就食左幾道點心有:招牌蝦餃皇:新鮮蝦味十足，大大隻當然是比較好，我不喜歡切碎蝦做饀，而且食落口彈牙且有蝦汁非常鮮甜。蟹籽燒賣皇:蟹籽彈牙，大蝦爽口，豬肉和肥肉均勻比例，外觀好看又好食。豉汁蒸鳳爪: 花生林林地吸左鳳爪的汁料，變成花生都好好食，鳳爪開邊約有6隻，比較有咬口，都幾大碟脆皮金沙蝦腸：油炸鬼脆脆地內包住鮮甜蝦肉，皮外很薄帶有些蝦米乾，非常通透又滑身，出面很少這樣做，因功夫多，值得一試。鮮蝦腐皮卷: 腐皮煎到金黃色，饀料有大蝦，葱花，香香脆脆又不肥膩。香煎蘿蔔糕: 有臘肉、蝦米、臘腸，食到很好蘿蔔條，蘿蔔非常清甜，大大件簡直是超值。南翔小籠包: 熱辣辣既豬肉饀，超多肉汁，入口時小心D汁瀑出來而燙親個口。雞腳燉螺頭湯: 湯料有螺頭、淮山、肉粒、細雞腳、杞子；無加添味精，純天然燉湯，入口清甜，帶有螺頭肉和雞腳食，材料十足，秋涼開始好適合一家大細飲這個湯來補補啦！ 紅燒雞絲翅： 翅是採用素翅、

今次星期日中午時段過黎，酒樓都好旺場，幾熱鬧，全部用咗圓枱，二至四人嘅圓枱都幾寬敞舒適。食點心就可以自己填好點心紙再交俾樓面，如果想點餐牌入面嘅菜式就揾經理落單。我哋今次就揀咗食點心，出菜幾快，唔洗等太耐！雞腳燉螺頭湯（$30）超足料燉湯，味道鮮甜，滋陰補腎，姐姐仲好窩心甘提我記得趁熱飲！紅燒雞絲翅（$48）濃稠適中，入口順滑，雞湯鮮味香濃，肉質細嫩，淋上少少浙醋，味道更豐富。酸薑皮蛋（$48）唔係度度有得食嘅前菜，溏心皮蛋皮爽流心，加上爽口酸薑同砂糖，醃製過嘅薑唔太辣幾易入口，酸酸甜甜好開胃！招牌蝦餃皇（$42）大大粒蝦餃好飽滿，摺紋精緻，咬落皮夠薄餡夠彈牙，仲好濕潤，超高質！蟹籽燒賣皇（$42）蟹籽多到飛曬出嚟，上枱熱辣辣，蝦肉同豬肉比例適中，肉質彈牙！脆皮金沙蝦腸（$42）油份十足嘅腸粉皮包住蝦春卷，口感豐富，蝦肉餡唔算多但春卷皮保持到脆身！南翔小籠包（$38）手工製小籠皮薄入面湯汁好多又鮮，蘸埋薑絲同黑醋，要趁熱食費事小籠包變硬。蜜汁叉燒包（$30）叉燒包好大件，甜甜嘅肉餡多，外皮鬆軟唔癡牙。最後仲送咗綠豆沙糖水，好滿足！

屋企人約食飯，點都堅持要食中餐😅醒起公司附近呢間最近飲過茶，啲質素都幾好。特登Book定台晚市黎食。.晚市茶位$18/位，前菜$20/碟，價錢尚可接受👌🏻餐牌選擇都唔少，主要以海鮮為主，亦有小炒等，價錢唔算貴，尖沙咀黎講可以叫抵食，不過都要食下好唔好食先。.🍴黃金涼瓜條 $48黃金咩蝦個啲就食過好多次，原來黃金可以配涼瓜，本身苦苦地既涼瓜加左鹹蛋黃又出奇地她夾到同好食，重點前菜既價錢，份量絕對唔少。.🍴菜膽雞燉翅 $168屋企人想食翅，平平地叫左個菜膽雞燉翅，一梳梳既翅絕對無馬虎，呢個價又係抵到爛👍🏼.🍴花膠瑤柱羹 $98食完個翅再食個瑤柱羹，雖然有啲比下去，但一分價錢一分貨，花膠同瑤柱比例都算係咁，加上好夠味，唔會好漿咁。.🍴 秘製欖角骨 $168蜜餞調味又不會過鹹，欖角有獨特的味道，佐酒一流。.🍴椒絲腐乳通菜 $128夠鑊氣既表現就要睇呢個菜，通菜好細嫩。.🍴薑蔥生蠔煲 $198生蠔輕輕灑上粉再炸，表面脆脆地但一咬落去又爆蠔汁。薑蔥味好濃味惹味。.🍴蒜蓉粉絲蒸元貝 $58/隻呀爸隻牙唔太好，所以只有我同呀媽食元貝，大大隻算抵食，蒜蓉調味好滋味。

係尖沙咀同爸爸lunch 見到間新開張個酒樓🫖-新竹園軒 🤗就一齊飲下茶食下點心啦！見唔少其他臺嘅姨姨叔叔都點咗燉湯🍵我地當然都要試下啦！🐟紅燒雞絲翅難得見到好多魚翅啊🥄湯底都好濃稠 鮮味！🐔雞腳燉螺頭湯湯好濃香，仲好足料 一盅裡面居然有2隻雞腳3粒螺頭tim啊酸薑皮蛋🐣（望到隔離臺好靚）溏心皮蛋 配埋酸薑好開胃啊！ 酒樓唔少經典點心都好吸引啊~🦐招牌蝦餃皇極大隻嘅蝦餃 大大隻蝦肉 晶瑩剔透😍蝦肉爽口 皮都會軟熟！🥟潮州粉果 好足料嘅粉果 就係咁多材料先會口感咁豐富！🥠南翔小籠包小籠包裡面嘅肉 好鮮味~點埋醋真係特別🥢密汁叉燒腸粉腸粉皮做得好好啊，好滑身~~ 放耐咗都唔硬wor！五柳炸雲吞🥠即點即炸，外皮脆卜卜，裡面有🦐原隻蝦肉，配上酸酸甜甜嘅五柳汁，開胃醒神🤗🍘安蝦咸水角最後 叔叔仲送咗2碗糖水俾我地tim啊！🫘紅豆沙好香濃，🍠姜汁番薯糖水好清甜！

💡「尖沙咀 • 新竹園軒」本身自己都好鍾意飲茶 所以今日同男朋友去開尖沙咀路過見到呢間酒樓就去試試 入到去職員好主動就帶咗我地入坐 不過最需要讚嘅係飲茶嘅時候成日會怕無人裝水 佢地係周不時會走過嚟幫你加水👍🏻👍🏻酒樓嘅坐位好寬敞 唔會枱貼枱 有足夠空間 坐得好舒服🍲紅燒雞絲翅🍲雞腳燉螺頭湯🥢蠔油芥蘭🥢原隻鮮蝦腸粉🥢潮州粉果🥢豉汁蒸排骨🥢香煎糯米雞🥢山竹牛肉球🥢蜜汁叉燒包🥧養顏紅棗糕🥭楊枝甘露點心推介💡「紅燒雞絲翅」呢個真係好抵食 魚翅好足料令成碗野好入味🥰「雞腳燉螺頭湯」呢個都好推介 好甜好入味 材料又豐富 可以食埋啲湯渣 「潮州粉果」嘅餡料十足有肉碎、花生、芹菜 相當好味😋「蜜汁叉燒包」最重點就係啲叉燒 平時好怕食到啲肥肉定奇怪嘅肉粒味 而呢到嘅叉燒粒半肥半瘦好適中😋 「原隻鮮蝦腸粉」呢個係我最鍾意嘅酒樓甜品就係「養顏紅棗糕」熱騰騰出緊煙送上我地枱上 好軟同埋紅棗味好出😍「楊枝甘露」呢個凍甜品作飯後甜品都唔錯 佢嘅芒果、柚子絲、西米都好足料 唔會太甜 所以作飯後甜品係相當唔錯

🍴手拍青瓜酸辣爽口，調味剛好。🍴西湖牛肉羹湯羹順滑清甜，每一啖都有牛肉碎、豆腐、香蔥、芫荽，牛肉軟嫩鮮甜，落少少胡椒粉增添辛香。🍴家鄉濃湯翅金黃色湯汁香甜濃郁，加入北芪、黨參熬煮，略帶藥材香氣，確係和味。🍴蒜蓉蟶子皇咪睇佢白雪雪一滴豉油都無，其實蒜蓉已調好味，香甜唔霸道，蟶子皇大大隻，爽脆鮮甜。🍴黃金富貴蝦鹹蛋黃汁剛剛好包住瀨尿蝦，鹹中帶甜，脆到可以連殼食，仲有蝦膏添。🍴菠蘿咕嚕肉半肥瘦豬肉綿中帶爽，酸中帶甜，滋味唔油膩。🍴上湯菠菜菠菜揀得好，條條都係嫩葉，上湯香濃自然，仲有幾絲金華火腿點綴提鮮。🍴楊枝甘露、薑茶湯丸兩款甜品都唔會過甜，突出食材原味。呢間中菜館剛開業不久，環境清靜，坐得舒適，所有菜式調味恰到好處，廚師有功架。📍新竹園軒尖沙咀漆咸道南79號中國五礦大廈3樓

上次同男朋友去過酒樓食中菜後才知道他好喜歡中菜，今晚趁我出開尖吵咀，就搵間酒樓同他撐下枱腳。酒樓新開張，地方光鮮企理，環境光猛，跟一般酒樓的格局相若，有大廳和廂房。大廳設有多張四人圓枱，亦有數張大圓枱，枱與枱之間有幾多空間，坐得舒服。早嚟到未有人，點知坐下坐下就差唔多爆滿……睇下餐牌，選擇多到不得了! 有海鮮、鮑參翅肚、魚翅、雞鴨鴿、豬肉、牛肉、湯羹、飯麵、小菜、小食、甜品等等，真係唔知食乜好，就交俾男朋友揀。晚巿茶($18/位)，要咗壺普洱茶，好香濃。另有一碟前小食($20)，係鹹香脆口的花生，好食!第一時間先要兩碗湯暖暖身。奶白色的杏汁燉豬肺湯 （$ 80/ 位）鮮甜美味，啖啖杏汁味，香濃順喉，燉得好夠火喉。湯料有腍滑的豬肺、鮮香的豬肉粒和雞腳、原粒的蓮子等，真材實料，絶無味精，難怪如此美味，十個讚！花膠瑤柱羮 （$98/位）都落足料，花膠、冬菇、瑤柱、瘦肉都切成幼絲，口感豐富，味道鮮香，最愛必定係爽滑的花膠，女人恩物呀！豉油皇 BB 鴿 （$68/只）色澤亮麗，好靚仔! 鴿皮薄油潤，雖然BB鴿細細隻，但都啖啖肉，啲肉仲好嫩滑，充滿肉汁，鹹香鮮香兼備，一流! 芝士中蝦 ($152)

難得出嚟尖沙咀午餐今次揀左一間中式酒樓同屋企人嘆下店內空間感很高裝修也很高級的是最近才新開的花膠瑤柱羹非常足料的花膠瑤柱羹條條冬菇絲，瑤柱絲，花膠絲用料一點也不馬虎喝下肚子熱辣辣非常yummy京都焗肉排甜甜酸酸大人小朋友都喜歡啖啖肉我們吃了一塊又一塊魚香茄子煲微辣的魚香茄子煲用來配飯一流淡淡的咸香味道非常有鑊氣的一道煲仔菜豉椒排骨炒河排骨及河粉分開炒河粉炒到有點焦焦的再在面層放上三色椒及排骨又一道充滿鑊氣的小炒總結服務態度不錯食物品質也很高乾淨企理午市飲茶不錯的選擇下次再試試晚市先

每個人心中都有一種偏愛的料理，粵菜在我心目中一向都排在極高的位置，從地道小炒以至經典菜餚，在煎炒的火候掌控以至炆燉的處理時間都要恰到好處，才能令菜式發揮到極致。相約朋友到尖沙咀的新竹園軒吃晚飯，菜式選擇多元，從名貴的鮑參翅肚、細膩的功夫小菜、手工地道小食，價錢豐儉由人，很適合與家人或三五知己共聚。秘製潮州翅（$280）可以用筷子「一注注」夾起的魚翅，份量十足！濃稠的湯底用慢火熬製，味道鮮香濃郁，灑上芫茜和香醋令香氣更昇華。粟米蟹肉羹（$48）價錢相當實惠，羮內有很多蟹肉和粟米，材料雖然簡單，但味道殊不簡單，是一個老少咸宜的湯羮。豉椒炒蟶子皇（$116）蟶子皇本身已很鮮甜爽口，用豉椒炒就更加惹味，亦為菜式增添色彩。美極煎中蝦（$152）一向都覺得美極和煎蝦的味道十分匹配，煎香了的中蝦加上少許美極鮮醬油已能夠充分帶出蝦的鮮甜。紅燒乳鴿皇（$98）乳鴿從體型可分為BB 鴿、乳鴿、頂鴿和鴿皇，而鴿皇更是鴿中的巨無覇。這隻乳鴿皇皮脆肉厚，肉味比一般乳鴿濃，堪稱為鴿中之皇。椒絲腐乳唐生菜（$128）鑊氣十足的快炒唐生菜，青綠爽脆，配合椒絲腐乳，平凡的小菜更能顯出大㕑的功力。涼拌黑木耳（$48）一道

係尖沙咀五礦大廈🎊新開咗間高級🇨🇳中菜館，嘢食幾好味😋，價錢又公道，仲有甜品🍮送添！呢度裝修感覺都幾豪華🤩，一上樓就見到個好靚🥰嘅水晶吊燈。手拍青瓜🥒麻辣🌶️得來有少少🤏酸，入口爽脆好開胃🤤。花膠🐟瑤柱羹🥣入面有唔少花膠🐟條，味道濃厚又鮮味😋。🥬菜胆🐓雞燉翅🐟熱辣辣🥣湯清味濃😍。而且入面👍十分之足料🤩，啲翅又粗又腍又鮮味🥰。避風塘🌊瀨尿蝦好夠鑊氣🔥，瀨尿蝦肥美大隻又鮮味🤤！🍲薑蒽生蠔🦪上枱熱辣辣🔥滋滋聲令人流晒口水🤤，啲蠔🦪好飽滿味道濃郁！沙茶🥬芥蘭炒牛肉🐂火候足，芥蘭鮮嫩多汁🥰，沙茶牛肉🐂嫩滑入味😋呢度嘅🔥紅燒乳鴿皇🦆比一般乳鴿大隻🤩，而且皮薄香脆，肉嫩味濃😍。最後送嘅甜品🥰仲有多款可供選擇，🥭芒果布甸🍮香甜美味。楊枝甘露🥣鮮味得來唔會太甜👍。

請朋友吃生日飯，壽星朋友說想吃中菜，當然要找間像樣的酒家，總不能讓朋友在大排檔過生日吧😂尖沙咀區的酒家⋯又不能太貴的⋯🤔腦裡一片空白，畢竟去酒家吃飯是跟家人才會做的事，所以還是問問家人爸爸就提議我跟朋友去這間新竹園軒餐前小吃—藥膳雞腳聞到很濃的藥膳味，但吃下去又不會覺得很苦杏汁燉豬肺湯近來秋風起，天氣乾燥，燉湯正好可以滋補一下。朋友點的燉湯材料十足，杏汁味道突出，豬肺湯很creamy，整體味道不錯菜膽雞燉翅我則點了這個雞燉翅，也是相當足料，翅有兩大塊，還有花膠呢，非常適合女生進補呢秘製欖角骨半肥瘦的內骨頗嫩滑，配上帶有陣陣橙香的芡汁，帶點清新亦中和了油膩感啫啫芥蘭煲上枱時服務員把煲裡的材料翻弄一下，聽到那些「啫啫聲」已經很癒療。加入肉碎和蝦乾炒的芥蘭格外香，很惹味芝士大蝦伊麵及蒜蓉包大蝦彈牙蝦肉鮮甜，平日不太懂吃蝦頭的我們也不禁連蝦頭吃掉。這裡的芝士汁是濃濃的芝士，完全沒有加上湯，所以每條麵條都被芝士包著，愛吃芝士的朋友表示非常滿意這個「芝士伊麵蛋糕」😂因為芝士太足料不想浪費，我們還叫了一客蒜蓉包來蘸芝士，實行把邪惡進行到底最後來個綠豆沙和南瓜雪耳糖水作結，非常滿足。這裡的餸菜份量頗大

老媽子今日話想食中菜，於是同佢一齊嚟新竹園軒食個靚靚dinner☺️手拍青瓜爽脆，食落辣辣地，作為餐前小食好開胃🤩生拆蟹肉翅份外驚喜，食落鮮美，翅好厚好脆，好滿足💯西洋菜陳腎燉西施骨都好清甜，啖啖都精華😋海鮮更係出色之作，元貝大粒厚肉，鮮味嫩身，配搭埋蒜蓉蔥花同粉絲風味倍增🥰鮑魚更贊，大頭風嚟煮得好嫩，軟身得嚟又夠彈牙，啖啖都係enjoyment 😚黑椒脆薯牛柳粒鹹香惹味，牛柳粒好juicy，一啲都唔會柴，切粒大細啱啱好，有埋紅黃椒同洋蔥嘅加持，滋味爆燈😆鹽水菜心都好味，脆口清甜👍🏻甜品叫咗薑汁湯圓同楊枝甘露，個人更中意楊枝甘露，足料有齊芒果、柚子、西米，口感脆脆哋，酸酸甜甜好解膩💯職員都好pro，上菜都快，服務態度好；餐廳空間感又大，衛生整潔，食得舒服又放心😊

平時九龍塘冇啖好食求其一間酒樓冇質素都$700+/2仲要只係食家常小菜所以最近轉左去尖沙咀搵好嘢食最近搵到一間新嘅酒樓環境都幾好晚市都抵食-涼拌黑木耳基本嘢份量好多夠晒開胃-西湖牛肉羹依家真係好少會有$40一碗平時去開一啲上海小館都要$60所以係抵食味道正常偏淡一點-紅燒雞絲翅超級抵食呀呢個只係需要$128但係淡淡魚翅好足料亦都好入味-咸魚蓉煎肉餅份量好多如果唔鍾意食太鹹嘅話就唔好點喼汁煎得幾好都係爽口彈牙-鹽水時蔬菜心蔬菜雖然唔係特別平但係都好新鮮而且超大份幾個人都夠食依家啲菜來㗎貴咗所以都唔明點解要百幾蚊嘅-蝦呢個蝦球好特別鋪滿左芝士龍蝦汁底下係烏冬隻蝦個殼都整到好脆基本上可以食埋落肚啱晒我呢啲唔識剝殼嘅人幾特別可以一試-鮑魚超大隻鮑魚清蒸得啱啱好有濃烈嘅陳皮味醬汁唔會蓋過本身鮑魚嘅鮮味真正原汁原味！食唔晒想試嘅嘢所以下次都會再嚟不過星期五晚幾full可能要book定枱^_^

同老公慶祝生日，上網搵到新開既酒家，就去食生日晚飯薑葱鮑魚鮑魚新鮮爽口，薑葱汁煮得剛剛好，唔會過咸黃金鮮蝦蝦肉夠新鮮彈牙，火喉剛剛好炸得好香脆，而且有大量咸蛋黃包住，岩曬鍾意食咸蛋既我，超好味啫啫生菜煲生菜新鮮而且份量好多，啫啫醬汁香濃惹味菠蘿咕嚕肉賣相吸引，醬汁酸甜惹味，份量十足，半肥瘦咕嚕肉略微有些少肥膩手拍青瓜加了辣椒醬，酸酸辣辣醒神開胃紅燒雞絲翅魚翅份量都唔少，真係有一梳梳魚翅，驚喜粟米蟹肉羹拆肉蟹肉心機之作，而且可以叫一少碗，岩曬同老公一人叫一碗，可以試多D唔同野食最後食埋甜品，好滿足楊枝甘露蕃薯糖水