新竹園軒

營業中

休息中

新竹園軒 尖沙咀漆咸道南79號中國五礦大廈3樓小時候邊有而家咁幸福, 假日同屋企人去飲茶食點心一只能食飽肚的飽, 好似叉燒包呀, 大包呀,糯米雞等, 連我最喜歡的蝦餃燒賣只可以一人一粒。人大了出街食, 要有志氣, 同兩個人食都點一籠, 通常一籠會有3-4粒, 我就可以食兩粒啦!彌補一下小時候的遺憾。紅燒雞絲翅叫比長輩孝敬佢地，翅都幾粗身，加醋好吃。雞腳燉螺頭湯滋潤一下，好多料仲做緊優惠。湯好重螺肉甜，有豬肉杞子淮山同煲，飲完暖入心。蟹籽燒賣皇燒賣皇好大粒，燒賣餡入面蝦肉豬肉冬菇，鮮而大粒有咬口。招牌蝦餃皇大隻蝦餃 串串，皮晶瑩剔透，餡料蝦肉爽口鮮甜。叉燒包鬆軟甜美，一客3個，掰開是叉燒肉片餡，醬唔會太多剛剛好。潮州粉粿餡飽滿實在，粉皮qq，粉葛粒夾口，仲有蝦米香菜。仲有個xo辣椒油，用來蘸點粉粿同蝦餃都好惹味。牛柏葉汁索曬入味，爽身有口感。高湯鮮竹卷，腐皮吸了上湯有張力且咬下同時享受高湯濺出的滋味。有飯後甜品送，當天有南瓜露同紅豆沙，紅豆湯有陳皮味煲到起砂，，南瓜露加了雪耳，暖暖的。點心水準高，大大粒很飽滿，是尖沙咀區難得師傅自己製點心。

自疫情後，最近放寬了入境安排，三年多來終於有機會可以接待遠方的親朋戚友，親戚說最掛念廣東海鮮菜式，於是就預訂了尖東住宿酒店附近的新竹園軒。新竹園軒是竹園海鮮飯店的班底，海鮮質素有保證。凍藥膳鳳爪 此菜式相信就算是外國的中菜館也少見，凍藥膳鳳爪帶少少當歸回甘味，肉質爽彈，十分出色。秘製潮州翅潮州翅一梳梳的，不是一般的雞絲翅，親戚說入口有食翅的感覺，湯頭亦濃郁鮮甜。杏汁燉豬肺湯杏汁湯入口很滋潤，秋天飲用頓覺潤肺養顏，是在外飲湯的最佳選擇。黃金蝦 大蝦裹上鹹蛋黃外層炸透，外殼及蝦肉均甘香鬆化，連殼同食啖啖肉，十分滿足。芝士焗龍蝦芝士焗龍蝦開邊，芝士猶如瀑布一樣，佈滿整隻龍蝦。波士頓龍蝦可以輕易起肉，一整條肉放入口中，滿腔鮮甜肉味。欖菜肉鬆四季豆炒過的四季豆依然十分翠綠爽脆，欖菜肉鬆香濃惹味，親戚用來送炒飯。瑤柱蛋白炒飯 瑤柱絲炸脆，蛋白塊炒得軟綿綿，配上菜粒一起炒飯口感既爽又綿，炒飯調味亦不錯，清淡得來帶點味道。臭草綠豆沙綠豆沙雖是一般傳統糖水，但做得好的也不常見。臭草絕對有畫龍點睛之效，綠豆沙入口芳香撲鼻，親戚大讚。

為慶祝失業已久的閨密，找到新工作，特意在她公司附近的新竹園軒晚飯。新竹園軒也是新開的，祝願大家的新一頁，同樣精彩！新餐廳環境的確格外新淨光鮮，座位佈局濶落舒適，有貴賓房，客人絡繹不絕，證明有質素。前菜酸薑皮蛋 $48，Century Egg with Pickled Ginger，用了糖心皮蛋，半固體的糖心位，精華所在，蛋白爽滑，加上酸薑的甜酸味，剛好中和皮蛋的發酵味道，醒胃餐前小食。鮑參翅肚是新竹園軒的拿手菜，來個秘製潮州翅 $280 （每位）Shark's Fin in Teochew style，湯底濃厚鮮甜，上枱夠熱；翅針軟腍無腥味，魚翅份量足，每口湯都混滿翅，滿足感爆燈！翅針粗大，超值！朋友有點咳，對杏汁燉豬肺湯比較有興趣 $80 (每位）Stewed Pig Lung Soup with Apricot Juice，目測湯底滿滿磨蓉的杏仁，杏仁香味迫人。赤肉、雞腳都煲到軟腍，豬肺清洗得雪白無垢，出色的豬肺湯！海鮮同樣是新竹園軒的看家菜式，蒜蓉蒸大元貝 $58 （每隻）Steamed Fan Scallops with Garlic，剛剛熟的元貝，肥大肉厚，肉質軟熟；鮮甜味沒

孝順女飲茶之選-新竹園軒🫖喺尖沙咀漆咸道南附近，超方便。其實呢我好鍾意食啲傳統點心呢間就滿足到我啦。價錢唔貴，菜色精緻又多款式，好多手工菜都食到。屋企人都表示滿意。⭐️特別推介以下幾款❤️紅燒雞絲翅孝順屋企人要食好啲，佢可以一碗一碗咁樣叫，一人份量啱啱好。最重要嘅係佢足料，雞絲同翅嘅份量都係有性價比。唔會湯多個餸。❤️雞腳燉螺頭湯平時屋企少煲湯，好想飲啲滋補嘅湯，而家凍返即刻覺得好滋潤。湯超濃味，啖啖滿足，好友屋企煲老火湯嘅感覺。同埋超足料。屋企人好滿足，最後一碗唔夠喉要多碗❤️招牌蝦餃皇果然係王牌，皮薄餡靚，個蝦超新鮮彈牙❤️ 香煎糯米雞超級香口， 我超like ,外皮用蛋煎香,裏面有鹹蛋黃超香嘅糯米飯.好邪惡❤️ 五柳炸雲吞煎炸嘢我最like，個雲吞皮真係卜卜脆，超好味。另外我叫咗我蜜汁叉燒腸，蟹籽燒賣王，高湯鮮竹卷。佢仲送咗個紅豆沙俾我哋食。係一個好完美嘅完結，陳皮味勁重超like .😍其實我兩個人去食咋，就忍唔住叫咁多嘢食啦，因為樣樣都好想試。不如下次約埋多啲人去可以試多啲嘢🤪呢間我一定會再回訪。👌🏻

今日朋友帶我嚟尖東呢邊試中菜，呢間開業唔係好耐，聽講有點心食添，不過今次黎食晚市小菜。環境唔錯，上到嚟服務員嘅服務都好周到 有禮貌，同一般酒樓好唔同😹果然係尖沙咀。一坐低首先就嗌兩個湯暖暖胃先《杏汁燉豬肺湯》$80 & 《西洋菜陳腎燉西施骨》$68首先講吓杏汁燉豬肺湯，杏香岩岩好唔會太重，豬肺煲得好淋，好自然嘅甜味，好夾！好好飲。而西洋菜就相對普通少少，不過清甜 唔會有苦味，同埋加埋西施骨一齊燉更加香口，冇味精好好飲。《蛋黃蝦》$152呢個蛋黃蝦做得好出色，蛋黃味好足好香口，蝦殼好脆可以食埋，新鮮即炸，蝦肉亦嫩！《賴尿蝦》$226都算幾多肉，份量足，肉嫩夠滑，食得出新鮮，表面鋪滿避風塘炸蒜，好香好入味！同蛋黃蝦一樣脆口，出色。《西蘭花炒帶子》$188份量幾多，帶子半熟，超滑嫩！而且用嘅帶子好大粒，無雪味，西蘭花好爽脆，好好味。《乾炒牛河》$128朋友話想試吓粉面於是我哋嗌咗乾炒牛河，原本冇咩期望點知幾有鑊氣，比得上喺大排檔食嘅質素，而且唔乾身又唔會濕，做得啱啱好，牛肉都大大篇炒得好淋，整體好有口感。食完之後仲送咗兩碗甜品俾我哋，亦都好好食，呢餐真係好滿足。

今晚有老闆帶我去尖沙咀食中菜，我呢啲西人多數食西餐，所以對中菜都好期待。今次由老闆發辦，唔知有咩食呢？鮑魚雞煲，有4隻鮑魚，鮑魚好入味，食落有咬口又爽彈，熱辣辣嘅雞煲送飯一流。菜胆雞燉翅，除左去飲，都好少食翅，呢度個翅好足料，正！西洋菜陳腎燉西施骨，老火湯煲到岀晒味，湯水好滋潤。啫啫時菜煲，雖然唐生菜用煲上，但條條都係翠綠色，好爽好新鮮，仲配埋蝦乾、肉碎、辣椒，非常惹味。美極煎中蝦，隻隻蝦都好肥美，呢個煎法幾好，又唔會好似炸咁油膩，但又好香口。瑤柱蛋白炒飯，個炒飯超靚，粒粒分明有光澤，瑤柱絲好香，蛋白好有蛋香好厚。最尾仲有幾款糖水揀，叫左蕃薯糖水和綠豆沙。

位於漆咸道南新開左冇幾耐嘅新竹園軒精點粵菜，原來是舊陣時位於漢口道竹園海鮮飯店嘅同一班底，食過嘅朋友都知道水準甚高，質素一定有保證，而且價錢合理，中午下午茶主打即叫即包點心，晚市就有小菜，海鮮，鮑參翅肚………多種菜式選擇，豐儉由人，任君選擇👍🏻👍🏻酒家裝修非常雅致，設有大廳二人至八人枱，另有多間包房，幾多人嚟食都冇問題，參觀餐廳期間見到大大個魚缸，放咗好多新鮮生猛嘅海鮮，想知道當日有啲乜嘢海鮮係最時令，記得問非常健談嘅經理，就一定食到好嘢😋😋🫕▪️杏汁燉豬肺湯這個天氣飲到這個湯，最適合不過，大家都知道要煲豬肺湯是一件非常麻煩嘅事，亦都唔係好多飯店有提供，呢個湯喺呢度最馳名，杏汁湯味道非常濃郁，好滋潤，經理說燉咗好多個鐘先會有呢個效果，另外湯料有雞腳，豬肉，豬肺都好好食，好喜歡這個湯🍲▪️紅燒雞絲翅久違了的美食，一般都係去飲先食得到，這裏可按人頭每位點，實在太開心，雞絲和翅份量非常多，雞湯湯頭好濃郁，每一啖都材料滿滿，配合芫荽和香醋，更加好味🥒▪️手拍青瓜 開胃前菜，青瓜好爽脆，配合手切蒜蓉，麻辣香油，少少辣，好惹味🦐▪️豉油王煎中蝦中蝦非常新鮮，外殼香脆，可以連埋殻一齊食，蝦肉爽口彈牙，豉油王

麻甩專員又出發幫大家發掘一下新餐廳，今次撞正平日放假就同屋企人去左尖沙咀近尖東嘅一間新開嘅酒樓如果大家覺得平時去大集團嘅酒樓飲到悶想去感受一下比較靜嘅特色酒樓，不防可以去下呢一間酒樓入口位置有扶手電梯直上然後行上一條紅地氈樓梯再上，水晶吊燈加上復古式嘅大鏡感覺非常貴派檯數唔係特別多，座位坐得舒服，檯與檯之間唔會似傳統酒樓咁逼，比較起黎環境好舒適傾計都唔擔心要講得好大聲酒樓每位茗茶茶錢$15，今次叫左水仙飲，茶葉幾香濃幾滑唔澀口。餐前小食有一碟脆炸花生，鹹香嘅花生好脆口，唔會太鹹好開胃嘅感覺招牌蝦餃皇(特點)$42蝦餃4粒勁大粒勁飽滿，專員對於食蝦餃一向好有要求，呢間酒樓嘅蝦餃絕對係高水平之作先講一下外表，表皮應該有掃上一層薄薄嘅豬油光，望落非常有光澤。表皮晶瑩通透，可以望到內餡有滿滿嘅蝦係入面表皮夠薄之餘咬落口唔會似麵糰一咬即化開，煙韌有水份嘅口感好好食同時散發住油香感內餡嘅肥豬肉同蝦同時有紮實嘅口感，所以成粒放入口完全係勁滿足凍藥膳鳳爪(頂)$46黨參片加上原條人參條，望到嘅時候完全係感覺意料之外鳳爪吸收晒藥膳嘅味道，滿滿嘅膠質感覺，口感上有咬口軟骨爽脆，滿滿嘅人參味道屋企人表示好岩

假期同媽咪飲個靚茶。尖沙咀有間茶樓開咗唔係好耐，9月9號先開始試業，去試下先。位於漆咸道南同天文臺道交界既大廈內，一到店內就覺得好光猛、好乾淨。每枱之間空間好寬敞，唔會背隻撞背隻🫣員工亦都非常有禮貌🫶🏻試左幾款點心，先綜合其中一定共同結論：所有食物都好足料！👍🏻👍🏻特別推介以下幾款：雞腳燉螺頭湯非常足料、有火候嘅燉湯。雞腳煲得好淋、螺頭都有好多隻。加上有淮山、瘦肉、咸火腿，整件事味道好濃郁。黃金涼瓜條涼瓜條外層包咗鹹蛋黃而炸成的。離遠已經聞到好香好吸引。本身有少少怕涼瓜嘅苦澀味，但係鹹蛋黃嘅香味令到成件事配合得好好。熱辣辣食非常正👍🏻凍藥膳鳳爪以藥材浸煮而成。鳳爪煮得好琳淋，當中滲透着淡淡的藥膳味，尤其當歸，有驚喜😘糖水 喳咋 & 南瓜露大愛呢度嘅糖水。喳咋有唔同嘅豆類，包括紅綠豆、眉豆、腰豆等，加埋芋頭、西米、椰漿、淡奶等，非常足料。南瓜露當中有好多南瓜蓉，仲有雪耳添，感覺非常滋潤。兩者嘅味道調配非常好，又唔會太甜，高質心🥰

今日同兩佬行街食飯，太多無出街原來尖沙咀真係冷清左好多。原本同佢地食打邊爐點知去到發現都轉曬餐廳🥹隨便上網無附近搵左間酒樓食飯。大堂環境好華麗，好似酒店大堂滿懷期待😚餐廳另設有包房，大廳坐位寬落，整體環境不會太嘈吵。餐廳每人另計茶價同前菜小費的。包左一碟花生同手拍青瓜手拍青瓜開胃前菜，麻辣味道非常夠👍🏻喜愛麻辣一定鍾意。呢間好似招牌係食翅同埋老一輩都鍾意食就叫左碗💰💰秘製潮洲翅見到足料，而且湯底都好濃稠👍🏼價錢不算貴。我自己叫左西洋菜燉湯個湯非常清甜，去下火岩曬成日夜訓既人。秘製欖角骨 蜜餞調味不算太甜，重點肉質非常嫩同埋淡淡獨特的味道難以形容，咬落肉粒足滿肉汁👍🏻啫啫生菜煲呢個菜夠曬獲氣，菜好鮮嫩，食落爽爽聲，好惹味。蒜蓉蟶子皇上碟佢見佢一滴豉油都無🫣証明大廚好有信心😉蟶子皇大隻肉厚，爽脆鮮甜非常新鮮。鼓油王蝦蝦先炸脆再爆炒，蝦非常新鮮蝦頭有蝦膏👍🏻蝦已經處理好，容易進食。甜品楊枝甘露/芒果布甸，都係手準之上❤️整體來講餐廳環境唔錯，食客都係熟客同店員有講有笑。食物推介海鮮同翅，好值得一試👍🏻

新竹園軒係尖沙咀一間新開茶樓，之前媽媽接倒佢嘅傳單話想試下，就趁周末帶佢黎飲茶。店面同其他連鎖茶唔算大，不過坐得都鬆動唔會好迫。茶錢$15/位，花生$20/碟。鮮蝦腐皮卷($38) - 腐皮卷上枱時熱辣辣，腐皮煎到脆脆地，中間蝦肉爽口，簡單蘸喼汁食已經好食。招牌蝦餃皇($42) - 蝦餃皮唔會太厚，仲隱約見倒入面嘅餡料，蝦同豬肉比較各佔一半，肉質扎實。山竹牛肉球($34) - 牛肉球好腍好滑。南翔小籠包($38) - 小籠包包皮唔會太厚，但夾起時又唔會好易穿，入面嘅肉餡比平時食倒嘅小籠包多，不過上枱時都幾熱，最好攤一陣先食。流沙奶黃包($34) - 奶黃包好軟熟，掰開入面奶黃好流沙，奶黃味非常香濃。蠔油芥蘭($58) - 芥蘭冇苦澀味，芥蘭莖脆口唔會太老。楊枝金露($34) - 比想像中大碗，入面都好多芒果、碌柚同西米，酸甜度啱啱好。薑茶湯圓($30) - 薑茶重薑味又唔會太辣，湯圓用左寧波湯圓，雖然細粒啲，但湯丸皮好薄好湯，中間芝麻餡好流沙。總結，點心因為係即做，所以全部好夠熱，座位唔會太迫坐得舒服，招手都好容易叫倒侍應。

從朋友得知尖沙咀有餐廳新開張🥳我咁為食梗係要去試吓啦🥳新餐廳叫『新竹園軒』位於尖東嘅中國五礦大廈3樓🥳餐廳主要係食中菜嘅😋餐前小食梗係叫我最鍾意嘅椒鹽豆腐啦🤤每粒豆腐都包住薄薄嘅脆漿，外脆內嫩滑，加埋香脆嘅蒜蓉粒，令豆腐昇華到另一個層次😋職員推介菜膽雞燉翅好出色，所以我就叫嚟試吓😋真心超正👍🏻仲真材實料😍湯底好鮮甜，啲翅燉到入口即溶😋好飲都爆💖老公就叫咗杏汁燉豬肺湯，我試過都好好飲，充滿香濃杏汁味，補肺養顏👍🏻仲有點少得我老公最愛嘅黃金蝦🦐啲蝦好大隻，每隻蝦都炸到非常之脆，啲蝦肉鮮味彈口，隻隻蝦都包住甘香嘅蛋黃，好食到停唔到口😋隻隻蝦都爆多膏🦐我老公係咁話『咁好食肥到抵』🤣仲有點少得蒜蓉粉絲蒸元貝，元貝廚師蒸到剛剛好，好新鮮好好味😋見到餐牌有呢個秘製欖角骨唔係周圍有得食，一於叫嚟試吓😍擺盤好精緻又可愛👍🏻欖角骨炸到外層好脆，再包住酸酸甜甜嘅醬汁超好味😋仲有叫咗啫啫芥蘭煲🌱個煲蓋一打開『吱吱咋咋』好治療😚芥蘭好新鮮，用咗蒜頭，蝦乾和肉碎爆香啲芥蘭好好食😋飯後又點少得食甜品😆我哋叫咗楊枝甘露🥭充滿香濃芒果味😋西米仲好彈牙🥰餐廳環境非常舒適🥰食物質素超好質😋賣相精緻又有心思👍🏻職員好有禮貌和

很多人覺得，吃中菜要很多人吃才可以，但其實二人世界，也有不少選擇呢。朋友知道我喜歡吃中菜，今晚就帶我來尖沙咀一間似是新開的中菜餐廳晚餐。餐廳環境有空間感，不會太迫，員工數量也很足夠，服務很好。 花膠瑤柱羹$98女士聽到花膠都會情不自禁，補充骨膠原之選，花膠數量很足，煮得軟硬適中，湯羹的調味也恰到好處，不會太鹹。西洋菜陳腎燉西施骨$68天氣乾燥，很想喝點湯滋潤一下，一人份量淺嚐，燉湯總是特別的香甜，也不油膩，連西洋菜我也吃光。蒜蓉蒸開邊蝦$140小份量的蝦剛好適合二人，蝦隻開邊鋪上滿滿的蒜蓉，看見已很開心，吃下去時我連同像山的蒜蓉一同吃，帶出蝦的鮮味，蝦肉有彈性新鮮得很呢。蒸魚(紅寶石)$340我吃魚總是很咀刁，一定要吃滑的和沒有魚腥味的，這紅寶石就滿足到我，師傅蒸到剛熟掌握很好，魚肉細緻滑溜，醬油都特別惹味，味道十分鮮甜，令我重新愛上蒸魚。炒白菜仔$88白菜仔的大小比平常吃的白菜苗還細小，口感十分幼嫩，細看它沒有用蒜炒，但奇怪味道卻很好，吃出菜的原來香甜，師傅把菜拆開一片片葉，感覺比較精緻美味，調味也剛好不太鹹。瑤柱蛋白炒飯$138標準的瑤柱蛋白炒飯，在這些中菜館吃到的味道別處吃不到，

新竹園軒係新開嘅酒樓， 喺尖沙咀漆咸道南道， 喺 歷史博物館附近， 酒樓門面報置得金碧輝煌， 係傳統酒樓嘅設計！ 茗茶十五蚊一位 ，  餐前小食$20碟有花生！招牌蝦餃皇(特) $42蝦餃有四粒，大大粒，好飽滿， 入面有大大隻蝦爽口彈牙，真係好抵食！豉汁蒸排骨(大)排骨半肥瘦分明，夠嫩滑！ 配有南瓜粒同大大粒嘅豆豉，所以食落去冇咁肥膩！ 黑椒金錢肚(大)金錢肚件件都好大件，切到好完整， 黑椒汁好惹味，夠淋身，下面有豆腐卜！豉油王BB鴿(特)醬油味甜甜地，乳鴿 嫩滑而且好入味，  外皮脆口，鹹甜適中！黃金涼瓜條(特)外皮落咗鹹蛋黃， 炸得非常香口鬆鬆脆， 令到苦瓜食唔到有苦澀味， 苦瓜同鹹蛋黃一齊食非常有特色！白灼菜心(特)菜心灼得好嫩滑，菜花已經摘掉，酒樓寫得比高級食材！梅菜肉餅飯(特)肉餅飯係蒸籠蒸出嚟嘅下面有蓮葉， 有別於平時嘅一盅盅肉餅飯！   分量好大， 只係48蚊而且都好足夠嘅餸 ，好抵食！ 點心有多款，所有炒粉麵飯一律$80，啱晒一家大細一齊食！