新竹園軒

營業中

休息中

應友人邀約來尖沙咀食晏，朋友知我平日喜愛四出覓食，又鍾意嚐新，所以就特意訂了漆咸道南這家新開嘅粵菜館「新竹園軒」。餐廳位於中國五礦大廈 3 樓，店內地方頗大，裝潢摩登典雅，加上座位闊落鬆動，坐得好舒服。先嚟一客小食凍藥膳鳳爪，雞腳大大隻，好有肉地，入口有好重藥材味，但一點也不苦澀，保存到鳳爪嘅膠質口感。跟住係四款蒸點，分別有招牌蝦餃皇、蟹籽燒賣皇、蜜汁叉燒包同潮州粉果。蝦餃外皮厚薄適中，內餡蝦肉亦相當足料，新鮮爽彈，蝦味濃郁。蟹籽燒賣皇水準亦唔錯，四大粒，賣相美觀，入口熱辣辣，內裡有滿滿嘅蝦肉，配上面頭的蟹籽，吃起來挺富咬口。叉燒包嘅包身好軟熟，叉燒餡肥瘦適中，蜜汁嘅味道好香甜。潮州粉果外皮晶瑩剔透，用料十足，除咗主角沙葛，仲有蝦米、肉碎、芹菜粒、花生等，相當美味！腸粉點了脆皮金沙蝦腸，廚師頗有創意，用上傳統腸粉皮包住蝦春卷，入口外軟、中脆、內爽彈，一次過滿足不同層次和味道，口感好豐富。炸點方面，選了五柳炸雲吞同香煎糯米雞。雲吞即點即炸，外皮脆卜卜，裡面有原隻蝦肉，配上酸酸甜甜嘅五柳汁，開胃醒神。香煎糯米雞個蛋皮好香，入面隻糯米雞用料亦唔手軟，有冬菇同大量肉粒，入口唔過乾、亦唔會太濕，

我知我好唔環保，但呢間野既翅真係好抵食。尖沙咀周圍附近起碼賣三四百蚊一碗潮州翅，有d地方仲賣到六百幾。而佢同樣質素只賣二百幾。今個月已經第四次去食，其他小菜/海鮮都抵食又有水準。可能新開張，所以午市晚市都大平賣，又唔洗等位，招呼做到足。推介菜式：潮州翅、濃湯翅、芝士焗龍蝦、蝦餃、黃金炸南瓜呢碗翅只需$288，如果嫌貴，佢午市有碗$48版本，平絕尖沙咀中西合璧？ 芝士龍蝦和蒜容麵包。這裡晚市主打新鮮海鮮，這是花雕鮮蟹飯。鮮味濃郁。午市和晚市也有的黃金炸南瓜，用咸蛋黃炸成，本人不喜歡吃南瓜，但這個可以試。可能是新開張，地方又隱蔽。所以大平賣也什少人幫襯，一張枱幾個侍應輪流招呼。

👍🏻 脆皮金沙蝦腸滑捋捋嘅腸粉包住熱辣辣嘅蝦春卷♨️先品嚐到米香濃郁既腸粉外層 然後便是香脆既春卷皮 最後就係蒜香蝦肉🦐肉質彈牙爽口 除咗口感 味道都非常夾 令人一試難忘😙👍🏻 蟹籽燒賣皇燒賣皇好大隻 屬於傳統嘅茶樓燒賣 上面有蟹籽 然後餡料係豬肉、冬菇🐖但係蒸煮過後依然能夠保持入面嘅肉汁 豬肉肥瘦比例均勻 唔錯！👍🏻 招牌蝦餃皇又係極度大隻嘅蝦餃 餡料晶瑩剔透 薄皮同時能夠包住咁多蝦肉 真係好考師傅功夫😍蝦肉爽口 而且又鮮甜味 都好值得大家試👧🏻👍🏻 咖喱蒸土魷每一舊土魷咬落去都會爆汁 因為肚有一早已經將咖喱汁吸滿 肉質彈牙 咖喱甜甜辣辣😎都幾惹味👍🏻 椰汁馬豆糕作為甜品也不錯💗馬豆糕充滿椰汁嘅香甜味 質地唔會過分紮實 再加上超多豆 咬落去好正注意事項⚠️- 茶樓新開未夠一個月 環境舒適 價錢超值 適合一家大細過來👨‍👩‍👧‍👦- 每一台飯後都會有免費甜品 日日都唔同 連午餐都有送 滿滿嘅人情味🎉

當我一入去 就有人服務 有禮貌 好友善 服務態度好好 頭盤好好食 推薦黃金苦瓜 主菜當然唔少得 龍蝦烏冬 好香好濃芝士味 而且做到唔膩 龍蝦新鮮 配上彈牙烏冬 除此之外 可另外加點蒜蓉多士 配上芝士汁 呢個組合簡直絕配！ 一食難忘！另外必嗌之選有豉油雞 潮州翅 欖角骨 欖角爆蝦球啫啫鮑魚雞煲 清蒸斑 以上都係我當天點既食物 然而我搵唔到任何地方去挑剔 上菜快 食材新鮮 服務態度好好 等等 令我呢次嘅體驗 畢生難忙 因為香港生活習慣比較急促 所以很多食肆服務態度都未能達到理想 但呢個我會令坐得舒服 食得舒服 可以好好咁享受美食。