新福來餐廳小廚 (已結業)

這天要去多個地方，第一站是著名的「珠寶金飾坊」，先在這裡醫肚。叫了XO醬豬扒炒米，同事要乾炒牛河。蘿蔔栗米豬骨湯是送的，不過不失。牛河一大碟，同事竟吃不完，雲雲望著剩下的牛肉，很想幫佢清碟。炒米也很快到，頗辣，整體香口，但不覺下了XO醬。豬扒、另叫的生菜一般。這間的午餐款式算多，其實應試些新鮮品種。

匆匆趕趕要醫肚，經過依家嘢，茶餐廳格局，但有小炒，亦有套餐$40，包一湯一餸一個白飯，即管試試，但真係唔掂！我哋四個人，叫三個套餐，先上例湯：合掌瓜煲豬骨，淡！無味！唔知我哋係咪哩得晏，成九點幾，D湯唔夠賣加咗水咁！三個餸：豆豉鯪魚炒油麥菜、涼瓜炒牛肉、蝦醬西芹炒鮮魷，除咗個豆豉鯪魚炒油麥菜食得吓，都係罐豆豉鯪魚好啫，加油麥菜炒，都好少失手嘅！其餘兩個餸都幾差，先講個涼瓜炒牛肉，成碟都係涼瓜咁滯，牛肉得個少少，牛肉貴都唔使咁欺場，仲要加好多辣椒炒，炒到個涼瓜牛肉好辣，真奇怪；而個蝦醬西芹炒鮮魷就仲難食，原因係好鹹，鹹得好厲害，而D鮮魷一樣得個幾塊仔，好唔抵食！最搞嘢係我哋四個人叫三個餐，得三碗飯，正路啦，咪加多一碗飯囉，竟然收$8一碗白飯，仲貴過有D酒樓，我心諗佢哋D咩米，係咪咁貴呀？！＠＠

我每個週六或者週日都會去荃灣食野,鐘意去d未去過既食肆(冒險精神?)荃灣幾百間食肆, 我都算試過其中十份一,但係可以渣到要上黎插佢既,新福來小厨暫時係第一間!蝦醬海鮮炒飯即係蝦醬+海鮮+炒飯, 係咪?但係佢冇蝦醬味!海鮮只有零碎既"日本蟹柳"+"蝦米咁細既蝦"+"微量既八爪魚仔碎屍"連碟飯都feel唔到有炒過..........仲慘過我自已叮冷飯食呀該煨........

本人很少去荃灣, 上星期因探朋友關係才走到荃灣去~ 由於肚餓關係, 便隨便找一間茶餐廳填飽肚便算~~發現原來鹽焗雞是這裡的招牌菜, 加上本人是無雞不歡的, 所以便想也想便叫了一碟鹽焗雞脾飯~ 我們三人再點了揚州炒飯、肉絲炒麵各一碟~ 這裡的鹽焗雞名不虛傳, 雞肉嫩滑無比, 味道剛好, 不會過鹹, 不像其他地方因過鹹而失去鮮味~ 而這裡的炒飯和炒麵也不油不膩, 適合像我這些怕胖又經常出外用膳的人~ 最後每人再來一杯凍奶茶, 為這餐畫上完美句號~點了這麼多食物也不過$130, 真是物超所值!!!!我定必再光顧!!!

早前曾無意與朋友光顧此店!! 真是一大驚喜!!首先價錢合理, 凍飲也只需加$2我們叫了一隻鹽焗雞.. 雞皮爽脆嫩滑非常入味再問老闆娘原來沙薑醬是自制的跟白飯完全是一對絕配再叫了一個亁炒牛河, 咸魚雞粒炒飯都很香而且不油膩炒飯很亁身9個人還叫了7個小菜本人只覺茄子煲有點油, 其他都可比美其他出名的餐廳9個人: 1隻雞: 1個炒河: 1個炒飯: 7個小菜: 9杯凍飯Total: Less than $400還有不得不題的必定是他們的招牌奶茶.. 他們的招牌果然沒欺騙成分!! 有機會必要一試

呢間餐廳個太子女話帶我嚟呢度食煲仔飲講咗好耐..一日放工遊完荃灣shopping之後就嚟咗食野.全部都係由太子女發版.點咗黑椒炒烏冬,豉汁煲他飯,仲有佢媽咪(老闆娘)自餃子+湯~~食到我吖~~當然唔少得太子女親手沖比我嘅愛心少甜凍檸茶~真係味道啱啱好...^^ 環境都幾好呀..有部大大嘅LCD電視,可以撈埋電視汁perfect~~! 仲要請埋我食..真係有啲唔好意思...~下次等你返嚟hk我要比錢幫襯架~~~!

我記得呢度係舊年接近農曆年開張的, 當時我兩公婆行完荃灣花市, 周街搵野食, 見到呢度好多人, 即管入去試試。果陣連張紅紙都未撕, 仲遮住「新福來」三個字的。由開張到現在, 一直都有幫襯, 幾乎隔一段時間, 就會心思思來食雞。上星期我們又來開飯。叫了一個兩餸餐$72, 有湯有飯有飲品(凍飲加$2), 加$10仲有油菜一碟。點了椒鹽鮮魷及中式牛柳, 再叫半隻霸皇雞$45。湯是冬瓜清補涼。雖然係套餐, 但小菜份量一點也不小。可能椒鹽鮮魷粉漿太厚, 搞到無乜味, 要再點淮鹽和喼汁。反而中式牛柳個汁就較得啱啱好, 送飯一流。牛柳嫩滑唔UN, 應該無梳打粉。從第一次幫襯, 次次都必點霸皇雞, 永無失水準, 真係又滑又好雞味之餘又不會太多肥膏, 淋上煮過的豉油, 還有勁多薑蔥鋪面, 正呀!!食到捧住個肚走都係$131, 好抵呀!!

身住荃灣，卻很少在荃灣市中心覓食，因為大部份食肆都要大排長龍兼不太企理。見今日天氣好，加上早起，阿P便大膽帶着我在荃灣市中心亂逛，希望揾到合心水小店。行了約二十分鐘，人潮處處，皇天不負有心人，離遠比我哋望到呢間以鹽焗雞作招來的企理茶餐廳，決定一試。阿P要了招牌鹽焗雞飯($28蚊連中湯)，另加了$5蚊要脾位。雞脾上枱時仍熱辣辣，皮爽肉滑脂肪少，相當有水準。中湯亦交足功課，無乜味精，仲勁多湯料。我的飽魚雞件泡飯($33蚊連餐飲)同樣出色，鮑片有三大塊，味道異常鮮甜，軟硬適中；雞件同招牌雞飯嗰啲一樣，有成六件，勁足料。飯亦夠一粒粒，浸在湯內也不致過淋，唯一不滿係個味精湯底。估唔到又會比我哋符碌撞到間正雞飯店，嘻嘻！