新疆回族薄餅店 (已結業)

同同學補祝生日~~諗住試下d特別d ge 野食,由旺角行到過去~雖然熱熱地~個到又冇冷氣~不過有個大風扇吹住,好快涼番我地好好彩,佢話30號就搬去土瓜灣~叫左香蕉薄餅、羊肉薄餅、羊肉卷、咖啡羊肉抄飯、芝士薄餅、3杯菠蘿酸乳、1杯芒果酸乳香蕉薄餅:好味!!!甜甜地~又有香蕉味~~正羊肉薄餅:我覺得ok la~我覺得冇咩羊肉味...可能係咖哩味蓋左羊肉味,但d咖哩味都ok羊肉卷:唔夠羊肉薄餅重味,,岩d唔鍾意食咁濃ge人,我就覺得一般la~咖啡羊肉抄飯:係個到個叔叔話好味~叫我地試,我個人認為ok~d飯長型,,幾特別~~但d羊肉好食!!加番分!芝士薄餅: d芝士係好香...但唔知點解有甜味(落左糖掛)個味道怪怪,我覺得唔好食菠蘿酸乳、芒果酸乳:菠蘿酸乳我覺得似原味酸乳多d...冇咩菠蘿味,反而芒果酸乳仲好味好有芒果味!!最鐘意個香蕉薄餅!!仲有,,佢個到原來有學生優惠!!

自問係個鍾意食咖哩同薄餅既人, 見到網友好讚新疆回族薄餅店既羊肉薄餅, 於是專程黎試o下. 老實講, 佢既店舖賣相好唔吸引, 如果冇上網睇過既話, 我相信我路過100次都唔會幫襯佢. 下晝一點鐘, 店舖好冷清, 一個人都冇, 我order左一份羊肉薄餅外賣. 諗住可以睇o下佢即席表演做薄餅, 點知, 佢鬼鬼鼠鼠唔知o係邊到拎左塊野出黎放入紙袋, 然後就將紙袋擺入微波爐. 扣30分 叮好之後, 紙袋熱辣辣好多煙. 一手交錢一手交貨, 我急不及待要食啦. 先唔講個味道, 賣相真係好肉酸, 一pat野, 唔知從何食起, 第一啖咬左個角先, 又硬又乾, 扣20分. 第二啖, 食中間, 真係好失望. 我以為裏面會有咖哩汁, 唔流出黎都至少唔係乾掙掙, 但d 羊肉碎一粒粒跌出黎, 就好似硬左既豬肉鬆咁樣. 扣50分 大熱天時, 我真係吞唔落. 咖哩味道好濃, 但唔好食. 第三啖, sorry, 我真係吞唔落. 總分係0分.

在旺角食過雞蛋仔同「肥媽」的生腸、墨魚之後，拿拿臨去搵嘢飲，又唔想求其買杯嘢，又唔想幫襯台式飲品，飲咩好呢？終於諗到，附近的「新疆回族薄餅店」除左有薄餅同咖喱食之外，仲有幾好味嘅酸乳（lassi），既然呢間特色店舖就在附近，即刻去買番杯解渴先。今次試嘅係「菠蘿酸乳」（Pineapple Lassi），既有奶味，又帶點微酸，味道甜甜酸酸的，但又不會太甜或太酸，酸乳中還有不少菠蘿茸在裡面，確係十分解渴開胃，好飲。雖然要賣成$15一杯，都覺得值得。想不到呢度除左薄餅係首本名吃之外，特色飲品都幾好味喎！（我覺得好飲過唔少流行台式飲品呢！）

行過槍鋪街, 肚餓搵野食, 見到有位就坐底.叫左個羊肉咖哩餐, 送到上黎望兩望都無咩事食落口就另一回事個薄餅係熱,但缺乏香味,手感極軟但唔夠鬆,個感覺好微波爐下咖哩羊肉呢....我除左食得出辣椒油味外,乜野味都食唔出雖則食下咖哩同埋辣椒都有助去濕者,但都唔係咁樣比咁多辣椒油卦!唔止我食落覺得怪,連隔離檯一對男女一食D野落口,個男都話好奇怪....希望佢地會改善下...

最近迷上了菲林相機, 拍了一堆底片之後要找地方沖晒, 今次找到來油麻地。從廣華醫院後面穿過後街, 便是旺角的小吃集中地了。(可會有病人吃不慣醫院飯蛇出來偷食?!) 再行多兩步, 便到了廣華街, 離遠已見到添好運門外堆滿人, 嚇到即刻掉頭走! 轉回一整條街都是賣軍事用品/玩具店的商場, 如果不是有嘢食我是不會敢入去的。店子雖名「新疆回族薄餅店」, 看來只有「回族」和「薄餅」是正確的, 因為他們賣的是印度食品! 先在向大街的檔口向阿星哥落柯打, 之後就給另一位阿星哥點了去向著軍事用品店那邊店外的座位去, 頗有食大牌檔的味道。我點的是 Aloo Paratha 薯仔薄餅 ($15), 另加一杯 Mango Lassi ($15)。Paratha 是一種薄身的印度煎餅, 看到阿星哥堂煎都幾過癮的。出來的樣子跟我在另一印度店吃過的馬來 Murtabak 差不多(http://www.openrice.com/restaurant/commentdetail.htm?commentid=2027802), 也是煎好後層層疊的摺好奉客。Paratha 是暖暖的, 廣東話不錯的阿星哥話最好加放在桌上的

見佢開左都一段日子一直無咩機會試今日去左杯子蛋糕度買個cupcake試順便試埋呢間啦-----------------------當老公食完cupcake , 我就食完既時侯老公心郁郁行左去隔離想買羊肉薄餅我就拎住半個cupcake走去鋪頭門前同佢講要個羊肉薄餅 黎到新疆鋪頭點會唔食羊肉呢佢既薄餅係一個薄薄4方形既物體 由於佢即刻煎返 所以要少少時間, 接過之後,老公就食左一半之後話要買水 驚我覺得辣,我食左幾啖 我覺得acceptable呀~ 幾好味 而且價錢唔貴 , 辣既程度都唔太勁, 反而感覺惹味..好:: 食物好惹味, 同個老闆無語言障礙, 好彩XD壞:: 無話辣, 雖然係真係好輕微 但難免會有人接受唔到嘛:x總結::有下次

故意在何文田走下來吃.平時經過都經常叫bebe, 買咩靚女小試牛刀. 先試一下羊肉卷, 佢真係叫做 roll.但整出黎係一個四方形餅餅.本想回校才吃, 還是襯熱吃吧!第一口咬下, 竟是炸菜, 心想不妙, 你們新疆回族 不是靠 疑似炸菜物體 矇混過關吧?後來多咬幾口才發現有羊肉, 咖哩, 菜絲.香口濃郁.不算很辣.可以一試.

其實不是第一次食了羊肉薄餅，即叫即整的薄餅，里面有一層薄薄的羊肉醬，咖喱味的，很合我口味，喜歡咖喱嘛比以前貴了，店員好像沒以前cheerful，但外地人講廣東話都幾正

我冇去過新疆, 所以唔會知正宗新疆回族d 咖哩係點;但今日去到mk, 都決定一試此小店, 因都開左好多年都未食過~一坐下, 看看餐牌 竟說係印度咖哩?????再留心點, 英文名係 kashmir curry house, 即係"喀什米爾", 唔係中文的新疆噃算喇, 既來之, 則安之... 叫個咖哩雞餐, 及兩個 samosa 仔 share 喇.師傅攞了個 咖哩角叮一叮, 便上檯了.個皮仍脆的, 內好熱. 另外, 有支似似地介辣的醬, 之前食 samosa 好似冇的, 印度式通常都係加d 綠色mint 汁 的;落左d , 試一試味, 嘩, 好特別!!!!係薄荷味 + 介辣味 + 辣椒, 未食過, 好得意!落左幾多, 因點 個咖哩角好食.咖哩角都幾多薯仔, 大豬女友幾喜歡呢之後個咖哩雞, 好紅, 蕃茄味重, 少辣, 似 rogan josh.有兩片薄餅的, 點汁一流.包杯飲品的, 叫了玫瑰汁, 心諗, 會係咩味呢?係杯橙色的汁, 督支飲管, 飲口, 咦, 係淡芬達咁味既?行到去舖的另一面, 看到英文menu 係 "indian orange juice"... 晃然大悟....埋單兩人

次次去廣華街都要食 ...店員好 nice ~ " 靚仔靚女食薄餅 " 叫不停 ~雖然個皮油o左 d ... 但係好惹味 ~食開牛肉 & 羊肉 ~ 比較喜歡食羊肉 ~ 可能咖喱味重 ~唔覺有 " so " 味 ~薄餅每次都係熱辣辣 ... 羊肉薄餅o既咖喱比較辣 ~10 幾蚊 ~ 食完一塊可以唔洗食飯 ...

等緊火山石烏冬打電話泥但係好肚餓咁搵d野食住先啦我地叫左1.香蕉薄餅 - 好好味!!!冇諗過係香港都食到咁好味既香蕉薄餅2.牛肉卷 - 不過不失,都算幾好味3.串燒羊肉 - 麻麻地我一定會再返去食個個香蕉薄餅!!!

一心想吃萬家燒的蘿蔔酥....但未出爐, 於是行下行下經過此處, 沒有人, 便叫了個魚肉薄餅, $12, 見他由架上拿了已煎好的再翻煎, 心已覺不妙, 只見爐上油很光亮...., 唔怪得之用紙袋入完要再加上一個膠袋!一口咬下....咀唇搽了一層油, 再咬一口餡料....太鹹的, 咖哩肉醬, Oh no...實在吃不下去, 好浪費下掉了! 不知是我選擇餡料錯誤還是選錯了時間, 但任由廚師說多少句靚女, 也不會再浪費金錢嘗試了!

不是講笑，女孩子們，買薄餅的時候真的要當心！當其熱情好客也罷，但我是接受不來。講返食物，叫了最具代表性的羊肉烤餅，似印度咖喱多些，惹味但不是很辣。羊肉肉松沒有羊肉的膻香，餅身又太油，吃完有點反胃。聞起來確是噴香，吃下去卻不太有驚喜，而且大叔又“盛情難卻”，小妹還是躲開一點為好…

寫到第五站了 ~ 哈哈 ~ 其實個胃就冇咁大既 capacity，呢個係補返之前既食評而已。不過，我見佢都係在登打士街附近，咪 group 埋入去「掃街記」內囉。十五蚊一大塊羊肉簿餅 ~ 感覺上似印度式簿餅多 d ，所以唔係好明點解佢叫新疆回族。講返佢個簿餅先，熱辣辣咁上，香噴噴。而個簿餅個粉糰本身都搓得好，所以個皮簿得黎都好彈牙 ~ 而且佢又唔會有過重既牛油味，very good﹗至於咖喱羊肉都係好香，但略嫌咸左少少。咖喱味蓋過了羊既羶味... 或許係好事，但佢連羊本身既味度都蓋過了 ~ 有點唔似羊肉囉。不過，整體來說，佢既咖喱味道好香濃.. 再加上個簿餅本身整得好，所以值得比笑面。第日會再去試佢 d 小食或者飯。

行登打士街的確好多小食店.哩間食curry既未試過, 今次就試試啦見到佢出名放左d 咖哩角咁既野問佢係咩黎, 佢都話係咖哩角, $6 既係雜菜, $7 既佢話有肉咁我就要左個有肉既角, 比$7佢, 佢比返$1 我...?加左pat 綠色既... 唔知咩汁比我, 睇落好似唔錯咁食落...凍既. 層皮唔夠脆, 少少硬入面既咸都凍了. d curry 一舊舊好粉. 食到d 薯仔, 都好林成個咸都好粉, 冇乜野咬.愈食覺得有種好烏嘈既感覺... 諗下佢點整, 加埋o個pat 咖哩咸....阿叉... 又話有肉既.......... 唔怪得你找返$1 比我啦不過可能回族就係食埋d 咁既野... 唔清楚啦哩層岩岩上黎睇先知哩間野係出名食薄餅.. 唉, 又係自己叫錯野算啦, $6 嗻... 豪比佢啦