新疆回族薄餅店 (已結業)

在旺角食過雞蛋仔同「肥媽」的生腸、墨魚之後，拿拿臨去搵嘢飲，又唔想求其買杯嘢，又唔想幫襯台式飲品，飲咩好呢？終於諗到，附近的「新疆回族薄餅店」除左有薄餅同咖喱食之外，仲有幾好味嘅酸乳（lassi），既然呢間特色店舖就在附近，即刻去買番杯解渴先。今次試嘅係「菠蘿酸乳」（Pineapple Lassi），既有奶味，又帶點微酸，味道甜甜酸酸的，但又不會太甜或太酸，酸乳中還有不少菠蘿茸在裡面，確係十分解渴開胃，好飲。雖然要賣成$15一杯，都覺得值得。想不到呢度除左薄餅係首本名吃之外，特色飲品都幾好味喎！（我覺得好飲過唔少流行台式飲品呢！）