新疆回族薄餅店 (已結業)

呢個間係我屋企附近不過咁耐都無食過今日終於買左個羊肉薄餅返屋企試下啦都幾大份我一個人食覺得好夠不過係凍左少少同埋個皮再薄d會好d雖然你唔係好食得出係羊肉但個味道好吸引你食完一啖會吸引你想繼續食落去同埋都幾多料不過我個人唔係好食得辣所以都覺得辣左少少同埋唔知點解食食下個薄餅入面會有骨既?? 好驚><下次都有機會再買過黎食既

明明係正宗印度菜,整乜鬼個招牌叫新疆回族薄餅店呢? 英文都唔係咁叫既, 肯定比招牌佬整估, 亂安個九唔搭八既名比佢老細講番食評. 有次經過門口已經被佢地d食物吸引,今次醒起咪食晏時間落去買外賣. 必試既當然係samosa同我至愛既tandori chicken啦. 好感動samosa係自己搓粉做咖. 上星期同朋友去重慶大厦果間只係用我地廣東春卷皮包,幾鬼無誠意呀. 呢間舖仔仲忠於傳統,真係令人感動! 我試咗羊肉同什菜, 兩種都好好味, 皮又厚薄適中. 隻tandori雞鎚真係有驚喜. 味道同我係印度食既一樣,好香香料味. 雞肉仲估唔到咁嫩滑喎. 自從係印度食過,返香港咁耐未試過食到間可以做到d雞肉係唔'鞋'既. 另外叫咗個plain薄餅因為佢話無洋蔥. 原先以為可以叫佢跟d咖哩汁,點知佢話無喎. 惟有乾爭爭食囉. 如果可以用多少少牛油搓同做薄d, 會好味好多. 而家略嫌唔夠油酥.

之前一心想試下呢間薄餅店但唔多知佢實際位置o係邊今日個frd想睇打war game d配件我同男朋友陪佢去見到呢間野o個時好驚喜原來只係o係好景行過少少我地三個人叫左個羊肉薄餅share見佢係拎件已經整好左ge再煎幾下..拎到上手隔住兩個袋都好熱我地叫佢地cut開三份..d工作人員都好樂意咬落去軟熟d咖哩免治羊肉其實唔係幾食得出係羊肉但d咖哩幾濃味食完三份一件都飽飽地呢度一定有下次下次我要試下芝士薄餅

「新疆回族」這個名字甚具民族特色，賣的總是咖喱和惹味小食，可是從舖子裡的擺設可以推測經營者都是印度裔人士，應該跟新疆或回族沒有甚麼關係。我向來都嗜吃咖喱和羊肉，就買了一件羊肉薄餅和一客咖喱羊肉飯。羊肉薄餅換句話說就是薄餅上塗上咖喱汁和羊肉碎，把餅摺疊起來就行了。餅帶著香郁的咖喱味道，彷彿叫你多吃幾口，惹味得很。每件餅只賣$12，連價錢都很吸引。咖喱羊肉飯的咖喱較多辣椒油，但香辣程度不太厲害，一般人都應該吃得下。羊肉的質素普通，似乎經過冷藏後流失很多羊肉精華，附在肉上的骨頭略嫌偏大，吃的時候覺得不暢快。可是整個飯盒惹味得很，咖喱汁倒在白飯上已經教我心滿意足。舖子標註賣的是「Halal Food」（符合伊斯蘭教教義的食物），可是還沒有取得伊斯蘭組織的「清真認證標誌」，教胞們不妨仔細查證才光顧。對於我來說，有沒有「清真認證標誌」都不是問題，照吃可也。

星期六終於可以食到d個印度餅餅la!~記得之前有一檔係開0係肥姐小食隔離...唔知lei檔係咪即係0個檔lei!~...以前食由於份量都幾大...所以今次同男友share食0既..我0地驚羊肉唔知會唔會太so..所以食雞肉薄餅...即叫即整ga!~好快就ok la!~一上手..好熱呀...辣手呀...等陣先食..10分鐘後...仲係好熱呀..但入到口la!~...一入口..係呢種味la!~好耐冇食0既印度餅呀..yummy~d涵好多呀...正呀!~好想再食...好野味...價錢算幾底...

今日行旺角，突然覺得有啲肚餓，所以諗住去去好景個面睇下有啲咩好食。行到不遠，見到有間全部都係印巴藉人的薄餅舖，其實呢間舖知道好耐，但係一來門面唔吸引，二來就真係唔好就腳，所以，一直都無去試過。一行到去，見到全部都係印巴藉人，諗緊使唔使出動我啲唔見得人O既英文時候。個印巴藉人就用廣東話講「靚仔靚女，想食啲咩呀？」個心立即定晒，原來佢識講廣東話。我同女朋友就叫咗一塊咖喱羊肉薄餅同三件咖喱角。一分鐘都唔使，一塊熱辣辣嘅咖喱薄餅己經到手。而個三件咖喱角就反而唔熱，因為擺得好耐。咖喱角，買錯咗啦~~~~~其實本來唔係想買咁細件O既咖喱角，而係想買beef samosa的。凍冰冰的咖喱，加上因為買錯咗嘅失落感，所以令到件咖喱角更加唔好食。個皮因為凍咗所以唔夠脆，而個餡就唔係太夠味咁。雖然有綠色的醬，但係都唔可以補返咖喱角啲味。咖喱羊肉薄餅，就同個咖喱角有天壤之別。個薄餅熱辣辣，隔住兩個袋都有種燙手的感覺。一打開，就聞到薄餅嘅香味。首先係餅皮，餅皮唔會煎得太乾，有返薄餅應有的口感，而且因為唔係微波爐翻叮，所以啲水份無流失到，個皮好好食。咖喱羊肉餡，如果只係食個餡，就會覺得個餡太辣，但係如果加埋啲餅皮

他的芝士薄餅即做,很香,芝士味道濃郁,香滑,雖不是最好,但$12蚊有如此水準則不俗,其他食物則一般,只有兩張檯,不要期望太高.

食完攦粉行街到旺角,記得openrice有食評話呢度薄餅好食,買件羊肉食,見他把已整好的放回爐上煎熱,心想一定唔好食,比我估中,塊薄餅淋的,唔脆又唔香口,仲係微暖,入面的咖喱羊肉只是咖喱醬和幾粒肉碎,唔會有下次!

十一月三十日(星期日)與老公吃完了千両後,搭小巴落旺角,本想到肥姐吃大腸,不過,經過此店,被它吸引著,令我們走回頭試試!我們坐著吃,因為時間充裕點了一個薯仔薄餅以及串燒魚肉食物很快就送到面前,不用等太久,而且很新鮮先來的串燒魚肉,一共3塊,是用了鯇魚,加上了咖哩,有點辣,不過很香,醒胃!但很多骨!我吃了半塊,而老公就吃剩下的兩塊半,吃得津津有味!他說鯇魚本身較腥,不過他們弄得好,沒有丁點的腥味!低讚而薯仔薄餅都有3塊,很好吃呢,薄餅熱的,即叫即煎,包著了咖哩薯仔!!!我十分喜歡吃!下次我們會試他們的咖哩飯,印度炒菜...還有巴基斯坦果汁!

其實住係旺角幾幸福, 今次掃印度小食, 街舖細細類種唔少. 口痕望幾眼, 印度哥哥就熱情招呼. 第一次試, 買左羊肉薄餅, 同佢介紹既10蚊3件小食. 羊肉薄餅 - 幾熱喎, 薄餅有層次, 餅中有羊肉碎同咖哩, 好大件, 正小食 (魚, 雞, 羊肉) - 睇佢係櫃以為凍左, 原來佢會整熱. 魚, 有粗骨, 幾滑. 印度紅色既雞肉, 係硬身果種, 好過雞胸. 羊, 好似免治羊肉整成長條形, 夠味又淋.以後想食印度野過口癮就好方便喇, 2樣野已經當左2個人既晚餐, 真開心.

2008.09.12 (五) 放學有點餓，陪易爆到MK拎埋月餅已近九點半，食壽司前都去肥媽度買生腸﹑魷魚﹑腎 & 走黎買個薄餅tim，餓得幾交關呢 曾經同易爆講呢度既薄餅有幾好幾好味，點知...失禮晒 我地同時揀咗咖哩魚薄餅，等咗一分鐘左右，見佢响微波爐拎出黎心知不妙﹔心諗 食慣微波爐食品既我又點會唔知叮成分鐘個餅會點丫，若一早知佢番叮就叫佢唔好叮咁耐，成分鐘豬皮都乾喇。上次七點前黎買，可能時間尚早可以即整，好味到極﹔但今次番叮就出事，熱固然係熱但個薄餅皮邊已經又硬又乾全無溫柔可言，然而魚肉也不及雞肉好味，咖哩亦比上次辣得多 始終這咖哩薄餅也很地道，姑且今次不給你一個喊包，下次再係就唔敢包

今日食完街邊小食，又再次幫襯呢間舖頭，都係食番我上次食嘰咖哩羊肉跟飯，真係保持水準，好好味！臨走見倒兩個鬼佬都係叫佐咖哩，哈！鬼佬都識黎食，所以要再讚。

今日想搵咖哩食，行過旺角見倒一間鋪仔，睇間舖個樣，其實無乜食欲，橫掂黎到，就不防一試嘰心理，先叫左個咖哩羊薄餅，又真係幾好味咁喎，知道佢嘰咖哩唔錯之後就叫左個咖哩羊肉跟飯，味道真係好靚，辣度適中，真係出乎意料之外，米睇佢鋪頭細細又簡陋，係我近排食咖哩之中最好食嘰一間舖頭，好多打正旗號買咖哩嘰真係唔係佢果皮，呀龍，佐敦，翠華完全唔及，加上價錢就更加無敵，埋單有埋野飲都只係47蚊，去邊度搵呀，米以為平就無禮貌喎！佢地招呼得仲好有禮添，聽曬劉德華果隻，結論係又平又靚，得呀！

08.08.23 (六) 晚飯前口痕痕同主去掃街。好耐冇行MK，出發前當然先做功課喇。新彊回族薄餅原來即印度薄餅，門口有位印度男在叫賣誠意加分 薄餅款式有十多款，揀了雞肉薄餅($12)，不悄一分鐘印度男便從裡面拿著紙袋庄的薄餅递過來﹔熱烘烘但可入口。餅皮很鬆軟，雞肉碎略干身，咖哩味好正宗，超好味。We will be back 2 務必再試其他口味

今日終于有機會食到呢間既咖哩啦。其實以前已經好想試傢啦。不過因爲有d驚拒入面d人。好似成日望住你甘。不過今日鼓氣勇氣同男朋友2個一齊去試。1去到就介紹我地食薄餅。我地2話不說叫左個咖哩雞跟薄餅。首先薄餅黎左。好熱。入口好味。晤係好香口果d感覺。但係我就覺得好好味道啦。。..之後到咖哩到啦~本人覺得分量比較小得2舊薯仔同3舊雞。不過好彩我志在儸d咖哩黎食薄餅。餐可以跟飯/2片薄餅。我當然叫薄餅啦~~（原來2塊好飽傢啦）。。1入口。。好香啊~~男友都覺得幾好。1開始唔多覺得辣。不過食多1陣就慢慢辣出黎。感覺既得意。最最緊要一定要同咖哩juice一起入口。因爲可以好清楚食得出個咖哩既味。。d雞肉文得好林。好入味。係我地食緊既時候隔離有1個男人自己係度食緊。拒都係叫咖哩餐不過拒就跟飯。我見到拒食灑。問入面果個人再比多dish飯。。（好似無加錢tim啊）我完全認同拒比你既咖哩juice一定夠送2碗飯都無問題。可惜我都係愛薄餅多d..hehe...我真係覺得值得再再再去。。因爲仲有d雞roll啊。其他薄餅想試啊~~