新瑞興燒味

營業中

休息中

今晚打算係屋企附近近近地hea食，去返街市食燒味飯$3️⃣0️⃣一盒雙拼燒味飯，有一包紙包飲品送價錢黎講算係咁☺️☺️☺️☺️☺️叉燒燒鴨飯不過我個人喜好加姜葱既😋😋😋今日個飯就麻麻地，感覺好濕同偏咸，㕚燒算厚，半肥瘦咁上下，個樣係靚仔既👍🏻👍🏻👍🏻鴨就一般般，有部分鴨只有肉無皮🙈🙈🙈🙈總括黎講，食物過得去既，但唔好太期望會好好食，不過不失填飽個肚之選🫣🫣🫣🫣🫣

新瑞興燒味所賣嘅燒味及滷水食品真係幾吸引，因為我睇到個燒味師傅幫個客人斬隻燒鴨嗰陣時，真係睇到隻燒鴨熱辣辣，完全係爆哂汁嘅燒鴨，燒鴨皮燒得非常靚，充滿油光，剩係齋睇都已經喺度不停吞緊口水，另外就仲有紅腸、白切雞、豉油雞、燒肉、各款滷水、汾蹄、生腸同泰式鳳爪等，真係睇到都食指大動，而且價錢又唔貴，白切雞半隻都只係$50，1/4份嘅燒鴨$33，汾蹄每份$30，鮮橙色嘅生腸真係好吸精，果然係真正平民嘅美味！