新漢記飯店

營業中

休息中

位於粉嶺聯和墟的聯和市場經過翻新後準備開幕，近日開始試業，今天與家人到這個新的文創區遊走，因只是試業中很多店舖還未開，所以走了一下就到正正在聯和市場後門很有名氣的中菜飯館「新漢記」提早用膳。我們傍晚5:45入座，當時餐廳已有一半滿座，只剩大枱而且全都是訂位的，剛好只剩一台Walk in就給了我們，到了6:30左右已經全院滿座，大家是專程去的，可能真的是預早訂位較好。餐廳主打地道客家菜，雖然看似一般的菜式入口卻是另一番風味，是從來沒有吃過的味道。自家製蝦子紅燒九棍魚腐 $138非常推介及有驚喜，比一般魚腐彈牙，由保留着平常食到魚腐的軟綿綿感覺，魚味超濃郁，外層有酥鬆的口感。金牌蝦醬骨 $168 我都不禁講一句甘香油爽，每一件都充滿着蝦醬的味道，肉質酥鬆，下酒或配飯一流。自家製手打一品鮮魚麵 $168非常難以形容，魚麵有別於一般坊間食到的，完全沒有粉感，魚味濃郁相當彈牙，有可能是以全魚肉製成？反正就是很合我口味並以蛋絲、蘿蔔、芹菜、蔥及豬油渣等配料伴炒，一口一口的就不想停。豆醬炒青瓜苗（時令）$128 青瓜苗清甜爽口，以類似普寧豆寧的黃豆醬伴炒，豆醬及醬油份量控制得很好，沒有突兀的鹹味，反

行過街市，一肚子嘢諗，搵到間地道嘅客家小菜館，決定落場一試身手。入到去空氣中已經夾雜咗陣陣香味，我嘅胃都開始跳舞啦！先點咗碗客家鹽焗雞，啖啖肉嘅，皮脆肉嫩，又保留咗雞嘅原汁原味，正！撈埋啲雞下來酥脆嘅皮，口感層次分明，真係惹味到㗎喳！轉個頭，再試吓酸菜炒肉絲，酸酸地嘅菜同嗌口嘅肉絲交織，咸香得嚟又唔膩口，簡直係開胃王！仲有攞命必試嘅豆豉蒸排骨，豆豉味道啱晒口，排骨鬆化得剛剛好，入口即化。搭埋啲彈牙細嫩嘅四季豆，嗰種鹹香同綠色滋味絕配👌！最後絕對唔可以錯過自家製甜品 – 糯米糍。呢個甜品外層煙韌有嚼勁，包裹住甜甜豆蓉心，每一啖都喺嘴裡爆發開，簡直係正到爆炸💥！真心覺得，好嘢味道不需高攀，食完之後心情都好咗，有種被呵護嘅滿足感。今晚食咗個幸福，回家路上一路都係甜嘅🍽️。

唔好信社交媒體網站！其實餐廳食物質素低下不重要，但連職員態度惡劣就不了不了！豬油撈飯，職員對豬油vs豉油比例不清不楚，只是講落多啲豬油，少啲豉油。肥滔大榮華嘅豬油撈飯好食100倍，新漢記搞不掂，有油益味，無油香，飯又偏硬。胡椒豬肚湯，我以為係水溝胡椒， 佢個煮法似係 水煲滾咗之後落胡椒，顏色似洗腳水，完！我個枱4個人，每人只飲了一口。同職員反映，回覆落單已講明係滾湯，我地餐廳係咁煮。話係我全枱唔識食。再望望隔離枱已走嘅食客，又係飲剩超多呢個胡椒水湯。唔通係全部食客都唔識食？然後到咸蛋炒良瓜，水汪汪嘅！呢碟係食到落口嘅，但係顛覆咗我對"炒" 嘅概念，佢呢個叫水煮， 極其量叫濕炒。職員再話我地係咁炒野架喇！好野！好野！乳鴿好似每隻$88, 一致認為衰過普通酒樓 $48嗰d, 個味好很古怪，有種怪酒嘅味，感覺係一聞就想放低嘅感覺。賣單嗰陣問收銀香小姐，經理知唔知我地嘅意見，佢話我哋無經理，得老闆。而啲菜嘅煮法全部都係老闆教。仲歡迎我哋去openrice寫食評。咁唔怪得知香港搞唔起夜繽紛，香港食肆站不住腳，你都要檢討下。香港人唔係畀唔起錢食嘢，只係唔會付出時間食一啲難食嘅嘢。建議職員不妨多啲去

🥳Congrats & 美味Gathering為食土豆團 冒着 ⛈️黃雨交加 專程由港島東揸車去新界北 到有「新界大班樓」之稱嘅新漢記品嚐精緻手工菜😋地方唔大、一眼睇哂👀勝在樓底高，冇咩壓迫感，擺枱唔算好逼一坐底…開胃前菜隨即送上豆角冰涼、蘿蔔酸甜爽脆店員推薦 一隻豬得兩條筋，點啲辣椒油，口感爽滑甘香新漢記名物 幾乎每枱必點新鮮吊桶同紅蔥爆炒得香氣溢、味道鮮甜爽脆食到墨魚粒、彈牙有咬口，煎炸後上湯烹調但津白唔夠腍甜…整體味道一般👌魚餅有魚味、新鮮熱辣香氣又彈牙送酒一流🍻隱藏菜單禮雲子味道鮮香、質感幼滑…送飯一流緣份到先食到…堅係可遇不可求奄仔蟹體型比較細隻，有重皮但唔爆膏隱藏菜單米粉煎得香脆可口 蟶子鮮甜唔韌…但4隻嘅份量貴咗啲好有雞味！但對我嚟講…肉係柴咗啲香糯微甜而不膩用餐體驗食過大班樓…喱度同佢仲有段距離以客家菜為主，粗菜精做用上新鮮食材、認真烹調、用心製作，確實比一般食肆優勝P.S. 去廁所🚽沿途濕𣲷𣲷，幾乎跌親…有待改善

新漢記有個美譽就係新界大班樓😂顧名思義講到好好食，今次嚟一探究竟，不過想試嘅朋友仔記住都提前訂位，因為都好full booking 🥹食完之後都覺得味道同出色，不過略嫌全部份量都比較細分😂梅菜扣新鮮豬肉 $198作為客家菜，梅菜扣肉係必試嘅菜式，味道的確有驚喜，梅菜唔算好鹹同埋肥豬肉肥美得黎好甜，送飯一流 🍚 砵頭雞湯燉豬肉餅 $128呢個豬肉餅嘅賣相好特別！佢係成個盅咁樣上碟，佢個汁有好香嘅雞湯味，肉餅食落去好軟熟，啖啖都係滋味🤩好味到我哋叫咗兩個肉餅😂客家慢煮滷鵝🦢 $168鵝肥瘦適中，滷水味令味道昇華咗，食落去啲肉嫩口豬油渣炒菜心 $88不過不失中規中矩豬油缽仔飯 $15 🖤黑白配⚪️食到停唔到口！仲每人食咗兩碗😂😂😂我哋真係飯桶嚟㗎😅將豬油同埋甜豉油撈落去個白飯嗰度食落去勁香，粒粒分明自家製黑蔗糖蜂巢糕 $64蛋糕口感軟熟鬆化，咬落去甜甜地有黑蔗糖味道👍🏻👍🏻

雖然住得唔喺特別近  但每年至少都必定會禮拜放主廚漢哥一次🫡 餐廳主打客家菜 水準有人話喺新界大班樓 今次包房加直接搵漢哥做冇菜單廚師發辦🙌🏼 雖然真係好食 不過份量就太多 12個人 10道前菜酒餚 10道主菜餚 再加2份甜品😅   基本上前菜嘅‼️必點‼️菜式有 🌟白烚豬前腿筋🌟 🌟白烚第一刀🌟 🌟麻辣牛胸爽🌟 🌟尖椒醬油焗山坑魚乾🌟🌟孜然烤羊扒🌟 🌟鴨下巴🌟主菜方面今次試咗幾樣值得推介嘅新嘢  👉🏼 清湯崩沙腩: 牛腩炆得極軟腍 清湯香甜🤤 👉🏼 酸菜桂花魚: 唔係一般嘅酸菜魚 重點係魚味濃郁嘅酸辣魚湯 👉🏼 大扇雞: 外皮水晶油亮 皮爽肉香 雞味濃郁🐓 

早排心思思想食吓手工中菜，無訂枱又試下Walk In ，有食神眷顧果然有位。一直都知道係比較有心思同有水準嘅客家菜，只是份量偏小同定價略為偏高，不過一次半次就照食，附近真係無乜太多選擇。———————————————————————————🥢自家製黃酒炒雞🐔💬薑米同黃酒味道非常濃郁，滲透入每一件雞裡面，雞柔軟嫩滑，仲有紅棗的確係滋補😌.🥢三杯焗新鮮豬腸🐽💬呢個豬腸煲好惹味又夠乾身，豬腸襯熱食唔會韌，三杯汁係最出色嘅配搭😌.🥢鹹菜炆本地黑毛豬肉🐽💬本地嘅新鮮黑毛豬腩肉，夠晒份量，配搭鹹菜炆煮，餸飯一流😌.🥢豆醬炒青瓜苗🥒💬係青瓜未長大嘅時候係最嫩同爽口，感覺係唔會經常食到，每一次都會叫嚟食😌.🥢豬油砵仔飯🍚💬無論肚腩有幾大，都無阻豬油撈飯放入口中，油香飯香真係無法抗拒😌.🥢自家製黑蔗糖蜂巢糕💬黃金糕變奏版本，黑糖嘅甜味令人停唔到口，不過要適可而止😌

▫️客家鹹菜紅炆鮮豬肉_$168「鹹菜喺客家菜好常見，新漢記嘅鹹菜鹹中帶甜，而且吸滿豬油，淨係白飯撈鹹菜都好開胃。鮮豬肉嘅肥膏輕輕痴住瘦肉，冇冰鮮味又炆到極之軟爛，用脷一頂已經可以頂散～」識食：🧡🧡🧡🧡🧡🧡▫️沙薑走地雞飯_$55 (午市套餐價)「走地雞竟然都做到好似海南雞咁嫩滑，份量亦一啲都唔小氣！仲要唔係俾白飯而係油飯，啖啖入口都有雞油香。套餐包咗例湯，聲稱不含味精，味道正常。」識食：🧡🧡🧡🧡🧡🖤▫️韭菜珍珠蠔煎蛋飯_$55 (午市套餐價)「珍珠蠔係喺附近沙頭角海取貨嘅新鮮蠔仔，唔會有腥味，不過味道稍咸。而煎蛋同韭菜組合點會有錯，套餐同樣包例湯。」識食：🧡🧡🧡🧡🧡🖤.環境：🧡🧡🧡🧡🖤🖤服務：🧡🧡🧡🧡🖤🖤抵食：🧡🧡🧡🧡🧡🖤//客家菜有唔同分支，新漢記嘅係圍頭版本。特色係將海鮮同河鮮加入農家菜，同埋使用更豐富嘅醬料調味。除咗上述嘅抵食午市套餐，佢哋嘅紅蔥爆連墨汁鮮吊桶、炸門鱔亦係圍頭客家菜嘅代表。//.🍽新漢記飯店🚪@sunhonkee📍粉嶺聯和墟和豐街28號囍逸商場地下G01號舖.

· 油浸本地水培大筍殼筍殼魚油炸後，再淋上甜豉油，魚肉好嫩滑，真正外脆內嫩，好味👍🏻· 招牌梅菜扣新鮮豬肉梅菜扣肉必點，豬肉好大塊，肥瘦相間，口感腍身，好入味，撈飯一流。· 回鍋花生苗上菜先知呢啲比較粗身好似芽菜嘅係花生苗，口感爽脆，加咗肉碎炒，小小辣，幾惹味。· 香煎墨魚餅食到粒粒墨魚，但口感唔算彈牙，相比較普通。· 鮮鳳梨山楂咕嚕肉記憶唔深刻，不過不失。· 豬油砵仔飯豬油撈飯冇得輸🥹用砵仔蒸飯，飯粒相對會乾身啲，飯粒同樣粒粒分明，比較有口感。· 自家製黑蔗糖蜂巢糕黑糖味好香，唔會太甜，帶小小煙韌感。

個個餸過百， 唔算唔值錢嘅餸都貴過出面 20-30％味道還好，唔太特別。啲嘢好細碟 。限時要90分鐘食， 一過少少就趕你走。明明無等位，大把位都驚你阻住佢收工咁。但我係食6pm 到7半。

平日都好少係粉嶺揾食，但好耐之前已經聽過人介紹呢間號稱新界大班樓嘅地方，港島大班樓就試過啦，咁今日就黎一探究竟，屋企人大約兩星期前訂位，一行六人～去到7:30等左大約十分鐘就入坐啦由於屋企人都唔算好大食量所以好似叫左好少野咁～之後再黎就係黃酒煮雞，味道偏甜，得個人黎講就好鐘意，啲雞夠滑同埋份量都唔會太少之後呢個肥腸面個啲個味幾好味，但底個啲有大半個底係燶左，呢個要扣少少分鮮鳳梨山楂咕嚕肉，不過不失，不過我自己本身對咕嚕肉比較高要求，我食完都無咩印象，所以呢個可叫可唔叫另外就係呢個秘製生炒糯米飯，好味，但同强記比都係爭少少，但佢都係一個有水準既糯米飯紅蔥爆豬潤，呢個好惹味，火喉好好唔會過老第一碟黎既係香煎墨魚餅，呢個做得唔錯，一啲都唔油同埋夠彈，賣相好靚價錢又唔貴，必試黑蔗糖蜂巢糕好好味呀，一啲都唔甜炒菜都係正常野啦，無咩特別

I recently visited this Hakka restaurant in Hong Kong and had a wonderful experience. The food was flavorful and reasonably priced, and what impressed me the most was that I didn't experience any dryness in my mouth after eating, which can be a sign of MSG use in Chinese cuisine. It seems like this restaurant doesn't use MSG in their dishes, which is a rarity for Hakka restaurants in Hong Kong.I highly recommend this restaurant to anyone who is looking for authentic and delicious Hakka cuisine.

晚飯食過幾次，反而午餐未試過，趁今日有時間，專程由九龍入去試吓，午餐由11:30-15:00！我哋1:00去到，有啲驚要等位，好在只係得幾枱客😅不過陸陸續續開始多人入嚟！睇到有食評講d服務好差，但係自己親身感受到又超級好🤔，姐姐收嘢會講吾好意思，唔使阻住， 慢慢坐🤭兩個人今日揀咗🥢 蔥油走地雞飯 $55👍- 整體叫幾好食，由其蔥油豉油（下次一定要叫多蔥油同多食色），敗筆係飯吾夠熱😅🥢鹹蛋黃燉肉餅飯 $50👍- 呢個餸喺夜晚係必食， 所以試吓午餐，當然份量少好多，味道同夜晚都相似， 敗筆都係飯唔夠熱😅

網上介紹這店 客家味道正宗 便去一試 預先訂了位 到達時見客人不多 有很多吉位 裝修頗新穎設有是日午餐 但原來訂位是不可以點午餐呢餐牌的價錢初看不算很貴 但當食物送上時 大家都O咀 因為份量超少 一客釀涼瓜 只有5件 梅菜扣肉 用傳統公鷄碗上菜 大小可知 煎墨魚餅 小菜收費 點心size 純以味道來看 很正宗 豬油撈飯雖不健康但很香 另慢煮滷鵝 火喉差了些 較難咬開剛吃完這餐不久 我們很快就要去吃下午茶 因為大家都吃不飽唯一讚的是服務員很熱情 不過唔會再來呢

一行六人訂左6點，7:30 前要交枱，基本上我哋食完都吾冼7點。鹹菜胡椒豬肚湯$98，煲得完全吾夠時間，好似一個加左大量水嘅鹹味湯。梅菜扣鮮豬肉$198，豬肉入口即化，幾好。紅蔥頭爆吊桶仔$198，好有獲氣好惹味。白灼豬前腿筋$168，主要系食個汁，好一般。鮑汁鵝掌撈麵$268，要趁熱食，否則啲麵會一舊舊糊住，因為有豬油，所以幾肥膩。咕嚕肉$128，d肉好乾，唯一亮點佢系用新鮮菠蘿。炒青瓜苗$128，口感古怪，試過就算。地瓜丸10粒$88 和黑糖蜂巢糕8件$68，成晚最好食系這兩樣。豬油撈飯$15/客，冇試。埋單$1568，整體來說，食物質素、份量和價格不對等，若然系附近就可以一試，但山長水遠去，就真係冇咁嘅需要。試過便算，不用再去。