新泰東南亞餐廳 (興旺閣)

營業中

休息中

之前已經有朋友向我大力推薦過新泰既泰國菜，今晚黎到灣仔分店第一眼已經有驚喜！有三層高，全橦！入到去有覺得好似去左泰國咁。🎉🎉1.鴨肉生菜包 $78特別！第一次食鴨肉生菜包！鴨肉幾juicy! 生菜夠鮮嫩！生菜細細塊咁，d肉唔會跌到周圍都係👍🏻👍🏻👍🏻2.泰式炒椰菜仔 $95好新鮮爽口3.日本南瓜焗海鮮飯 $118原個南瓜焗！d飯好甜，仲有冬陰公味。海鮮有青口魷魚等。仲有一層芝士！好滋味！4.青芒果沙律 $78好清新😋5.芒果糯米飯 $68雙色糯米飯👍🏻6.菠蘿沙冰 $387.椰青 $45清涼解渴總結：大滿足，可以encore!

今日返工有啲野要傾，lunch time揀咗呢間利東街隔離嘅泰國餐廳。環境：一入座侍應俾咗2杯暖水，因為冷氣有啲凍，我飲完即刻舒服啲😆附近有bakeout,可買撻😄🦐焗奶油大蝦伊麵 $75奶油汁勁多，鋪滿曬成盤伊麵，好濃厚嘅芝士味同好creamy，芝士控一定中意。蝦肉唔算好多，但炸過，蝦殼脆脆地，好似食薯片咁🐣海南雞飯 $75雖然舊雞有啲肥，不過油飯煮得岩岩好👍🏻🤣泰式炸春捲 加配$28食落皮薄好脆，加配有4件唔夠喉🐷燒豬頸肉沙律 加配$28沙律酸酸甜甜，啲芹菜好爽脆，豬頸肉good🫡

灣仔地鐵站行過去勁方便，5分鐘內左右就到👍🏼👍🏼一入到去佢樓底好高，成個裝修都充滿泰國風味！店員全部都着住泰國嘅服飾，感覺好似去咗泰國一樣，店員會用一兩句泰文同你打招呼🤭Lunchtime 時間2點後都好多人，唔知係咪始終係放假時間，基本上一樓都坐到滿晒🤣 lunch Menu價錢唔算好貴咼！！75蚊左右就有一個主食加一杯嘢飲😙👍🏼抵食！！泰式蝦醬炒飯 $75一上菜嘅時候，啲口水分泌得好犀利😝勁香！而且顏色好鮮艷好吸睛！！！入面有蝦仁，炒蛋絲，臘腸，肉鬆，脆卜卜腰果！啲飯粒粒分明！！好乾身👍🏼好食呀！！！自私地加咗$28要早過馬拉盞炒通菜😙好重味！超好食👍🏼👍🏼份量都算多呀！！略略覺得油咗啲啲🥺燒西冷牛扒 $118紅粉非非，入面好嫩呀！！佢配左兩個汁嘅，一個橙色嘅酸酸甜甜好好食，同牛扒好match!!!最後梗係唔少得，飲咗椰子沙冰😝好得！！！滿足感100分！！用椰子肉加椰青水打成！！就算放咗喺枱面成個鐘頭都唔會變浠🥹真係超正！！！絕對係飲過最好最掂嘅椰子沙冰👍🏼👍🏼👍🏼

Phad Thai, despite how people say it's a classic in Thailand or not, must be the best in a Thai restaurant. I didn't taste or smell the 3 key ingredients that made it so good: fish sauce, tamarind sauce, and lime flagrant. 2 shrimps, no chicken, noodles... wrapped inside an egg laced dome. Looked pretty. Tasted okay.I also ordered stir-fried soft-shell crab salt and pepper, which came later. Fresh, meaty and delicious with deep fried garlic, and pepper flakes . A pint of Singha beer to wash down

一陣又要去上堂啦，要食飽啲先得，係灣仔呢邊食咩好呢？近電車路呢邊見到呢間泰菜，仲有兩層喎，應該坐得幾舒服。好，坐低睇下有咩好食先。泰式青咖哩牛，咖哩濃郁帶有椰香。牛肉大大塊，又夠腍身。配菜有豆角、泰國茄子、南瓜、紅椒蒜蓉包，焗得幾好，蒜蓉好香，夠乾身。點咖哩一流，半脆半軟嘅狀態，正呀！熱龍眼水唔太甜，今日又落雨飲呢個幾好。芒果糯米飯，係雙色架，糯米比較軟身，紫米就食落有咬口啲，充足嘅椰汁，芒果新鮮又甜。

今次去銅鑼灣搵食，去咗一間成幢嘅餐廳，呢間係賣泰式菜，以銅鑼灣地段來講，呢間應該都係生意好，所以先有成棟。入到去，原來呢度有三層，我哋安排坐第二層。週末去到人好多，不過地方寬敞，我哋唔使等位就可以上去。椰青及椰青水兩款飲品都係正常發揮冇特別驚喜。馬拉盞炒椰菜🥬苗馬拉盞味道一般，唔算好突出，但係椰菜苗好新鮮翠綠爽口，即使唔算味濃，就咁食都已經覺得唔錯。（仲有原隻冬菇添）另外點咗個一人餐，鮮椰汁海鮮焗飯。我平時麻麻哋焗飯，一來要等好耐，二來感覺好乾身。但呢度焗飯食材豐富，椰汁味濃郁，加上飯底濕度適中，唔會好乾，又唔會好濕，配返個飯汁同埋配料好夾。兩個人口痕，點咗個咖喱蝦由於點咗個焗飯，已經開始食到飽飽哋，結果咖喱蝦上場，我哋只能食到蝦，但個肚就無位點薄餅去配咖喱汁喇🥹不過非常欣賞呢度菜式，因為他會線勁有咋，菜點咖喱汁一齊食，外脆內軟，鎖緊熱度，而咖喱汁甜甜地又唔辣，可以越食越多。🤭

嗰日見到有位衝入嚟呢度裝修企理價錢合理淨係伙記嘅招呼已經值回票價上菜速度都算快連杯水都好飲，起碼冇腥味叫咗啲基本泰式嘢食每一樣嘢都妥妥當當完全冇投訴係一間有良心嘅舖頭👍

食過新泰唔同分店，今晚放工係附近就食新泰，佢呢間好大間，好似有3層。佢menu好多選擇，適合一大班人黎，夜晚9點黎都仲有人，就知佢幾受歡迎啦😚😚😚芒果軟殼蟹米紙捲一向好食😋軟殼蟹嘅口感鬆脆，同新鮮嘅芒果一齊包喺米紙裏面，再沾上清爽嘅雨露，又開胃又香口。再嚟就係燒虎蝦。未食就咁睇佢賣相已經收貨，118 2隻仲要都幾大隻😎😎😎虎蝦非常肥美，烤得啱啱好，表皮焦香，彈牙。搭配燒芝士同蒜蓉醬，突顯咗蝦肉嘅鮮味，真係一試難忘。飲品要大推！椰青沙冰好好飲啊！叫左少甜剛剛好，應該係新鮮椰青肉同d椰汁混和一齊打成沙冰，飲完好爽！總括黎講，佢環境舒服又大間，裝修都幾靚，服務又好好，適合一大班人黎食😋😋😋

以前lunch成日食呢間地道泰國餐廳，今次返黎探朋友特登encore下！兩個人叫左五樣野食到極飽🫃🍤泰式蝦炒金邊粉 $108食泰國嘢必嗌pad thai，鋪上網形蛋賣相一流，味道唔錯！🐖越式香茅豬扒 $68唔係太愛香茅既我覺得呢味較普通，可以留返quota try try others🥹🦀香芒軟殼蟹米紙卷 $88配上芒果減低軟殼蟹既油膩感，正！🥭芒果糯米飯 $68爆quota都要食呀🏋️芒果新鮮唔酸，糯米飯口感煙韌！🥥椰青 $45食左咁多野冇呢個椰青真係搞唔掂💦但價錢小貴🥹

灣仔出名多好野食，今日同朋友食泰國菜，搵到呢間新泰，食物質素唔錯，聽講仲有好幾間分店添！一坐底二話不說就點左盤生蝦，蝦夠大隻又新鮮。再來就係泰式燒豬頸肉，火候恰到好處，咬落仲帶啲肉汁，好juicy!主菜點左海南雞半隻，雞肉滑嫩，仲要已經去左骨，咬落口啖啖肉好滿足！鹽焗魚都直不錯，條魚夠大條，鹽焗但唔會太咸而蓋過魚的鮮味，入面仲有香茅香料，味道又提升左。香草肉碎炒飯粒粒金黃，味道好濃郁，岩晒中意重口味既人士！

首先，我要推介佢哋嘅招牌菜─日本南瓜焗海鮮飯。呢道菜色彩繽紛，香氣撲鼻，煙燻嘅海鮮同鮮甜嘅南瓜完美咁配合，令人回味無窮。每一口飯粒都充滿咗味道，令人嘴唇留香，真係讓人欲罷不能。除咗南瓜焗海鮮飯，新泰仲有一款受歡迎嘅甜品－芒果糯米飯。當芒果同糯米飯嘅結合，即刻引發一陣滿滿嘅甜蜜感。芒果爽口多汁，糯米飯香軟可口，兩者相互融合，給你一種驚喜嘅口感。而且，佢地加咗啲椰漿汁喺上面，令呢款甜品更加香滑，絕對係一個完美嘅結尾。如果你係個愛探險嘅食家，印度薄餅絕對係你嘅最佳選擇。新泰嘅印度薄餅外脆內軟，配上多款香料嘅印度咖哩，每一口都帶你穿梭喺異國風情之間。嗰層薄餅皮薄又鬆軟，配料豐富，即使係素食者都可以盡情享受到嘅美味。

是日放工約左朋友在灣仔吃晚飯，選址左我經常幫襯既新泰，除左灣仔之外，亦都有好幾間分店！頭盤唔少得生蝦，好新鮮又大隻！鹽焗魚：一樣都係好大條，非常之有肉地，肉質鮮嫩，唔鞋口！泰式去骨海南雞淨係望外表已經好吸引！雞皮夠薄，雞肉滑嫩，無骨食落啖啖肉！雖然呢度半隻，但份量都非常之多！燒豬頸肉燒到少少燶邊，火喉恰到好處，食落口仲有肉汁添架！香草肉碎炒飯一啲都無令人失望，味道夠香濃，愈食愈滋味，非常推介。餐廳每道菜份量都唔少，價錢亦都合理，值得一試！

今次同fd食lunch試下呢間泰國野🔸我揀左冬陰功海鮮炒飯 - 係3個入面個樣睇落最頹🤣 但係食落味道都可以既, 佢唔算係好乾身粒粒分明既炒飯, 食落係偏軟稔多d, 味道都有冬陰功味, 少少辣少少酸咁, 海鮮唔腥但唔會好新鮮, 海鮮份量正常唔係特別多, 都正正常常冇乜驚喜🔸星洲喇沙蝦米線 - 呢個係朋友既, 我就冇試食啦, 不過一上枱已經覺得幾大碗擺盤又幾令, 朋友話都幾足料好多餸, 味道都唔錯🔸泰式海南雞飯 - 呢個都係朋友既, 朋友話d雞都幾滑, 味道正常🤣呢間泰國餐廳味道好似正正常常, 不過淨係試到一樣野好難評論😂下次有機會會再黎試下其他野

幾年前已經食過尖沙咀分店，當時已經覺得好好食😋，今日約咗朋友喺灣仔，經過見到灣仔原來有分店，即刻入嚟試吓😆灣仔分店餐廳分上下兩層，座位足夠，環境佈置同尖沙咀分店一樣，好有泰國風味，啱曬打卡📸👨👩大部份Staff都係泰國人，好有禮貌👍👍 ，識得聽同埋講廣東話🗒餐牌嘅嘢食好多選擇，我決定試同上次唔同嘅嘢🤣，我哋揀左以下幾款👇🌟燒豬頸肉$78- 燒啱啱好，唔會硬繃繃，再點埋嗰醬食好正🥳🌟鹽焗鱸魚$128- 因為見到OpenRice有好多人推介，所以試吓，果然冇介紹錯，即叫即燒，好滑好嫩，個醬汁亦好好食，正😍🌟日本南瓜焗海鮮飯$118- 朋友指明要叫，🎃用原個南瓜裝住海鮮飯，好似菠蘿炒飯用原個菠蘿裝住咁，飯上邊再加埋啲芝士焗，上枱時熱辣辣，就算放咗一陣先食，個飯深入面都仲出原煙😌🌟蒜蓉炒貴妃苗$75- 本身我未食過貴妃苗，食落感覺好得意，口感好似芽菜，炒得好爽口😆每一碟份量都算多，我哋兩個人差啲食唔晒🙈🙈想不到兩年後再食生態，兩間分店冇分別，水準都係一樣咁好👍👍仲有好多其他嘢都想試，Remark一定會再嚟🥰

越式蝦米紙卷 $68蔬菜和蝦都很新鮮，醬汁酸酸地，很醒胃。串燒（6串） $88串燒火喉十足，內𥚃肉汁保持得好好。椰汁膏檸雞湯(L) $138微辣，椰汁香味滿溢，雞件嫩口。泰式明爐魚 $188各種配料加上一邊加熱，咁條魚就唔會咁快凍咗 ，吃起來特別鮮味。冬蔭功海鮮金邊粉 $78個冬陰功湯底本身好好味，再加上加左好多魚蛋、青口、魷魚，成碗金邊粉好豐富。泰式青咖哩+蒜蓉包 $88+$32泰式菠蘿炒飯 $118小朋友最鍾意❤️，菠蘿嘅甜味，再加上很多材料的炒飯，大人小朋友都爭住食。奄列海鮮炒飯 $88泰式甜品大拼盆 $168食完些帶辣味的餸菜，來個泰式甜品拼盆 ，令到口腔的辣味全消。餐廳樓底很高，枱與枱之間很寬闊，坐得好舒服之餘，同朋友傾偈，私隱度都足夠。