新泰東南亞餐廳 (已搬遷) 新店位置

今日與親愛的來吃個泰國菜，地點選了灣仔區，只因朋友的介紹所以來試試。早到所以未有人，可以霸佔4人大枱。椰青沙冰。很少見的飲品，所以一人點上一個。椰青水加上椰奶打得幼滑，滿滿一個份量非常多。沙冰不會帶冰粒，味道清香不太甜膩，椰香非常濃郁，剛剛可以平衡泰國菜的辣味。香芒軟殻蟹米紙卷。米紙帶點厚，口感不會清爽清新，餡料被米紙的質感蓋過，入口較淡較清，略為失望。青咖哩雞配蒜蓉包。濃香青咖哩香味非常濃厚，陣陣咖哩香令人無法抗拒，咖哩杰杰的不會太稀，配蒜蓉包非常合適。雞肉滑溜不嚡口，蒜蓉包的蒜味非常濃郁，非常出色。泰式柚子蝦沙律。柚子香甜帶微微酸味，冰冰的入口非常清新開胃，蝦肉爽口彈牙，伴上炸魚片，味道香口清新，作為前菜非常適合。

這一夜，來到泰國餐廳享用晚膳。先來個椰青吧～賣相很好！ 插了花～可此椰青味道不算甜，幸好還算清～看到食家推介蛹蝦就點來試試吧！這菜式挺不錯挺特別，大蝦外層脆脆的，咬落去好有滿足感蝦仁也很爽口！冬陰公好足料！好濃味！巴東牛𦟌跟平時食開的咖哩再杰少少，很香，牛𦟌很林，還另外配了蒜蓉包預計之後一天會掛8號，慢慢食～Relax

為相識多年的好友慶生，我和好友都非常熱衷吃泰菜，灣仔有一家泰式餐廳，很受顧客喜愛，美食俘虜了我們，跟好友打算一起到「新泰東南亞餐廳」品嘗一頓豐富的美食，為吃特別到此一遊。 地點設於灣仔盧押道，佔地面積很大，泰式餐廳開揚，環境很舒適，氣氛自在輕鬆。 高樓底感覺很寛敞，店內佈置新簇美觀，添置很多充滿泰式風情的藝術色彩。 蒜蓉包 $30 蒜蓉包要熱食，感覺好味香脆，厚薄適中，容易消化，不算炸得很油，食下來口腔中的香味久久不散，非常滋味。 小併盤 $88 小併盤包括蝦餅及魚餅，蝦餅紮實彈牙，肉質很爽滑，魚餅魚味很香，沒有沉重的香料，口感極煙韌，不能抗拒它的誘惑。 泰式干炒牛河 $75 干炒牛河炒出穫氣來，牛肉咬下去啖啖肉，鮮味撲出來，口感嫰滑，感覺很香，鬆化有咬口，河粉很爽口，不會感到太鹹味，水準都不錯。 泰式菠蘿炒飯 $98 菠蘿炒飯是我的至愛，差不多每次來到都會叫來食，實在飯味香濃，炒飯配上很多新鮮的食材，提升了味道很清新，帶到另一個新層次，令我喜出望外。 泰式甜品小併盤 $78 併盤包括千層糕及椰汁西米糕，千層糕很香滑，椰汁西米糕椰汁味濃，西米糕爽口，十分美味，味道更清

期待已久的九月，小妹出嫁~~同老公歐洲半個月~ 期間日日Pizza、Pasta無限Loop~~旅程去到一半，同老公已經好掛住東南亞美食~~返到香港，即刻開大餐~~ 泰國野、日本菜、雞煲~  全部都要大食特食~~今晚先食泰國菜~~ 估唔到灣仔都有正宗泰菜~ 而且價錢唔貴~~  決定一試~~柚子大蝦沙律~清甜柚子配上少許紅油~有點辣勁又不失清新~加入椰子脆片、炸乾蔥等~ 更添口感~~串燒半打即點即燒，無燒到太乾身~肉串本身都有調味，就算唔沾沙嗲醬都夠味~不過小妹係濃口味人仕~ 亦無醬不歡 XD海鮮冬陰功金邊粉哈哈，一個美麗的誤會~以為係海鮮炒金邊粉… 原來係放湯煮~~只怪自己先入為主 XD錯有錯著~ 上到台當然照食~~其實賣相都幾吸引~~有多種海鮮，青口、尤魚、大蝦~最亮眼係湯底~ 真係酸辣勁不錯~~而且入口清爽，唔會過於油膩~待應大部份都係泰國人~有禮又夠笑容~ 加上環境唔錯~~ 如果順路係灣仔，我會再黎食飯~

星期二,返放工出出灣仔會合Ta姐食新泰東南亞餐廳食dinner, 我們點了朱肉碎生菜包, 冬蔭功、泰式菠蘿炒飯和芒果糯米飯。朱肉碎生菜包入口味道香,只有少少辣,但見到生菜細心地切咗尾段方便食；冬陰公湯偏奶味,如再酸及辣少少但更好,但都好足料；泰式菠蘿炒飯不油膩，味道香，飯不乾身，近底的菠蘿還有暖暖的汁；又香又煙韌，9月份仲食到甜的芒果, 餐廳坐得舒適, 食物精美, 值得一食。

今日約了家人到灣仔吃晚飯，選了新泰東南亞餐廳！接待處門口的裝飾擺設，散發出陣陣東南亞風味，上到2樓，座位寬敞又舒適，全店滿座充滿熱鬧氣氛！幸好有訂座，座位上有多個特色咕可供客人倚靠，非常貼心！椒鹽軟殼蟹$78先來一個新鮮熱辣的椒鹽軟殼蟹，一件件金黃香脆的，吃起來發出陣陣椒鹽蒜香味，非常惹味又香口！軟殼蟹的吸引力就是吃得乾脆又利落，如果是懶人而且大愛吃蟹的話，確實是不錯的選擇喔！馬拉肉骨茶(大)$138份量有4-5碗左右。十分香濃的馬拉肉骨茶，用大量肉骨和多款藥材餚製而成，再加入豆卜，香菇完全吸收肉骨茶的味道，看到肉骨茶的顏色都知道非常濃郁吧！但味道稍為偏鹹了！哈哈！這個肉骨茶有補氣活血的功效，真的要飲多一碗先得！鮮胡椒炒大蝦$168清炒泰露荀雜菌$78越式蟹肉炒粉絲$85我們都大讚這個越式蟹肉炒粉絲，已拆好的一絲絲鮮甜蟹肉，配上漲卜卜的芽菜，粉絲炒得爽滑又彈牙！啖啖滋味，味道非常好！芒果糯米飯$62最興奮的甜品時間又到了，筆者至愛的芒果糯米飯， 一塊一塊香甜的芒果肉，砌成精緻玫瑰花。賣相非常吸引！黑白糯米，口感軟得來帶點煙韌感，再配上暖暖微甜的椰漿！真令人回味！整體來說，最欣賞的就是

朋友愛好食泰國菜，是晚帶我到靜中帶旺的灣仔晚飯。門面及入口處裝飾得頗簡單典雅～上到閣樓餐廳空間感甚大，坐得頗舒適！蒜茸越南牛油雞翼 - 一碟六客，雞翼煎得既肥美又香口～肉質嫩滑不太乾，配上脆卜卜的蒜茸食落更有口感！泰式炒金邊粉 - 非常受歡迎，很多臺都有點，所以需要一點時間等待。以蛋絲堆放成雀巢，賣相美觀！金邊粉炒得頗有鑊氣，食落不算韌，而且有蝦仁等等的材料，十分豐富！另有碎花生粒可以增加口感及味道～椰青沙冰 - 份量澎湃！與朋友兩個一起飲都飲不完。飲落充滿著濃濃的椰香，沙冰打得細滑無碎冰粒，渴畢既解渴又消悶氣！南瓜布丁 - 熱辣辣地送上，布丁既滑溜實身之餘又充滿著蛋香。在底的南瓜肉甜甜的，質感又粉嫩，是繼芒果黑糯米後不錯的甜品選擇！

夏天令我想起泰國，忽發其想去食下泰菜，收工約埋朋友去食晚飯。我地第一味食左貴妃苗，由於火候足，份菜青味完全唔覺，加上有蒜蓉炒，係好香噴噴果種，不過菜底略嫌少許多油，但整體係幾夠穫氣同幼嫩。跟手食埋份pad thai, 金邊粉炒得夠滑身，但唔覺用上多油，配合蛋花更滑，配料有蝦球都幾大隻，味道夠爽，炒法屬於係港式但合我心水，因為無辣味。主菜我地叫左煮大蝦，真係好夠大隻，有成把刀咁長，蝦肉身係爽而彈牙，食得出係新鮮，無梅既肉，由於煮法用熱油炸，所以將肉汁鎖係殻裡面。醬汁係牛油醬，同用過油炸的蝦肉異常配合。

成日都話要減肥，點知就越減越肥，今晚又有朋友出去食泰菜喇，泰菜好耐無食過咁喇，減肥放埋一邊先喇，泰菜而家太多餐廳都有做喇，要食就要穩比較正宗嘅餐廳嚟食，今日餐廳地點就由朋友嚟定，佢話去灣仔嘅新泰東南亞餐廳，佢話嗰度嘅泰菜做得幾好。餐廳環境都幾可以，幾適合一大家人出嚟食，不過我今晚得兩個，都一樣食得咁開心。青木瓜沙律，幾清新，酸酸地，幾爽脆，青木瓜絲幾開胃。蝦醬炒飯 $ 75，睇落去有D似糯米飯，蝦醬嘅味滲滿左每一粒飯，飯帶有咸香味，炒得幾香。冬蔭功，呢間店我第一次嚟，覺得呢個湯整得都可以，重口味就肯定嘅，都幾足料，蝦肉都入曬味，蝦肉幾新鮮，爽口彈牙。泰式炒椰菜仔 $ 95，覺得呢種 椰菜仔好得意啊，之前都唔知有呢種甘得意嘅菜仔，炒得好青綠，口感脆脆地。鹽燒烏頭 $ 128，烏頭幾大條，兩邊煎得好香脆，食起嚟比較香口，味道都算OK喇。呢餐飯價格有少少貴，但都幾值得，因為味道幾好，感覺幾正宗。

新泰環境很舒服，燈光暗暗，很有泰國渡假時的SPA feel，當然它是一間泰式餐廳。 醃無骨鳳抓 (HKD68) 每次吃前菜都會點青木瓜沙律，今天要轉一下，吃吃鳳爪。 我最喜歡它酸酸辣辣的感覺，完全溶入鳳爪之中，而爪子又很爽脆，是一道開胃醒胃的前菜。 南瓜焗咖哩海鮮 (HKD128) 配蒜蓉包 (HKD30) 主菜點了咖哩：南瓜焗咖哩海鮮，賣相很美，初時覺得它小小的一個，原來當中有不少好料子： 大大隻青口、大蝦、魚塊。我超愛上這個南瓜，外皮還是很硬的，但挖裡面其實已經很軟身，咖哩味比較重奶香，加上南瓜的口感，感覺很Rich。配上香脆蒜蓉包，應該是多多也吃得下。 泰式炒金邊粉 (HKD85) 當時看輕了南瓜的份量，多點了一個主食，看上去有點像蛋包飯，很有趣，廚子是應該是下了不少功夫，用蛋來造到這種網紋。 我們也待了一會兒才吃，一挖開來，中間還是冒著煙，熱熱的蒸氣加上甜甜的味道飄了出來。 吃到咀，就是令人想念的泰國味道。 他們的炒粉都是帶有一種甜味，很輕，很獨特，拌勻旁邊的花生碎來吃，香氣又令我吃下滿滿的一碗份量，有點可惡！

If you're looking for a quiet afternoon, this is the place to go on a Saturday afternoon because restaurants in WC are quiet as all the office people are off.Previously this spot used to be Khana Khazana but not anymore and Sun Thai Restaurant used to be at W Square which was quite a trek from the MTR.Had the stir fried glass vermicelli which came with a drink and the baked bread with curry and soft shell crab.+++++++++Stir fried glass vermicelli:The glass vermicelli was springy complemented by

放工想食泰國野, 就去左附近既一間泰國餐廳dinner...店內環境寬敞, 部份座位更設卡位, 價錢尚算中等~ ------------------------------【冬香茅茶】HK$33呢杯野飲唔係間間泰國餐廳都有, 見幾特別就order左黎試試..味道清甜, 好香既香茅味, 加左少少糖水, 但唔太甜~【椰汁冰】HK$38好香既椰子味, 略為甜左少少 【蝦醬炒飯】HK$75 食落唔太覺有蝦醬味, 似食緊糯米飯, 但飯炒到粒粒分明, 有腰果,雞蛋絲,臘腸伴碟, 撈埋一齊食, 更似食緊糯米飯~ 但飯質軟林, 臘腸切片, 仍有點o趙口...但味道幾甜【馬拉盞通菜】HK$68 好重料既馬拉盞, 清清甜甜, 通菜索左d汁, 味道不錯~【泰式炸蝦餅】HK$68 炸得幾干身脆口, 入面蝦餅唔會好粉, 略有彈牙同鮮甜味道...

在灣仔返工多年，有日經過盧押道，看到一間裝修很有泰式風情的餐廳－新泰東南亞餐廳。 心郁郁想去食一番，於是昨晚放工，便跟同事到此食晚飯。 店內裝修瑰麗堂皇，富泰國色彩。 餐廳為不同數量客人，設立不同設計的座位組合，十分貼心。 餐廳前身是泰屋，已在港經營了20多年，除泰菜外，泰藉廚師還精心製作越、星馬美食。 我們叫了湯及飯一同分享。 冬蔭功Tom Yum Kung (HKD48/細) (HKD138/大) 我們二人雖叫了細份量，但份量十足，大大隻蝦，很多菇菇，口感豐富。 味道偏辛辣，愛辣人士會覺得很惹味；同事較大汗，飲完這湯後，滿頭大汗，好正。 馬拉肉骨茶Pork-bone Soup Malaysian Style (HKD48/細) (HKD138/大) 在新加坡飲過肉骨茶，覺得味道很強；而這裡的肉骨茶味道略清淡，易入口，加上豆卜、菇菌及瘦肉都很入味，所以整體都不錯。 日本南瓜焗海鮮飯Baked Rice in Pumpkin w/ Assorted Seafood (HKD98) 賣相超吸引，以日木南瓜盛載材料豐富的海鮮飯，放在枱時已聞到陣陣香味。 大大隻的青口、魷魚、南瓜

大胃couple去美食展後再黎食晚飯, 之前食過呢間泰國菜既另一分店, 新分店大左又令左, 野食都係果D~食泰國野當然要叫番個咖哩, 黃咖哩魚, 另加點薄餅, 咖哩汁唔太辣, 幾香口, 不過d魚就粉厚過魚肉, 薄餅點咖哩汁幾好食, 但薄餅唔夠鬆化~ 之後呢個燒雞黃飯就好好味, 等既時間比較長, 因為係即整既, 雞唔算大隻, 2-3個人share都ok, 黃飯釀左o係雞入面, 好香香茅味, 而雞就皮脆肉嫩, 呢個好食~ 旁邊亦有青瓜絲沙律伴碟~甜品要左椰汁西米糕, 椰汁味香, 但硬左小小~ 飲品係石榴沙冰, 好清涼而且味道濃郁, 好岩配咖哩~

好辛苦托朋友拎到2張<前度>舞台劇tickets, 開場前就黎左表演場地對面街呢間新泰東南亞餐廳食晚飯~ 叫左香芒軟殼蟹米紙卷, 燒春雞釀香矛黃飯, 一份泰式甜品小拼盤同一個棷青~ 香芒軟殼蟹米紙卷($78)一份有8粒, 份量都幾多, 米紙卷皮比較厚, 有點掩蓋左軟殼蟹同芒果既味道, 入面什夾左好多青瓜絲同菜, 點埋個泰式汁酸酸地幾清爽開胃, 但軟殼蟹同芒果就小左d~之後就到呢個等左45分鐘先整好既燒春雞釀香矛黃飯($168), 因為呢個飯差d就趕唔設入場XD 不過都不枉等左咁耐, 因為真係做得幾好食, 一上枱已經聞到好香, 入面既黃飯好入味, 香矛味重, 好好食, 而個雞既肉質亦幾滑, 有驚喜既係旁邊既伴菜沙律, 加左花生碎同泰式汁, 好爽口, 夾埋個飯食無咁油膩, 整體呢個飯真係唔錯~最後既泰式甜品小拼盤($78)份量比想像中大, 有3款糕點, 椰汁西米糕做得太硬, 椰味亦唔濃, 一般, 不過千層糕就好好味, 係熱食既千層糕, 質地煙un, 椰汁味香仲有d班蘭味, 但都幾滯下~椰青就好難唔好飲既XD 大大個好多水~食飽飽就趕去睇show了, 食得比較急, 下次黎要慢