新泰東南亞餐廳 (雙子匯1期)

營業中

休息中

今年做節特別啲，同屋企人嚟新泰食泰菜，又唔錯喎麵包焗咖喱軟殼蟹 - 份量十足，好多件酥脆嘅軟殼蟹，咖哩香氣撲鼻，配埋脆卜卜又鬆軟嘅麵包好滋味鐵板蠔仔煎蛋 - 啖啖大大粒蠔鮮味十足，蛋煎到脆邊好香口，墊底大量爽口芽菜，點辣醬食有層次豬肉生菜包 - 調味出色，辣度啱啱好，份量十足，啖啖肉，味道同口感一流鹹魚炒芥蘭 - 芥蘭新鮮嫩綠，用鹹肉、薑絲、蒜同椒炒已經好好食芒果糯米飯 - 芒果好香甜，黑白糯米都好軟糯，椰汁又香口，好圓滿餐牌提供嘅選擇好多，圖文並茂感勁吸引，好多款都想試環境好舒適，座位好闊落，坐窗邊望落去個景好靚，服務又貼心，食物份量十足，價格合理，食得開心

一家10人試食新泰麵包焗咖哩軟殼蟹泰式明爐烏頭泰式菠蘿炒飯泰珍珠椰菜苗炒香菇燒西冷牛扒泰式去骨海南雞鐵板蠔仔炒蛋鴨肉生菜包印度酥餅青咖啡羊架芒果糯米飯樣樣菜式都好出色，唯獨西冷牛扒有啲啲失望，可能喺其他餸菜太美味坐又坐得舒服服務態度好窩心

🖇️位於啟德嘅「新泰東南亞餐廳」，由泰國人主理，讓人一走進去便能感受到濃厚嘅泰國風情。餐廳裝修設計充滿異國情懷，座位寬敞舒適，還特設露台卡位，讓食客可以一邊享受美食，一邊欣賞整個啟德美景🌃▫️香芒軟殼蟹米紙卷🌯米紙卷嘅米紙柔滑而富有韌性，包裹著香脆嘅軟殼蟹，配上芒果的酸甜，讓整道菜嘅味道好fresh，十分開胃。每一啖都能感受到海鮮嘅鮮美與水果嘅清香，讓人忍唔住一啖接住一啖🤤▫️印度薄餅🫓薄餅外酥內軟，層次豐富帶有牛油香氣🧈▫️泰式甜品小拼盤好吸精，小拼盤有四款口味，共8件口感Q彈，椰汁味濃郁，每一款甜點都令人驚喜，無論是口感還是風味，都值得一試▫️凍綠茶🍵茶味香甜，甜而不膩，口感清爽「新泰東南亞餐廳」不僅提供美味的泰國菜，還有優雅嘅用餐環境，絕對係喜愛東南亞風味嘅食客不容錯過嘅好去處👏🏻

30年老牌泰國菜🇹🇭由泰籍廚師主理，不斷創新👨‍🍳務求炮製適合香港人口味的地道東南亞美食😃招牌必食南瓜焗咖喱海鮮，造型吸睛🤩原個南瓜釀進南瓜蓉🎃盲鰽魚肉、蝦、青口、魷魚🦑再配以甜辣又惹味的紅咖哩🤤炒金邊粉是泰國的街頭美食🥢金邊粉炒得乾身，口感煙韌😙蝦肉大大隻夠爽口🦐加點青檸汁，味道酸酸甜甜🍋再混合花生碎和辣椒碎🌶️味道層次變得更豐富😁蠔仔蛋以鐵板承載，味道香脆惹味，鑊氣十足🔥蛋香尚算濃郁，蠔仔煎得軟熟，彈牙飽滿砵酒配上羊架，不但令羊架帶點酒香🍷還有砵酒味道的香甜🍾羊架口感軟腍嫩滑，肉味濃郁😍豬肋骨經過慢烤後肉嫩多汁💦再刷上一層蜜糖烤製後🍯燒烤風味十足，肉質鬆軟，非常美味😋

今晚我同朋友去咗一間新開的泰國餐廳，裝修風格充滿泰式東南亞的感覺，實木間隔和熱帶植物讓人仿佛置身於泰國。店內的氛圍既溫馨又舒適，坐喺度感到好放鬆。店員服務態度不錯，真是一個值得再訪的好地方！我哋點了排骨山、印度酥餅、芒果沙冰、泰式凍奶茶和芒果糯米飯。排骨山用上豬肋骨條，肉質鮮嫩，酸酸辣辣清新醬汁，配合印度酥餅的外酥內軟，食落真係好滋味。芒果沙冰清新爽口，解辣一流。泰式凍奶茶，茶味香濃好解渴。最後的芒果糯米飯是我最鍾意嘅泰式甜品，香糯的黑白米飯，配上香甜椰漿及新鮮的芒果🥭口感美味。

今日同朋友去咗呢間係啟德sogo 既泰國菜餐廳，佢四周都好多分店，食過都好好味👍🏻我地叫左：沙嗲串燒有豬肉、雞肉同牛肉各兩串，串燒燒得幾香，肉質唔會太乾, 燒得岩岩好！沙嗲醬味道濃郁，帶少少花生香，同啲肉好夾😍青咖哩雞配薄餅青咖哩嘅味道好特別，椰奶味好香濃，帶少少辣，好開胃。雞肉煮得幾嫩滑，仲有啲茄子同豆角做配料，撈埋啲咖哩汁一齊食，真係好正！薄餅熱辣辣，外脆內軟，點埋咖哩汁食，簡直係絕配🥰燒牛仔骨呢個燒牛仔骨真係驚喜！肉質好嫩，燒得啱啱好，外層有少少焦香，入面仲保持到肉汁。醬汁帶少少甜味，同牛肉好夾，食落去好滿足👏🏻冬蔭公冬蔭公湯底好濃郁，酸辣度適中，飲落去好醒神。入面有蝦、菇類同香茅等配料，蝦肉幾新鮮，彈牙得嚟又入味😆總括嚟講，呢間泰國菜餐廳嘅水準唔錯，尤其係青咖哩同燒牛仔骨，真係值得一試！下次一定會再嚟食過😚

啟德終於有高質泰菜食啦🤩呢間新泰有好幾間分店，食過都讚好👍🏻我同兩個朋友仔7點到而差不多全院滿座，係餐廳好食嘅表現🤭👅燒牛仔骨燒牛仔骨外焦里嫩，香氣四溢。搭配特製醬汁，更是讓人齒頰留香。👅冬陰功泰國經典湯品！必點！以其濃郁的香茅、南薑和柚子葉香味著稱，口感酸辣鮮香。湯入面仲有好多蘑菇同兩隻大蝦。👅青咖喱雞充滿椰香和香料味道，而且雞肉嫩滑，加上脆口嘅豆角同鮮甜嘅南瓜，好好味🤤👅薄餅薄餅酥脆到不得之了，搭配青咖喱雞一齊食，絕配！👅辣椒膏炒蜆蜆肉鮮美多汁，搭配辣椒膏的香辣味道讓人胃口大開。👅串燒沙嗲豬牛雞各兩串，夠晒豐富，炭火燒完肉質都好鮮嫩，而且佢哋嘅花生沙嗲醬，完全將串燒嘅味道昇華💯

第一次去呢間位於啟德雙子匯的泰國餐廳 Sunthai 令人感覺耳目一生，有一種泰皇高尚的氣派！除了裝潢華麗之外，喜歡在室外飲嘢傾偈的朋友可以坐露台的卡位，飽覽整個啟德觀景！而我同老友當然就醫肚先！先叫一個前菜：蜜糖燒肋骨雖然係肋骨但係都好多肉，而且好趙口，燒得香香甜甜。跟一個辣汁，啱曬喜歡食辣的朋友😉第二味：鐵板蠔仔炒蛋本來我好怕食蠔，因為好怕佢嘅海水腥味。令我驚喜你廚師已經處理咗佢嘅海水腥味，同洗得好乾淨，食落去唔會有沙。用鐵板形式上菜，不單止香口仲可以令蠔仔炒蛋保温👍然後係：砵酒羊架平時都係去西餐廳同日本餐廳食羊架，今日第一次在泰國餐廳食羊架，真係好味到不得了！佢燒得甘香，醬汁係用砵酒煮加埋羊肉鮮味，有一種難以言喻的肉香味，羊架仲要大大塊好厚肉，羊架肉好嫩滑一啲都唔係口，呢個唔食一定會後悔👍然後係：日本南瓜焗海鮮飯淨係個賣相已經贏通街，廚師真係落足料：有鮮蝦，墨魚，魚柳蠔同青口，仲可以食埋個南瓜，南瓜汁一啲都唔笠口，撈飯食就最正👍👍食泰國嘢點可以唔食金邊粉呢！係泰國菜嘅 Signature！所以來多個泰式蝦炒金邊粉😂望落去好似一個雀巢蓋在上面，食落去好脆口，係用雞蛋同薯粉炸成的，而

較早前又去到了啟德那邊尋找美食，發現在SOGO那高層位置選擇不算太多，這間店的明亮度十分足夠，所以就走去一試。 服務和細心度，也對得住個服務費先，帶位，詢問，也故意一坐下就喝完水後，也是幾分鐘內幫你添滿。 環境大而明亮，空間感很足夠，也加入大量泰式建築的元素，最起碼，看上去眼睛不會痛。 價錢其實和之前去九龍城吃的泰式差不多，份量也合理，沒有因為你一個人就減少或不夠的情況出現。 豬頸肉即燒出來，不期待炭烤，電烤都有口感在，份量足。 泰式奶茶有點特別，把奶打成泡沫狀，口感不錯。 肉醉炒飯就現炒，火的味道不算有，不過不失，咸香和醬油式調味都可以。 另外，問了五六日，會開多一個小時，當然訂位時都最好都詢問一下。店名：新泰東南亞餐廳。地址：啟德SOGO。費用：中高位置，發現原來他們有PAYME支付。

今日去左新開既雙子滙1期行街，見到呢間餐廳環境充滿東南亞風情，餐廳有好多卡位，坐得舒適。木質家俬加上竹元素，牆身掛滿泰式手工藝品同畫作，再加上泰國大象同熱帶植物，真係好似置身泰國咁。泰式柚子蝦沙律柚子嘅清新酸甜同蝦嘅鮮甜完美結合，加少少辣味，食落好開胃。日本南瓜焗海鮮飯南瓜焗得好冧好綿，入面有蝦、青口、魷魚等海鮮，飯粒吸收晒南瓜同海鮮嘅精華，每一啖都充滿鮮味。小拼盤（蝦餅、魚餅）蝦餅同魚餅炸得外脆內嫩，蝦餅彈牙，魚餅香口，蘸上泰式辣醬，味道更加豐富。泰式燒雞雞皮燒得香脆，肉質嫩滑多汁，配上酸辣嘅泰式醬汁，味道層次分明。

行完街搵嘢食，睇指示牌，最初以為係類似Food Court嘅食肆，上到去先知原來係一間間裝修靚靚嘅餐廳。最後揀左食泰國菜，因為鍾意個環境裝修，夠晒chill；仲有望出去個view都幾正。泰式生蝦($118)呢度嘅生蝦果然無令我失望，蝦身約有半隻手掌大小；雖然夾住濃味嘅蒜片、辣椒，點埋青汁一齊食，但都依然食到蝦嘅鮮甜。特別一提，辣椒粒好勁，雖然細細粒但點埋青汁食，真係辣到噴火(利申:平時係食小辣程度😛)。生蝦、蒜片、辣椒、青汁，一定要一齊食，美味至極。芒果黑白糯米飯($78)芒果份量唔多，唔酸又唔太甜。糯米飯口感唔錯，比起紫米更有嚼勁、更煙韌。椰漿唔太甜，唔會搶左飯香。椰青沙冰($78）爭扎緊飲椰汁冰好定椰青沙冰好，最後決定要左沙冰。明智喔！食左泰式蝦嘅辣椒，口腔簡直火燒一樣，𢳂一大匙沙冰往嘴裡送，冰火嘅感覺更突顯出沙冰嘅滑溜，如果唔係冰點嘅冷感直衝腦袋，差d以為食緊椰子雪糕。淡淡嘅椰香，加上夾雜著嘅椰絲，呢杯極度解辣外，更非常可口。飲至尾段，冰雖然融化了，但豐富嘅椰絲令入口仍有口感之餘，更像飲椰汁一樣。一杯飲品，兩種口感，好似好抵飲咁。

同朋友係啟德行街行到攰，就近搵間餐廳食個dinner~俾呢間嘅環境吸引左，位置寬闊，裝修有特色，就試試佢！先來個沙律，偏辣，味道唔錯，但份量就少左啲，鳳爪比較少蝦米米子卷，係好清新嘅～菜脆、米子口感好，但蝦米就味啖啲啦😂咖喱軟殼蟹出色！軟殼蟹好脆～都大隻！咖哩係唔辣個種，有椰香味～點包食食到停唔到口！個包咁大都成個啪曬😂炒飯有炒入泰式蠟腸，同有蝦，蝦膏味唔強，但勝在唔會太咸，口感算豐富整體用餐體驗唔錯，我哋坐角落位，侍應都主動黎serve我哋，坐左好耐傾計都密密幫我哋搵斟水

今晚同個稅局員工嘅朋友去食晚飯，佢知道我鍾意食泰國菜，就介紹我去佢公司附近啟德協調道雙子𣾀一期崇光啟德店食𣾀堂14樓嘅新泰東南亞餐廳，這間餐廳地方好寬敞，裝修好有泰國風味，入內感覺溫馨，枱凳擺放整齊，每張凳上都有椅背，令人坐得好舒服，這間餐廳除咗有室內，仲有室外，室外個景色非常美麗，坐喺度同朋友食嘢傾偈，好令人開心，來這裏食真不錯。餐廳員工有禮貌服務態度好，好多都係泰國人，真係覺得自己去咗泰國食嘢。餐廳嘅餐牌裏面食物照片影得好靚，睇到鍾意食嘅食物就可以即刻叫來食，食物嘅款式都不少，有小食、燒烤、湯、沙律、咖喱、菜類、肉類、海鮮、粉麵類、甜品、飲品，我哋就叫咗小食嘅香芒軟殼蟹米紙卷、燒烤嘅燒西冷牛扒、粉麵類嘅加沙湯蝦米線、沙律嘅豆腐酥沙律、咖喱嘅原個菠蘿咖喱蝦、甜品嘅椰汁西米糕、飲品嘅熱檸檬茶。香芒軟殼蟹米紙卷係正宗嘅泰國菜，酥香嘅軟殼蟹同鮮甜嘅芒果被薄薄有彈性嘅米紙包圍，味道清新，令人食得開胃。燒西冷牛扒份量都不少，每片都切得剛好，西冷的脂肪與肉質非常均勻，不會太肥膩，肉質鮮嫩多汁又有彈性，每一口都擁有濃郁的牛肉香氣，好味好食。加沙湯蝦米線材料都不少，有彈牙蝦、可口魚片、美味豆腐卜、甜

今早到啟德開會成咗單deal，心情特別愉快，上網搵吓資料邊度有好嘢食，原來SOGO樓上雙子滙一期有一間新開的泰國餐廳。這間餐廳的以東南亞風情裝潢，時尚舒適，坐在窗邊仲可以俯瞰周圍的啓德園區美麗景色，是我今日午餐選擇的好地方😉我點了泰式青咖哩牛、印度酥餅和芒果沙冰。泰式青咖哩牛的味道令人滿意，青咖哩醬濃郁而不過於辛辣，牛肉鮮嫩，配外脆內軟嘅印度酥餅，口感十分豐富。最後的芒果沙冰清爽可口，配泰國菜最啱。

食過唔少次既新泰，依家響啟德雙了塔開了新分店🤩🤩今晚同朋友黎Sogo行街又可以再食泰式美食😝👏❣️❣️新分店裝修好靚好大，濃濃泰國風情。東南亞食物款式好多選擇，服務態度唔錯～🔸串燒羊肉🐑🐑🔥串燒幾有驚喜🤩羊肉肉質鮮嫩，串上車厘茄、三色椒、菠蘿一齊燒，啖啖多汁又鮮甜！推薦‼️👍👍🔸馬拉盞通菜🥬🥬泰式餐廳嘅招牌菜，通菜炒得唔錯唔會太多水配埋蒜蓉辣椒呢個組合，真係非常爽口好食😝🔸泰式明爐魚🐟🔥🔥可以揀烏頭或鱸魚。我地揀咗鱸魚🐟滾起後加入魚湯，魚肉油脂豐富又好嫩滑，唔算好多骨～配埋湯底既酸微辣青檸汁，十分滋味😋😋👍大大條都好快食哂～🔸泰式蝦炒金邊粉🍤🍤🥘🔥泰國菜必點之一既金邊粉！上碟時用雞蛋絲包住，份量十足，有四至五隻嘅新鮮大蝦！金邊粉炒得好有鑊氣，加上花生碎、青檸汁，味道層次豐富，酸酸甜甜好味道🤤🤤❣️🔸椰青斑戟🥥🥥意想不到既厚身，似年糕質地既斑戟入面有好香甜既椰青條~滿足💕📍 新泰東南亞餐廳 (雙子匯1期) (九龍城)九龍城啟德協調道12號雙子匯1期崇光啟德店食匯堂14樓1404-1405號舖