新泰東南亞餐廳 (雙子匯1期)

營業中

休息中

應該係個生蝦或者燒牛肉昨晚食完發燒發冷，嘔左一晚，今早痾，辛苦到呢。我老公無食過生蝦，佢無事。食既時候感覺唔係十分新鮮，但未去到變，就照食，點知奶左野。燒牛肉入面係全生既，中間紅色，漸變色粉紅，到出面全熟，應該係店既特式，但我一開始嘔既都係牛肉，都唔知關唔關事。炒野既味道可以，金邊粉同炒菜都係水準以上，餐廳既服務都好好，好似全部泰國人 但食物安全同衛生咁...去唔去食真係要自己諗，反正我唔敢再去...

新泰東南亞餐廳 九龍城啟德協調道12號雙子匯1期崇光啟德店食匯堂14樓1404-1405號舖啟德新開呢兩座大廈 好多嘢行而且餐廳都變成樓上舖 例如呢間Sun Thai裏面佔地面積夠大，而且裝修好靚，望到景觀非常開陽無論係日頭定夜晚 近窗邊位置一定最受歡迎燒西冷牛扒七成 肉質嫩滑，味道濃郁兩款泰式秘製醬汁，加添唔少風味一種酸甜開胃 另一款酸辣惹味冬陰功海鮮金邊粉酸辣的湯底十分開胃， 大大隻肉蝦、魚片頭 一公一乸青口 魷魚等海鮮，味道鮮美金邊粉吸收了湯的精華，口感滑順 冬陰功湯幾好飲落咗唔少香料香茅 香菜 份量都幾大

響啟德Sogo 14樓嘅「Sun Thai✨」，真係泰菜嘅天花板！呢間餐廳由泰國人主理，連店員都係泰國人，保證每一味都好味又正宗！餐廳裝修充滿泰國風情，位處高層，望出去風景開陽廣闊，坐喺度食飯真係好享受！難怪咁多人排隊等位啦！😋**燒牛柳沙律**🥗 呢道菜真係一流，牛柳燒得剛剛好，肉質嫩滑，配上新鮮嘅沙律菜，味道清新又開胃，特別適合夏天食！**串燒沙爹**（雞，牛，豬）🍢 三款串燒一口咬下去，肉質鮮嫩多汁，配上特製嘅沙爹醬，香噴噴！無論係雞、牛定豬，都各有風味，食過一次就會想食。**肉碎生菜包**🥬 傳統生菜包將肉碎包入生菜葉入面，清脆爽口，加上香料味，令人食得津津有味！**奄列海鮮炒飯**🍚 主食炒飯用咗新鮮海鮮，味道濃郁，奄列更添滑嫩口感，食落去每一口都滿足，加入配料，味道更加出色！總括來講，「Sun Thai」真係一個唔可以錯過嘅好地方！無論係環境、服務定係食物，都絕對值回票價！👍✨

新泰東南亞餐廳 (雙子匯1期) (九龍城)九龍城啟德協調道12號雙子匯1期崇光啟德店食匯堂14樓1404-1405號舖朋友話雙子匯有間新泰式餐廳「新泰東南亞餐廳」，嘢食幾好味，又嚟試吓，我最鍾意食下呢三樣😁*肉碎生菜包🥬清爽嘅美食，我哋揀咗雞，雞肉碎新鮮，放喺新鮮嘅生菜上口感一流，咬落去都聽到清脆嘅聲音，好開胃，生菜能解肉的肥膩，呢個配搭好正❤️～炭燒豬頸肉廚師掌握嘅時間剛剛好，燒得外層酥脆而內裡能保持嫩滑，而且選料上乘，食到肉嘅鮮味，食到舔舔嘴呀，不容錯過🥰　*泰式濕炒海鮮河🍝🍤🐟湯汁濃郁，海鮮新鮮，蔬菜爽脆👍蝦仁彈牙，魷魚鮮嫩，搭配上好多蔬菜，例如紅蘿蔔、胡蘿蔔、花椰菜等，口感豐富😋湯汁帶有淡淡嘅甜味同鹹味，好快就俾阿仔秒殺🍽️總括嚟講，餐廳好有泰式風情，食物質素高，整體擺盤精緻，下次要來試吓其他美食👍

啱啱去咗啟德嗰間「新泰東南亞餐廳」食飯，真係要講：好正！成間餐廳裝修都好有Feel，好有東南亞嗰種氣氛，再加埋服務員態度好好做野好快手，成個感覺好舒服，完全係chill住食飯嘅好地方。我哋嗌咗幾樣嘢，全部都好有水準！炭燒豬頸肉真係不得了，肉質好嫩滑，外面有啲炭燒嘅香味，仲要有個泰式酸辣醬，點埋一齊食真係一流！之後嗌咗Pad Thai，炒得好乾身，唔會油膩，酸酸甜甜啱啱好，蝦又新鮮又彈牙，味道都幾地道。面頭用蛋整左網紋出黎幾有心機，好適合打卡。鴨肉生菜包就幾清新，鴨肉本身已經好香口，配埋爽脆嘅生菜，食落又唔會太重口味，好啱平衡下啲味蕾。值得一讚係生菜係有揀過黎，大小全部都差唔多可以包到肉，唔會拎上手有啲大過塊面唔知點食要自己再撕，亦無爛霉碎既菜。馬沙拉咖哩雞肉就係嗰種濃郁得嚟又唔會太膩嗰種咖哩，椰香好足，雞肉又夠淋，甜甜地幾好。菠蘿咖哩蝦，好有驚喜，用原個菠蘿裝咖喱，菠蘿嘅甜味配埋咖哩嘅香，真係幾特別。蝦肉新鮮，食落口感好好。軟殼蟹芒果米紙卷好清新，米紙唔會爛，包住脆卜卜嘅軟殼蟹，仲有啲甜甜嘅芒果，真係一啖一啖停唔到口！

之前都有幫襯過呢一間餐廳係灣仔嘅分店，我哋都覺得佢泰國食物嘅水準非常唔錯，而且我哋都覺得係信心保證節日，所以今日同朋友收工咁啱喺啟德呢一區我哋就決定幫襯呢一間泰國餐廳. 佢嘅裝修非常新，而且亦都闊落，適合朋友聚會.🥢叻沙大蝦米線，本身同朋友都非常鍾意食喇沙湯底嘅食物，所以就叫咗一碗嚟食吓，米線嘅份量非常十足，我同朋友都差啲食唔晒，加上大蝦都有起碼四至五隻，整體口感都非常彈牙同埋爽口，蝦肉嘅質感亦都非常厚身，呢個米線黎嚟講性價比都幾高！🥢香芒軟殼蟹紙卷，去親泰國餐廳必須食佢哋嘅米子卷，新鮮即刻炸既軟殼蟹再加埋生菜同埋米子卷，我哋都覺得非常match! 口感咬落去仲有少少芒果紅蘿蔔青瓜米粉口感 成個口感非常多元化 令到成個米子卷更加好食！🥢燒西冷牛扒，泰式餐廳嘅西冷牛扒，不嬲都係我其中一個會選擇嘅菜式之一，餐廳嘅控制生熟時候做得非常之好，中間都係呈現靚靚囝囝嘅粉紅色，而且牛肉嘅味道都唔錯，再加埋餐廳特別配製嘅醬汁，我哋覺得非常好食，呢個真係必須要叫，分量嚟講亦都唔少，正！🥢椰汁西米糕，椰汁西米糕亦都係傳統泰式餐廳嘅甜品之一，餐廳用咗班蘭葉，令到成個味道更加泰式風味！味道非常香濃有椰子嘅味道

前排我同女朋友去咗啟德新商場「雙子匯」1期嘅「新泰東南亞餐廳」食咗一系列泰國美食，非常滿意。餐廳開喺新商場裡面，環境闊落好坐，裝修好企理，店員服務態度殷勤。呢度嘅食物選擇頗多，俾大家睇下menu：當日點嘅第一樣食物係辣椒醬炒大蜆。呢道菜絕對係一個驚喜，蜆肉新鮮、無沙，搭配香辣的醬汁，味道適中，唔會過辣，反而令蜆的鮮味更加突出，非常惹味跟住嘅大蝦炒金邊粉亦相當出色。值得一讚係金邊粉唔會炒得太油，而且啲蝦都幾大隻，口感彈牙，而金邊粉吸收咗蝦汁，非常入味。串燒拼盤亦係必試之選。呢度嘅串燒每一串都燒得啱啱好，可以話係外焦內嫩，特別係雞肉串，味道香濃！蜜糖燒豬肋骨亦另一道亮點，肋骨燒得金黃，蜜糖的甜味與肉質的鮮香完美結合，正！蒜蓉炒豆苗清新爽口，豆苗完全無渣，好適合balance返其他菜式嘅濃郁口味。最後，我同女朋友叫左芒果糯米飯作為甜品，甜度剛好，糯米軟綿，搭配新鮮的芒果，係完美的收尾。整體來講，「新·泰泰國餐廳」無論係環境定係服務都好出色，絕對值得推薦！

啟德Sogo 開咗，當然要去行下～ 晚飯去咗「新泰東南亞餐廳」，真係唔錯👍🏻 餐廳環境好舒服，裝潢充滿泰式風情😊燒豬頸肉沙律 🥗豬頸肉烤得金黃香脆，配上新鮮蔬菜，口感清新，酸酸甜甜，真係好開胃叻沙湯蝦米線 🍜湯底濃郁，充滿椰奶香味，蝦肉鮮甜，米線吸咗湯底嘅味，好正🍤奄列海鮮炒飯 🍚飯粒粒分明，海鮮新鮮，加埋一層金黃嘅奄列，口感更加豐富😋芒果黑白糯米飯 🍧糯米飯嘅口感軟糯，搭配甜甜嘅芒果，真係一個完美嘅結尾！🍑

朋友搬左去啟德住，今日入去搵佢house warming，順便食個飯，帶左我黎呢間新泰其實之前都係尖沙咀食過，但估唔到呢到比起其他分店裝修得更精緻華麗，一入到去勁有feel，好似真係去左旅行咁！Menu亦唔係一成不變，今次黎都睇到有啲新菜式不過唔知係咪新開未有酒牌今次見唔到有cocktail同啤酒飲炭燒豬頸肉，平時好中意點醬食既我今次竟然覺得加左醬反而無咁好食！炭燒味好出，面頭脆卜卜，點醬反而cover左啲燒烤味，今係好出色！菠蘿咖哩蝦，好有新意，菠蘿加入左咖哩後仲好清新，成個咖哩唔會太膩，蝦肉好多滿滿咖哩香。馬沙文咖哩同樣唔差，有豬牛雞揀，勁杰身入味，食落偏甜少少，出色。軟殼蟹米紙卷，好大份，而且夾起身亦唔容易散開晒。軟殼蟹仲keep到好脆身，點埋個泰式醬一流。鴨肉生菜包，平時食都係豬肉多，今次幾特別用左鴨肉，不過食起上黎個人覺得分別都唔大，肉汁好多唔算好辣Pad thai，面頭用蛋整左個網形，勁有心機！食落酸酸甜甜，麵質亦唔會太淋好彈牙。

🍽️新泰東南亞餐廳 (雙子匯1期) (九龍城)📍九龍城啟德協調道12號雙子匯1期崇光啟德店食匯堂14樓1404-1405號舖未嚟過雙子匯，今日過嚟行吓，當然又搵吓食啦，呢間「新泰東南亞餐廳」唔錯啊😁～泰式燒西冷牛扒🐮🔥一啲都唔比西餐廳嗰啲差，我點medium rare，師傅燒得剛剛好，色澤鮮艷，肉質非常嫩滑多汁，佢將牛扒均勻的切開，我哋食得好方便，只點少少醬汁，即係泰式醬汁同甜辣醬已經好好味❤️～雞肉碎生菜包🥬🍗呢道泰式雞肉碎生菜包真係健康又美味！雞肉碎用咗香料同洋蔥調味，味道香濃，好有東南亞嘅風味😁我哋將雞肉碎包喺新鮮嘅生菜葉中，既有脆爽嘅口感，又有豐富嘅味道，加上有少少辣味，醒神開胃之選😋🌿～泰式濕炒海鮮河🍝材料豐富，有青口、魷魚🦑同蝦，河粉吸收咗豐富嘅醬汁，調味適中，個人都好鍾意嗰啲配菜，例如西蘭花、紅蘿蔔、芥蘭同野菌等，食落去層次感豐富，好惹味，簡單又美味😬～泰式甜點小拼盤大菜糕口感清新；椰汁西米糕椰香味道濃郁，入口彈牙；千層糕甜而不膩；椰青班戟口感細膩，食完大餐最鍾意食啲甜品先最滿足😊

睇完戲之後想找些食。但一個人不知道可以食什麼。呢排股市樓市暢旺。搵間貴小小有氣氛餐廳。獎勵下自己個胃。**無骨海南雞**雞肉經過精心的處理，肉質鮮嫩多汁，搭配上特製的海南醬油，讓整道菜品的風味更加豐富。無骨的設計讓用餐變得更加方便，無需擔心骨頭的干擾。每一口都能感受到雞肉的鮮美，搭配的香菜和醬更是為這道菜增添了層次感，讓味道更加立體。這道菜的清新口感讓我感受到海南料理的精髓。**香辣海鮮炒河**河粉的口感滑順，與新鮮的海鮮如蝦仁、魷魚和貝類相互融合，讓整道菜品充滿了海洋的鮮味。香辣的調味讓這道菜品更加引人入勝，微微的辣味與海鮮的鮮甜形成了完美的平衡。每一口都能感受到炒河的香氣與海鮮的鮮美。新泰東南亞餐廳 (雙子匯1期) (九龍城)九龍城啟德協調道12號雙子匯1期崇光啟德店食匯堂14樓1404-1405號舖

今晚黎到雙子匯食飯新商場餐廳還沒有很多，我地最後揀左呢間泰國餐廳，這裡的氛圍很放鬆，裝潢融合了傳統與現代元素，令人感受到泰國的獨特魅力。這家泰國餐廳的菜品都讓我非常滿意，特別是椰青和生菜包的清新口感。服務態度也很友好，環境舒適，是聚餐的好地方。如果你喜歡泰國料理，這裡絕對值得一試！🎀 椰青椰青是這家餐廳的一大亮點。新鮮的椰子水清甜可口，搭配椰肉的細膩口感，讓我感受到真正的熱帶風味。🎀烤羊串接下來是烤羊串，這道菜的香氣撲鼻而來。羊肉烤至外焦內嫩，搭配特製的調味料，讓人一口接一口。每一串都被烤得恰到好處，肉質鮮嫩，加入了不少配料，增添了清新的口感。這道菜的份量也相當足，兩個人吃也感覺滿多。🎀生菜包最後是生菜搭配了新鮮的生菜葉、香脆的配料和豐富的肉餡。每一口都能感受到不同的口感。這道菜不僅美味，還相對健康，非常適合想要輕食的人士。

最近去咗啟德崇光百貨樓上一間新開嘅泰國餐廳，呢度嘅環境真係一流！餐廳以古典泰國風格為主調，裝修非常優美。屋內裝飾以木雕同金色嘅元素為主，令整個空間顯得既高雅又有文化氣息。餐廳非常大，座位安排寬敞，每個角落都充滿咗泰國風情，感覺就好似置身於泰國嘅宮廷中。🌿🏯✨*馬莎拉咖喱*：呢道咖喱真係不得了！咖喱香氣濃郁，雞肉嫩滑多汁，咖喱醬嘅香料味道豐富，每一口都係一種享受。🍛🐔*馬拉盞炒通菜*：通菜炒得啱啱好，保持住鮮脆嘅口感，馬拉盞嘅香氣滲透每一口菜葉，味道鹹香🥬🌶️*蒜蓉包*：蒜蓉包外脆內軟，蒜香濃郁，每一口都充滿咗香氣，簡單而美味。🍞🧄*泰式凍奶茶*：呢杯凍奶茶真係清涼解渴，甜而不膩，帶有淡淡嘅茶香。🍹🥛#啟德美食 #泰國餐廳 #美食享受 🌟🍽️✨

今日又黎行啟德雙子塔，之前就食過14樓既西餐，今次就試埋呢間都係位於14樓既泰國菜呢度環境真係一流，比起尖沙咀分店更大更靚，好似置身泰國咁，攏設都金光閃閃，坐位闊落，而且重有露天荼坐，可以飽覽啟德夜景菠蘿海鮮炒飯賣相超靚呀，而且材料豐富，有蝦、雞肉、雜豆、泰式臘腸粒、提子乾重可以自己再配上大量的腰果和肉鬆飛天通菜好惹味，有泰國芭提雅大排擋既鑊氣，加左蒜肉和指天椒，好開胃咸檸七天氣 凍喉嚨都乾乾地飲就最岩，有止咳化痰作用

性價比頗高嘅泰式餐廳連鎖店新泰東南亞餐廳，新店開喺啟德嘅新商場雙子匯！新店位於14樓，店面更美觀，坐得舒適！食完仲可以去空中花園散下步，都幾寫意！肉碎生菜包 - 豬肉 $88泰菜嘅Signature Dishes之一，辣度適中，極為惹味！生菜新鮮爽脆，唔錯！香草肉碎炒飯 $98醬料同埋金不換嘅香氣充滿住整碟炒飯，而且份量足，夠分4-5小碗，係抵食之選！越式肥牛湯河 $88有海量嘅肥肉片，清香嘅湯底配搭滑溜嘅河粉的確正！配搭埋調味架嘅辣椒粉、辣椒魚露、辣椒醋，再落少少白砂糖提鮮，好食到不得了！