新永成茶檔 (東廣場) (已結業)

東廣場真係好多好野食，今日lunch time就去左試依間茶檔，我和同事點左:1. 辣肉碎香茅豬扒煎蛋飯 ($48)份量大，好多飯，豬扒剛剛炸起，滲出陣陣香茅味，好香，食落肉質都嫩，醃得入味，煎荷包蛋個蛋黃係流心㗎，辣肉碎味道唔錯，有少少麻辣味，但份量就比較少，同埋偏油膩。2. 咖哩新鮮牛肉飯($44)牛肉片新鮮，切得比較薄，質感嫩滑，咖哩汁嘅椰汁味剛剛好，辣度適中。凍飲加三蚊，整體來說，以這個價錢，算係抵食。