新有記

營業中

休息中

遊完塔門臨上船見到菠蘿冰好想食，食菠蘿冰都可以係度坐下休息下～都唔錯～豆腐花就正正常常不過冇乜豆味，薑水就夠哂薑～～～～但以地區價錢環境黎講都算唔錯～行到攰可以黎坐下食下菠蘿冰！～～佢仲有好多炒飯個類，但價錢都幾貴下，我地就冇試到，如果幾個人黎一人叫碟飯都幾百蚊～～怕貴就等搭船出去食會好d~~~~~~~~~~~不過我地見黎郊遊既人都有入黎食下飯～～塔門仲可以露營，好天黎個境都真係一流！！！！！！！

同朋友黎左離島玩去左鴨洲 中午時分就黎到塔門於是就去搵食喇呢度有幾間就近嘅小炒鋪而且菜式差唔多同埋因爲我地閒日黎所以遊客唔多幾間鋪都有位於是我地就是但揀左間入去食岀名嘅海膽炒飯😗除咗海膽炒飯之外呢度出名嘅仲有樽裝奶茶於是我哋每人嗌左一支樽裝奶茶🤤等左一陣海膽炒飯終於上到嚟啦快啲食一啖試吓😋首先就咁望覺得同普通炒飯冇咩分別因為都唔係特別多海膽而且海膽都唔係特別大粒😣我又覺得炒左飯嚟食海膽就變得乾爭爭冇乜汁唔夠鮮味😕至於個樽裝奶茶我就覺得調校得幾好唔會太苦 甜度啱啱好 唔會太甜拎出街飲夠晒方便🥰不過對住呢一個風景嚟食海膽炒飯又別有一番風味值得試吓😚😚

平時都好鐘意去郊外行山，一開頭都未諗到去邊度行，點知有位朋友叫我行塔門，因為嗰度冇咁難行，而且有間店食海膽炒飯好出名，所以就決定行塔門，順便食埋個海膽炒飯呢個炒飯超大蝶，一個人如果唔係超級肚餓係會食唔晒。而呢個炒飯炒得好香好夠鑊氣，而且海膽既份量都多，但咁辛苦搭車搭船去到塔門食咁貴有啲心痛😂所以大家要衡量返😁呢個墨魚丸雖然係炸但一啲都唔似，佢唔脆，只係個皮係硬左，但反而幾好食，而且好有彈性，仲好重墨魚味，如果有雞汁點就更加perfect

今日去塔門半日遊 未黎之前上網research 過必食海膽炒飯沿路又有好多人拎住枝無冰凍奶茶行完個島之後坐底食個海膽炒飯醫下肚試下塔門風味啦門口見到發哥都幫襯 應該有一定質素啦先叫一個凍豆腐花 可自己另外加薑汁黃糖略嫌無乜豆味 要落多d糖帶味自家製薑汁黃糖磨得好幼細 唔會咬到一粒粒到主角海膽炒飯 真心炒得幾好 食到d海膽肉D飯唔會痴到一舊舊咬到一粒粒 略嫌呢個價錢有d貴 不過佢係塔門名物我地四個人share 好快就食完

全個塔門好似得3間餐廳!!而呢3間餐廳都係集中埋一齊, 要食既野基本上係一模一樣!!好好笑!!因為冇上網做功課, 唔知邊間好D, 所以求其入左一間多多地人既, 就係呢間新有記。座位唔好要求咁多, 有冷氣已經係超好服務!!!因為出面係又熱又曬!!!再加上搭左1.5小時船入黎, 未開始玩都辛苦，所以有冷氣已經好足夠!!再叫杯凍飲!!!正正子!!!我地叫左個每個塔門一日遊都提及既<<海膽炒飯>> $100，好大碟呀!!!比我想像中大碟好多!!如果一班人4-6個人黎食就可以再叫其他野, 而家得2個人, 淨係叫一個炒飯每人都要食3-4碗細碗!!! 好在佢都幾好味, 個炒飯一啲都唔咸, 可以帶出小小既海膽味, 老實講個海膽味就真係唔係好重, 我諗我都係中意日本既海膽食法多好多好多, 佢仲加左好多蔥, 唔知作用係咩, 如果唔中意食蔥既就千其唔好叫。跟住仲叫左呢個<<馳名無冰凍奶茶>> 支裝$30，奶茶標榜冇加冰, 原汁原味!!HAHA!!的確係唔錯, 冇左冰但唔會好甜, 重點係佢唔會澀口!!我平時麻麻地奶茶都覺得呢個奶茶OK, 可能太熱

復活節假期間，我同朋友去咗塔門玩，順便去埋海邊嘅餐廳食塔門特色餸菜。價錢唔算太貴亦都唔算太平，但係味道都算幾好食，尤其係去到他們咁樣咁荒蕪嘅地方，見到啲餐牌，就已經好想衝入去食嘢同埋涼冷氣。果然食物都冇令我地失望，尤其係個蝦膏炒鮮魷魚，咁真係好嘢未，啲魷魚又大條又彈牙，好食過喺出面食，加埋蝦膏嘅鹹香，超送飯。我哋仲帶咗海膽炒飯，個炒飯唔算太多海膽，不過都吵得勁香同埋粒粒分明，所以我哋都食晒。因為我哋有叫飯餸，所以我哋可以堂食豆腐花，仲要可以俾你任加薑汁，啲薑汁真係好夠姜，所以建議大家唔好放太多，如果唔係會太辣。喺咁熱嘅天氣食碗豆腐花，真係覺得好滿足。我哋仲叫左奶茶，奶茶唔算太香濃，不過都算好飲。

第一次黎塔門，山長水遠，搭車又搭船，坐到個人都餓了，於是一行五人決定趁烈日當空之際食個午餐😗落船行五分鐘有三間相距好近既食肆，無咩preference 之下就簡左呢間了，貪佢唔使排好耐隊都預左唔會平架喇似乎係馳名必叫既一個飯，可惜唔多食得出海膽味，普普通通啦蝦醬味唔多覺，而魷魚都幾彈牙相當惹味既一道菜，搏哂老命咁清哂成碟haha 無咩亮點😗標榜唔落冰既奶茶，又真係幾濃幾滑既。不過唔好飲太多，費事口渴補充完能量後，眼見出面太陽無咁光猛，我地決定開始今日既塔門之旅了~

為了找尋美食，可以去到幾盡？一大清早坐巴士到西貢市中心再轉乘另一巴士到黃石碼頭，然後再坐船到了塔門去搵嘢食，去到已過了中午！落船己急不及待看看食什麼，因為太肚餓，路經這間小食肆/士多，便入去坐下食點東西。海膽炒飯（$100）塔門出名吃海膽，所以我們也來一個海膽炒飯，飯底炒得乾身，飯粒分明，加入葱花、雞蛋和海膽，沒有其他材料，簡簡單單，但如果加多一些海膽就更鮮味。椒鹽鮮魷（$95）鮮魷新鮮彈牙帶點煙靭，脆漿很薄很脆，椒鹽的味道帶出魷魚的鮮味，熱辣辣、脆卜卜的魷魚點了喼汁更增添惹味。無冰涷奶茶（樽裝$30）講真$30一支奶茶都幾貴，但味道很香濃，入口幼滑，香港的地道奶茶都有番咁上下質素。自製咸檸茶（$15）這個咸檸茶相對就比較價錢合理，咸檸茶甜味適中，不會搶走咸檸獨有的味道，很生津解渴，夏日首選。涷薑汁豆腐花（$12）豆腐花可能雪涷關係，所以不夠滑，但作為飯後甜品，也不失為一個好的選擇。

秋風起，就諗起食野味！野味就唔好喇，反而揀去行山會好唔錯喔！塔門絕對係一個好選擇！由西貢坐小巴再到黃石碼頭再坐船，未開始行山，已經舟車勞累～首先一定要填飽個肚先會有氣有力繼續前行！原本以為山卡啦嘅塔門會冇啖好食，原來碼頭附近都有好多小食同餐廳，憑感覺選擇了「新友記」！餐廳位於岸邊，雖然好簡陋，但好有漁鄉嘅風味，亦都好有家嘅味道，還有人情味！餐牌上選擇唔多，都係一啲簡單嘅菜式，絕非似西貢般大魚大肉，菜式雖然簡單，但味道上絕不簡單！椒鹽魷魚新鮮即制，炸粉好薄，口感香脆，魷魚鮮甜，口感爽彈，椒鹽味濃，非常惹味！鮮炸墨魚丸外型炸到漲卜卜，內裡熱騰騰，認真小心燙到口！蝦醬炒通菜通菜好嫩，調味啱啱好，唔會過鹹，火喉夠。白灼海螺 原汁原味，非常新鮮！海膽炒飯 火喉十足，飯粒粒粒分明，海膽份量唔少，好似蛋黃一樣金黃，加有香蔥粒，增加口感同味覺層次！豉椒炒蜆蜆肉飽滿，豉椒味濃！粒粒都好新鮮，乾淨，唔會有沙泥存在。清蒸花蟹花蟹雖然唔係好大隻，但勝在蟹肉鮮甜，而且仲有唔少蟹膏。仲有飯後甜點～豆腐花，有熱有凍，加蔗糖又得，薑汁又得，超正！食得出每道菜都好用心去制作，CP值都好高！絕對係再光臨之選！滿足！

黎到塔門，緊係要食下聞名嘅海膽炒飯啦！飯炒得好好，一粒粒夠乾身。其實啲海膽炒左出黎都幾似炒蛋。但係確實有d貴，不過一次半次ok  la朋友介紹要食灼既，如果唔係應該會叫咗椒鹽嗰隻，但原來灼既真係好正！一定要食！個豉椒唔同出面個啲味，好濃郁。但個蜆有啲un。最後加多個通菜，新鮮好味2個人食左4個菜濕濕碎個餐牌樣樣野都好吸引今日超級曬，我地行左一陣就走左嚕，個一望無際既海景真係一流我地反轉頭又黎左買冰菠蘿同水，老闆娘真係好好，叫我地坐係度涼住冷氣等船

今日同啲朋友去塔門行山，風景好靚。剛好行完一個圈，就可以食飯。熱完之後，去食野係人生一大樂事。塔門有好多餐廳，經過呢間新有記，我就即係聯想到老友記，所以即入。雖然好唔環保，但都想讚一句，冷氣夠勁! 爽!講返食物先，海膽炒飯：炒得好乾身, 啲飯一粒粒，好香，粒粒海膽，海膽味好重。 原來諗住一碟好少，原來都幾大碟，遠赴黎到都必須一試。墨魚丸無得彈，好爽身，差不多每一啖都有粒粒細粒嘅墨魚丸，好有咬感。椒鹽鮮魷：剛整出嚟夠熱, 鮮魷好新鮮，好香，正。   

一黎到塔門趁未到食飯時間少d人就食左飯先! 1行12人黎到呢間, 叫左2碟海膽炒飯($100x2), 1碟菠蘿牛肉炒飯($50), 2碟鮮魷炒河($50x2), 1煲蟹粥($210), 1碟椒鹽鮮魷($95)同炒通菜(50), 6碗豆花($12)同3舊冰菠蘿。但最後收左total $1129, 又無叫野飲, 其實落單同找數係唔同人, 又無手寫單, 憑枱上d碟係咪真係計得岩架? 不過人都走左先醒起都無計講番食物先, 海膽炒飯炒得好乾身, 都見到粒粒海膽, 山長水遠黎到都值得一試, 相比起菠蘿牛肉炒飯就真係好食好多, 因為後者較為淡口。鮮魷炒河好抵食, 鮮魷好爽口厚肉, 同埋都算幾多, 配埋辣椒油好好食, 唔辣又夠香。椒鹽鮮魷都夠香口, 都係一樣鮮魷好爽口新鮮。蟹粥都幾鮮味, 我食左少少姐, 不過家人都話好食幾甜。炒通菜無咩特別。豆花就正常, 但特別在佢枱上有個茶壺仔裝住薑茶, 可以自己落。其實食物係幾唔錯, 但就耿耿於懷最後收費, 下次比錢都係小心d計清楚先好走

在塔門郊遊，是很舒服的運動。我們繞了一圈之後，已是中午用餐時間，間間都滿座，幸好在新有記留了10分鐘就有位。到塔門，要食海膽炒飯。我們一行8人，點了兩碟，海膽分量都算多，炒飯唔油膩，但無咩特別。白灼鮮魷 ，配辣椒醬油，夠鮮味，分量只得很少。炸墨魚丸，加了味精的墨魚丸，每粒都炸到金黃色剛剛好。蟹粥好鮮甜，粥底好棉，一大窩。鮮魷炒麵，呢個抵食而且好食，我們食完後再加單要多一碟。鮮魷炒河，河粉就麻麻。甜品 係豆腐花，自己加薑汁，黃糖。薑汁好濃呢，辣，記得逐少少加。飲品係凍咸檬茶，支裝。青檬加果皮味。

由馬料水搭船經過 90 分鐘船程終於到步，已經四點半喇，急急去食個晚飯先。途經新友記，光猛開揚又寬敞，諗都唔諗就坐低。冷氣涼浸浸，空氣流通，樓面嬸嬸同廚房哥哥態度友善，招呼親切。白灼鮮魷，即叫即灼熱騰騰送上，超掂！魷味突出又多汁，海鮮味特濃，陣陣海水咸香，爽彈甜美，活生生一般在嘴裡翻騰！沾點指天椒豉油或青蔥豉油一定更加醒神。海膽炒飯，香氣芬芳霸道，鑊氣迫人熱燙燙！炒功了得，手藝有料到，飯粒乾爽飽滿，海膽均勻地分佈每個角落，誘人的蛋香無可抗拒，加上青蔥香氣，一啖又一啖不停往嘴裡輸送，好好味無得彈。最初因擔心份量太多食唔晒，所以向嬸嬸查詢，稱一碟仔架乍，兩口子剛剛好。雖然非常美味，但最終都食剩半碟呢！如果唔食其他佳餚的話，依碟飯兩個人食當然濕濕碎啦。蝦醬炒通菜，蝦醬同樣係大澳名物，自家曬製特別地散發一股芬芳，不咸不嗆不濁。溶化在每條通菜之間，通菜沾上蝦醬汁再大注大注入口，香口無窮、爽甜多汁！鑊氣澎湃格外滋味！如果能用上翠綠水通，就會更加美味啦。白灼海螺，即叫即烚，不容置疑的新鮮！貌似巨形雞眼螺、大眼螺。鮮味霸道而突出，螺汁處處，一挑飛射！味道帶著濃郁海水咸香，慢慢滲出誘人螺味，半爽半彈又滑

遇上4日假期, 我們突發黎左塔門露營。第小女一次到塔門, 一次過感受當地村民既生活和接觸草原大海。我們先星期五下午黎到，扎完營都兩點多了。扎營用了不少體力，幸好呢到有幾間士多，朋友說想吃菠蘿冰，於是黎左最近碼頭既新有記。由於當天假期，人流都比較多，所以要等一等先有位。朋友買了個菠蘿冰，邊吃邊等菠蘿冰：原塊菠蘿，的確好冰凍，岩晒天口熱消暑。不過菠蘿唔係咁甜，失左點分數。等了差不多１５分鐘，有位坐了，裡面冷氣都夠涼。我們４人，叫了兩碟炒飯和通菜，價錢不算貴，而且份量夠大！炒通菜：通菜幾夠爽，不會太生或過淋。而已好香腐乳味，唔錯！菠蘿牛粒炒飯：菠蘿甜甜地，牛粒意外地夠牛肉香和淋，易咬入口！加上牛肉夠香，飯到ｄ飯都有陣牛肉味，好好食呀好耐冇係街食過咁好味既炒飯。蝦醬鮮魷炒飯：鮮魷好彈牙，鮮香魷魚味，而且一粒粒炒唔係一條上，咁大家就唔洗搶食了XDD飯係有蝦醬味，不過就冇牛粒炒飯味道咁出和香口。不過不失。加上兩碟炒飯既份量和料都夠多，而且即炒還很夠熱。亦不會等好耐，落單後兩、三個字有得食了，上菜很快！可能係因為以前去其他地方露營，附近既食店都比較一般（或者是獨市生意）所以今次這間覺得已經不錯了，價