新有記

營業中

休息中

好朋友回港，相約去行山，但大家一把年紀，還是行些低難度為佳，結果太座提議去行塔門。繞了一週，回到碼頭，是時候吃午餐，好朋友想吃泥鯭粥、海膽炒飯，我上次試過XX記，今次試試另一間。由於是星期日，細小的食肆生意不錯，差不多所有檯都坐滿，但仍有空間可容下我們三人，餐牌的選擇不算多，價目在郊區而言，尚算合理。點了兩碗泥鯭粥$40/碗，海膽炒飯$95，椒鹽鮮魷$95，鮮炸墨魚丸$75，郊外油菜$30。先送來的是鮮炸墨魚丸，是普通墨魚丸，用油炸過，滾熱辣，不太粉，也算彈牙。泥鯭粥，起初以為「一碗」是一般的飯碗，原來頗大碗，有幾尾約三吋長的泥鯭魚，粥煲得不錯，魚肉幾滑，惟幾尾小魚難以弄甜煲粥！椒鹽鮮魷，上了漿粉炸，加上惹味的料頭，很香口，魷魚質素很好，很鮮。海膽炒飯，其實是綽頭菜，遊人到塔門必吃，海膽份量奇少，加上蔥花和雞蛋炒，海膽味道不顯著，讓好友一嚐而已！生菜，灼一灼，淋了些豉油，菜爽脆！食物質素一般，但高興與多年老友遠足和吃頓飯，希望多些見面，細說當年。

本人第一次來塔門，家人前幾月來過。今天星期日，好多人，我們一時上岸時已第一時間找野食但已經好多人，海傍街擠得水洩不通，新惠和和新有記都有許多人，於是我們隨便選了新有記......等食已經等到不耐煩，新有記門口的阿姐仲好寸，一見到人想食飯就話要-排-隊，唔該都沒聲，有人想買冰菠蘿又話人睇餐牌行過d(個牌喺個雪櫃面)，仲要排隊時落單，不可改，連叫多個菜都俾佢話"你已經叫左好多"-.- 真的前無古人後無來者第一次見有生意不做。食物方面一般般，叫了海膽炒飯，兩碟菜和鮮魷炒面，炒飯有少少腥，面太濕，沒有鮮魷只有一般的魷魚(好像大家樂那些).......下次應該食第二間，而且盡量不要假日來，實在太多人!!!

去呢到要係大學站B出口出搭船由馬料水碼頭去塔門＠每程$281小時15分鐘左右便到一坐低 就有熱水洗碗碟環境幾好 又有冷氣自家生意就是服務好有好多粒墨魚丸粒粒都好足料但個汁冇咩味夠哂凍keep到好耐奶味多過茶味所以好滑炒飯炒得夠乾身和有獲氣食落冇油啖啖都有海膽 好足料好大碟好新鮮豆腐花太硬1d都唔滑本身冇咩豆味要加薑汁糖水和黃糖咸檸茶一飲有陣苦味好似飲緊涼茶咁

行完塔門都4点幾找野食。好像得新有記開~海膽炒飯，好新鮮，好乾身，完全不油，海膽很鮮味 見一些遊客都買墨魚丸拿走。可以買回屋企火鍋這個炸墨魚丸都ok啦，無咩特別，反而支奶茶真是幾好飲，茶味香，奶不會太多。又不甜，突出奶茶香味，比例一流~~28蚊支絕對值得~ 螺肉很新鮮~(≧∇≦)店員還教我們將一隻螺肉拷去第2隻螺肉度，螺肉就比較易整出黎

天清氣朗到塔門郊遊，見每間食市都寫有海膽炒飯，行完涯邊，見呢間光猛整潔，決定到訪因早上11：00關係，好似包塲咁噗二人世界1. 海膽炒飯$80 - 夠大碟，飯夠乾身，好香，不過少腥味，用料足，不坊一試2. 蝦醬炒通菜$40 - 超夠鑊氣，蝦醬味濃，大大碟，辣椒絲亦炒得出味。正忘記影菜張相添以上假日推介

第一次黎塔門, 梗係要試下呢度o既野食啦! 由於冇做足功課就是但走左入一間...朋友叫左個蝦醬炒飯. um.... 聞到廚房煮o既時候好香蝦醬味, 但出到黎放入口就冇咩味, 仲要加豉油黎食而我就叫左海膽sandwiches! 好香海膽味!! 如果嗖多少少海膽黎炒就好喇 

朝早落船係新有記買左支無冰凍奶茶, $25支, 濃濃茶味, 好滑, 無咁甜的lipton奶茶, 好味道下午茶時間再去搵野食, 哩個時間好多人, 新惠和要等位, 海鮮個間比較少人, 而哩間都多人, 不過唔洗等位試左熱賣一, 海膽炒飯($70, 比對面個間平$10), 入口幾香, 唔油唔咸, 炒得好靚, 不是很特別熱賣二, 蝦醬通菜($30), 一樣唔油唔咸, 味道岩岩好好想試埋其他海鮮同豆腐花, 不過好飽食唔落la行左一日, 望住個海食飯, 好滿足咁走

塔門一日遊，在火車站早餐之後，從大學站出發步行出碼頭，再乘船往塔門。落船之後，經過(新有記)，見到有豆漿賣，喜愛豆漿的我，買了一支豆漿去行山。 最後，就在塔門的頂峰慢慢地品嚐，面對著海闊天空、藍天白雲，此刻的豆漿感覺特別好飲。其實豆漿帶著不太強的甜味，還有點點的豆香，雖然沒有(公和)獨特的味道，但用來解渴，絕對是勝任有餘了。

同班朋友入左塔門行山行到好熱所以食返D正野「冷靜下」揀左這間新有記試左個豆腐花同凍奶茶都幾多野食但由於太熱所以無視左d熱野凍奶茶: $20，好滑好甜豆腐花: $10，都幾好，但上個陣已經有d碎總括黎講係一個咁熱既日子食咩都係好食既

雖然新惠和的笑哈哈多一點,但一場來到,大家也有無冰奶茶,何不買來比較比較!結論是新惠和,茶味苦DD;新有記有掛杯狀,口感正宗一點,茶味似鍚蘭茶,有朕香味。兩者看茶色,新有記的,也像相一點,我喜歡新有記多一點~再買埋豆腐花$10,在船上過了大半小時才吃,仍然非常冰凍,神奇!雖然豆味不太濃,滑也不見特別滑。但小島遊,「山水」豆腐花,也吃埋,不失是完美句號。

是日塔門一日遊~行到1點幾, 當地友人就帶左我地黎呢度食野~因為係星期日, 好多本地團~! 好多人係度食緊豆腐花~所以都要等陣先有位~睇睇餐牌~5個人叫左出名既海膽炒飯,椒鹽鮮魷, 炒蜆, 蒸泥猛 同埋青菜~好快就黎左椒鹽鮮魷~!好脆, D粉唔厚, 鮮魷好厚肉~!炒蜆, 蒸泥猛都好新鮮~泥猛最後3條俾我地要左, 之後有人叫都無晒LU~海膽炒飯望落好似唔多海膽, 不過食落就好香~最後試埋豆花同無冰凍奶茶~個日都幾熱, 入面D冷氣唔係咁夠, 飲個無冰凍奶茶真係唔錯~滑~豆花要左熱既, 人地話熱既會香D~食落唔係咁滑~不過勝在自家製~走個時又買多個菠蘿冰~!呢度既菠蘿冰唔同出面用罐頭菠蘿個D~係用原隻菠蘿切開4條既~!無個D糖水無咁甜,自然D~一路行一路食, 涼晒~!=]下次再黎再試先~!

當日我去同女朋友去左塔門~~~行過lee間餐廳順到入左去~~~由於當日係平日~~~無咩人係到食~~~我地叫左碟海膽炒飯~~都炒得幾香~~~唔錯~~~(提提大家每年3至4月係海膽盛產期~~特別好~~)之後叫住碟炒蜆~~&叫住碟炒蟹~~~炒蟹略為細~~~不過唔錯~~~好香~~~~炒蜆都唔錯~~~~雖然d份量唔算大~~但午餐食都ok~~由於係平日~~所以無咩人一齊食飯~~~可以傾計慢慢食~~幾好~~~

去到塔門, 由於上次去的士多太多人, 所以選擇去到較大間的新有記, 諗住大間o的, o的服務同食物會好o的, 由於當日係公眾假期, 所以塔門超多人, 但係去到呢間就等一陣就有位, 入去之後, 真係好後悔, 但係由於同埋成班friend, 所以就忍一忍, 因為本人對此間o既環境衛生, 真係不敢恭維, 首先係檯椅超污糟, 然後原來呢間海鮮檔o的人全部都係"聾"民, 可能佢地係家庭式經營, 佢地好似唔憂做咁, 你叫佢地, 佢地可以唔應你, 唔睬你, 同唔理你, 我地幾經辛苦先叫到野食, 有幾張檯o的人, 因為叫o黎叫去到無人應, 所以就怒走左我地叫到野食都唔算好彩, 因為等左好耐都唔o黎, o黎一樣之後又要等好耐, 叫佢地跟跟, 結果又係無人睬你o的野食o既水準好一般, 我地叫左蝦醬通菜, 海膽炒飯, 炒鮮魷, 泥猛粥等, 全部都好普通, 出面都好食過佢地, 而泥猛粥, 我會選擇食南Y島入面o的魚排除今次去呢間所謂o既漁村風味檔, 除左可以親身感受到漁村風味式o既鄉下人禮貌之外, 我真係只有一肚氣o羅