新景園咖喱小廚

營業中

休息中

今日lunch去食呢排好出名嘅咖喱豬扒，真係沒有下次，好奇點解最近神到上神台。1點10分去到排隊已經有超過20人排，默默地同男朋友排咗超過一個鐘先有位，呢個時候已經諗係咪神到壽司郎咁，結果當然唔係。基本上真係唔值得排咁耐。最令人驚奇應該係佢好大碟，但質素只係正常，普通嘢，好多茶記或者冰室都做到。午市都無套餐無餐飲，人均最低消費$78，一個咖喱飯承惠$94，一杯凍飲$20，外賣盒$1。之後因為啲豬扒太大舊想攞把刀切，無刀。叫咖喱雞，無雞，話轉雞扒，豬扒飯差唔多食完先嚟。然後個碟擺明仲有半碟，好似催你想趕你走咁，坐低半個鐘都無。隔離檯叫阿華田都無。聽得出好多嘢無曬但係佢地溝通得唔好，無論係坐低嘅客或者排隊嘅都唔知，搞到勁混亂。正常茶記，我會覺得幾好，但係要我地排一個鐘食$94蚊無餐飲嘅茶記咖喱真係不了。

新景園咖喱小廚🍽 港式/茶餐廳📍 灣仔春園街20號地舖👩🏻‍🍳Idiots評分（5🌟滿分）環境：3.5🌟食物：4🌟服務：3.5🌟價錢：人均$100💰餐廳只有5/6張枱 lunchtime長期大排長龍舖頭左邊條隊係等外賣 右邊係等堂食Idiot當日12:15去到 等咗大約半個鐘入到(外賣嘅話可以預早1個鐘打電話去嗌定咖喱豬$52 但就少1塊豬扒咁～)-👩🏻‍🍳Idiots翻兜之選❤️‍🔥咖喱豬扒飯 $94單價偏貴 但份量超巨大🤩建議同人share/帶定個盒打包😂豬扒即炸切件炸衣好薄 金黃香脆 肉質厚得嚟好嫩滑🫶咖喱係偏印度咖喱嘅味道 有少少辣 非常惹味！👅仲有一嚿大薯仔 同樣好入味🤤-👩🏻‍🍳Idiots食過就算⚡️乾炒牛河 $86份量同樣驚人🤩好多牛肉片 而且非常香 唔會韌不過略嫌太油 同埋河粉偏碎～

平日放假食野特別方便，就算要排隊都唔會特別誇張，新景園咖哩豬扒飯出名大件夾抵食，味道方面更加無得彈，豎起兩隻手指公都仲得😂份量嚇到你腳都震，一碟野係兩個人嘅份量，大胃王黎到都要嗌投降🫣•1️⃣咖哩豬扒飯 - HKD:$94豬扒新鮮炸起好香口咖哩微辣帶香濃椰香味2️⃣乾炒牛河 - HKD:$86河粉唔會炒到斷曬牛肉好腍身加大量辣椒醬撈匀再食

:新景園咖喱小廚📍 灣仔春園街𝟸𝟶號地舖長期人龍排隊名店，當中未𝟷𝟸點去到都要等差唔多𝟺𝟶分鐘先有得入座，老闆娘的服務態度超級友善非常親切。順帶一提，外賣嘅價錢比較相宜($𝟻𝟹)份量就會減半，不過其實減半都好夠食，又可以提早打電話去落定單。🍛咖喱豬扒飯 $𝟿𝟺名物咖喱豬扒飯份量驚人　有兩塊大大塊嘅豬扒　細心地已經切好咗一塊塊　豬扒酥脆感覺係新鮮即炸　有肥有瘦連埋骨位嘅豬扒真係好正！咖哩汁一碗另上咁就唔驚會整淋啲豬扒　後勁偏辣　撈飯食啱哂👍🏻作為薯仔ғᴀɴs嘅我　如果有多舊就好啦～🐮 乾炒牛河 $𝟾𝟼又係好大碟　一放低就聞到好香　好有鑊氣　每一條河粉都均勻上色有光澤　條條分明唔會一疊咁痴住哂牛肉份量都好多　每一塊都係大大塊啖啖肉上次食過豉椒排骨炒河記得都好出色，但今次去到就已經賣哂，唔食牛肉嘅朋友都推介你地去試試都係咁夠鑊氣！

🍽️ Salt and Pepper Squid📝 Crispy, tender, and salty. Recommended by the auntie herself!🍽️ Curry Pork Chop Rice📝 This is a must have no matter what. Portion is huge, and the curry taste so special. Rich in herbs, spices are strong, it's just yum! Pork is tender and slightly sweet.🍽️ Sweet and Sour Pork📝 We never taste anything like this before. Pork is juicy, tender, and with caramelized crisp on the outside. It has this wok hei taste on the sauce. You should definitely try this.It comes with rice,

今日終於試到呢間咖喱豬扒飯但係因為大排長龍所以叫咗外賣，外賣同堂食嘅價錢差一半，但份量都算多一個女仔食唔晒，不過就覺得冇話吹到好正，食過一次就算，如果堂食百幾蚊仲要排成個鐘好似唔係好抵，想食都食外賣好啲

約咗個好鍾意食咖哩嘅朋友去灣仔，佢之前食過新景園個咖哩豬扒，讚不絕口！行完街就決定信佢一次去試吓，我哋8點去到，老闆話8點半關門，快d落單。朋友話我哋兩個女仔食一個咖哩豬扒飯就夠。上枱嗰一刻真係俾佢震撼到，碟飯同豬扒都超巨型，豬扒炸到金黃色，平時好少食豬扒，怕唔好食，但佢嘅豬扒好嫩好嫩，仲有大量肉汁流出嚟。咖哩汁係另上，唔會整沐塊豬扒，送飯真係一流。價錢稍為有少少貴，飲品又另計，不過佢個份量其實夠兩個人食，大家share咁都可以接受嘅。地址灣仔春園街20號地舖港鐵灣仔站B2出口，步行約3分鐘

18:15 排隊，18:30 一開門放左十幾人入去，第二輪到我入座大概19:15，還好。一直知道佢地咖喱豬出名，但一直怕排隊所以卻步，係因為同朋友一齊食所以就去一試。結果係不負所望，咖哩汁有層次，豬扒亦好鬆軟，冇用粉去拿過，我估係用左牛奶去醃豬扒。不過唯一要批評係份量太大，我眼見有好多人根本都食唔晒，女士就更加冇可能食得晒，變相其實係浪費食物。我唔知係咪因為要賣$94一碟而刻意整大碟D令到消費者覺得抵。不過有機會我都會再幫襯，但下次一定只會食一半，另一半打包走，唔會夾硬啃晒成碟頂住個肚。

話說之前一早已經見到食評高分上市的餐廳但由於係九龍人唔想特登出去食或者要避開排隊高峰期終於咁啱出去灣仔搞嘢到的時候已過兩點但竟然仲有人龍等咗一陣條隊都冇乜點變嗰一刻又肚餓望望下見到有個午餐特價外賣餐牌記得之前睇到網上評價堂食份量超大好多時都食唔曬要打包外賣份量就剛好而且價錢較優惠所以就決定買個外賣去附近公園食買完嘢飲返嚟一陣就有得攞喺我前面的人應該大家都嗌一樣的咖哩豬扒飯一次過一齊出嚟幾分鐘路程就到公園用餐熱辣辣的包裝盒用料不錯咖哩同飯是有分格的豬扒啲顏色比較深色好像油不是最新鮮的那樣不過食落口是脆的而且有肉汁厚度都不錯至於咖哩就只得個鹹字堂食的話要93蚊聽說外賣份量減半53蚊堂食每人最低消費是一份整體來說堂食較不化算座位都較迫總括試過便算

友人好鍾意食咖喱，佢食過新景園嘅咖喱豬扒飯後，話佢係咖喱豬扒飯嘅天花板💛極力推介🫶🏻晚市𝟼:𝟹𝟶先開門，閒日晚上𝟼:𝟶𝟶已經有人開始排隊⋯好彩友人一早去排隊，先可以第一輪入去食～🍛咖喱豬扒飯 $𝟿𝟺碟飯同豬扒都超巨型😆炸豬扒炸得金黃酥脆好乾身，炸漿薄薄的，超級好食呀!🤤咖喱汁另上，咖喱汁少少辣好惹味! 撈飯超正! 咖喱汁入面嘅薯仔索晒啲汁食，好入味!+$𝟷𝟶變套餐有菜有湯/汽水，即刻健康咗😬 (可以外賣炸豬扒飯的，份量少啲又平啲，豬扒得一塊，胃口唔大嘅女仔就啱啱好😆)🧆乾炒牛河 $𝟾𝟼好有鑊氣嘅乾炒牛河! 啲河粉每條分明無黐埋一齊，而且有光澤～牛肉份量都好多，仲好大塊，軟腍但又有咬口!堂食最低消費$𝟽𝟼, 食兩個飯或麵未必食得晒，不過唔緊要，眼見好幾枱人客都會外賣返食淨嘅飯/麵拎走，返屋企再食😋想食嘅朋友要有要排隊嘅心理準備呀～個人認為係值得排隊嘅😬

叫了一個飯，等了20分鐘，連埋排隊40分鐘。不計時間成本，飯的質素值40元。咖哩汁有苦澀味，豬扒還可以。綜合整個package，我不建議各位特登去食，如果剛好見到無乜人食，可以一試，但一定不會回頭。（可能大快活仲好食）飯：大量，建議二人share+個通菜食豬扒：乾身無肉汁，感覺重味精，勝在份量足夠，如果餓鬼上身絕對可以單挑一碟咖哩汁：我絕對係失望嘅，因為佢打住咖哩旗號去sell，結果連大快活都不如，有如隔夜產生的苦澀味，我只撈了3-4匙（因為碟飯太乾身，豬扒亦是）飲品：沒有套餐，單叫20元。建議忍住乾身飯去隔離7仔買支茶飲吓。

Unforgettable impression about this well-known restaurant must be their massive portion.I have never thought of trying this restaurant because of the crazy long queue. This time, seeing the queue wasn't as long as usual, I decided to give a try. Restaurant opens at 1830 while the queue starts before 1800. Greeting by the friendly staff when walking in, despite restaurant wasn't spacious, it still gave a coziness. I ordered their signature deep fried pork chop rice with curry and added a plate of

臨近中秋節，約咗朋友見面兼去試一直想食嘅新景園咖喱豬排飯 🤗 嗰日小編同朋友一去到已經見到大排長龍，但好好彩我哋趕到可以第一輪入去食 ✌🏻🍛 咖喱豬扒飯 😋😋😋😋豬扒極之大份，大過小編塊臉，仲差唔多覆蓋晒成隻碟同底下嘅飯 🍚 廚師將豬扒處理得好好，炸完入面仲係好嫩好嫩，係小編目前食過最好味嘅炸豬扒 👍🏻 咖喱汁用另一隻碗上，係有甘甜味嘅港式咖喱汁，入面見到嘅食材唔多，有一大舊薯仔🥔，咖喱汁淋落豬扒同粒粒分明嘅飯食，真係相當出眾！🤗🍽 乾炒牛河 😋😋😋😋😋由於唔夠最低消費，所以叫多一碟乾炒牛河 🤣 嗰種鍋氣不容置疑！香到呢～ 😚 牛肉又係好嫩滑，所有配菜都炒得好香，河粉炒得好開，完全唔會漿住晒！最後兩個人都係KO唔晒，拎咗返屋企做第二餐 😁🍹 凍檸檬茶 😋😋😋😋凍檸茶🍋好清爽，茶底較清，唔濃有少少茶香，可以飲到拮完之後嘅檸檬味 ☺️午餐 💵💵💵 約港幣$110/人💁🏻‍♀️ 小店設有每人最低消費$78，大部分熟客入嚟都係預咗一人一碟，食唔晒就加$1外賣拎走～ 大家要去嘅話，就要留意依點啦～ 另可以外賣自取嘅話，係會平約廿蚊㖭㗎～ 😉🙆🏻‍♀️ 最後，喜歡嘅話，歡迎follow @foodire

12點到達鋪頭，分開堂食和外賣兩條隊。堂食隊目測只有10人，所以都決定在強烈日光之下都排隊啦。不過一排就排左35分鐘。不過還欣賞老闆和老闆娘的態度，如此忙碌的情況下都保持禮貌。希望他兩位老人家會保持健康啦，多點笑容開心d就更好啦。堂食低銷是$70不過，咖哩豬扒飯已經$94，所以唔洗擔心。 排左咁耐先叫一杯凍奶茶（散叫的） 不過茶味夠，都覺得可以！等待10分鐘左右，豬扒飯到了，兩塊豬扒份量很大。沒有食早餐的我，肚子已一早準備好。咖哩香濃，濃而不辣，豬扒juicy亦十分香脆。每一啖都十分滿意。沒有因為人多而失了質素。不過還是挑戰失敗，淨下兩小塊豬扒。心感抱歉愧對師傅的心機。題外話：豬扒飯外賣是可以要一塊豬扒。另外，大家都說乾炒牛河亦是水準之作。 下次再去不過昨日再訪 老闆娘說廚房已收 沒有牛河了（當時3點）

灣仔一間無論堂食或外賣都要長期排隊嘅餐廳😂豬扒有薄炸過，切件上，少脆好香口，又夠厚肉，連外賣嘅咖喱汁都另上，唔會浸淋啲豬扒肉嘅份量又多，係一塊好大嘅豬扒（？）總之加埋真係好好味，同埋食完覺得好邪惡