新景園咖喱小廚

營業中

休息中

咖哩豬扒飯$96 轉餐+ $10 （ 油菜+ 湯/ 飲品） 好大份 豬扒厚切大塊豬件唔柴 ， 但唔juice 咖哩汁不太喜歡 較稀似東南亞 但冇椰汁味少辣 ， 香料味唔濃郁不過食完唔口乾， 值得一讚 飯太多 跟餐碟油菜 反而高質

新景園咖哩小廚是一家位於灣仔玩具街的小型咖哩餐廳，以其正宗的咖哩料理和獨特的風味而受到當地食客的喜愛。這家餐廳的招牌菜之一是咖哩豬扒飯，這道菜結合了豬肉扒和香濃的咖哩醬，口味豐富多樣，令人回味無窮。咖哩豬扒飯是新景園咖哩小廚最受歡迎的菜餚之一。這道菜由嫩嫩多汁的豬肉扒、香濃的咖哩醬和配菜組成。豬肉扒經過特殊處理，口感鮮嫩，外脆內嫩，與香濃的咖哩醬完美融合。咖哩醬的味道濃郁而香辣，充滿了特色的香料和調味料，讓整道菜餚充滿了獨特的風味。配菜則可根據個人口味進行選擇，如蔬菜、水果或沙拉等。新景園咖哩小廚以其優質的食材和獨特的烹飪技巧而聞名。他們使用新鮮的食材，精心挑選和製作每一道菜餚，確保品質和口感的最佳表現。餐廳的環境溫馨舒適，讓食客可以放鬆身心，享受美食的同時感受到家的溫暖。除了咖哩豬扒飯，新景園咖哩小廚還提供其他多種咖哩料理選擇，如咖哩雞扒飯、咖哩牛腩飯等。他們的咖哩醬口味多樣，可以根據個人喜好選擇辣度和口味。無論你是喜歡辣味還是溫和的口味，都能在這裡找到適合的菜餚。新景園咖哩小廚致力於提供優質的咖哩料理和友善的服務。他們的廚師團隊對於咖哩料理有著豐富的經驗和熱情，總是能夠為客人帶來美

同事一直對呢間灣仔名物好有興趣，次次都話好想去試，終於有一日大家一齊去試下外賣啦試完真係忍唔住要寫食評由落單外賣到拎走等左七至八個字，好誇張等左咁耐，對佢期望提升左好幾倍我係叫左咖哩豬扒飯我先試個咖喱汁，嘩！！！！好差囉，個汁杰身落咗好多芡咁，佢有種香料味，唔似人哋講嘅舊式咖喱，反而似一般好差嘅茶記差唔多味道乜原來呢個就係招牌⋯⋯失敗扣晒分好失望之後再試豬扒，尙算ok，塊吉列豬扒算大塊嘅（但又未至於大到誇張），炸得都算脆口，好易咬開，不過豬扒本身冇乜調味⋯重點來了，咖喱竟然冇薯仔/紅蘿蔔，失敗中嘅失敗真係完全唔明呢間野點解日日咁多人會排隊一個咁普通到唔普通嘅外賣收人$55，完全唔值要等咁耐，$40都俾多左，好彩食唔到堂食，堂食仲要90幾蚊，痴痴地《總結》呢間野伏到喊⋯⋯我覺得大記都好食過佢

灣仔新景園，真係名不虛傳！每次經過都人頭湧湧，記得之前應該上過社交平台，好多大陸人幫襯，真係食都食唔到！最近可能熱潮過了，終於有機會排到隊食！以前食過好多次，隔咗一段時間冇食，水準依舊！正！嚟到新景園，永遠都唔會有選擇困難，你必定係食佢嘅咖喱豬扒飯！食完呢一餐，夜晚你都唔使食飯！豬扒外面有薄薄的脆漿，外面鬆脆，裏面保留豬扒肉味和肉質，淨係個豬扒都一百分！咖喱方面，就係有南洋咖喱嘅味道，有別於一般香港茶餐廳嘅港式咖喱，配埋豬扒真係一絕！如果連咖喱上面嘅薯仔都可以入味啲嘅話，就120分！不過我已經好滿足！所以佢永遠都係豬扒第一！

知道呢間店嘅豬扒出哂名，但未食過。今次為咗食佢哋嘅咖喱豬扒飯， 我排隊等候大概45分鐘才入到店。我問過店員繁忙時間只得咖喱豬扒版、乾炒牛河兩款食物供應。 我要咗個咖喱豬扒飯，個飯大碟得有㸃誇張，飯和 豬扒都是正常份量嘅 double。 但價錢其實都是正常嘅 double ($96）。 所以千祈唔好覺得好抵食。豬扒炸得酥脆，夠味，夠淋，唔韌， 港式炸豬扒來講做得算出色 ° 難怪每日咁多人排隊等候來食。 咖喱汁都是港式咖喱，但汁煮得較稀，偏辣， 唔夠香。 我要咗兩匙撈飯就算。 我睇見其他客人叫嘅乾炒牛河， 炒得相當唔錯， 下次搵日再來試試。 因為佢哋碟飯實在太大碟， 我又唔習慣浪費食物， 食晒成碟飯， 飽足一日。

新景園嘅咖哩豬扒飯好出名係一件事，但係點樣可以食到佢又係另一件事，因為實在太多人排隊喇，特別係依家連遊客都會識搵到呢度。所以午餐食新景園，買外賣飯盒係一個好選擇，價錢仲要平過堂食差唔多一半添。今次買咗咖哩豬扒同咖哩牛肉飯，佢嘅咖哩香料味比較濃又有少少辣，豬扒炸得好香，配埋啲飯三扒兩撥就食曬。至於啲牛肉就好大塊份量亦好多，肉質唔算軟淋但未至於咬唔開啦😅！等飯盒嗰陣原來有好多人一早打電話訂飯盒講定幾點攞，計落隨時仲多個排隊嘅人。另外都幾多人叫蕃茄豬扒飯喎，下次都要試下先。

係附近返工，平日要食新景園真係好難，因為真係好多人排隊食🥹因為早兩日遲收工終於可以一嚐新景園😋🍛咖喱雞飯自己對咖喱無特別熱衷，但既然咁出名就試試佢🤣 咖喱味係港式咖喱，有少少椰香無好似其他茶記咁重椰味。另外辣就覺得有啲啲辣（可能本人唔係好食得辣）😂 覺得可以一試！🍲辣蝦茄子煲呢個小菜先係重點！個煲既醬汁用咗金華火腿加瑤柱整，令到茄子好入味之餘仲無太林！成個口感好好😍另外蝦都係唔差，唔係梅口既蝦。啲汁真係好好食，送飯好正呀。個人覺得好食過好多茶記同大排檔嘅小茶。呢個小茶跟餐包一碟菜（係一整碟，份量夠唔係揸流攤）同一個老火湯或者飲品。成個餐只係$102！個人覺得性價比高！值得一試😋唯一有啲美中不足就係老火湯好重味精🙈 可以的話叫野飲算了

2:15午餐時間，托同事叫了新景園咖喱豬扒飯$55，外賣回來盒飯打開了小小，可能豬扒太大塊，聞到啲汁都已經好香，吃落豬排肉質鮮美鬆化，我覺得豬扒係juicy架，咖喱汁又香口而不辣，每啖飯都連汁撈，非常惹味。

雖然排左一陣隊，但係終於試到了！本身對咖哩豬扒哩類食物認真麻麻地興趣，但係都好彩自己試左一次，首先份量大，雖然每人最低消費金額都唔低，如果唔係正常胃口都可能食唔曬，豬排肉質鮮美多汁，一啲都唔乾或者鞋，就咁食豬扒都覺得好好味。下次試埋乾炒牛河！

聽咗好耐呢間好多人話佢咖喱豬扒飯好好食，今日特登過海試下先，咖喱唔得唔算辣仲有點苦，薯仔唔夠淋，豬扒份量足但有點乾，唔明點解仲有咁多人排隊，價錢又唔平，又要等成半個鐘，唔值得，大角咀星州總廚咖喱同豬趴扒好食過佢好多

I’ve heard there have been complaints from customers about long wait times only to find out that some dishes are sold out. While it’s unfortunate that the restaurant runs out of materials, I believe they should try to inform people in line as soon as possible. However, I don’t agree with claims that the staff is rude or has an attitude. Sun King Yuen Curry Restaurant is a must-visit for anyone craving delicious curry in Hong Kong. The line outside is always long, but it’s worth the wait for a di

相信見到灣仔同咖喱都應該估到我要講新景園😎！好耐無黎過堂食，同同事lunch去排隊，前面大約有10幾人，但一場黎到梗係食埋先返去😛。但等等下都等左大半個鐘…天氣再熱啲既話真係搞唔掂🥵😂堂食坐位唔算好多，唔好預坐得好舒服😂，但我同同事2個，再加1個人搭枱坐4人仔枱，唔似茶記會湊齊4個人坐🤓。同埋店員好貼心俾張櫈我地擺袋💕🔅咖喱豬扒飯 ($96)佢既咖喱同豬扒都好出色，真係久唔久都想食一次🧡。豬扒炸到啱啱好，肉質鬆軟～咖喱少辣🌶但好香，唔重椰味啱我😋，雖然望落偏稀但撈飯一流見人可以叫無咁辣，咖喱望落濃稠啲，似外賣咖喱既texture(外賣平一半不過真係差好遠😂)🔅咖喱雞扒飯 ($96)第一次試佢既雞扒飯，份量同豬扒一樣都係巨扒😂，炸得幾脆，都算嫩，不過無咩調味😂🔅凍檸茶 ($21)無跟餐價，雖然貴少少，但食咖哩太重口味都係想飲杯野，同埋個0T都唔hea既🥤😌💬呢間份量係超多，又限左每人最低消費($80)，建議女士們可以叫少個飯，每人加野飲😂，或者準備定打包🥡😼

住咗喺灣仔十幾年，差不多每日都經過春園街，但從來都冇諗過要去呢間舖頭食嘢。近期見好多人喺呢間舖頭未開門就開始排隊，令我覺得自己係咪走咗寶呢？聽人講呢度有兩個招牌菜，一個係乾炒牛河，另一個係咖喱豬扒飯，於是就同朋友去試，叫咗呢兩個所謂嘅招牌菜，結果係失望嘅。首先，中午食飯時間上菜上得非常非常之慢。乾炒牛河十分多油，上色唔錯，但可以用唔夠味去形容。河粉炒唔開。牛肉係算多同大片嘅，但味道過咸，整體絕對唔屬於好食。咖喱豬扒飯嘅份量非常之大，豬扒厚度適中，炸得好Juicy，屬於做得好。咖喱並非馬來亞咖喱或傳統港式咖喱，味道唔錯但並非我口味。其實最大問題係份量過大，眼見絕大部份客人都冇辦法食得完。其實一個咖喱飯要$98屬於唔平，點解唔將份量改細啲收平啲呢？再加上呢間舖頭嘅每人最低消費係$80，冇可能兩個人叫一碟咖喱飯食。我覺得呢間舖頭做生意嘅理念有問題…..冇諗過再幫襯佢。

據聞這店的招牌菜是咖哩豬扒飯，乾炒牛河和星州炒米，於是一行3人去光顧這店。這天下午1時35分到達，發現已有十多人在外排隊等候，大熱天時，排隊地方又唔多通風，仲要旁邊有個建築地盤，真係汗流浹背，頗為辛苦！等了約1小時，正當就快可以入座的時候，店員出來替客人落單，但竟然說米粉和河粉已沽清，因此乾牛河和星州米已暫停，建議可以叫咖哩豬扒飯。此刻真係怒火沖天，唔好玩啦！一心諗住人多可以試唔同菜式，唔通要我哋3個人叫3碟豬扒飯！這店的豬扒飯賣成舊水，非常大碟，絕對唔係一個正常人的份量，除非你將食剩的打包，否則便成為廚剩，非常浪費！3個人叫2碟又唔夠數，因為人均最低消費為$80，但店員都懶得理你，繼續為後面排隊客人落單。其實這店的營運好有問題，如果廚房發覺物資快將耗盡而要暫停菜單上某些項目，尤其是招牌菜，是否應該早些通知在排隊中的顧客，讓他們選擇繼續排隊或離開，而不是到最後一秒先通知，還說“這也沒有辦法，廚房真係冇貨”！甚麽是待客之道？根本沒有尊重和顧及門外排隊已久顧客的感受，大熱天時人地响出面排咗起碼成粒鐘先知冇得食！其實這店附近有不少賣粉麵專門店，要短時間內去補貨又有多困難！況且這店仲會經營晚市

終於到呢一間喺灣仔區嘅名物，當日去嘅時候下午非常熱，不過都冇阻到好多粉絲去排隊，咁啱嗰日我哋去開灣仔做野，所以就決定試吓呢一間我從來都冇試過嘅餐廳，餐廳主打咖喱豬扒飯！今日就試吓佢！✔️咖喱豬扒飯，咖喱底非常好食，而且加埋煎豬扒，送飯簡直就係100分！豬扒嘅味道醃製得非常好食，難怪咁多捧場客！咖喱送飯又係好好食，成功組合嘅配搭，我都覺得冇得輸！可惜價格有少少貴同埋整體嘅座位唔係真係咁好坐，下次會考慮外賣返屋企食！