新明苑宴會廳 (已結業)

一班人飲茶，先去商場睇下泊車優惠，再去攞位，唔使等位即入，大堂好靚！樓底雖然唔高，唔嘈雜！落單點心即叫即蒸！蜜椒雞中翼（$36）皮脆肉嫩，皮上仲有蜜糖拔絲，好味！香煎鍋貼餃（大）皮煎得脆，餡料唔乾！好味！脆網蘿蔔絲腸（中）腸粉皮入面有脆網，蘿蔔餡滑，但加豉油之後太鹹！因為啲餡都索豉油金蒜娃娃菜（大）娃娃菜爽口蒜香去骨九肚魚（$39）炸漿薄，魚肉嫩滑，好味！晶瑩蝦餃皇（特）皮半透明煙韌，蝦肉爽口，荀爽口！好味豉汁蒸鳳爪（中）無食潮州蒸粉粿（小）餡料多足料，但啲皮唔煙韌！一般春蛋釀燒賣（精）幾特別，春蛋彈牙，豬肉有肉汁！好味！蟹籽燒賣皇（精）豬肉有肉汁，但面頭嘅蝦肉比梳打嗱過，完全無質感，好削！差椰香蛋散（大）蛋散鬆脆，椰香芝麻味道似糖蔥餅，甜膩鬆脆燒腩仔：等到頸長先到，不過好失望，皮唔脆，肉太肥！味道太鹹，除了芥辣夠味之外，唔好味！本來食得幾開心，點知衰收尾，加單叫咗個燒腩仔，等咗20分鐘都未到，問落單女公關A，佢話叫咗男店員落單，問嗰個男店員，佢即刻話斬緊就行咗去（唔係行去燒味部），等多5分鐘唔對路，再問另一個姨姨女店員，佢行去查單，發現根本無落單，大家即刻好慶，追問第一個落單嗰個公關

今日去粉嶺探朋友個BB, 朋友話屋企樓下有間酒樓好好食同好抵食.望望餐牌, 見到好多好抵食既套餐, 不過我地幾丁友食唔到咁多野, 我諗呢個餐可以足夠5,6個人食都可以, 每人唔使100蚊就可以食到好似去飲宴既套餐, 可借我地得3個人....哈哈...為有下次叫多D人黎一齊食....不過好彩仲有呢個抵食優惠, 可以3選一.哈哈...我地叫左兩食既片皮鴨, 只要$88, 之後加$30就可以有個涼瓜炒鴨, 嘩......堅大隻, 係你面前片, 新鮮熱辣, 超正 而呢個鼓椒涼瓜炒既鸭更有鑊氣. 讚再來一個芝士大蝦伊麵, D蝦勁爽口彈牙, 芝士味都夠香, 一個字正....其實食完個2食既片皮鸭都已經飽飽, 因為D分量都好多.....如果經開呢邊一定會再來.

今晚我們去咗粉嶺逸峯廣場嘅「新明苑宴會廳」食晚飯！點菜嗰陣店員話他們推出咗惠顧晚飯每位人客都會送半隻紅燒乳鴿，乳鴿嘅外皮好香脆，肉質相當嫩滑，肉汁亦都幾多！另外我們叫咗八寶冬瓜盅嘅湯底味道好清甜，材料亦相當豐富！魚香茄子煲嘅茄子火候控制得啱啱好，唔會好腍身！蜜桃沙拉骨嘅肉質好鬆化，沾滿酸酸嘅沙拉醬，味道好惹味！椒絲腐乳通菜嘅通菜好青嫩爽脆，腐乳汁嘅味道唔會過鹹！避風塘炒肉蟹炒得好乾身，蟹肉嘅肉質好鮮甜嫩滑！雲耳勝瓜炒蝦球嘅雲耳好爽脆嫩滑，勝瓜嘅味道好清甜，蝦肉嘅肉質好爽甜彈牙，唔會好油膩，感覺好清新！四川剁椒蒸魚雲嘅魚雲肉質超新鮮嫩滑，加上新鮮辣椒令到魚雲嘅鮮味更加提升！

今晚我們去咗粉嶺逸峯廣場嘅「新明苑宴會廳」食晚飯！我們叫咗鷄燉翅、清蒸青斑、四川剁椒蒸魚雲、秘製冰梅醬燒骨、脆皮燒鷄、魚湯野菌浸菜苗同孖寶：薑蔥焗肉蟹拼脆皮燒鵝皇「例」！鷄燉翅嘅湯料相當豐富，湯底嘅味道好清甜香濃！清蒸青斑蒸嘅時間恰到好處，所以肉質非常嫩滑！四川剁椒蒸魚雲嘅賣相色澤好鮮艷吸引，肉質極之新鮮嫩滑，味道非常鮮甜！秘製冰梅醬燒骨嘅肉質超香滑鬆軟，配埋酸甜醒胃嘅冰梅醬汁一齊食，真係好滋味！脆皮燒鷄嘅皮燒得相當香脆，肉質非常嫩滑！魚湯野菌浸菜苗嘅魚湯味道好鮮味，菜苗好幼嫩同無根！孖寶：薑蔥焗肉蟹嘅肉質好鮮甜彈牙，芡汁嘅味道唔會好鹹！脆皮燒鵝皇「例」嘅肉質好鬆軟嫩滑，肉汁亦相當多！

今晚我們去咗粉嶺逸峯廣場新開張嘅「新明苑宴會廳」食晚飯！我們叫咗鷄燉翅、晚爐燒鵝皇「例牌」、秘製冰梅醬燒骨、拍蒜炒芥蘭同四川剁椒蒸魚雲！鷄燉翅嘅湯底味道好清甜香濃，湯料非常豐富！晚爐燒鵝皇「例牌」燒得非常皮脆肉嫩，而且肉汁相當多！秘製冰梅醬燒骨嘅肉質極之嫩滑鬆軟，秘製嘅冰梅醬汁味道酸酸甜甜，非常惹味！拍蒜炒芥蘭嘅芥蘭好幼嫩爽脆同無根！四川剁椒蒸魚雲係新鮮即叫即劏，所以肉質超級鮮甜嫩滑！係本人嘅必食推介！