新明苑宴會廳 (已結業)

由於進入時間為下午2時，時間比較晏所以唔洗等位。好快有人招呼送上茶水，有兩壺茶，一壺鐵觀音，另一壺為保利。今次4人總共食左8款點心，雞飯及乳鴒2隻。點心包括︰-雷沙湯丸皮好厚但餡好多。-波羅叉燒包好好食，不過皮好脆餡較少。-乳鴒好好食，好有肉味。-菜苗餃好大粒及好足料。-長春卷好長好脆口。-蘿蔔糕，叉燒腸，馬拉糕，燒賣，不過不失。整體來講，大部份食品正常及沒有特別，波羅叉燒包及乳鴒比較好食。總價400多元，價錢合理差不多。

今日在粉嶺新明苑外賣部買切雞飯，D廚具、地下好污糟，D師傅洗緊一D野，我比張外賣單佢，佢手都冇洗，手仲濕嘅，就咁攞雞去切，我買左之後都唔敢食。D師傅態度仲好差，十問九唔應。

同屋企人飲茶，就翻長輩就係依間酒樓到飲茶。下列既野食千祈唔好叫1 蝦餃蝦餃唔知佢蒸左幾耐，蒸到啲皮脹晒，隻蝦餃又出晒水，一夾就穿。2 春卷得個長字，懶係有特色咁，但係就凍既，煎炸野最怕就凍冰冰3 鹹薄撐啲料就同平時有啲唔同，而且又比較厚身，同樣地都係凍既4 燒鴨其實都唔係太差既，不過又係凍既，佢唔係凍到king油，但係就d肉唔熱囉唔知係咪我太高要求，不過要D野熱辣辣上台都唔係太過分吧。 d野全部大大碟，好飽肚

聽同區朋友話，呢間酒樓點心唔錯，閒日無咁多人就去試食一下：14:25去到門口，下午茶既客已經大部份入座，唔需要等叫號👍大中小點一律$17.8，另備優惠點心，最平$10.8 (有紙睇，真係有得✔️架😆) 黑椒金錢肚 ($18.8) ，入味/軟軔適中/件數多，少量細豆卜墊底。超抵食，推介😁👍排骨蒸陳村粉 ($24) ，用中size蒸籠，幾大碟，陳村粉Q彈，排骨軟淋入味，好幾舊都係肋骨位，唔係俾雜骨😋鮮蝦菜苗餃 ($10.8)，大粒，多菜，裡面有兩三隻細蝦肉，味道合格，抵食😊咸水角 ($10.8) ，剛炸起，辣咀，餡料豐富，重五香粉味，外皮稍甜牛肉腸粉 ($10.8)其他點心夠熱，味道、賣相正常環境正常酒家，坐得舒服唔迫，唔太多掟碗碟聲，係隔離大枱有少少嘈😅兩個人埋單$154，食到攬住個肚走，仲可以去樓下戲院睇電影，無乜人😄👍

好懷念聯和墟舊街市，昔日舊新界的社會風貌，老街坊的生活點滴，那份濃濃的街坊情懷…..同一地點，今日已建成高聳的住宅大廈，舊街市依然在旁，相映新建的大廈，她予人一種點孤單和退色的感覺…..大廈的商場內有一酒家，她的名字是 ，其實已光顧好幾次了，今天，同樣是和家人來飲茶, 但感覺卻跟平日不大一樣，或許是人長大了，又或許是今天有點煽情。頗喜歡這酒家的點心，一來碟頭夠，二來買相可以，用料充足，味道不錯；環境舒適，服務水平要求不要太高，她自然有自己的市場佔有率。和同區的酒家相比，我覺得她們各有特色，在商言商，除了食物質素，環境寬敞，價格吸引外，殷勤的服務態度，泊車優惠等是少不了的現代都市節奏。要怎樣才留住長期客戶? 說實話，我不知道，反正今天的感覺是聯和墟舊街市，點心和 茶樓也是副產品，寄望他日這酒家也可以建立新一代的街坊情懷。

今日同爸爸飲茶, 佢住喺聯和墟, 新明苑可以話係必然之選, 樓底光猛, 位置寬敞, 泊車方便. 這間酒樓的茶葉亦非常好飲。 最推介各位首選蝦餃， 蝦餃偏大粒，比一般酒樓都要大，記得蝦餃要放下來兩分鐘後才可吃， 等他的皮先乾了少許， 夾起上嚟份外煙韌， 鮮蝦大粒及脆口， 味道恰到好處。 另外推介燒賣， 豬肉撈得非常入味， 配合潮州辣椒油， 帶出廣東飲茶的精髓， 藥膳雞腳炆得非常軟淋， xo醬煎腸粉香味十足，辣味撲口而入， 牛肉腸粉， 腸皮略嫌厚身，但非常軟滑， 蒸蘿蔔糕味道偏淡，口感偏削， 就算落了豉油，裏面是點不到味道的。 服務質素亦很好，姐姐會主動過嚟清理吉碟，整體感覺非常良好。

今晚同屋企人提早慶祝父親節，第一次黎呢度食😋叫咗$498晚飯精選套餐，芝士大蝦球伊麵，好多芝士🤤燒味拼盤既燒腩仔超脆口，好好味👍🏻翡翠蝦仁花姿片，紅燒竹笙冬瑤柱翅都好好味😋清蒸龍躉仔都幾大條😎我叫埋避風塘大肉蟹🤤估唔到碟碟都好大碟👍🏻份量十足😋仲有職員姐姐好好服務態度👍🏻最好經理仲送糖水比我哋☺️不過如果糖水甜返少少會更加好味😋不過整體都好滿意😋值得推介大家食👍🏻

普通酒樓一間，到這裡飲茶，不會以為吃到人間美食吧！不過呢間酒樓夠大間，坐位闊落，枱與枱之間有足夠的距離，疫情之下，食得放心，坐得舒服；另外，可能位置少少偏僻，所以星期六下午茶時間都輕易有位，不用等，但如果平日下午茶嚟到，都有d人，要等吓位。服務方便，呢度侍應偏少，所以有時真係要搵一陣先有人應你。食物質素，中中等等，一般酒樓食物，唔難食，但煎炸類點心，算幾好，食落口唔會覺得滿口油，仲幾脆口；下午茶嘅油鹽水雞腳都好抵食，$33有6，7隻，而且都入味，又夠爽彈，喜歡食雞腳嘅必然之選。

今日難得唔使返工, 我同家人都好鍾意飲茶 , 基本上粉嶺上水嘅茶樓都去過不少 , 今日就去咗喺聯和墟嘅新明苑酒家, 佢個位置係喺商場裏面, 下午茶等位嘅人唔係太多, 基本上等一陣已經有位, 下午茶佢都有好多優惠點心, 我哋嗌咗一碟排骨, 估唔到份量都唔少, 排骨醃得非常入味, 豬肉同瘦肉嘅比例都好好, 爸爸成日都話媽咪喺屋企做唔到呢個水準, 咁喺茶樓食的確有另一番滋味…哈哈！ 另外我哋嗌咗個擂沙湯圓 , 味道唔會太甜啱, 老人家食。 藥膳雞腳同埋粉果嘅表現都唔差…會再同佢地食。

熟客可以打尖唔使排隊，明明向我後面到，可以安排入坐在先。疫情之下，唔搭枱係人之常情，成個大廳都係枱，都要安排一個黑媽媽，頂腳頂背脊比我。要求換枱，唔比，咩理由？根本就坐唔滿！即走，完全垃圾級服務，唔係熟客唔好幫襯！

一行6人到此晚飯食到一肚氣叫半席6位套餐有$9xx $10xx $12xx三種咁諗住食好啲叫個$12xx菜單上面乳豬拼盤變咗燒味拼盤(問經理，話冇乳豬減返$25)清蒸龍躉變咗青斑(諗住就算龍躉都係果啲沙巴躉仔唔差好遠廢事問)吉品鮑螺片北菰菜胆冇咗吉品鮑(又問經理，佢話呢隻螺片個牌子叫吉品鮑喎！😂)糯米飯變咗楊州炒飯(再問經理，糯米飯冬天先有喎！ 😑)最後嚟埋個甜品百年紅豆沙(完全冇味又唔甜飲滾水一樣)今晚食到一肚氣所以相都冇影下次想再幫襯都好很難！😡😡😡

一個人都愛食點心，平日價錢又會比假期便宜，平日的下午茶，不用等位。星期一至五，下午茶大、中，小點一律＄１５．８，另有一張特價紙，再便宜一點。點了鐵觀音，水滾茶靚我點了蒸牛肚$12.8牛肚夠淋，醬汁味道好，豆卜就較硬。燒賣＄18.8大大粒，餡料有蝦有豬肉，肥豬肉不多，燒賣面有蟹子，鮮味。蝦餃$26.8蒸起皮有點發脹，餡料蝦爽實在，沒有筍，鮮甜，皮就扣點分。茶錢＄８，埋單＄7X，今次叫既點心，唔係大中小一律價錢，所以又唔算好平，食物合格。

今天來粉嶺走走, 中午便在商場找了新明苑醫肚, 記得對上一次已是在粉嶺火車站商場的舊址了！裝修蠻好, 光猛寬躺, 走了一朝, 真的要坐下來休息一下. 點了幾個點心, 再叫了一個碟頭飯. 喜出望外的竟是這碟豉椒炆牛腩飯, 牛腩蠻腍, 有幾件較腍的牛根, 加上個汁, 幾可口味美的, 一點也不比茶餐廳差, 連小朋友也要添飯！其他點心也不過不失. 後來要了個外賣盒, 等了很久也沒人理會. 1點多離場時, 外面已排了隊, 應該是喝下午茶的, 介格會比較優惠呢！

難得一家人食飯 當然揀返近近地自己屋企附近❤️之前有去過新明苑酒樓飲早茶❤️❤️我覺得早茶嘅點心好吸引好好食於是今晚就同屋企人試吓食晚飯啦👍🏻👍🏻👍🏻一早已經book咗位我哋八個人 分開兩枱食 4人一張叫咗京都骨 兩隻乳鴿 龍蝦伊麵 清蒸魚炒白菜仔啲餸嚟到都唔係話好熱 暖暖地咁🥲🥲🥲我就覺得京都骨會比較好食 酸酸甜甜好開胃但係都係唔夠熱 唔似啱啱整出嚟凍蝦伊麵嘅份量都唔係話太多 每人夾到半碗左右🥲🥲🥲條清蒸魚$88好平 所以我哋叫咗兩條總括嚟講我只會選擇飲早茶 唔會再嚟食晚飯

假日最開心就係可以同屋企人去飲茶，就去左屋企附近既新明苑，因為都幾大間幾光猛，坐得舒服好緊要！講下食咩先，首先叫左碟燒腩仔，都幾好食，皮脆之餘Ｄ肉又唔太鹹，都幾多件，所以次次黎都叫！另外我地仲叫左春卷，係細長型果隻，都幾香脆，口感唔錯！然後要介紹下呢碟牛肉腸粉，幾滑幾新鮮，要知道我係其他茶樓食過Ｄ唔新鮮既腸粉，所以呢碟加晒分！仲有呢碟咸水角，都幾大件幾脆，入面Ｄ料夠份量！輪到呢籠蝦鮫，都算新鮮，粒粒晶瑩剔透，不過大粒Ｄ就仲好！至於盅北菇雞飯就有少少失望，因為Ｄ飯有Ｄ硬！好在Ｄ燒賣都唔錯，大大粒又新鮮，總括黎講都唔錯！