新明苑宴會廳 (已結業)

行完山要醫肚，是但入新明苑酒樓飲下午茶，大中小點$18.8，但藥膳雞腳及蝦餃就正價$30，跟其他大集團酒家價錢差不多，但新明茗嘅藥膳鷄腳好入味，湯頭夠濃我一整碗飲晒😋👍🏻，蝦餃都好正蝦皮好得👍🏻👍🏻其他碧綠帶子腸粉，紅油抽行手也不錯，下次有機會都再來😁

又到左週末早茶時間，今朝去左粉嶺『新明苑』飮茶，四個人食八個點心，埋單170有找，星期日飲茶黎講真係好抵！有個必食推介介紹俾大家，就係「花雕藥材浸雞腳」一上枱巳經傳出勁大陣藥膳味，感覺好補身😂雞腳啲膠質煲曬出黎，食落好黏口，仲伴隨住一啲常見嘅藥材：玉竹、黨參⋯唔會食黎食去都係雞腳咁悶。不過就唔建議飲埋啲湯汁喇～另外「鮮蝦腐皮卷」都唔錯，外皮脆口，入面包住鮮味蝦肉👍🏼👍🏼唔怕熱氣不妨一試～上述呢兩樣食物都係特價點心紙上的，想食嘅話，記得要係9點半前落單先有早茶優惠架😉

最近迷上了蛋散，本打算到往常光顧的茶樓吃它，卻萬萬想不到該茶樓正在裝修😱，真是晴天霹靂😵，唯有到處找尋蛋散。-原來要找有蛋散吃的茶樓是那麼的困難，最後只找到這家店。蛋散 — 這家的蛋散頗特別，選擇以煉奶代替蜜糖，面頭會灑上椰絲🥥，味道偏向像糖蔥餅。-蛋散質感不夠鬆化🤨。-本人認為最美味的蛋散是不用太多點綴，簡單就是好味道。•回頭指數：0/10 （與我心目中最美味的蛋散仍有一段距離）-

星期日同奶奶去飲午茶，新明苑都算保持到水準，唔會話味道時好時壞，星期日11-12點都唔駛等太耐就有位，飲茶一定會叫蝦餃，燒賣，腸粉......蘿蔔千絲酥，酥皮好鬆脆，入面係已刨好既蘿蔔絲，咬落去會有絲絲口感香滑淨腸粉，厚薄岩岩好，好滑，點埋麻醬，甜醬一流南瓜咸薄餅：入面有蔥，南瓜絲，南瓜味道不大，煎得剛剛好，冇燶，薄餅厚薄岩岩好，食落口感唔會粉椒鹽脆包仔豆腐，岩岩炸起，食落好香脆，唔油，連埋椒鹽食，好惹味晶瑩蝦餃皇，晶瑩剔透，皮原薄岩岩好，口感煙煙韌靭，蝦仁爽口彈牙家鄉炒米粉，有火腿絲，紅蘿蔔絲，西芹，炒到好乾爽蟹籽燒賣皇，大大粒，肉質鮮美七彩麥片糕，望落去色彩繽紛，入面係紅棗糕，好香紅棗味，煙煙韌韌，唔太甜，大人小朋友忍唔住食多幾粒京式小籠包，賣相唔好睇，皮薄，皮冇爛，包住好多好多汁，肉質鮮美

去港x酒樓太多人要等, 於是揀左呢間唔洗等位食晚餐, 食物質素都算ok, 小菜味道幾香口, 但職員態度真係好一般首先我地唔想坐近住個廚房, 叫侍應可唔可以換第二枱,得到既回應係「我唔得閒, 你搵第個人啦！」好~~~咁我地自己搵人幫手.....👿用餐完後, 問下張receipt細項, 個待應又態度唔耐煩咁hea答, 我費時駁番佢...其實去過呢間用膳幾次, 之前都ok ge, 係呢次既印象認真馬馬態度真係有待改善...難怪唔洗等位🙄

由於較早前撞見返一個好多年無見嘅好朋友，而且差唔多到佢嘅生日，所以佢就約咗我們去粉嶺逸峯廣場嘅「新明苑宴會廳」一齊飲下午茶預祝佢嘅生日！我們叫咗鮮蝦蒸腸粉雖然厚咗啲，但質感好煙韌軟滑，蝦肉亦好彈牙！流沙煎堆仔炸得都幾香脆，而入面嘅流沙效果都幾好，味道亦好香濃！涼瓜炒排骨嘅排骨肉質好爽滑，涼瓜嘅質感相當甘香爽脆，唔會炒到過咗火而變到好腍身，而且份量十足！蠔皇叉燒包嘅包質好香滑軟熟，蜜汁嘅味道好香甜！金瑤蛋白菜粒炒飯炒得好乾身同粒粒分明，而且材料嘅份量超足料豐富！排骨陳村粉嘅陳村粉質感好煙韌彈牙，而且吸收晒排骨嘅精華同豉椒嘅惹味！晶瑩蝦餃皇嘅餃皮都幾薄身，質感好煙煙韌韌，蝦肉相當爽甜彈牙！甜酸五柳豬手嘅質感好煙煙韌韌，酸酸甜甜嘅醬汁，相當醒胃同唔會有好油膩嘅感覺！豉汁蒸鳳爪燜得好腍好入味，醬汁嘅味道好惹味，而且唔會過鹹！鮮蝦菜苗餃嘅餃皮好晶瑩薄身，可以好清楚睇到入面嘅餡料，而且好足料豐富，味道好清新！蟹籽燒賣皇嘅肉質好爽滑多汁，而且都幾大粒！山竹牛肉球嘅牛肉味好濃郁，肉質好鮮嫩多汁，食落有清香嘅芫茜香味！

今日同個好耐無見嘅好朋友相約一齊食飯，所以我們就一齊去咗粉嶺逸峯廣場嘅「新明苑宴會廳」食晚飯！喺諗緊叫咩食嘅時候，店員同我們推介咗個$568抵食晚飯精選套餐，聽咗覺得都幾抵食，所以我們就叫咗嚟食！套餐有：芝士焗大蝦球伊麵嘅蝦球好爽口彈牙，而且都幾大隻，伊麵嘅麵質亦好煙韌軟滑，芝士嘅份量雖然好多，但完全唔會有膩嘅感覺！鴻運燒味拼盤有：香甜鬆軟嘅叉燒、惹味嫩滑嘅豉油鷄、酥脆鬆化嘅燒腩仔、芳香濃郁嘅燒鵝同爽滑彈牙嘅海蜇！翡翠花姿蚌片嘅花姿片好爽口軟滑，象拔蚌片好鮮甜爽脆！紅燒竹笙四寶翅真係非常足料豐富，濃稠度亦調教得幾好，唔會過稠或過稀！清蒸龍躉仔嘅肉質非常鮮甜嫩滑，因蒸嘅時間火候控制啱啱好，唔會過咗火，而令到肉質變老！另外我們再單叫咗個避風塘炒蟹嘅肉質相當結質彈牙，乾蒜炸得好香口乾身，味道相當惹味，用嚟撈飯食真係好正呀！

居然設宴在粉嶺，真係就晒我夠晒近，搭的士轉眼就到。花了十幾分鐘車程就到達了，進場發現每位都未齊人喎，而且還有演講及頒獎部份未做，睇情況都有排未開飯呢。一大班後生師弟，我真係老喇。悶悶地，睇下傳單小冊子，原來館已係數年前進軍神州推廣跆拳道，而且還發展不錯呢。燒乳豬，比想像中質素高喎，相都影唔切已搶剩隻豬頭乍。半肥瘦不太過份，半肥膏半瘦肉，皮脆肉嫩，醃味略咸，油膩感幾重，沾上砂糖好一點。豬仔腳最正，我當然唔客氣全部沒收。皮嚥韌無肥膏，肉滑甜美。芝士大蝦球伊麵，第二道菜就出現伊麵喇！武夫體力輸出極大，怕大家肚餓先打個底啦！芝士汁水汪汪浸著脆肉瓜粒及蝦球，水災泛濫的感覺。淡如水的芡汁只留有一絲咸芝士味，伊麵浸到散筲筲腍劈劈，無牙都食到，趙都不用趙倒落肚都可以，唯有加入大量豆瓣醬求其食晒，失敗。蝦球蠻有水準，不是鹽醃啤水假爽無鮮味的明蝦，食落先爽後嚥韌，還有微量的鮮蝦味𦬕喎。翡翠炒花枝螺片，唔熱既？完全無鑊氣可言，煮好左段時間喇喎。靜態的演繹，西蘭花燴花枝螺片。凍西蘭花，全熟又脆到卜卜聲，味道不錯。暖意微弱的花枝螺片，兩者都軟腍，有海鮮味，合格。最好食竟然係彩椒，清爽甜味，爽嫩多汁。紅燒竹笙花膠

我之前黎過呢度食過冰梅骨覺得好好食令我懷念~於是就再黎一次食飯~我地叫左冰梅骨 ，片皮鴨（1鴨2食選擇茄子煮），芝士大蝦球伊麵，西蘭花帶子，冬菇鮑片鵝掌（呢個係送既）因為叫2個小菜就送一款（6選1）冰梅骨今次略為酸左少少~不過都ok西蘭花帶子好食啊~西蘭花有少少硬~芝士大蝦球伊麵就ok喇~本人唔食芝士片皮鴨個皮幾好食唔太厚~仲係蒸籠上~薄薄既皮配片皮鴨食落唔油膩~好好食而茄子炒片皮鴨好大碟~茄子好好好食~d鴨好厚肉~冬菇鮑片鵝掌~冬菇同鵝掌幾淋~易食唔硬~而且入味好正仲有糖水附送~唔太甜既糖水好正~就係椰汁西米露值得推介~記得訂位~

由於舅父話最近都無同我們一齊食飯，而我們亦要喺粉嶺做完嘢先得閒，所以我們就約咗舅父夜晚喺粉嶺逸峯廣場嘅「新明苑宴會廳」一齊食晚飯！我們叫咗脆皮燒腩仔拼蜜汁叉燒皇嘅燒腩仔頂層嘅脆皮非常脆卜卜，肉質好軟滑，而且唔會有太多嘅脂肪，所以唔會有好油膩嘅感覺，而叉燒嘅肉質相當鬆軟，蜜汁嘅味道好香甜惹味！蒜蓉炒菜芯炒得好夠鑊氣，菜芯相當青嫩無根，而且吸收晒芳香嘅蒜蓉香味！蝦仁炒蛋嘅蝦仁非常爽甜彈牙，而且超大隻，炒蛋炒相當滑溜，唔會炒到過咗火，而令到質感變「嚡」同變老，而且有好濃郁嘅蛋香味！豆腐魚雲肉片湯嘅湯底係奶白色，味道相當鮮甜香濃，而且湯料極之足料豐富！椒鹽海中蝦係新鮮游水海中蝦，所以肉質相當結實彈牙，再加埋惹味濃郁嘅椒鹽一齊炒，真係好好味呀！清蒸原條沙巴龍躉蒸嘅時間火候控制恰到好處，肉質超鮮甜嫩滑，而且好大條肥美，真係好抵食呀！

八號風球下去左呢間茶樓飲茶，因為等左10分鐘就入得去。第一次黎呢間茶樓，都幾乾淨企理！三個人一共叫左蒜茸粉絲蒸鮮魷、佛山燻蹄、脆皮bb 鴿、排骨陳村粉、家鄉咸水角、家鄉甜薄罉同咸魚肉餅飯。當中最好食係咸魚肉餅飯，唔太咸又啲飯又蒸得啱啱好，粒粒分明。蒸鮮魷都唔錯，幾爽口！不過有一條鮮魷跌左落碟，扣咗啲分！脆皮bb鴿有啲細隻，不過都幾有肉味同嫩滑。陳村粉就麻麻地，質感有啲怪！燻蹄爽口但冇咩味！咸水角同甜薄罉不過不失！最後仲加左芝士流心撻同紅豆沙做甜品，不過個撻太甜喇，冇咩芝士味

20170330(星期四)--聯和墟飲茶吃點心，用環境、價錢、食物和服務作比較，個人覺得算是新明苑和海港之爭，其他的酒樓也不用拿來相提並論了。平日和假日，我和家人最愛歎茶，新明苑算是同區我最愛到的第二位選擇，因為對我來說，跟第一位選擇相比，就只差了要多走五分鐘。平日來說，較易有位，三人以上才不用搭枱。假期也要先拿飛仔，等上約半小時。新明苑前身在粉嶺中心，去年搬遷到聯和墟樓齡較新的私人屋苑逸峯商場一樓。酒樓燈火通明，水晶吊燈光猛亮麗，新蔟蔟的裝修令食客多了一份好感。一家人享受天倫樂，飲茶吃點心是最佳選擇。此酒樓星期日點心價錢由$17.8-$33.8不等。在不同時段用餐，請參考餐牌中相關日子的價錢便可。酒樓也提供平日慳錢之選，星期一至五的早茶和特價下午茶價錢。先說早茶，不定期提供不同的特價點心。我很少在此時段用餐，所以下午茶的情況較清楚。下午茶時段是星期一至五，下午2:00入座起計，$6/茶，大、中、小點一律小點計算$12.8。識食又識慳，大點是必然之選。也會有比小點更便宜的特價點心提供。以下是我多次光顧拍下的點心照片:個人推介-話梅豬手(大)，較為特色，味道酸酸甜甜的，話梅中和了豬手的肥

20170330(星期四)--是日到新明苑下午茶吃點心，順道買了每天由三時開始外賣的貴妃雞，原隻不斬特價$39，要師傅斬要加多幾元。三時開始售賣，價錢便宜，偶見人龍排隊買雞，$39一隻雞，真的便宜得令人吃驚，對雞的質素有一定疑惑，但在新明苑的燒味部售賣，酒樓衛生程度令我也放膽試試。我買過這雞已有幾次了，味道尚可，雞肉不會霉，合格的。上次買那一隻，八成熟，有很多血水，我沒有直接食用，加熱至十成熟才吃。是次的這一隻$39沒斬，雞用紙包著和膠袋外賣帶走。是次這隻雞是多次以來購買最瘦最小的一隻，細得有點像加大碼乳鴿，雞脾瘦瘦的。雞的另一邊，雞胸尚算有肉地。自上次八成熟後，我會特別留意雞是否煮熟，是日買來自家制做砂鍋雲吞雞，配合懶人吃法，我用廚剪剪下雞腿、雞翼等，骨頭不硬，不用花太多力氣已可完成。自家制的簡單砂鍋雲吞雞，搭配上水人魚蛋粉的雲吞。本想再弄得整齊一點才拍照，家人嚷著肚餓要趕快吃，忽忙的留影。菜吸收了雞的味道，格外美味。下次再想買這隻$39貴妃雞做同樣的菜式。$39一隻貴妃雞，超值。

岩岩係新明苑食飯，簡直俾錢買難受呀等嘢食等半知個鐘冇人理Lastcall唔講就叫埋單，我話仲要加單就話冇，最後搵經理加咗，但最一共幫我加咗2次就話我，之後個經理大聲話你叫咗人落就唔好叫我落啦我即時著晒火話你d伙記話冇我先叫你加埋單時你地叫咁多嘢食呀（仲要好串）大家食佢時真係3思

lonely lonely Christmas, 毒拎聖誕節當然要陪下屋企人，以前新明苑仲係粉嶺中心嘅時候，我同班毒拎都成日去嘆下茶，但自從粉嶺中心裝修之後，就冇再去過新明苑食晏，適逢聖誕節，一行四人就去咗粉嶺嘅新明苑食晏。燒賣：賣相唔駛多講，大大粒，面頭個隻蝦晶瑩禿透。味道方面，蝦仁爽口，豬肉夠juicy，咬開後豬肉味在口腔爆發，但唔會話好油，整體上好balance，想食晒一整籠。紅油抄手：賣相一般，但係紅油嘅辣味唔會話遮掩晒餃子嘅豬肉味，好食。蝦餃：顏色雪白，證明蒸得啱啱好，但呈半透明則更佳。味道方面，蝦餃夠熱，皮薄多汁，蝦夠爽口，豬肉juicy，味道濃郁，有好重嘅海鮮味，整道點心好圓滿。叉燒包：叉燒包夠熱，包鬆軟，餡料足，叉燒味濃郁，而且叉燒汁夠杰，好味道。蜜椒雞中翼：應該係即炸，咬落脆口，蜜糖杰身，令到黑椒融入咗喺蜜糖入面，蜜糖味香甜，黑椒味唔會話太辣，兩者融為一體，甜辣味相當開胃，亦好啱小朋友食。叉燒腸：賣相一般，叉燒夠腍，唯獨是唔夠芫茜，令整道菜嘅香味大打折扣。酥炸魷魚鬚：應該係即炸，咬落相當脆口，炸粉唔算話好多，魷魚鬚鹹味適中，點上喼汁，相當惹味，極力推介鹹水角：我都估佢