新新酒樓

營業中

休息中

之前親戚請我地黎新新食懷舊菜，覺得好唔錯，今日同朋友係呢附近整d野，就諗到再去食呢度食吧。好在預先訂左位，平日7點黎到已經全場滿座。我地一行四人，唔想諗，直接叫了四人餐。$738有鮑魚有翅，相當抵食。除左四人餐，仲有其他孖寶或散叫可選擇~招牌燒鵝拼叉燒皇叉燒係瘦叉，岩哂怕肥既友人口味，燒鵝皮脆有肉汁，充滿鵝油香~露荀炒花枝蝦球蝦球大只，彈牙啖啖肉，花枝味鮮，配搭爽脆露荀，味鮮清新~濃湯灼時蔬清清地的上湯浸生菜~咕嚕黑豚肉酸酸甜甜的咕嚕肉，肉質鬆化，外皮仍然保持脆度。鹽擦南非六頭鮑魚鮑魚個頭大，彈牙肉厚，椒鹽金蒜香口惹味~濃湯雞煲翅我自己本身唔食翅，目測翅量不少~友人則話湯頭濃郁鮮甜，真材實料~雞煲翅的雞，沾上豉油吃也不錯~總括而言，套餐物超所值，難怪平日也爆場呢~今晚大滿足！

今晚7點去到，已坐滿人。之前朋友已一早訂枱，及按排懷舊餐。首先嚟個金錢雞，賣相味道可以，無乜特別。跟住嚟個雞湯，普通貨色。蝦多士不錯，夠趣口。焗魚腸味道正常。一早訂了盤龍鱔，賣相非常好，但超級難食。首先，部份蒸唔熟，第二，肉質明顯帶檸檬酸味，有落檸檬汁落去煮？仲之唔正常。最後壽包糖水正常。但埋單個人大約四百蚊，唔值。，補充，食完廿分鐘後發覺極度口喝，飲了支500ml水後仍覺得不足，還要另外再飲大量清水，很明顯味精太多。

成日喺電視就睇得多，今次就真係要黎品嚐吓。廣告都聽得多，酒樓就位於佐郭嘅美食大廈--壯士倫敦廣場11樓好易揾。酒樓環境整潔，晚飯時段剛開始已經座無虛席，疫市中有咁嘅生意，真係唔簡單。見大部份客人都點呢個鹽擦鮑魚四人餐，相信cp值都幾高，一於試試。剛剛落完單唔駛五分鐘就上咗招牌燒鵝拼叉燒皇，鵝油肥而唔膩，叉燒入口即溶。濃湯雞煲翅--濃郁嘅雞湯，份量唔少嘅魚翅，食起黎仲有黏口嘅口感，好邪惡仲有湯內嘅雞肉，精華可能已經入晒湯內，所以味道平平，但肉質也算嫩滑。主角上場鹽擦6頭鮑魚---味道有少少似椒鹽，鑊氣夠，相當入味，而口感又岩岩熟。咕嚕黑豚肉--汁唔會太多，岩岩好包住炸到香脆嘅肉粒，好開胃。露荀炒花姿蝦球---蝦球彈牙，花姿片夾口，鮮甜嘅露荀，好好味。最後就係濃湯灼時蔬--滿滿簡易清甜嘅唐生菜，鮮菌，為呢餐畫上完美句號。總括環境衛生，出菜快，員工有禮，價錢也合理，所以值得再來

今日媽咪生日選擇了一間比較傳統的中式酒家，我哋就一早訂位7:30入座，已經見到酒樓人山人海!餐牌上有各式各樣小菜，選擇都比較多，最後我哋唔想諗就點了一個鹽擦四人餐每樣都好吸引！鹽擦6頭南非鮑魚（四隻）每隻鮑魚份量不少，加了少少海鹽做調味，能夠帶出鮑魚的鮮味，煙煙韌韌，味道不錯！濃湯雞煲翅雞煲翅上枱時放在火爐滾住，熱辣辣好好飲，雞肉亦都好鮮嫩，每一啖都好清甜😋!燒鵝拼叉燒叉燒切得好薄，甜甜地又多汁，燒鵝啖啖肉配埋甜酸醬食到舔舔脷！西蘭花炒花枝蝦球炒得好惹味香口，調味適中，所有材料都好新鮮！ 咕嚕黑豚肉黑豚肉炸得脆卜卜，啖啖肉酸酸甜甜好好味😋!濃湯灼生菜膽生菜每一條都嫩嫩綠綠好新鮮，吸入上湯好好食，一條接一條😋!最後甜品食返碗熱嘅綠豆沙，呢一餐好滿足！

好耐都冇一家人到酒樓食飯，今日就決定去到位於佐敦新新酒樓食返個套餐，一上到去已經爆曬場好彩一早訂位，入座之後餐牌上有個鹽擦鮑魚餐價錢及菜式都好吸引，就點了這個套餐！鹽擦南非鮑魚鮑魚加了炸蒜粒及椒鹽，煙煙韌韌好惹味！燒鵝拼叉燒叉燒肥瘦適中，咬落多汁，燒鵝外皮香脆，肉質都好嫩😋西蘭花炒花枝蝦球師傅炒得好有鑊氣，顏色七彩繽紛，蝦球好爽脆，西蘭花沾上蝦醬一齊食，味道不錯！咕嚕黑豚肉黑豚肉炸到外脆內軟，甜酸度適中，配白飯一流😊濃湯白灼生菜膽生菜煮得好淋好入味，吸入湯底好清甜，忍唔住食多兩條👍濃湯雞煲翅雞煲翅每人大約一大碗，雞肉又香又滑，每一啖都食到魚翅，湯底好鮮甜美味，整體不錯👍

粉葛排骨眉豆湯晚飯先來碗老火靚湯，使食慾大增，充滿期待。開邊蒜蓉龍蝦服務小姐見我們對住龍蝦束手無策，主動幫我們化整為零，又奉上工具，讓我們輕鬆享用彈牙龍蝦肉。陳皮鲍魚軟硬適中，鲍魚好味汁多，值得推薦！菠蘿咕嚕肉咕嚕肉够脆口味濃，色澤可人。Very good.黑松露蝦仁炒蛋蛋配黑松露，感覺新鮮有創意，只是蝦仁味道稍淡，有改善的空間。希望下次再幫襯可以吃到更美味的鮮蝦仁。期待！這頓飯整體來說是滿意的。

惹味小炒～ 看廣告見到呢間酒樓好似幾抵食甘， 就一於嚟試吓。叫左個晚市海鮮四人餐有翅湯、鮑魚、蝦鮮魷、燒鵝叉燒、咕嚕肉及時菜 推介～ 🐚 椒鹽鮮鮑魚～ 一碟有四隻， 隻隻都大大隻。 香口惹味、煙韌彈牙。有少少🤏微辣，非常開胃醒神。 🦐 蘆筍鮮蝦鮮魷～鮮蝦晶瑩爽脆、大隻， 啖啖肉。魷魚鮮美煙靭。 蘆筍都炒得非常爽脆。 魚翅湯連半隻雞一齊上， 雞雖然拎嚟煲湯，但係雞髀位置依然嫩滑。 魚翅滿滿的， 好幸福。 仲有 上湯雙菇浸時菜， 燒鵝拼叉燒。

最喜歡吃中菜。 這家新申酒樓已經幫襯多年，非常適合一家大細去吃。 叫了一個四人餐，分量非常足夠， 三大兩小都吃不完。 濃湯雞包翅椒鹽鮮鮑魚燒味雙拼翡翠帶子菠蘿咕嚕肉上湯時菜 碟碟都分量十足埋單 $800 低食到暈。 雞包翅 魚翅嘅份量非常非常多，全部都是一梳梳的。 絕不欺塲。 一大鍋已經可以分到大概六至八碗。 燒味雙拼～ 燒鵝拼叉燒但係實在是太多， 燒鵝肉味濃， 又香口。 咕嚕肉酸酸甜甜，一家大小都很愛吃，這裏煮得外脆內軟。 👍🏻

今天早上順利完成公事, 到了十一時左右決定到佐敦附近飲茶食點心作午餐 。之後搵到在 莊士倫敦廣場11樓有一間叫新新酒家所以決定上去朝聖 因為一行二人所以比較容易攞枱 ,坐低後嗌了一壺普洱漱漱口 ,之後就開始揀選心水點心,因點心價錢大眾化所以毫不猶豫之下一口氣簡單剔了六款點心。 飲茶首選必定是蝦餃 一籠四粒,蝦餃皮晶瑩剔透而蝦嘅份量亦相當多入口彈牙配上一碟辣油 簡直是絕配, 瑤柱帶子菜苗餃 入口非常清新 ,好食煎炸的我仲叫咗一碟 香煎腐皮卷配上喼汁 ,春風得意腸 其實等於炸兩 ,油炸鬼內還釀了蝦膠 ,上枱時 油炸鬼表面還是脆卜卜的 。金沙浸魚肚亦非常入味淡淡的鹹蛋黃令人沒有任何罪惡感, 最後還叫了一點 白芍 菜心為一個均衡飲食午餐作句號。 之後我還發覺 酒樓的晚市套餐亦非常吸引,有幾乎失傳的傳統美食例如金錢雞 蝦多士等等 ,還有一些自由配搭的 套餐包括龍蝦伊麵 蒸鮑魚等 非常吸引,又有一個藉口可以約一班朋友上來大吃一餐。

慶祝爸爸生日🎂搵咗間比較傳統做得好嘅酒樓原來佢哋非常好生意 醒目嘅我梗係book枱啦😆Book咗七點 好彩有訂座 因為去到原來都滿座非常熱鬧嘅感覺最後睇完之後揀咗鹽擦鮑魚鮑魚餐啱啱好四位 同埋價錢738元 算大眾化街坊價錢一開始就嚟咗個叉燒拼燒鵝 叉燒半肥瘦非常唔錯我從來都未食過蝦多士所以就加錢試吓估唔到原來蝦多士係咁樣 多士非常脆口亦都唔油膩點左沙律醬超好食🤪呢個鮑魚超級好食好入味 唔需要點任何嘢 鮑魚好新鮮好彈牙 ～跟住就嚟蘆筍炒花枝蝦球 坦白講我最鍾意食嘅嘢就係花枝片🤪🤪 點少少蠔油真係冇得頂有四舊蝦球唔使爭～ 隻蝦非常彈牙好好味好新鮮不過我自己不嬲都唔係幾鍾意食蘆筍所以屋企人清哂後來見到職員佢攞咗個雞煲翅出嚟特登攞爐滾起佢俾我哋，非常有心思 係熱到出煙，非常足料有半隻雞 雞肉都好鮮嫩點豉油食都好好味，個湯底非常清甜有金華火腿嘅香味亦都有好多一疏疏嘅翅絕對唔孤寒 一大煲雞鍋翅大概每人飲到兩碗左右😋 超滿足我最鍾意飲湯！咕嚕肉非常好食肉質鮮嫩 彈牙菠蘿亦都非常酸甜好味 食到我哋好開胃最後就係食菜 基本上我哋已經好飽😋 如果唔係真係會另外再叫啲甜品食下先至走😂值得一題係呢度職員做嘢

今日放假就同媽咪去飲早茶，揀左間近佢孫仔返playgroup嘅酒樓等佢放學一齊飲茶‼️估唔到一間無咩華麗裝修嘅酒樓，啲點心係咁出色呢個早市孖寶好優惠皮蛋瘦肉粥唔會水汪汪的個咸味岩岩好，唔會太咸香煎蘿蔔糕蘿蔔糕煎得好金黃色，中間仲有好多蘿蔔條唔會太粉漿‼️仲有埋余均益辣椒醬瑤柱雞包仔中間嘅餡唔算好多，不過我幾鍾意當中有薑絲嘅香！酥炸雲吞一碟有4件一般酒樓都只得3件，而且完全唔油膩每件都好脆卜卜蜜汁叉燒腸粉食腸粉除左食味道之外，其實腸粉嘅質感都好重要‼️軟滑柔嫩再加埋少少Q彈就最perfect呢度嘅腸粉都做得好好食瑤柱帶子菜苗餃餡料好飽滿，水晶皮都好薄雖然瑤柱唔多，但都有瑤柱香，呢個幾有驚喜風味薑汁糕可能我哋食嘅時候洗凍左，所以無咁Q彈，不過薑汁味好香濃椰汁馬豆糕見到隔離枱叫完，賣相好吸引果然無叫錯一嚟到就已經好動L，椰汁味夠濃，馬豆粒一啲都唔吝嗇，每一啖都可以食到馬豆嘅口感

媽咪睇完某台播既廣告後就成日話要黎食番餐,今日星期日晚就帶母親大人黎開餐等佢如願以償我地一行四人訂左七點半,好彩訂左位,黎到都已經差不多九成滿好熱鬧叫左個鹽擦鮑魚餐(四人餐)加埋蝦多士四件鹽擦六頭南非鮑魚鮑魚新鮮有咬口,同埋本身已經夠味,連蠔油都唔洗點濃湯雞煲翅個湯好清,飲得出有落金華火腿煲,味道好濃,翅既份量都多,一人飲到兩碗,雞肉都嫩滑,最抵讚既係酒樓喺上枱前仲會煲滾至上枱,呢點真係超讚,媽咪都讚不絕口燒鵝拼叉燒燒鵝皮脆,叉燒半肥瘦好食,肉質彈牙露筍炒花姿蝦球媽咪同阿妹都好鍾意食花姿,挾遲一步就無喇,蝦球爽口咕嚕黑豚肉多數用得黑豚肉整既咕嚕肉都係無得輸架喇,加埋菠蘿酸酸甜甜,正濃湯浸時蔬浸既係唐生菜,條條翠綠唔會老,淡湯都好飲到飲左幾啖另外加既蝦多士$112/4件見佢賣相咁靚先叫黎試下,果然無叫錯,上面既蝦彈牙,下面多士外脆內軟,加埋沙律醬無得彈可惜已經食到好飽,唔係叫埋個甜品就完滿喇P.S. 待應同太子女,老闆娘服務都好好,感覺友善,相信好快又會再去幫襯今晚四個人食左千一蚊度

5月19日陪靚媽到佐敦個頭，，整理完啲公司文件，就選擇到呢間酒楼飲茶兼午膳，一進入此店侍應姐姐就安排座位給我們坐，及開茶和擺設茶具和餐具，全程體貼細心和有禮貌，令肥華對此店充滿好感，在柯打完今餐食物後，在菜單上發覺此店晚市供應的海鲜和小菜款色非常吸睛，所以肥華即時約定靚媽揾日來此店食餐海鮮晚宴，真係一餐未完一餐就起，開心又歡喜，點知當我和靚媽食完今早此酒楼嘅食物後，但决定取消上述嘅晚餐决定，就算日後順路都唔會再光顧此酒楼，原因是此酒楼出品實在差勁今早所點食物，除咗個炸雲吞叫做正常味道，碟义燒腸粉還可以外，其他食品包括飽類及肉類，都係有超甜嘅感覺，每樣食物嘅食材都係用糖嚟腌，全部味道都非常怪旦及難食，再加上此店天花高度問题，引致楼面部非常嘈吵，影响到食客用餐嘅情緒，所以就算有人請，肥華都唔會再到此店用膳

電視日日賣廣告我第一次去地毯好dirty唔夠冷氣唔夠侍應做嘢執完枱，放晒杯碟，走開。我自己把杯碟分一份份點心質素唔錯，熱辣辣蝦多士的蝦唔錯金錢雞薄身，易入口芒果糯米糍和榴槤糯米糍好味，夠凍，唔痴牙焗魚腸只是晚市供應，要預早一日訂

This restaurant is famous for its nostalgic dishes. This 金錢雞 is one of the kind! A layer of lard, a slice of BBQ pork sandwiched with a piece of pig liver in the middle, served with honey. A combination of fatty ingredients is always very evilly scrumptious! No wonder it is highly recommended in OpenRice!This prawn toast is very crispy!This oysters r very soft and juicy. The Peking duck is reasonably good~Comparatively this 焗魚腸is not very good as it’s a bit too dry. The Kai Lan and Fish belly co