新新酒樓

營業中

休息中

打著懷舊菜嘅名堂, 諗住試下啦, 點知食物普通之餘, 千祈唔好諗住有服務, 明蝦角應該跟沙律醬, 潮州粉果應該跟辣椒油, 炸魷魚鬚應該跟喼汁, 一律欠捧, 你唔問佢唔會攞俾你最差嘅係, 攞張單出櫃面找數, 我連埋信用咭一拼交上, 收銀姐姐係尤得你企喺度等, 都唔緊要, 到佢想同你埋數嘅時候, 一手將你個單搶埋去, 跟住張信用咭就唔知飛左去邊之餘, 仲聲大夾惡話你無俾張咭佢, 好聲好氣同佢講話同張單一齊俾佢, 佢就鬧你應該夾好先至俾佢今時今日如果仲係咁嘅服務態度點得架

我幾年無在open rice寫過評語，但由於今日太嬲，我不得不說幾句。一間食店，我當然認為食物的好味會取決於會否再次光顧外，員工或是當中飲食中的過程也會形響我再幫襯的意向。這酒樓就是我覺得他的食物是好味的，但當中的餐飲的流程，是我決定不會再幫襯。我早於2星期前訂台，而在訂時，員工提醒在來前的一天，記緊再打來確認人數，這一項我是可以理解。所以，我在之前一日有打去告知人數,當時員工是話知道的。當天，早上，他們分別打了2次電話，跟我一而再，再而三確認人數及時間。我的人數是21人,當時告知我們是2張台分別是10人及11人台。當日我們有人到達時想拿位，他們告知我們已取消了訂台。但我跟本就無取消,安排好亂。當然最後也有餐台給我，但是它給我們的是變了一大一細台。大台當時只有一張，但要坐15人,完全是迫到死,有部份人需坐圓凳。而最其怪是另一張細台，是放了另一邊，中間隔開了一圍我們不認識的客人，我已叫了部長，我有訂台的，為何這樣，完全不是連在一起的台，這不是訂台應該出現的情況。但經理的說法，是因為一直有人入來吃，所以不能留台一起坐，而現在你們也可以坐到的。我完全是覺得訂台同walk in是無分別的，我們

服務態度極之差，安排座位非常混亂，負責安排座位嗰個肥婆，唔派飛唔寫名唔登記，總之認得你就得，完全冇寫名登記冇派飛，成班人企喺門口都唔知到底自己要等幾耐，排咗一個鐘話有枱，諗住入去嘅時候有人話佢已經排咗好耐，跟住就直接俾佢入先，又話叫我哋再繼續等，有冇搞錯，嗰度得嗰幾張細枱，座位安排極之惡劣，態度完全唔得，疫情嘅時候如果冇我哋呢班細枱嘅熟客，佢一早執咗啦，依家一回復正常即刻唔優做咁款，冇禮貌，咁嘅服務，嘢食好食都冇用，永不再去

這間新新酒家主打懷舊菜式，今次剛經過佐敦莊士敦廣場就可以試一試。 內環境與一般中菜酒樓一樣， 但味道真的不錯， 我們選擇了幾個餸，這個欖角骨做得非常出色，排骨啖啖肉外脆肉汁juicy 件件包滿欖菜蜜糖好惹味，份量亦非常足夠。薑蔥魚雲煲足料薑蔥炒得惹味臘味炒芥蘭非常夠鑊氣

不愉快的經歷，從未試一間酒樓坐得這樣逼夾，食一餐飯都唔係安安樂樂坐喺度，食食下要起幾次身比傳菜車過，環境嘈雜不在話下，食物質素又差，慘過大排檔，下次一定唔會再嚟，貼錢買難受。

今年同屋企人提早食冬至飯，揀咗呢間公司附近嘅酒樓試一試佢嘅晚市！佢嘅裝潢係一般舊式酒樓嘅style，原本對佢嘅食物都冇咩期望，估唔到食落口之後會有驚喜，整體味道都不錯！我哋點咗個鹽擦鮑魚四人套餐（$738），有六頭南非鮑魚、雞煲翅、燒鵝拼叉燒、咕嚕黑豚肉、翡翠炒花枝蝦球、濃湯灼時菜！鹽擦六頭南非鮑原隻鮑魚鮮嫩，再配合面頭嘅炸蒜一齊食，口感更加豐富，味道更好！濃湯雞煲翅呢個雞煲翅湯底雞味濃，而且入面材料好足，有好多翅！燒鵝拼叉燒呢度嘅叉燒真係值得一讚！可以媲美出面嘅燒味舖，叉燒味濃郁，而且肥瘦適中翡翠炒花枝蝦球味道足夠，不會太鹹或太淡！而且蝦球新鮮結實、蘆筍鮮嫩爽脆！ 咕嚕黑豚肉咕嚕肉肉厚，唔會好似出面有啲餐廳咁，粉多過用肉，而且佢嘅咕嚕汁酸甜度適中，好正！ 濃湯灼時菜生菜灼得太過火，會變成暗綠色，而且又淋又冇口感！但呢度嘅火候拿捏得剛剛好，生菜翠綠色，而且口感十分爽脆，十分讚 最後甜品有綠豆沙，材料足，而且煲嘅火候同時間都夠，所以出嚟有好多沙，味道好濃！

今日同屋企人一齊食飯，有老有少就去酒樓食。始終老一輩都會比較鐘意，所以去一間有feel啲嘅👍。南非鮑魚餐 $738鹽擦6頭南非鮑魚（四隻）南非🇿🇦鮑魚大大隻，食落好彈單新鮮，再煎得金黃，鮑魚味又濃😋。濃湯雞煲翅四位濃湯飲落雞味非常濃郁，同上面嘅雞油唔會太多，翅嘅份量多到令我估唔到😂分量十足。隻雞亦都會另外上碟，真係識落啖啖肉。招牌燒鵝拼叉燒皇叉燒皇燒得啱啱好，燒到有少少脆皮，加埋咁叉汁食落口真係好正。👍再嚟就係招牌燒鵝，鵝味濃厚，加埋脆卜卜嘅鵝皮食到舔舔脷。重點係啲鵝油，配埋飯又唔會太油膩。翡翠炒花姿蝦球蝦球大大隻，啖啖肉😋。魷魚點買啲蝦過好食啲鮮味出晒嚟，再加埋啲翡翠筍，條條都脆口有啲菜食吓一流👍。咕嚕黑豚肉本人最鍾意食咕嚕肉，少少🤏脆口啖啖肉再加埋佢啲咕嚕汁送飯超正🤣。重點係用左黑豚肉，食落真係味濃鬆軟啲😋。濃湯灼時蔬再嚟一味蔬菜🥬調配一下胃口冇得輸。綠豆沙綠豆沙做飯後甜品甜到唔會過龍。

跟家人提起新新酒樓，才知是六、七十年代的「明星飯堂」——新樂酒樓～今晚同媽咪嚟尋回懷舊味道😚全層座無虛席～好彩有訂枱！見到酒樓裝修，兒時飲茶嘅回憶浮現腦海😆叫咗個四人餐～有龍蝦有金錢雞～👍🏻🌟懷舊金錢雞我估而家無幾多間酒樓有呢個菜式，金錢雞其實係以前酒樓用啲下欄創作嘅菜式，昔日窮人恩物，今日係矜貴手工菜～由义燒、雞肝及肥豬肉組成，伴著蜜汁，甘香可口，一點都不膩口🥰🌟上湯焗加拿大龍蝦伊麵彈牙啖啖肉～上湯鮮味濃郁～伊麵加埋芡汁，食到Lam 晒脷～😋兒時回憶：伊麵永遠清得快過龍蝦🤣🌟覇王香妃雞雞本身已經有鹹味～蔥油錦上添花～雞皮爽口，雞肉嫩滑不過火～🌟海皇燴燕液有蝦、瓜、菇等材料切粒粒，入口有爽有滑，不同口感～🌟翡翠炒龍躉球🌟清蒸頭腩 一魚兩食～我鍾意炒嘅粗獷～肉質爽彈，香口又惹味！蒸嘅肉質較嫩滑～下面仲有木耳盛著魚汁～🐟🌟蟹籽海皇炒飯粒粒分明且金黃～好大碟好多料～大家口裡說飽～身體卻很誠實！最後都係清碟～用行動證明好食😋🌟蟠桃壽包壓軸登場嘅小壽桃，新鮮出籠～軟熟～香滑蓮蓉餡甜度適中～🌟紅豆沙好好招呼嘅侍應姐姐～送糖水比我地😆酒樓嘅紅豆沙感覺係唔同啲，口感好綿密～👍🏻#新樂酒樓#新新酒樓#懷

其實見之前YouTuber 介紹已經好想去，又咁啱睇電視見到佢有廣告賣懷舊老菜（金錢雞我真係以為甘棠呢啲老號先有😆），咁決定抽一晚去試下。1️⃣8️⃣1️⃣4️⃣ 晚飯時間🥢 懷舊金錢雞講真唔輸比甘棠燒鵝嘅金錢雞，用上豬肉、肥膏，加一片雞膶燒製而成，聞說係窮人恩物，因為價錢相對於叉燒、燒肉等親民，而家就變上一道美味菜式。🥢 脆香蝦多士係講緊一隻大蝦伏在一格既炸多士上，點上沙律醬，酥脆鮮甜，好食但不可太多會好滯😛🥢 一食京式片皮鴨酒樓會拎隻鴨出嚟俾你睇住佢片，好公道嘅。鴨皮鮮脆香口，配麵皮食咬落去啲油香令你食唔停，不過我咬中佢個屁股位，好酥🥲🥢 金蒜蒸元貝超大隻嘅元貝，新鮮滾熱，水準之上。🥢 清炒勝瓜炒得不算油膩，不俗。🥢 香芒布甸酒家很好，其實話奉送當晚糖水俾我哋食，不過個人不太喜愛綠豆沙，所以婉拒再另叫芒甸，不過就唔及餸菜出色了😅總括嚟講：好食又唔貴，啲服務員又nice，真心會再嚟多次。

今晚同媽咪一共四人嚟到呢間酒樓食晚飯，平時都見到電視有賣廣告，見佢款式都好多呢個四人餐，有雞有魚有龍蝦，仲有懷舊菜式懷舊金錢雞原來金錢雞唔係有雞，濃濃嘅醬汁包住瘦肉、雞膶同埋好爽口嘅冰肉冰肉油香四溢，瘦肉唔會乾身，雞膶非常嫩口⋯⋯霸王香妃雞雞肉嫩口，有鹽香味上湯焗加拿大龍蝦🦞呢隻龍蝦肉質唔錯，食得出好新鮮，伊麵鋪上龍蝦汁，非常鮮甜，伊麵成為重點好鮮甜的龍蝦肉海皇燴燕液海皇即係海鮮，樣樣有，加上燕液，頓時高貴了翡翠炒龍躉球清蒸斑頭腩我哋四個都好鍾意食魚，兩碟嘅份量都好多，滿足晒大家大大件嘅龍躉肉炒又好味，清蒸就原汁原味！一碟配上西蘭花，一碟配上雲耳，冇得輸蟹籽海皇炒飯炒飯最緊要係一粒粒配上菜心粒、蝦仁、蛋⋯⋯蔥粒係重點！已經令我哋四人清晒蟠桃壽包先頭我哋研究緊，使唔使外賣拎走呢四個包包，跟住上枱原來唔會好大個仲可以趁熱食埋佢，飲番杯熱茶⋯⋯媽咪話呢間食材水準唔錯，價錢公道，我哋已經book咗冬至飯喺呢間食

冬至就到，今次尼到高這間懷舊味道十足，歷史悠久嘅中式酒家同家人食飯。因為冬至期間，酒樓嘅餐牌有少少改動，不過菜式都算多選擇，我地仲帶左枝紅酒嗒吓，開瓶費唔貴。今晚都算爆場，雖然地方唔大，但有氣氛，惜日食肆熱鬧嘅感覺返晒尼。

一出𨋢攞位，知客已經用慌死你聽唔到嘅聲量話兩人多數要搭枱，見環境擠迫，兩枱凳背幾乎互相貼住，差啲想打退堂鼓，居然俾到張近窗邊挨牆得二三人坐得落搭唔到枱嘅獨立枱就𦧲飯應。座無虛席。可能基於此原因，又或秋燥，啲伙計都幾好火，例如擺杯碟碗大大力硴啦硴啦咁聲；喺我背脊櫃位拎枱布大力沉重地掃過我膊頭都不以為意；隔鄰枱剛入座已見有茶壺，於是同其中一個陀對講機瘦削嘅咩哥講話驚壺茶唔乾淨，叫佢換過壺普洱，個咩哥燶哂面大聲答話唔知個客講唔乾淨咩意思，最後心不甘情不願去茶水部打個圈攞壺新茶返嚟⋯⋯如此這般舊式酒樓職員態度之情景，以為返咗去七八十年代。連電視都標榜有做懷舊菜例如金錢雞、蝦多士之類⋯⋯因見首次嚟而且見咁嘅招呼，於是只維持嗌番啲茶樓恆常嘢就算。迷你紅棗蟲草花雞飯，落咗單先話冇，夾硬塞兩碗「迷你鳳爪排骨飯」嚟。鮮奶蛋撻仔，微溫，冇嚟蛋味。之後陸續嚟嘅春卷、叉燒腸粉（啲叉燒係鮮橙色）、鯪魚球、灌湯餃（皮就大大幅，餡料少）普通料，都唔多贅述。壓軸嘅「炸魷魚鬚」，望落已啞色，食落知翻炸，魷魚仲要冇用鹽或任何調味，只能夠點乾點淨碟細碟喼汁，𦧲哂啲隔夜炸漿，勉強食幾舊。仰望四周，九成退休人士，並無不敬，但我

聽聞新新酒樓星期六日會爆場,所以趁星期五和家人前往品嚐。平日的午膳時間幾乎全場爆滿,都要取票等一陣才有位。酒樓裝修一派老式酒樓的格局,枱與枱排列得較密,充滿傳統飲茶的熱鬧氛圍。雖然食客很多,但職員都很勤快有禮,值得一讚。點心選擇很多,熱門點心例如蝦餃燒賣菜苗餃非常新鮮好味,腸粉亦皮滑美味。~蛋撻仔皮脆香滑,可以一試~唯蝦多士比想像中油膩~馬拉糕夠香夠鬆軟,但個人認有點偏甜整體而言,性價比非常高,值得一去!P.S 惠顧酒樓可享童軍中心泊車優惠,適合駕車人士

今日難得平日放假，專誠去「新新酒樓」。中午12時到達，我哋等2人座，無其他人等位，見到仍然有幾張枱無人嘅。知客態度差：2人唔搭枱就要等，4人枱要搭枱，要客人企喺度慢慢等；有客人見有吉枱唔俾人，就嬲爆走咗！而有位侍應就好好，招呼我哋坐。食物質素：點心唔錯，但xo醬炒腸粉 炒燶咗！

很久冇去佐敦下午茶，今日有事辦就順便去試下，以前在酒店時經常光顧，味道很好，但今次就覺得失望。因為一個人吃，就衹叫了燒鵝瀨，雞包仔及鯪魚球。碗粉上枱時未發現六件全是鵝尾肥羔部位，吃過件才發現全部一樣，結果衹吃了瀬粉，其它留在骨碟上，因為那些侍應部長衹顧同熟客吹水，比較困難找到人反映。雞包就粉厚餡少，不算特別好吃，鯪魚球亦粉多較冧，僅僅合格。埋單承惠九十元，三樣不算貴，但食物質素欠佳，這價錢下午茶肯定有更好選擇。埋單時順口向部長反映，佢就輕描淡寫說吃不到可早些反眣，如此這般回應能不氣結？怪不得經常在電視賣廣告，有麝自然香，香港的飲茶文化低落，不是無因！