新新酒樓

營業中

休息中

今天早上順利完成公事, 到了十一時左右決定到佐敦附近飲茶食點心作午餐 。之後搵到在 莊士倫敦廣場11樓有一間叫新新酒家所以決定上去朝聖 因為一行二人所以比較容易攞枱 ,坐低後嗌了一壺普洱漱漱口 ,之後就開始揀選心水點心,因點心價錢大眾化所以毫不猶豫之下一口氣簡單剔了六款點心。 飲茶首選必定是蝦餃 一籠四粒,蝦餃皮晶瑩剔透而蝦嘅份量亦相當多入口彈牙配上一碟辣油 簡直是絕配, 瑤柱帶子菜苗餃 入口非常清新 ,好食煎炸的我仲叫咗一碟 香煎腐皮卷配上喼汁 ,春風得意腸 其實等於炸兩 ,油炸鬼內還釀了蝦膠 ,上枱時 油炸鬼表面還是脆卜卜的 。金沙浸魚肚亦非常入味淡淡的鹹蛋黃令人沒有任何罪惡感, 最後還叫了一點 白芍 菜心為一個均衡飲食午餐作句號。 之後我還發覺 酒樓的晚市套餐亦非常吸引,有幾乎失傳的傳統美食例如金錢雞 蝦多士等等 ,還有一些自由配搭的 套餐包括龍蝦伊麵 蒸鮑魚等 非常吸引,又有一個藉口可以約一班朋友上來大吃一餐。

慶祝爸爸生日🎂搵咗間比較傳統做得好嘅酒樓原來佢哋非常好生意 醒目嘅我梗係book枱啦😆Book咗七點 好彩有訂座 因為去到原來都滿座非常熱鬧嘅感覺最後睇完之後揀咗鹽擦鮑魚鮑魚餐啱啱好四位 同埋價錢738元 算大眾化街坊價錢一開始就嚟咗個叉燒拼燒鵝 叉燒半肥瘦非常唔錯我從來都未食過蝦多士所以就加錢試吓估唔到原來蝦多士係咁樣 多士非常脆口亦都唔油膩點左沙律醬超好食🤪呢個鮑魚超級好食好入味 唔需要點任何嘢 鮑魚好新鮮好彈牙 ～跟住就嚟蘆筍炒花枝蝦球 坦白講我最鍾意食嘅嘢就係花枝片🤪🤪 點少少蠔油真係冇得頂有四舊蝦球唔使爭～ 隻蝦非常彈牙好好味好新鮮不過我自己不嬲都唔係幾鍾意食蘆筍所以屋企人清哂後來見到職員佢攞咗個雞煲翅出嚟特登攞爐滾起佢俾我哋，非常有心思 係熱到出煙，非常足料有半隻雞 雞肉都好鮮嫩點豉油食都好好味，個湯底非常清甜有金華火腿嘅香味亦都有好多一疏疏嘅翅絕對唔孤寒 一大煲雞鍋翅大概每人飲到兩碗左右😋 超滿足我最鍾意飲湯！咕嚕肉非常好食肉質鮮嫩 彈牙菠蘿亦都非常酸甜好味 食到我哋好開胃最後就係食菜 基本上我哋已經好飽😋 如果唔係真係會另外再叫啲甜品食下先至走😂值得一題係呢度職員做嘢

今日放假就同媽咪去飲早茶，揀左間近佢孫仔返playgroup嘅酒樓等佢放學一齊飲茶‼️估唔到一間無咩華麗裝修嘅酒樓，啲點心係咁出色呢個早市孖寶好優惠皮蛋瘦肉粥唔會水汪汪的個咸味岩岩好，唔會太咸香煎蘿蔔糕蘿蔔糕煎得好金黃色，中間仲有好多蘿蔔條唔會太粉漿‼️仲有埋余均益辣椒醬瑤柱雞包仔中間嘅餡唔算好多，不過我幾鍾意當中有薑絲嘅香！酥炸雲吞一碟有4件一般酒樓都只得3件，而且完全唔油膩每件都好脆卜卜蜜汁叉燒腸粉食腸粉除左食味道之外，其實腸粉嘅質感都好重要‼️軟滑柔嫩再加埋少少Q彈就最perfect呢度嘅腸粉都做得好好食瑤柱帶子菜苗餃餡料好飽滿，水晶皮都好薄雖然瑤柱唔多，但都有瑤柱香，呢個幾有驚喜風味薑汁糕可能我哋食嘅時候洗凍左，所以無咁Q彈，不過薑汁味好香濃椰汁馬豆糕見到隔離枱叫完，賣相好吸引果然無叫錯一嚟到就已經好動L，椰汁味夠濃，馬豆粒一啲都唔吝嗇，每一啖都可以食到馬豆嘅口感

媽咪睇完某台播既廣告後就成日話要黎食番餐,今日星期日晚就帶母親大人黎開餐等佢如願以償我地一行四人訂左七點半,好彩訂左位,黎到都已經差不多九成滿好熱鬧叫左個鹽擦鮑魚餐(四人餐)加埋蝦多士四件鹽擦六頭南非鮑魚鮑魚新鮮有咬口,同埋本身已經夠味,連蠔油都唔洗點濃湯雞煲翅個湯好清,飲得出有落金華火腿煲,味道好濃,翅既份量都多,一人飲到兩碗,雞肉都嫩滑,最抵讚既係酒樓喺上枱前仲會煲滾至上枱,呢點真係超讚,媽咪都讚不絕口燒鵝拼叉燒燒鵝皮脆,叉燒半肥瘦好食,肉質彈牙露筍炒花姿蝦球媽咪同阿妹都好鍾意食花姿,挾遲一步就無喇,蝦球爽口咕嚕黑豚肉多數用得黑豚肉整既咕嚕肉都係無得輸架喇,加埋菠蘿酸酸甜甜,正濃湯浸時蔬浸既係唐生菜,條條翠綠唔會老,淡湯都好飲到飲左幾啖另外加既蝦多士$112/4件見佢賣相咁靚先叫黎試下,果然無叫錯,上面既蝦彈牙,下面多士外脆內軟,加埋沙律醬無得彈可惜已經食到好飽,唔係叫埋個甜品就完滿喇P.S. 待應同太子女,老闆娘服務都好好,感覺友善,相信好快又會再去幫襯今晚四個人食左千一蚊度

5月19日陪靚媽到佐敦個頭，，整理完啲公司文件，就選擇到呢間酒楼飲茶兼午膳，一進入此店侍應姐姐就安排座位給我們坐，及開茶和擺設茶具和餐具，全程體貼細心和有禮貌，令肥華對此店充滿好感，在柯打完今餐食物後，在菜單上發覺此店晚市供應的海鲜和小菜款色非常吸睛，所以肥華即時約定靚媽揾日來此店食餐海鮮晚宴，真係一餐未完一餐就起，開心又歡喜，點知當我和靚媽食完今早此酒楼嘅食物後，但决定取消上述嘅晚餐决定，就算日後順路都唔會再光顧此酒楼，原因是此酒楼出品實在差勁今早所點食物，除咗個炸雲吞叫做正常味道，碟义燒腸粉還可以外，其他食品包括飽類及肉類，都係有超甜嘅感覺，每樣食物嘅食材都係用糖嚟腌，全部味道都非常怪旦及難食，再加上此店天花高度問题，引致楼面部非常嘈吵，影响到食客用餐嘅情緒，所以就算有人請，肥華都唔會再到此店用膳

電視日日賣廣告我第一次去地毯好dirty唔夠冷氣唔夠侍應做嘢執完枱，放晒杯碟，走開。我自己把杯碟分一份份點心質素唔錯，熱辣辣蝦多士的蝦唔錯金錢雞薄身，易入口芒果糯米糍和榴槤糯米糍好味，夠凍，唔痴牙焗魚腸只是晚市供應，要預早一日訂

This restaurant is famous for its nostalgic dishes. This 金錢雞 is one of the kind! A layer of lard, a slice of BBQ pork sandwiched with a piece of pig liver in the middle, served with honey. A combination of fatty ingredients is always very evilly scrumptious! No wonder it is highly recommended in OpenRice!This prawn toast is very crispy!This oysters r very soft and juicy. The Peking duck is reasonably good~Comparatively this 焗魚腸is not very good as it’s a bit too dry. The Kai Lan and Fish belly co

早市或茶市超級優惠!3款點心加茶費都係$53就落到樓點心出色,地方就腳方便，不太吵鬧，有大窗自然光讓人心情愉快這裡的特點是有很多懷舊食物 金錢雞,魚腸蛋都有得食不過優惠都係以點心為主牛肉球 3球牛肉飽滿,淋上醬汁一齊食,味道岩岩好, 肉質鮮爽彈牙,口感豐富脆春卷 包住新鮮菜絲再炸脆既素食春卷 一客3卷,份量相當抵食 十幾蚊有3條又脆又清爽,仲要即刻炸起即拉腸粉 呢度食法比較特別,會配辣醬比你腸粉無出面既咁粗肥,一小口一小口方便易食 腸粉有米香,薄身香滑,加少少辣醬仲滋味消費$53新新酒樓Sun Sun Restaurant

朋友介紹新新的套餐大件夾抵食，一定要黎試下，所以就約埋老友飯聚。預先訂了4人餐，單睇餐牌已經覺得好多野食，有雞有魚有龍蝦，真係要留定肚黎大刷一餐。首先黎個招牌菜「金錢雞」，呢個菜唔係咁多地方有得食，大大塊雞潤夾住肥肉同叉燒，真係好好味。之後半隻貴妃雞，皮滑肉嫩，正！再黎就係我最愛的上湯龍蝦伊麵底，亦都大大蝶，龍蝦多肉，好滿足！到清蒸頭腩，份量十足，新鮮嫩滑，抵食。食左4個餸我已經飽飽地，上了海皇羹，好足料，每人起碼有兩碗。仲有翡翠炒龍躉球，賣相一流，魚肉新鮮彈牙。最後，還有蟹籽海皇炒飯和壽包，我已經飽到食唔落，但個炒飯賣相好吸引，點都要食幾啖試下，夠鑊氣，一流。壽包入面是蓮蓉餡，唔會太甜，剛剛好。朋友果然冇介紹錯，每人二百幾蚊食咁多野，真係超值！

約咗啲長輩朋友食晚飯，所以揀間懷舊小小嘅酒家，位於佐敦倫敦廣場，叫新新酒家，地點超方便。為咗唔想慢慢揀，我哋點咗個四人全包套餐：有雞有魚有龍蝦，仲有呢度嘅招牌菜金錢雞。首先上枱嘅就係金錢雞，上枱時仲微熱，金錢雞其實冇雞，只係有一層冰肉，即係肥肉，一層雞潤同一層薄叉燒或者豬頸肉，但呢個組合簡直就係邪惡軸心，濃味香味油脂味集於一身，食一件就啱啱好。跟住到半隻香妃雞，雞食得出有藥材浸過嘅香味，雞肉好嫩滑，雞皮中間仲有少少一層啫喱狀，正。之後嘅海皇羹上枱時夠熱，足料，好飲。上湯龍蝦伊麵底，個味道唔錯，蝦肉都夠四人分，但個汁再杰身啲就仲好。然後到一魚兩食，包括翡翠炒龍躉球及蒜香蒸頭腩。前者炒得夠鑊氣，西蘭花亦爽口。後者鍾意啜骨嘅就唔啱哂，而且蒜蓉落得夠，但又唔會蓋過咗魚本身應有嘅鮮味。最後上嘅蟹籽海皇炒飯，非常足料，但已經太飽，每人只吃了半碗，食淨就打包。而甜品仲有壽包，餡料係蓮蓉，雖然已經超飽，但甜品用第二個胃係可以食得落嘅🤪整體而言餐廳位置方便，四人餐超抵食，每人都係二百幾蚊，仲食淨可以打包，唔怪得當晚幾乎坐滿人，下次約朋友再試另外一啲餐先👍

去到佐敦又想食懷舊中菜，就去左依間樓上酒家，入到去差唔多全場坐滿 餐牌種類多又唔算貴，最後揀左$988四人餐。第一道上枱係懷舊金錢雞，係好少見嘅懷舊菜，由叉燒、新鮮雞肝及冰肉(肥豬肉)造成，以為會好肥膩又無，叉燒甜甜地而雞肝好鹹香，肥豬肉竟然好爽脆，絕對可以encore!!再嚟係我最鍾意嘅上湯焗加拿大龍蝦，隻蟹鉗大到遮咗半碟伊麵，正😃 龍蝦斬件但啖啖肉，上湯又充滿鮮甜味。霸王香妃雞特別多肉，比一般白切雞鹹香而且滑身，加少少薑蓉更加滿足，朋友連雞皮都食埋呀！我不好飲湯，但海皇燴燕液都飲咗兩碗，類似黏身嘅碗仔翅質感但換咗蝦肉瓜粒餡，口感豐富。清蒸頭腩d魚腩位比較滑溜溜多骨膠原，簡單清蒸加鼓油已很出魚味，個女仔FD話要養顏食唔停😂 二食有翡翠炒龍躉球，肉身相對大片而且啖啖肉，送少少爽脆嘅西芹變得更有咬口。蟹籽海皇炒飯太太太大碟啦！大家已經好飽，但熱辣辣又咁香，食咗半碗都要打包啦！蟠桃壽包，其實我好鐘意食😂 白蓮蓉加咸蛋黃，好好味呀！老闆娘細心介紹各款菜式，員工又親切友善，正呀!

是日與好友聚聚舊，來到佐敦吃點傳統中菜，酒家地理位置方便，從佐敦地鐵站步行約3分鐘便到達。這敞選了$988的四人餐，有海鮮又有懷舊菜，有如飲宴的菜式。上湯焗加拿大龍蝦，蝦身非常大隻，兩隻蟹鉗霸氣十足，肉質鮮甜而且彈牙。懷舊金錢雞，已很少店舖提供這懷舊手工菜了，上層是叉燒，中層是新鮮雞肝，底層是冰玉亦即肥豬肉，雞肝鹹鮮濃香，冰玉經玫瑰露醃製，質感較為爽脆，三層同時入口味道豐富。海皇燴燕液實在太大鍋了，各人也分得兩碗多，用料也不手軟，啖啖都吃到蝦肉及瓜粒。翡翠炒龍躉球，西芹快炒爽口，龍躉肉塊塊厚肉有咬口。清蒸頭腩乃龍躉二食，選用了較滑身的腩位，再加少許薑蔥雲耳一同清蒸，魚身膠質特別多，非常享受這糊口的感覺😂霸王香妃雞很入味，又鹹香又嫩滑，不用加薑蓉也夠味，喜歡吃雞皮的朋友應該很滿足。蟹籽海皇炒飯鑊氣十足，米飯粒粒分明非常飽肚。蟠桃壽包用了白蓮蓉餡，廚師還加了咸蛋黃，實在少有，很滿意整晚的美食及服務。

金錢雞💰其實係三層肉+內臟夾埋，肥肉夾豬膶咁上下，個調味似蜜汁叉燒個蜜汁，雖然肥但食落唔算好漏，都幾好食，原來豬內臟同肥肉夾埋都幾襯，有陣香味。蝦多士🦐放入口好香蝦味，隻蝦好有肉又香，不過件野係幾得人驚，件多士油到爆晒出黎，不過食落口係好好味的。呠酒桶蠔🦪好肥嘅蠔，大大隻，大約有7隻，煮完都有少少酒香味。桂花炒魚肚🐟蛋白炒魚肚咁上下，正常，無乜驚喜。鹹蛋黃炸南瓜🎃炸南瓜外面染左層咸蛋黃，甜甜香香都唔錯。焗魚腸🐟千祈唔好嗌，佢整得唔好，苦到乜咁。老虎斑🐟正常野。乳豬🐖正常野。金銀蛋時蔬🥬正常野。整體好味，會回頭，下次試埋鴻圖伊面先。

在新樂酒店裏面的新樂酒樓, 如可以酒店的中菜來說它應該是最便宜的, 就如一般屋村酒樓的裝橫與格局, 再加上位置上的方便, 吸引不少街內街外客, 感覺草根而實在. 新樂酒店結業後, 大部分原班人馬在隔離的莊士倫敦廣場開了新新酒樓, 這幢是佐敦最多食肆的商廈, 同一幢有金山, 定位與你其相當類似. 點心均價二十多元, 例牌叉燒五十多元, 要不是為了在龍堡免費泊車, 要消費$300以上, 每人$100也不用, 當然要求的也是功能性為主, 吃得飽入得口就已經合格. 叉燒的香脆和腍, 以及燒賣的蟹籽及蝦肉的鮮也是在功能性以外多出的元素, 當然要改善的也有, 例如蘿蔔的蘿蔔出水出得過份, 南瓜餅煎得太油, 但和之前新樂酒樓在水準和功能性來比較, 沒有差別下值得合格.

佐敦，新新酒樓。我估，這裡會成爲我的早餐固定飯堂。點心可以，不算特别出色。但地方好，不太吵鬧，有大窗，自然光讓人心情愉快。早茶很便宜！因为有孖寶點心。吃三個點心，埋單$53 。早就知道，大酒樓都是以本傷人，價錢浮動，不同時段不同收費。點心專門店都很窄很逼，那及得上他們座位舒服？因爲我是下午班的，得以享受這些早茶優惠。這裡的特點是有很多懷舊食物。我老豆最愛吃的蒸鱼腸都有。金錢雞，很久没見了！雖然我不喜歡它太肥，有機會我也想重温。