新君豪 (已結業)

上星期五既開完ot之後, 去左新君豪食晚飯, 一個人食, 都只係求其叫碟切雞飯食就算, 三十蚊一碟, 仲有例湯一碗, 抵吖, 旺角心臟地帶喎碟切雞飯都幾好食, 雞肉好滑, 又夠味, 差唔多三分二都係雞比的部位, 喺新君豪食到一碟唔錯的雞飯, 幾估佢唔到, 平時去開銀聯, 野食認真麻麻, 去食只係貪方便, 所以對同類型的新君豪無咩期望, 估唔到新君豪食物質素好咁多, 要轉軑了!

見到新君豪有牛肉奄列,係一般茶餐廳都好少見,所以特登試下。原來有咸牛肉同鮮牛肉揀,咁我梗係揀鮮牛肉啦!個奄列黎到既賣相都唔錯,奄列整到剛好半圓形,脹卜卜,伴碟有兩蕃茄,仲有一份牛油方包添!不過,一切開個奄列,就覺得有點怪喇!竟然流出茄汁?無錯!原來真係茄汁,仲有幾粒什豆,好怪呀!牛肉係好多,但係唔少都係有好多肥膏,而茄汁又實在係太多喇,想食下蛋既原味都唔得!如果呢個奄列唔加茄汁,相信會好味好多囉!

食左個牛肉麥皮, 麥皮份量算多,味道都可以,可惜咸左少少,但係牛肉太多筋,無乜牛味,如果大碗少少更加好!再食七寶河,以炸魚皮最多最好味,因為夠脆又唔腥,紥肉比較差,無乜味道,可能因為我本身都唔係太鍾意紥肉卦…其他魚蛋同雲吞就普通啦!不過好多碗又好多料,一個人食唔晒!食食下隔離幾台都有伯伯食煙…係在室內,就咁食完野坐係個位就食果隻…無奈。

當我經過呢間茶餐廳既時候見人山人海,好似好好食,於是入去試吓入到去至知,原來人多係因為now電視直播緊日本足球,所以一班賭客聚集!不過都入左嚟,就叫碗牛什河食吓啦,碗牛什河味道都ok,金錢肚,牛肚唔多,反而腸有成五六件,喜歡吃腸既人一定好開心,湯底係好濃味,濃到有點咸,不過總好過淡而無味!餐跟了凍檸檬茶,一般茶餐廳味道,不過不失!

唔知點解,只係係度求其叫左個鮮奶麥皮,竟然覺得好好食…一大碗白雪雪既鮮奶麥皮,上桌時仲係熱辣辣,面頭有一片奶衣,要慢慢攪勻先食得,奶好香好滑,麥皮份量適中,所以唔會太杰太糊口,不過我諗再多番少少麥皮都OK!有奶味而唔會太甜,食完都唔會好滯,作為一個健康早餐,都算唔錯!呢度同樣有牛奶麥皮,我唔肯定牛奶鮮奶分別,但係前者$18,後者$20,我估係因為後者新鮮d,多d營養卦,所以都係要左後者。

見到有D食評寫到呢度既野食幾好咁,但係我覺得一般啦!我同小牛分別點左牛丸墨丸米同埋六寶米,再加一碟炸魚皮。牛丸墨丸米好似比好多麵店都多,有成五粒牛丸、四粒墨魚丸,都唔細粒架, 墨魚丸大粒D, 牛丸細粒少少但就切左花,味道係普通到唔普通,唔難食又唔特別好食囉!六寶米都幾特別,出面未見過,原來有魚餃、炸片頭、墨魚丸、魚蛋等等,仲有菜添,都幾豐富,不過當然每款一件起兩件止啦,小牛話一般啦!炸魚皮都食得過,起碼叫做幾脆口,但係唔算十分好味果種囉!基本上,其實非常一般,唔知點解有D人好似覺得真係好好食咁…另外,見到佢個menu好搞笑,用個folder裝住好多張紙,最後幾頁竟然印左OR既食評出黎,哈哈!

天寒地涷,人涷自然想食野,結果展開了一連數日宵夜之旅,起碼食下D熱野,有得坐低食下都好.先是約了同事去新君豪,因為之前同人食,去睇皇馬VS巴塞隆納,有個好印象卡是再去．朋友本想去其他地方,一去到覺得好多煙又好多人,原來係曼地對利地,咁重好啦,有咁多波睇,結果一到點了炒蜆,同椒鹽鮮魷,真係唔錯,之後仲叫多了一碟炒蜆,不過D蜆好呃人,10隻有一半都唔肉,卡是我懷疑佢地係唔係次次將人地食完的蜆殼執番,又炒多次.................當然唔少得啤酒啦,生力$15一支,好,就叫生力!味道真係幾好．呢間麵唔平，明明叫了個小菜已經要＄４０，叫個飯都要加＄６，仲唔包野飲，不過我唔會慳到咁，食得好慘咁,如果我去的話,就唔會慳呢D錢, 不停地食，幾平，如果有機會再去！

下午茶去新君豪，記住食燒鵝瀨，＄２２有杯飲品，燒鵝夠味，瀨粉好食。另外，這裡的燒味也不錯，燒肉皮很脆，值得一試。其實這裡的食物很有水準，不過地方環境就不太乾淨了，還有很多男人去（純情後生女實嚇死），唔介意這點是一個很好的選擇。

和女友來到朗豪坊，但不想到內裡的food court，偶爾經過，便入內嚐嚐。點了客日式鰻魚豬扒飯和焗牛利飯，誰知一來到的豬扒飯所盛載的容器只是西式碟一隻，而豬扒也是極普通的煎煎吧了。完全感受到不到何來日式?但幸好，那條長長的鰻魚實在把這些通通蓋過。這條鰻魚成為這碟豬扒飯的亮點，有點畫龍點睛的感覺。再來那碟焗飯便精采得多，焗飯向來感覺在份量上也是比較少的，但這次卻比我那碟豬扒飯來得更多，味道也極為一絕。絕對值得再試。

今日去咗呢間君豪,d人話轉咗大廚,味再去試吓...果然有驚喜,大家真係要試吓呢個名為"蜜椒薯仔牛柳粒"青椒+牛柳粒有辣味,但薯仔又有蜜糖味,口感好GOOD,配一大碗飯,38蚊好合理,同埋d招呼有進步,抵讚!!!

同女友係朗豪坊行街, 經過就入去食碗野, 要左一碗魚蛋河($16)同牛肚米($16), 另加一碟油菜($6)同一杯凍檸茶($8)油菜同凍檸茶無咩特別, 潮式湯粉就幾大碗, 魚蛋同魚片都幾好食, 每樣都有4,5件, 而牛肚就好入味, 都有8,9件, 都算係幾抵食, 行開果面咪可以試下囉!!

每日返工前公司附近食早餐,想每日都食唔到舖頭,所以越行越遠.喱個早餐有火腿通粉,菠蘿包,煙肉,煎雙蛋,味道ok,通粉味精過多,煙肉煎唔夠,而且D肉又係鮮粉紅色種奇怪肉質,麻麻.$18,算係咁.

今餐算正正經經喇，因為總算行番過呢一邊的旺角。超簡單腩河/腩麵加凍飲。都唔知寫D咩好…