新南苑私房菜火鍋鷄煲 (華僑商業中心) (已搬遷) 新店位置

朋友推介呢間私房菜今次就4條友一邊睇波一邊圍爐首先 呢間私房菜係會有無限雞煲加超強海鮮陣容打邊爐雞煲方面好野味每兩分鐘會有店員同你炒教你點食當個雞煲ok果陣佢就會落d超邪惡油炸鬼索晒雞煲d精華食落去真係不得了仲要可以無限Tim 食完雞煲後就會比你簡湯底打邊爐我地就簡左4色湯之後就到主角超豪華海鮮拼盤登場又有龍蝦又有鮑魚圍番都係2-3百超抵餐牌亦有指南教大家每樣開鮮煮幾耐廢時煮得太老冇左陣鮮味跟住個時間來煮食落超出色好鮮又好彈牙普通海鮮配料亦可無限嗌值得一班人來食

天氣又凍返啊！最好梗係打邊爐啦，周圍問下人去邊間好，朋友就介紹咗我哋去旺角新南苑食雞煲海鮮打邊爐！原來都好方便喎！喺地鐵站行過去1分鐘都唔使！好抵呀原來係任飲任食㗎!首先因為有一個小朋友所以雞煲我哋要咗小辣，雖然唔係太辣，但係嗰種麻麻哋嘅感覺令到你嘴唇有少少麻痹！啲雞又香又滑，滋味無窮,有專人幫你炒， OK關爐開蓋食得😂食完雞煲，原來仲可以揀湯底打邊爐唔使用返嗰個比較油既雞煲底真係好細心喎！我哋揀咗蟹煲，雖然隻蟹唔係好大隻但係勁鮮甜！主角出場啦，好離譜呀！😱一大盤咁大嘅海鮮，有龍蝦，有鮑魚有生蠔有蝦，仲有好大隻嘅聖子王，真係不得了呀！海鮮又夠新鮮又大隻絕對係靚貨，食完都飽咗九成啦！龍蝦又新鮮又彈牙！手切牛肉夠鮮味，但係唔係任食嘅，好似一嚟到就俾咗兩碟我哋！小籠包原來可以打邊爐㗎！裏面有豐富嘅湯汁!雲吞餃子和丸類都好好食唔夠飽之後仲可以有個list俾你任叫，龍躉片同埋蝦都係任叫任食！雪櫃飲品任飲大人細路都咁開心!最後仲有飯後甜品送呢餐真係好抵好抵，邊有咁抵嘅任飲任食海鮮火鍋㗎！一定要再嚟

兩個麻甩佬有咩好食？大排檔？茶餐廳？定係食西餐？我地今日兩個麻甩佬，去旺角買完d汽車用品，咁就唸住食好d啦，係事前一曰我就已經book左e度餐廳位啦，咁買完野大約8點半左右上到去，爆晒！好厲害呀！好彩都有留枱呀！咁坐低左之後，咁就望下個menu先，見到有個半放題套餐都幾抵食，咁就試下啦，但係由於我地兩個人關係，雞煲要加錢，於是就點左個新鮮蟹窩花甲湯底啦。等野食黎果陣，就可以去個混醬專區度混下醬，我都係例牌辣椒粒，蔥同埋芫茜啦！之後就再去飲品區攞野飲啦！同埋自己去鮮菜區夾左一大盤蔬菜，準備一陣間大吃大喝啦！好啦！野食到啦！首先上枱嘅係一個窩，一個海鮮拼盤，一碟牛頸脊，一碟丸類食物同埋一碟好有型嘅小籠包。好啦！咁就等水滾啦！水滾啦！食左個花甲同埋蟹先，兩樣野都非常鮮甜，絕對係新鮮貨，而隻蟹都係肉蟹，食落去好鮮甜多肉，跟住就食個海鮮拼盤啦，個拼盤內容有元貝，蝦，脆肉鯇，生魚片，絕對新鮮嘅鮑魚同埋生蠔。個鮑魚我重見到佢係度郁呀！咁基本上所有海鮮都係好好味，超值，魚類就交足功課，最欣赏就係鮑魚，新鮮同鮮甜，另外可以見到師傅洗個殼都洗得好乾淨，兩款蝦d肉都唔係梅呀！跟住就到果碟丸同餃拼盤啦！拼盤有

天氣轉凍，又係火鍋出動時,位於旺角商業大廈嘅新南苑海鮮火鍋的確係不二之選。因為佢嘅質素係同類型任飲任食火鍋店中最強的一間。難怪佢日日都咁旺場！記得預先book位！進場淨係食佢嗰盆雞煲就已經舔舔脷，麻辣雞煲雖然叫咗小辣，但係佢啲麻辣真係好麻好香。跟住接力嘅係豪華海鮮盤，係食過嘅任飲任食火鍋當中最豪華嘅，真係落重本，仲係非常新鮮嘅。跟著上枱嘅牛肉兩大碟，質素亦相當之高！仲有一盤預設左嘅火鍋了，食完之後可以無限添食，就係睇下你自己鍾意食乜，在自己點菜。至於蔬菜吧及飲品吧就放喺，自己鍾意食乜就隨意添加！值得一讚嘅係佢飲品嘅類別相當之多，唔鍾意甜野嘅都有幾款茶選擇！飯後甜品係3.6牛奶布甸！正！原來有宵夜套餐，真係抵到暈！下次一定試！

每個月仲有幾餐食到佢視乎情況，講緊當然係火鍋啦，真係食極都唔會厭夠晒多元化口味，就今次去左呢度開飯，地點夠方便之餘又食得滋味咁先有驚喜點左呢度海鮮火鍋套餐，已包括多款美食享用，係食火鍋之前梗係先食番個人氣招牌麻辣雞煲品嚐一下，辣度可以自己選擇先將雞煲反覆煎兩三次就可以食得，記得食之前可以落埋香脆油炸條粒就咁食又得脆卜卜，主角招牌雞煲味道確實一流吸收左麻辣嘅香味，又可以食到啖啖香滑雞肉之餘真係會越食越惹味最啱食番碗咁就最，而且雞煲仲可以任食一定滿足到大家食慾，我地都唔執輸食多一輪麻辣雞煲先眨眼又到火鍋時間，火鍋配料亦逐一出場，先有生猛海鮮拼盤同本地手切牛頸脊，用料十足夠晒豐富，連同其他配料一同品嚐識食就梗係先食海鮮，龍蝦、鮑魚、元貝、生蠔等，食到啖啖鮮嫩嘅肉滿口鮮甜肉汁再來食番件肥美手切牛頸脊咁至完美，又繼續品嚐其他美食食得過癮又滿足，每逢晚上9:30後仲有個超值優惠套餐，又方便一班宵夜一族人士慢慢享用最後唔少得食埋個烏冬吸收左湯汁鮮味食落特別滿足一番。

旺角竟然有間咁正嘅雞煲火鍋我宜家先知，近住旺角中心，最近天氣凍，朋友好想食雞煲火鍋，於是訂位搞 gathering 。雞煲係任食的。店員服務貼心，先介紹套餐內容然後雞煲辣度，食完再換過第二㷛湯底打邊爐，冇咁油膩！先黎個雞煲，店員幫我地炒熱，不能錯過的招牌雞煲，味道很出色， 多種配料豐富惹味，大大件雞件嫩滑多汁，小辣仍然好夠麻，原來加埋油炸鬼係咁有口感，粒粒脆口吸曬雞煲的精華。一於添食！我哋今次選擇了新鮮蟹鍋花甲湯底，然後一盤生猛海鮮拼盤，有 6-8款 海鮮，每一款都好精彩！每人半隻龍蝦、鮑魚、大元貝、龍躉片、脆脘片、大蝦、生蠔⋯。 賣相靚見得到有光澤，全部新鮮嫩口，食佢嘅原汁原味。鮑魚彈牙，大元貝肉厚肥美，生蠔 juicy。食完海鮮已經有七成飽肚，仲有本地手切牛頸脊，質素也不差！高級配料我最鍾意小籠包，爆汁的口感，吸曬湯的濃味，好好味啊！打邊爐都幾想飲凍野，汽水飲料任飲，到最後仲食埋 有 HEART 甜品：抹茶布丁。完美演繹了有心 的一晚。睇 menu 正價時段 $268一位，宵夜場仲抵食夾大件，晚上 9:30pm 後 $178一位。下次睇完戲過嚟食就 good fit 了。

放工約了朋友到新南苑食雞煲六點半的時候還沒甚麼人 七點開始就坐無虛席要是想來吃 先預約會比較安全 不怕沒位要等旁邊還有好幾間房間 如果一大群朋友可以問一下職員 自成一角吵鬧感覺不錯招牌麻辣雞煲：叫了小辣 店員説中辣最好吃裏面除了雞、芫茜、蒜等等 還有油條油條因為一開始炸得很脆 所以即使煲了很久還是保持着脆度而雞的份量非常多 絕不是只有骨沒有肉那種 每一塊都能吃到雞肉的火鍋清湯底：雖然説是清湯 但料很足 一點也不馬虎有玉米、蕃茄、菇、菜等 味道不錯生猛海鮮拼盤：有6-8款 按時令而定 所以可能不同時間來會有點不同這次有龍蝦、帶子、鮑魚、蠔、蝦、大蜆等全部都很新鮮 簡單涮一下就很好吃肉質鮮美 而且啖啖肉 很肥美本地手切牛頸脊：和一般肥牛不同 沒那麼多肥膏 適合健康人士和女士肉質較爽口 但不會粗糙基本火鍋配料（任食）：丸類及餃類一開始就會給一些 這些都是可以任食的 吃完可以再叫除了這些 其實還有很多款沒叫到 因為實在太飽了肉類、蔬菜類、油物類都能任食喔小籠包：挺驚喜的 旗子上寫着煮6-8分鐘不小心煮多了 10分鐘左右吧 撈起來還是沒破皮而且一咬下去 湯汁超多 吃的時候要小心燙甜品：那天的甜品

又係一年一度聖誕聯歡夜唔知食乜就梗係食啲任食野最好，滿足哂唔同人既要求朋友E介紹呢間任食火鍋加雞煲，話超正喎，但係我心目中，一品雞煲佔據左我大半個心，邊有可能仲有雞煲我睇得上眼架？食過之後，我發現我錯了，一品同呢度各佔一席位！發生咁樣既機率大概係千萬分之一268一個人，任食雞煲火鍋三小時，真係捧住個肚走架！有個蔬菜吧，想食啲咩菜自己攞，有個調味料吧，自己拎自己鍾意嘅調味料，仲有個飲品櫃，想飲乜都可以隨便拎，我唔鍾意飲凍野，問店員可唔可以拎唔凍嘅提子汁俾我，佢非常樂意，而且態度亦都好好，讚！有啲開胃小食，最鐘情既都係咸香花生，送酒一流剌身係送既，不過我無食，朋友們話還好主角岀場了！加油炸鬼粒喺個雞煲入面都係第一次油炸鬼粒吸晒雞煲嘅汁，好香口好好食，不過應該好肥，所以食一粒就算啦哈哈每一件雞都非常焾，完全唔覺得有食到雞胸位既感覺，bb辣已經好足夠，好惹味！5個女仔食左兩煲雞，再轉陣營食火鍋！哇！海鮮盤好正呀！有龍蝦，鮑魚，象拔蚌，帶子，鯇魚片，海蝦，全部都好大隻好新鮮海鮮湯底入邊仲有一隻蟹，268任食，真係超值！牛肉五位只有兩盤，非常之好食，好軟滑，但係如果要再追加就要加錢喇！刀削麵都好好

好耐之前食過一次呢間火鍋,覺得用料都ok, 所以今次再上黎就試下個雞煲,聽聞係任食的。好! 坐下來職員就馬上介紹套餐內容, 雞煲真是任食, 食夠再換湯打邊爐, 很好!$268一位, 先黎個雞煲 後選清湯, 或者唔要雞煲的話可以第2 項的湯。 當然我沒有錯過招牌雞煲啦, 很出色, 多種配料已經感覺到那種惹味,職員教落, 每五分鐘就開蓋搞一下, 進行三次... 其實每一次都好衝動想夾黎食。 雞件都好嫩滑, 叫了小辣但麻味仍然有, 沒有因此而失色。最驚喜竟然有個小配角-油炸鬼- 它最後的步驟時加入雞煲內炒, 但每一粒都進食時 仍然很脆口,又吸收曬雞煲的醬汁, 係擔當了 食每食一件雞中間 中和口感的重要角色。食都未食曬雞件就心急打邊爐, 唯有快手快腳食多幾舊,叫職員換煲,份量足夠無需添食。清湯底+ 一盤新鮮海鮮, 二話不說先放曬海鮮 滾出味來啦! 拼盤有 龍蝦, 鮑魚, 龍躉片,脆脘片, 蝦,聖子, 蠔。 樣樣都光澤新鮮, 鮮鮑魚就算灼耐左都冇韌。 龍龍躉片就有點魚腥味。龍蝦又爽又有膏好甜。配料有個叫小籠包,咁幻想中應該都係似啲水餃啊雲吞咁啦，點知煮完出嚟真係上海小籠包咁!!入面滿晒汁又會吸曬

一到冬天, 同朋友出街食飯既話10餐有5餐大家都一定會簡打邊爐離開左香港成個月, 同好朋友出去旺角行街發覺返黎都未打過邊爐又曾經係網上睇到朋友試過新南苑都讚佢地既雞煲唔錯所以我地行完街就上左去試下喇呢到係先食雞煲, 後放題式打邊爐汽水及菜就是到出面自行拿取雞煲到~~~ 賣相不錯職員叫我地每隔1.5分鐘攪拌, 共4次, 4次後可以進食另外, 在第4次時加入油炸鬼攪拌等左一陣了, 終於可開餐雞件份量多, 啖啖肉, 麻味都重叫小辣印有中辣既感覺,唔知今次係咪落重手左但好惹味又刺激油炸鬼吸哂雞煲醬汁精華, 雖然有點油, 但好好味雞煲我同朋友都覺得不錯, 仲叫左2round食完雞煲, 我地就開始打邊爐.呢個放題仲送上每日時令海鮮6-8款,每走都相當新鮮仲有好靚既牛肉冬天最岩食西洋菜, 西洋任食唔嬲!正但追加時請注意, 有部份食品追加時是需要額外收費的.

一班朋友聚會食飯是最苦腦的問題，又要約齊人，又要就各人口味，好彩今次有朋友推介去旺角食呢間（新南苑私房菜火鍋雞鍋）！就腳之餘，可以邊食邊等，重點係乜都有得食，一定配合到各人口味，😏講到咁，當然要試一試啦！環境濶落，最適合一班人吹吓水，book 咗位七點鐘入坐，七點半已經全場爆滿！雞煲，刺身，火鍋配料，小食乜都有👏👏雞煲有分大，中，小辣，而且重係無限加添，真係有排食😋，等待既時間先來碟小食食吓先！焗兩分鍾，攪一攪拌，再來回三次後加埋油炸鬼粒粒，就食得，雞件好入味洋蔥好甜！👍🏻食完再上湯底，😋海鮮拼盤立刻放上，大蝦，蠔，魚，蜆類連鮑魚都有，全部大大隻，鮑魚爽口彈牙，帶子好鮮甜，大家都食唔停口😁😁食完其實已經開始有飽肚的感覺，因為我地點嘅係（海鮮火鍋套餐）所以其他36款火鍋配料都是任點的！超抵食，除番人頭每人約＄300，食完重有甜品送😍

每年到年尾，又是與朋友相聚好時刻，漸入秋凉，三五知己最好就係打住邊爐吹吹水。朋友推介旺角有間（新南苑）比我地。有埋雞煲食，於是就上去試試！最好當然要訂位先，因為呢間火鍋店晚晚爆棚架！一坐底已經可以點雞煲，有大中小辣選擇，而且重係😱無限加添的！每次添加都會整鍋更換，衞生之餘又不會影響到雞煲的味道👍🏻！食完雞煲就打邊爐，我們選擇加68轉蕃茄龍蝦湯底，先食鮮蕃茄和龍蝦肉，再放埋海鮮拼盤！扇貝鮮味，蜆新鮮，蝦🦐大大隻，肉質結實彈牙，鮑魚又爽口，加強湯底嘅味，魚片爽脆，份量剛好又不會浪费！因為係放題形式，所以樣樣都想食!首選當然係牛肉啦，脂肪比例適中，入口好嫩滑，打邊爐必食。重有超過30種火鍋配料選擇，響鈴當然要點啦，因為咁濃郁的湯底，吸收一吓已經好好味，又脆口😊亦都有齊我至愛的飲品，超市買唔到的冬瓜茶，蘆薈汁（任飲😅）原來9:30後，有優惠，下次收夜間，再來食先！

第一次食新南苑，驚喜連連！係咁嘩嘩聲雞煲好好好好好好好好好好好味兩個人encore一煲，其實已經飽左9成，再嚟多個清湯火鍋，嘩！嘩！嘩！南瓜湯底，仲有好有誠意的海鮮盆，小籠包，丸子盆，手切牛頸脊，有Heart 甜品......每上一道菜要嘩嘩嘩服務更新南苑鼎爺and 老闆娘Candy姐，服務冇得頂！下次要再嚟

一踏入冬天，朋友聚餐都離不開火鍋、雞煲等。前幾天才剛吃完雞煲，今天朋友又邀請我到新南苑吃仼食三小時雞煲及火鍋。食物:3.5/5二人的話，可選「雞煲」+ 指定「粟米蕃茄湯」或 只有一款特色火鍋湯底。如三人以上則可以雞煲配仼何一款湯底。「雞煲」有bb、小、中、大辣可選，小辣對於我已足夠，但這裡的雞煲只有辣味，沒有麻味，味道略欠層次，而且偏油。而雞件大小適中，肉質嫩滑。另配有「油炸鬼」，偏硬，沾上汁更油膩，是可口的邪惡食物。「粟米蕃茄湯」正正常常，味道較淡，會愈煮愈清甜「刺身」不要太高期望，全部都是有雪味，但欠鮮甜「生猛海鲜拼盘」今晚重點所在，包括有龍蝦（肉質爽口，但略欠鮮甜）、生蠔(正常)、鮑魚(很軟)、蟶子(鮮甜爽口)、脆鯇片（脆 厚度適中）、龍躉（嫩滑）及蝦（大 新鮮 肉質爽口）「新鲜手切牛颈脊」按人數每枱限量供應，口感肉質還可以，但略欠牛味「丸類」除了墨汁墨魚丸及芝士丸比較好，其他的丸都是普通偏差的貨色。「小籠包」湯很多但皮很厚「蔬菜」有冬瓜、西洋菜、生菜、粟米等「烏冬」正常「甜品」是牛奶布甸，疑似加入綠茶粉，味道普通整體而言，畢竟是仼食，雞煲及火鍋湯底質素當然不能直接與其他散叫餐廳

雞煲。。。幾時都可以食，朋友之前食過話呢間唔錯，於是試吓！Bk咗平日七點，所以去到只得幾枱，坐低之後店員介紹一番之後，我地就叫咗小辣雞煲食住先！食咗兩round雞煲之後店同店員講可以加湯，店員就上哂打邊爐嘅配料。。。食哂之後，店員上埋甜品，總括全晚食物新鮮，店員態度有