新南苑私房菜火鍋鷄煲 (華僑商業中心) (已搬遷) 新店位置

朋友介紹黎食，貪佢雞煲火鍋分開食，仲要放題！！坐落於旺角既哩間新南苑交通方便，就係旺中後面，對住彌敦道，好容易搵先講下呢度嘅進食模式，一開始會食雞煲先，食完唔夠喉可以再點，黎到後先炒一炒，然後焗一陣就可以食如果大家係美女廚房既成員，就可以叫個靚仔職員幫幫手將啲油條放埋落個雞煲入面，索曬啲雞汁，別有一番風味之後就簡個湯底開始打邊爐，開始時會因應人數跟唔同既生猛海鮮，同手切牛肉，仲有好好味既小籠包，其他食物就可以看餐牌點，例如龍躉片，韓國芝士公仔麵等等而新鮮既蔬菜，各款嘅醬料，同好多唔同嘅飲品會放係附近俾妳自己去拎太多野食，不能盡錄，如有懷疑，自己黎試一試

己經有個零月無搵媽咪食飯，諗住星期六放假兩母女聚一聚食雞煲，點知老公又話要泥，哎呀！佢都唔食辣🥴媽咪話公司有同事推介去新南苑，咁我地就試一試。我上網查過2個人食，只可以雞煲同火鍋簡其一，依家我地加多個人，3人或以上雞煲就免費，兼且可以簡埋火鍋湯底。有個小插曲，我地臨時加多位，我就打電話店鋪fb上既電話通知更改人數，原來fb 提供既電話係call 台，有咩更改係唔會就理，要去到先加位。如果要房，每位加$20。我們坐在V8房可容納2枱客。雞煲係可以refill 既，我地上後食左2轉（第一轉bb辣，第二轉走辣），工作人員都好細心入泥提示我地大既幾耐食得。好好味如果我地可以再簡辣d仲正食夠雞煲就可以通知工作人員上火鍋湯底，我地簡左鮮蟹花甲湯底湯底好鮮，少湯水既我，都飲左幾碗湯。花甲好快就熟，無沙既，蟹都好新鮮時令海鮮好新鮮，泥足6樣，加送小型聖子。牛肉3個人份量都係咁多？有d講唔通🧐我地係無加任何野情況下，己經好飽飽。

約左幾個姊妹同事食飯團拜，揀左旺角新南苑 私房菜火鍋鷄煲(任飲任食3小時)。 先來一個雞煲(可以任加)，再嚟一個撈起； 可以自己坐獨立房，勁啱我地吹水。 其實之前我都試過同幾個同事去食過，但係佢嘅海鮮唔係龍蝦，但都係一樣坐獨立房。 就連我幾個同事都話環境係唔錯(獨立房)， 冇出面大廳咁嘈。 食物種類比起一般嘅火鍋店唔算太多，但係勝在食物救新鲜。 最尾更加有甜品送比我哋每一位客人。 溫馨提示：獨立房一般比出面大廳貴少少，而且有minimum charge. 所以建議大家要book房嘅時間問清楚啲細節

嗰日我哋四個人打完麻雀九點鐘餓餓哋諗起想去打邊爐，佢男朋友突然間提議去新南苑食雞煲，話食完雞煲仲可以打邊爐，仲要平靚正咁我哋咪去試吓囉，咁我哋五個人上到去超級多人，好在佢男朋友好窩心咁打咗電話上去訂枱，所以一上去就有枱俾我哋坐低，上面續位計汽水任飲，嘢食可以食到飽為止，雞煲我哋食完一個再加多個，之後就開始打邊爐，最估唔到嘅就係海鮮靚到不得了，以呢個價錢可以比呢啲海鮮我哋，我當堂諗以後打邊爐去唔到第二間，有鮑魚有蟶子有花甲有蟹有蝦全部新鮮有圖為證，真係好食到不得了，淨係汽水都飲佢四五罐到結帳嘅時候，我眼都突埋位位220左右

屋企人趁住天氣未算熱，乍暖還寒的時間，去食下雞煲同打邊爐，最後揀了這間在旺角的新南苑，地點方便，就在地鐵站隔離。我們八點幾差不多九點到，揀了半任食套餐，有雞煲、海鮮及火鍋配料等。雞煲要了小辣，辣味尚可，原煲上枱即炒，雞肉沾滿了麻辣香同時又帶點甜令辣味感下降，雞肉嫩滑。之後就轉了個蟹鍋花甲湯底，有新鮮蟹肉及花甲，令湯底更添鮮味。海鮮有多款包括鮑魚、帶子、魚、賴尿蝦及蠔等，鮑魚十分新鮮且彈牙，賴尿蝦鮮甜肉嫩，魚爽脆。任食火鍋配料中，海鮮有蝦，其他魚皮、響鈴及丸等，最驚喜有龍躉，肉質雪白且嫩滑。限食的牛頸脊肉質腍有豐富牛脂香味，入口有牛肉油脂香。最後還送上甜品，整體食物豐富，質素不俗。後記，食完雞煲發玩隔離9:30後入座只要$178，不過無了海鮮拼盤，真係平有平食。

朋友約食飯，幾個人去了旺角這間餐廳，一個價錢，多款享受，$268可以無限任食雞煲，之後就有半任食火鍋，多款海鮮及任食火鍋配料，價錢超值。飲品有無糖茶、汽水及梳打水等。麻辣熱煲要了BB辣，店員教每分半鐘撈一撈，第四次就落埋油炸鬼，由半熟炒至雞肉帶焦香，雞肉麻辣味輕微，怕辣者都食到，肉質嫩滑，油炸鬼就吸了雞油，比較油膩但很脆。食完雞煲就換了個蟹鍋花甲湯底，原隻蟹肉、粟米等放入湯底，湯清且鮮甜。手切牛頸脊雪花紋理清晰，肉味較濃郁，入口甘香且腍。海鮮拼盤扇貝、新鮮鮑魚、象拔蚌仔、蝦、蠔、鱔片、賴尿蝦，其實鮑魚還動，所有海鮮都很新鮮，最好味的一定是鮑魚及蝦，前者夠腍後者彈牙。其實食完海鮮都飽得八八九九，再叫了少許雲吞及餃，丸類等，味道不過不失。最後食埋個紫薯奶凍，棒腹而回。原來9:30後除了無海鮮之外，都有這個任食套餐，價錢更抵只要$178，下次都可以同班夜貓試下。

我地一行三十幾人包房食雞煲，但最神奇既係... 我第一次食雞煲/打邊爐要換煲! 都好既... 我個人黎講應該都算食得辣，但唔鍾意食麻，佢呢間麻都重既，因為就同事所以兩個煲，一辣一bb辣. 至於湯底，一個豬骨一個係花甲蟹，因為係我面前，所以我係花甲煲(都好! 我鍾意海鮮XD)... 其實打左一陣，同事們都飲酒，我地個枱就繼續食XD 但都無特別攞好多菜，就咁枱面有咩就食咩... 最後我食個娃娃菜，佢索住個湯都幾甜，應該都係因為堆海鮮!不過佢魚生同海鮮拼盤用假花，仲要係好多塵，呢個係唔多ok既一樣野

旺角可以打邊爐既地方好多但要有好評就唔容易今日試下新南苑因為之前有朋友講過質素唔錯佢有個套餐幾好客人可以簡唔同湯底佢會包一個海鮮拼盤一碟牛肉一碟雜錦既丸，入面有小籠包，有餃而且仲有任食既餐牌海鮮拼盤用料好認真好新鮮有鮑魚有大大隻好肥美既蠔有貝類有蝦有魚勁正佢任食既選擇都好多款有個雪櫃係可以比客自由攞菜既非常貼心。今日我選擇左雞煲中辣好惹味佢既辛辣度同麻度調較得岩岩好雞肉唔係一早煮定翻熱好欣賞，要等佢熟透佢好足夠洋蔥炒時已聞到好香食落真係好嫩滑咩部位都唔會過老過硬提議鐘意食雞煲既朋友一定要試其他火鍋料都好新鮮係跟據你人數比份量好貼心唔怕浪費整體黎講 好值得試

約咗舊同事出嚟食飯，大家都係男仔咁當然要去打下邊爐。就揀咗呢一間嘅雞煲火鍋，因為本人又鍾意食火鍋又鍾意打邊爐，一舉兩得。有個餐都幾抵食任食雞煲同埋火鍋配料$178。但係因為我哋想食埋海鮮所以就叫咗另一個套餐呢個套餐唔單止有雞煲食，仲有海鮮拼盤，手切肥牛，仲有任食嘅火鍋配料每位$268。首先當然要來一個雞煲小辣。呢度應該有半隻雞，隻雞都幾肥，都幾入味，好香辣椒味，唔算係太鹹，麻辣味亦都幾充足，我同朋友好快就食晒啲煲雞。套餐附送嘅丸，比較好食嘅係貢丸同魚皮餃套餐附送嘅手切肥牛，好肥美好多雪花，牛味好充足，好新鮮當然唔少得套餐附送嘅海鮮拼盤，裏面有聖子，鮑魚，扇貝，大蜆，蝦，生蠔，同埋玩魚片龍躉片好新鮮，肉質好彈牙，呢個一定要食鮑魚好鮮甜新鮮嘢飲方面選擇都幾多，有汽水無糖可樂，檸檬茶，遊戲礦泉水亦都有，選擇嘅種類都幾多每人埋單$310到，呢個價錢都算合理

天氣忽然又變得清涼，晚餐又係火鍋嘅好時機，又同友人上黎呢度開餐大堂內牆上有多部大電視，特設多間VIP房間，想一大班朋友私人一點亦得今次食呢個海鮮火鍋半放題餐套飲品自己出去雪櫃拎招牌麻辣鷄煲 (三位以上可免費享用)，如果兩位嘅就可以二選一，我地當然選擇海鮮火鍋係幾款特式湯底中自選1款，侍應提議可以試下新鮮蟹窩花甲湯底，原隻蟹加埋花甲，粟米，蕃茄，芹菜及蘿白，啖湯果然夠鮮甜，清中又唔會油膩，配搭各款火鍋料都無難度!生猛海鮮拼盤 (6-8款)，視乎當其時來貨，今晚有鮑魚，聖子皇，生蠔，元貝，馬刀貝，蝦，脆鯇片，脆骨腩，以冰底墊住保持新鮮感!脆鯇片幾有魚味馬刀貝爽甜鮑魚烚完一D都唔變韌，反而幾軟腍，好味蟶子皇烚完都唔會縮得太多，一條入口夠晒爽脆口感脆骨腩口感爽脆，但食時要小心細骨蔬菜類就自己出去拎，分別有幾款蔬菜，冬瓜片，炸芋頭，金菇及粟米本地手切牛頸脊，二人份量其實都幾夠食，肉色靚仔係咁易烚一烚已經食得，肉味香濃，早已成為我嘅火鍋膽呢客有幾款丸類嘅拼盤就自動送上，食過邊款好味嘅可以再點，仲有小籠包貢丸幾有貢丸味，又爆汁; 而小籠包烚嘅比蒸嘅又另一種口感，外皮變得軟腍其他任點任食火鍋配料好多選

人生最開心嘅事莫過於吃喝玩樂，又唔需要自己比錢😂於是一聽到經理話請同事食飯，我當然係最踴躍參與個一個啦🤣收工之後等齊一大班同事，就上左黎呢度，我地事先有book定位，所以上到黎知道可以入座👏🏻估唔到經理都幾大方下，先叫左雞煲🐔之後黎左個海鮮拼盤，wow😳魚🐠蝦🦐鮑魚🐚蜆，仲有水魚🐢等等，睇黎對我地呢班同事都幾好👍🏻眼見啲海鮮都好新鮮，而且肉質鮮美，幾厚肉下，雞煲🐔都唔差，完全符合我口味，服務態度都唔差，有個師傅過黎幫我地炒雞🐔。呢餐飯食得幾開心下，大家有講有笑，仲有好同事幫我剝蝦殼，真係受寵若驚🤭，見我地經理對我地呢幫同事甘好，我地會比心機做野架啦，加油啦大家💪🏻💪🏻💪🏻

今晚專登黎旺角試雞煲海鮮火鍋，首先點咗個小辣雞煲，味道好濃，味道都算唔錯，不過唔算好辣，下次可以叫中辣試吓之後就上個海鮮拼盤，d海鮮非常新鮮之後再食肥牛同丸類，我覺得d餃好出色，好新鮮，好爽口，整體上都唔錯

之前行過西洋菜街見人派新南苑私房菜火鍋鷄煲的單張，我母親大人見到後話：好似唔錯。於是我之後後就Book 左位食。一行入餐廳就見到很大的水缸，裏面裝著新鮮的海鮮。餐廳有多間房間，方便一大群人聚會。海鮮火鍋半放題套餐價錢方面是每人$258。醬料每位$10。套餐可以選擇鷄煲/湯底打邊爐，喜歡海鮮的我們就叫了一個新鮮蟹鍋花甲湯底，湯底裏面有一隻蟹和許多大大粒的花甲，只看材料就知道這個湯底一定非常鮮甜。另外，湯底還有粟米，秀珍菇，和番茄等調味。湯底蟹肉結實鮮味，花甲不但大粒而且鮮甜無沙。套餐還會附送海鮮拼盤和本地手切牛頸脊。首先海鮮拼盤，包括有海蝦、蟶子、生蠔、鮑魚、帶子、蚌、龍躉片及脆鯇片。海鮮全部都都又新鮮又甜!尤其係帶子！！基本上都唔使點調味料。本地手切牛頸脊：牛肉色澤紅潤，油花不多但均勻！脂肪教少，但肉質鮮嫩重牛味，外面更有蔬菜，飲品和調味料的自助Bar，鍾意邊樣都可以任拿！當然要食得曬，唔好浪費食物la。除了海鮮這裏仲有好多款配料可以選擇，例如：雲吞、韮菜餃、丸類、魚皮餃和龍躉片及脆鯇片等等，再想orden的話找店員落即可。最後仲有甜品做結尾，而且店員們都好親切！呢餐真係好滿足。

呢間雞煲一直都想試好耐，今晚終於可以黎試下。餐廳位於旺角新之城附近，出地鐵站好快就會搵到。上到餐廳見到座無虛席，好在我們有book位，如果唔係都可能會冇得食。餐廳都幾大，以大枱為主，還有一些卡位供2人使用。我跟友人兩個當然是坐卡位，雖然是2人卡位，但一D都唔迫，坐得舒服。坐低後侍應為我們介紹一下個半自助套餐及飲品、蔬菜的位置，便幫我們上準備雞煲。飲品都有很多不同的選擇，菜的款式都不是。醬料區亦有多款醫料可揀選。招牌麻辣雞煲(小辣)，雞煲上枱，侍應周不時都會幫忙搞動雞煲至可以食用，非常貼心。雞大概有半隻，起初食唔算好麻辣，但食多幾舊雞之後麻辣味便開始出了，味道唔算好咸。而且這裡的雞煲跟平時出面吃到的有少少不同，就是他們還會加入油炸鬼，幾特別!清湯打邊爐，食完雞煲之後便可請店員上清湯，清湯都唔算係清湯，因為湯底入面已經有粟米、秀珍菇及白蘿蔔。海鮮拼盤，包括有海蝦、龍蝦、蟶子、生蠔、鮑魚、蚌、龍躉片及脆鯇片。海鮮都好新鮮，全部都好鮮甜!本地手切牛頸脊，牛肉厚薄適中，牛肉味都幾濃!任食火鍋配料雖然唔算話好多選擇，但係都足夠令你食到飽!而且絕對唔會漏單，因為是直接跟侍應講就可以了，好快就會有。冇

大半年前同一大班朋友食過一次，覺得好好味，一直都念念不忘😳於是就決定同男朋友兩個再黎試下😋我地叫左個招牌麻辣雞煲(微辣)🤣再配左個普通清湯湯底既海鮮火鍋！因為店員同我地講我地兩個人，如果選擇食雞煲既話，只能配上清湯湯底！但如果我地唔要雞煲，就可以要啲特色既湯底打邊爐🤔最終我地都係揀左要雞煲(冇可能黎到唔食雞煲架嘛🙈)呢個冰震鮑魚係佢附送既前菜，每人有一隻😊可能自己本身比較少食冰震鮑魚，所以覺得真係幾唔錯🥳啖啖肉🥰-🎈招牌麻辣雞煲(微辣)店員一上左個麻辣雞煲，就同我地講話大概幾分鐘要翻一翻佢(確實就唔記得左係幾多分鐘啦😂)，同時要加埋啲油炸鬼落去，好似一共都要翻三四次，應該係驚佢會黏底😅等左一陣終於有得食啦！！個雞好惹味，時間煮得岩岩好，仲好嫩滑😳我同我男朋友覺得份量都好多，兩個人夾左好多轉都未食哂！特別欣賞佢既油炸鬼，幾特別而且有驚喜，煮左之後脆脆地，仲吸哂入面雞煲既味，真係十分邪惡🤤-🎈生猛海鮮拼盤完全係見到啲海鮮就會嘩一聲啊！！呢度有七種海鮮，樣樣都超新鮮，有鮮甜的味道😍-🎈本地手切牛頸脊配頂級任食火鍋配料呢度真係樣樣野都好高質，牛頸脊色澤好靚，又唔會話太多肥既位，所以食落好感好好