新匯聚餐廳小廚

營業中

休息中

以前細細個間中都會同家人去食下大排檔，但而家係香港，大排檔都買少見少，今晚食完新匯聚，就令我想起兒時大排檔既風味。潮州蠔餅蠔餅好大塊，係6-8人份量。蠔餅炸得好香脆，麵粉唔多，蠔夠鮮，有蠔味，加魚露食好好味！酥炸大乳鴿乳鴿滋味鮮美，肉質細嫩，size 算大，有肉地，我就至鐘意加淮鹽食！招牌蜜糖薯仔牛柳粒薯仔外脆內軟，食落甜甜地好香口，而且仲有黑椒粒，又甜又辣好開胃。牛柳粒肉質軟嫩，有嚼勁，味道香口！夠鑊氣！清熱健脾薏米水薏米水好清甜，檸檬味重，食完煎炸嘢飲返杯薏米水就冇咁熱氣，夠哂正！

餐廳位於觀塘工業區內，經過停車場之後半層樓梯上去舖頭門口。餐廳鋪面尚算光猛，地下嘅路都冇油淋淋，比街邊大排檔好。進入後就會見到開放式嘅水吧，水吧出邊擺放左唔同嘅餐前小食例如咖喱魷魚同埋雞腳等等。餐廳小炒種類算多，菜式亦不會太死板，例如有避風塘茄子、蜂蜜欖角骨等等今次一行二人就直接進入戲肉，食小炒。當日帶咗三個餸分別係酥炸鹹豬手、椒鹽鮮魷、同埋蜜椒薯仔牛柳粒。炸豬手配上自家調製嘅芥末沙律醬，醬汁偏甜可中和鹹豬手嘅鹹味到時芥末可以刺激到味覺，唔會食兩舊就覺得好膩。豬手皮炸得香脆，入邊嘅脂肪及骨膠原亦唔會太過UN，惟肉嘅火候可以再掌握得好啲。椒鹽鮮魷上面鋪滿左炸蒜，每一塊都食到滿滿嘅炸蒜，魷魚肉質爽彈，亦都冇過老，可惜調味有啲重手，小咸，建議點少少喼汁中和番。薯仔牛柳粒做法是先將牛肉薯仔走油炸脆，在以蜜椒汁炒，包着甜甜蜜椒汁既薯仔外脆內軟，忍唔住一啖接一啖咁食，而牛柳屬正常冇乜筋，呢個餸薯仔先係主菜。食到咁上下有啲口乾叫咗杯特飲，特飲用蜂蜜、檸檬、梳打水製成，驚喜嘅係飲落味道似益力多。餐廳內另有打冷同小食但係當日太飽試唔到，下次可以再試下。總括而言餐廳種類食物多，小菜價錢由80-200不等。

今晚又想做無飯主婦，就來觀塘逛一逛，順道來這新匯聚餐廳小廚，見平時上班時間也有不少捧場客，想不到星期日晚上來也是這麼熱鬧😁🙌🏼家鄉炒銀絲老公想吃點小炒，於是點了這炒銀絲，非常有鑊氣💕有蝦仁、芽菜、瘦肉絲、芝麻、紅椒、蔥、蛋、粉絲😎好足料呢！而且蝦仁有四五粒👍🏼👍🏼👍🏼這炒銀絲的份量大，兩人吃實在非常飽肚。芝麻雞第一次吃芝麻雞，雞皮炸得香脆，配上芝麻粒粒，吃起來像薯片一樣脆卜卜🙈🙈半隻雞的份量足夠兩人吃，不錯。金銀蛋浸時菜我們選了娃娃菜，喜歡這菜式有很多的配料，有皮蛋、蛋白、肉碎，而且湯底很夠味，令到娃娃菜更加鮮甜。這道菜的性價比不錯。下次一家人再來吃晚飯！大大碟的小炒，非常性價比高😋

今日嚟到觀塘工業區搵食，搵到呢間類似大排檔嘅港式餐廳，去試吓先！「蜜汁薯仔牛柳粒」薯仔煮得好琳，外表脆脆地，加上好多蜜汁，甜甜地好好味😋牛肉粒都有好多舊，大大舊啖啖肉「西檸雞」嚟到港式餐廳，梗係要食西檸雞啦！好多西檸蜜汁，甜甜酸酸好開胃，啲雞都炸很好脆，有成十幾件雞，算係好大碟好抵食「炸乳鴿」乳鴿好大隻，肥瘦度適中，外皮炸得好趣，又夠熱，應該係即炸嘅！啖啖肉，兩個人食啱啱好總結：好多菜式揀👍🏻

觀塘開源道一帶很多嘢食，今日來到觀塘，揀了食這間成業街的新匯聚餐廳小廚。見這個晚市特惠二人餐$170抵食，A+B款菜式任揀各一款，及配白飯兩碗，無味精老火湯和是日甜品，所以就要了個2人餐，及加多個豉汁蒸白鱔。今日老火湯轉了做粟米羹，粟米羹裏面有蛋白、粟米……等等，口感香甜又夠滑！套餐要了兩個菜 ，馬拉盞炒油麥菜及 薑蔥魚雲。馬拉盞炒油麥菜炒得真的很入味，油麥菜青綠入味又爽脆 ，是一個鑊氣小炒！薑蔥魚雲炸的連魚頭的邊邊都很脆，經醃過很入味 ，魚雲軟軟的又腍又滑，伴著經炸過的香蔥食，更添魚雲的鮮味！豉汁蒸白鱔$130 白鱔一入口就知道非常新鮮，蒸到剛好熟，肉質帶爽口，鼓味剛好帶出白鱔的鮮甜！！二人餐甜品椰汁馬豆糕，馬豆帶腍一粒粒的，令馬豆糕腍滑又帶點口感，很香甜。我們見到這裏的甜品很吸引，所以要多一個懷舊甜品，芒果西米露+涼粉，芒果份量都較多，令整個甜品很香甜！

1.地理位置很好找。本來以為在工廈上面需要上去不方便，其實就在馬路押子邊上。2.朋友介紹的餐廳，跟老闆熟識所以服務熱情3.我們4人點太多炸的食物，炸蠔餅炸芝士爆漿魚蛋，炸藕餅和茄子，所以感覺整體有點乾。但是很送酒4.食物做的挺用心而且有心意。藕餅裡面還有肉末，小炒王的韭王很嫩很新鮮5.不過環境大家不要太期待，比較髒但是可以接受

Long time no dai pai don!!!😉- 晚市特惠二人套餐 $190包兩餸 白飯 甜品 同湯 白飯同甜品都正常 湯係粟米蘿蔔湯 都幾清甜1. 椒絲腐乳炒通菜 腐乳味濃 咸咸地咁 夠你撈勻成兜菜 都幾入味 菜都新鮮 唔會煮太腍2. 蜜糖薯仔牛柳粒啲薯仔好正 炒到好香 有鑊氣 又甜甜地咁 牛柳粒都唔錯 黑椒牛香味出 3. 檸檬薏米水 $22 x 2自家制嘅 幾濃味 檸檬同薏米味都出 夏天飲解暑 正4. 芝麻雞 $140呢個個set唔包 但係都幾有驚喜 外皮香脆 脆到好似炸子雞個層皮 但又多左個麻香味 肉質都嫩嘅Overall推介指數：4/5真點好耐冇食呢啲小菜 係回憶嘅味道 個啲潮洲嘢食都幾吸引 嘢食選擇多 係風扇開大左 嘢食易凍左 要快啲食咁

今日係公司提起同事以前大排檔食嘢好夠鑊氣，而家越來越少有，有同事提出去觀塘工業區的新匯聚餐廳小廚，佢話餐廳主打廣東粵菜，有大排檔風味，好夠鑊氣，一於去試吓先！秘製鎮江肉排，肉排有口感，每塊都沾滿特製，味道酸甜。紅燒豆腐，豆腐炸至金黃色，再利用紅燒的方式把豆腐和菇類炆入味，吃起來外皮略帶嚼勁，咬下後有豆腐水嫩的口感，尤其還沾滿鹹和甜的醬香，美味的醬汁真是令人食不停口。豆腐下還有蔬菜，沾滿醬汁爽口好味！福建炒飯，米飯和配料分開炒。材料有菜心粒、雞肉粒及蝦仁等，芡汁調得夠味又夠鑊氣。

有一段時間，因為疫情關係，好少出外食晚飯了，通常都在家食。近來，疫情好像緩和了點，好想出外食飯透下氣。難得，今晚清閒，唔想煮，約埋老公，去我們相熟的餐廳食飯，因實在好久沒來了，又好掛着那些小菜味道。我倆常在星期六放假就會在呢度食翻個扒餐，愛其大大份，又平宜就可以食到一個扒餐。夠平民！雖是在工廠大廈內，沒受到疫情影響下，食客都不少，招呼不斷！餐廳的裝潢都沒有太大的改變，現在坐起來寬鬆多了，要保持距離！因為只得我倆，選擇上都有點困難，因為不能叫得太多，但胃口是沒法擋，樣樣都想食。幸好，有套餐可選擇，又可選我倆想食的小菜。我倆叫了一個套餐，再加兩個小菜。大胃王消化了四個小菜、甜糕點、糖水。真是食得挺飽，又開心的。套餐我倆選了加料的套裝，要另加$20元，就可以食到我哋想食的小菜。兩個小菜、白飯、無味精老火湯、甜糕點。話梅骨~之前食過蜜糖欖角排骨，非常惹味。今次轉食話梅骨，愛其甜甜酸酸，開胃提味，夏日炎炎必食的小菜，排骨包上薄粉槳，再油炸，炸得外脆肉嫩，外面掛上話梅的甜酸，好味又開胃。薑蔥魚雲煲~老闆極力推介的小菜，他說：一點醒都沒有的，果然是，還好好味，真是沒介紹錯。碟內不是全部都是魚雲，都有

很久也沒來觀塘吃飯，當然要試這區的特色餐廳。選了這間鍋氣小炒，餐廳裝修不算新淨，但勝在寬敞，坐得舒服，適合朋友聚會。地理位置10分方便地鐵站一出行5分鐘就到，而且入去差啲之前都要做出防疫措施，用搓手液洗手同埋安心出行之後開始點餐：鹵水拼盆和朋友叫了一知鹵水小拼盆，叫了就後悔，不是因為不好吃，而是份量很多，足足夠3-4人食用。鹵水香，而且它的食材新鮮，配上啤酒或白飯真是一流。炸乳鴿它的乳鴿也是大大隻的，表皮炸得很香很脆，內里鴿肉很入味，大大隻的，非常多肉。而且我見差唔多每一台都有嗌所以自己都想試一下。薑汁炒時蔬薑汁炒得很香，而且非常有鍋氣，不是一般餐廳能炒到有的。而且出嚟嘅顏色都好鮮綠色係我鍾意食嘅味道。甜品最後老闆還送了兩舊紅豆糕給我們，真是非常欣切，難怪那麼多熟客

今晚又冇飯開， 好想食大排檔可惜屋企樓下冇， 靈機一觸去咗觀塘『新匯聚餐廳小廚』， 多款鑊氣小炒， 打冷小食，總有一款啱～假日六點鐘左右， 已有不少顧客入座， 建議最好還是先book位～老闆親自招待客人， 有傾有講， 客人也自得其樂。餐廳冇茶芥， 但也有一壺滾水可以沖洗杯筷子。唔飲茶都有其他選擇。這杯鎮店特飲，鮮檸蜜梳打$20～ 清新嘅檸檬和花蜜香甜， 沒有糖漿糖水人造甜味， 配上有汽梳打，超爽呀！二人套餐相當抵食。蛋花粟米湯， 不會好鹹， 味道唔錯的～椒絲腐乳通菜，夠鑊氣！ 那個腐乳醬汁濃郁惹味， 配襯爽嫩的通菜冇得頂！話梅骨店家招牌名菜。 話梅骨外皮炸得酥脆， 但入口不覺得油膩， 咬開有肉汁， 有嚼勁， 最喜歡連接在骨頭的筋位，用了話梅打成芡汁，厚薄適中， 微微酸更帶出排骨嘅鮮味～ 果然冇介紹錯～招牌清湯牛筋腩$120老闆話湯底加入北芪，黨參一同熬煮， 非一般清湯腩嘅湯底。 果然入囗濃郁清香，但唔會有好重的藥材味！ 連牛腩嘅羶味和油份也撇除， 加上唐芹，香菇， 湯底濃而不膩👍😋牛筋腩炆到又腍又滑 ，好入味 ， 好吃到不得了！！晚餐餸嘅甜品： 椰汁糕， 椰汁味香濃， 質地比較爽 ，

My family and I went to a Chinese restaurant called "新匯聚餐廳小廚" located in Flat 1, 1/F, Sing Win Factory Building, 15-17 Shing Yip Street, Kwun Tong(觀塘成業街15-17號成運工業大廈1樓1室)"Stir fried prawns with egg and red onion"滑蛋炒蝦仁配紅洋蔥HKD$128..The prawns are jumbo sizes.Springy, bouncy and generous portion!!..The scrambled egg is smooth and creamy. Not over seasoned nor too oily!!Very nice!..Value for money yet delish.Highly recommended!"Stir fried grouper with celery"翡翠炒班球HKD$178The celery is crunchy, fresh a

週末去觀塘區做運動，之前先去新匯聚餐廳小廚吃飯。地點還算方便，只需走一層樓梯即可到達，免卻等候升降機之麻煩。食物選擇種類相當多，總能揀到心頭好。今天的選擇是芝士焗黑椒蜜薯牛仔粒。 可以選配焗飯或焗意大利粉，我選擇了後者。稍等一會，食物隨即預備好。味道整體不錯，擺盤也精美。芝士份量不會太多，不會太過油膩。薯仔名副其實是蜜薯，很甜而且很稔。牛仔粒幾大粒，很有咬口，不是偷工減料的用料。配合黑椒味道，更加香。意大利粉口感適中，偏向較有嚼勁的。餐飲是凍檸茶，少甜少冰，名副其實少甜得來，但又剛好把檸檬的苦澀蓋住，還真的不錯。

觀塘放工時間周圍都多人，記得幾年前食過新匯聚都唔錯，所以今晚決左食呢間。炸乳鴿 $70老闆親自醃制，夠哂入味，平時出面食都係配醬油，呢度配酸汁，夠開胃。芝麻雞 半隻 $140每件雞件上都鋪滿了芝麻，每一啖都有芝麻香，食落非常香口，味道有點似新年食既笑口棗，雖然係炸過，但雞肉肉質亦唔會鞋。家鄉煎藕餅 $110明明係寫煎藕餅，但上碟竟然係炸😂共8個藕餅整整齊齊鋪上碟上，但呢個真係有驚喜，外皮唔會太厚，食落有蓮藕既爽口，中間既肉質有汁又嫩，配埋炸蒜一齊起夠哂香，好好味😋桃膠蓮子手磨杏仁露 $35呢個係必食之選，份量充足，杏仁露非常濃郁，重點係唔太甜，而且桃膠蓮子份量都好多，明明夠哂飽，但食完仲想食多碗😄。

以前有一段時間在觀塘返工, 中午都會約同事去新匯聚食下, 轉工之後都會間中返去食下我最愛的係蜜糖薯仔牛柳粒, 基本上係個個人去食都必點菜!牛柳粒唔好睇佢黑黑的, 一點也不韌, 內裡有牛油, 所以食起來感覺有肉汁! 薯仔就像是炸過的薯角一樣, 所有表面都炸得很均勻, 外脆加上蜜糖, 會令人食上癮!!因為怕食薯仔太多會口乾, 所以點了個小的蠔仔泡飯, 雖然係小份, 但其實可以分到3,4個飯碗的份量了! 蠔仔很肥美!!泡飯同似有肉碎, 加上很多蠔仔, 湯很鮮甜!!! 蠔仔唔覺腥, 而且很乾淨沒有沙。胡椒粉絲大蝦煲估唔到會有咁多粉絲呢~ 大蝦有3大隻, 很鮮甜!!  粉絲煲上加上不少芝麻, 增加香味同口感~食完仲可以叫糖水, 因為佢地有間糖水鋪係隔離!! 我另外點了個白果腐竹糖水, 甜甜地潤下喉, 老闆仲好好人咁送馬豆糕比我地食!馬豆糕勁滑又有馬豆香, 超好食!!新匯聚的款式都幾多又夠鑊氣, 仲有我最愛的蜜糖薯仔牛柳粒, 所以食過番尋味~~