新匯聚打冷小廚 (已結業)

今天和幾位朋友吃飯，朋友要求在觀塘找食店，在百般挑選下選了這間，這裡位於工廠區，我們在停車場望入去才見招牌，有點隱秘，幸好還找到呢。店內光猛大間，我們坐下後都忙著點菜，雖然這裡有打冷，但因早前都吃過打冷，所以只叫了一些小菜和一碟鵝片。鵝片滷得很入味，份量適中，鵝肉很嫰易咀嚼，唔錯！飯前三小食，我們選了麻辣貢菜飽鮑魚絲，陳醋雲耳和北海道花皮。麻辣貢菜飽魚絲，入口麻香四溢，少少辣，貢菜爽脆，鮑魚絲不是很多，但整碟小食都很惹味，連我不吃辣的都可吃到，麻香味突出，非常惹味可口！推介！！陳醋雲耳帶有少少陳醋酸味，但又不會搶喉，雲耳清爽，小食佳選！北海道花皮，其實是深海水母，即係海哲，但花皮面頭有一點點的花紋，脆口之餘還吃到面頭的好像沙面的質感，好得意，還有青瓜襯托，好味又清新！招牌話梅骨，入口酸酸甜甜，份量很多，肉骨比例適中，炸得很鬆脆，很開胃。芝麻雞，面頭佈满芝麻，入口很有芝麻香味，雞肉嫰滑多汁！椒鹽九肚魚，上枱時，椒鹽鋪滿在九肚魚上，九肚魚肉滑，配上椒鹽份外惹味！蒜茸炒通菜，通菜新鮮爽甜，有濃濃的蒜茸味，加上少量紫洋蔥，份量都不少，炒得很有鑊氣！店員送上紅豆椰汁糕作飯後甜品，味道香甜，椰香撲

我妹妹今年年頭因病已離世，自己摺埋咗好長好長好長時間，不是不外出晚飯，而是食咩都無味。心裡非常傷心難過。6月香港人開始運動，家𥚃由8月開始永遠有講不完的話題。心情更加沉重。今天，因香港實在亂，我不敢架車外出，結果竟然令我走到一間已經想光顧已久的小廚。這小廚令我不得不再執筆，因為實在好味，不得不想介紹比大家，它的價格又比一般的小廚抵食，我本人覺得好味過石門的陳XX及好多大酒樓，可能我對小炒情有獨鍾。今天我們倆人點了三款菜式，因為我都是第一次到來，所以戰戰兢兢地點了佢大大幅相貼出嚟嘅招牌菜招牌話梅骨，外脆內軟，非常惹味。椒鹽九肚魚，包住九肚魚的炸粉非常薄，做到外脆內滑，再加上蒜鹽配搭，令人無法抗拒。還有啫啫芥蘭煲，芥蘭幼嫩加上乾蝦米肉碎，我真的真心不能不叫絶⋯⋯心想下次到來一定要約多啲朋友試多幾款菜式。最後，還有小小甜品送呢。。。多謝這小廚令我再次活起來。

近排日日掛住返工，無時間搵朋友吹吹水，所以今日搵咗朋友同我去打冷食飯。天氣熱辣辣叫杯凍飲先，鮮檸蜜味道清新酸酸甜甜好醒胃。潮式蠔仔泡飯，份量大兩個人吃可以吃兩碗多，蠔仔新鮮配料多。招牌小炒王( 韭菜花、腰果、蝦仁、鮮魷、銀魚乾)韭菜花爽甜腰果炸得爽脆，而蝦仁魷魚鮮甜，銀魚乾好有咸香味。椒鹽九肚魚，炸漿夠乾身九肚魚鮮嫰，椒鹽炒得好香配合九肚魚一起吃特別有風味。還有很多小菜都想吃，但得兩個人真的叫得不多，為有下次相約幾個朋友再吃個夠。

好近地鐵站 不過唔係咁易搵不過有哂燈牌指示細心啲肯定會搵到既😂😂咁難搵都咁雖然唔係主打打冷但呢到既潮州菜一啲都唔遜色！蠔餅超大碟超多蠔炸得脆卜卜 $70 蚊真係超高性價比滷水掌翼($80)滷水汁調得剛剛好最重要係整個掌翼都好入味份量亦係唔少 送酒一流呀! 臨走前仲有甜品送 椰汁糕 完滿既晚餐其實呢到仲有 “一條龍服務”做埋甜品生意可惜真係太飽喇下次試下先^_^本身以為呢啲小菜館只可以以現金埋單 點知佢竟然仲可以其他付款方式 都幾前衛bor

最近愛上了打冷所以集中揾潮洲菜餐廳今日黎到觀塘揾到新匯聚打冷小廚我8:30 到真係坐無虛席好爆場好熱鬧我地兩人叫左招牌話梅骨細既蠔仔粥欖菜四季豆  本身想叫滷水拼盤同酥炸乳鴿但因為爆場同太受歡迎供不應求 沽清了招牌話梅骨好大碟 份量好足賣相都好靚炸到棕紅顏色未食都知夠獲氣食落外脆內軟肉質好嫩味道亦好突出酸酸甜甜話梅味好開胃好岩送飯細既蠔仔粥打冷必叫之一雖然細但係好足料粒粒蠔仔都好大好鮮味 粥既濃度岩岩好細碗已夠兩個人分欖菜四季豆炒得入味又乾身非常好 遲d要再黎試埋其他菜式

中秋提早同屋企人做節呢間小菜館沒有華麗嘅裝修靠既絕對係街坊們既讚賞但即使閒日都依然接近座無虛席雖然佢小菜差唔多成$100 但其實真係好大碟而且係水準以上呢個蜜糖薯仔牛柳粒 ($115)薯仔炸過勁香口入味大家爭薯仔多過牛柳粒 中秋佳節叫一叫海鮮慶祝四隻日本大元貝兩隻芝士焗配伊面底($55隻)後生一族最愛 好正 ！另外兩位老人家唔食芝士所以點左兩隻蒜蓉粉絲蒸($50隻)更加冇得輸 勁香而且都真係足料大大粒！唔會蒸老左！俾個LIke!!

第一次到觀塘成業街工廈吃潮洲菜，結果這一間新匯聚打冷小廚不負所托，比預期之中好。特別是他們的打冷小菜。先來一份$60的韭菜豬紅，簡簡單單的一份看來沒什麼特別，若喜愛食吃豬紅的話，這一份是極品。湯汁的鹹味和韭菜的香味調和得非常好，使爽口的豬血更加入味。另一份$70的豪餅，绝不欺塲，非常大碟，堅多豪仔，炸得香口，開始感覺有點熱氣。潮州菜不能少的，就是這一份$110的鵝片，鬆軟鵝肉帶着小小肥脂的鵝皮，容易入口，送白飯更正。以這價錢來說，屬性價比高之選。吃了幾份招牌打冷盤，應該來些菜類中和一下，這一份欖菜肉鬆四季豆來一起送飯也不錯。想吃多點肉，從餐牌中看到這一份推介，招牌話梅骨，可是肉卻硬了些，沒有想像中那麼酸甜醒胃。再叫多這一碟番茄紅菜頭南瓜浸時菜來清淡一下，老少咸宜。整體來說這打冷小店性價比都幾高。雖然沒有華麗的裝修，生意其實幾好，服務殷勤，令人滿意。@ Eaten by CalvinCanEat.com

朋友公司剛剛搬到觀塘成業工業大廈， 他午餐大多數都在這間新匯聚打冷小廚, 因為方便和味道唔錯。所以今次他提議试一试他們的晚飯小菜，平日放工時間六點零七點鐘看見都差不多坐滿了。雖然在工廠大廈裏面，但環境都算寬敞開揚還有電視看。 餐牌上選擇都算頗多，有潮州打冷還有很多特色小菜。 我們選擇了這裏推介的話梅骨，這個份量不少，酸酸甜甜香脆可口。薑蔥魚雲煲，這個魚雲煲上枱時熱辣辣香噴噴，魚雲鮮嫩，煎得外脆內軟非常惹味， 這兩個小菜非常惹味配埋啤酒就一流。這個潮式沙薑炆芥菜，我個人喜歡芥菜甘甘苦苦配惹味嘅小菜，口感清新。 餐後還有免費贈送，這個綠豆椰汁糕味道清甜。餐牌上還有其他甜品供應，我看見有大母指推介生磨芝麻糊和椰汁紫米露，好吸引所以決定每樣要一個試一試， 芝麻糊香滑甜度適中， 椰汁紫米露香濃。 下次可以和一大班朋友同事飯敘，可以選擇更多打冷特色小菜和甜品。

今夜到了觀塘晚餐，有朋友介紹工業大廈有一間打冷小菜很值得試，於是帶同男友一嘗。一坐下來，侍應向我們推介今天來了新鮮蟶子，説一碟有差不多二十隻，可白灼或豉椒炒，我們點了一碟，另外點了蠔餅及廚師推介- 酥炸咸豬手。豉椒炒海鮮小蟶子我們數了一數，真的有起碼二十隻蟶子，蟶子肉質肥美新鮮，相信清蒸蟶子也十分鮮甜，豉椒炒得很有鑊氣，待應推介很好。蠔餅有別一般的蠔餅，沒有蛋，也不是用細蠔，用的蠔是較大的，炸得黃金，每一口都有蠔有蔥，還有一些芹菜，很香，份量很足，炸得很香脆，蠔新鮮。酥炸咸豬手豬手皮排得非常整齊，初上枱看還以爲燒乳豬，豬手皮十分鬆脆，沒多餘肥膏，份量剛好，豬手肉很入味道，入口嫩，不會韌，沾一下芥末醬又有另一番味道，廚師推介的一味好餸。最後還有杞子桂花糕送給我們作飯後甜品。

今晚有食神，皆因相好友約在「新匯聚打冷小廚」飯聚。酥炸大乳鴿香氣撲鼻而至，啖啖皮脆肉香將味蕾沉醉了！擁有無敵賣相的椒鹽鮮魷拼欖角骨，除了令我們眼前一亮，也刺激食欲！鮮魷炸得乾身不油膩，脆而不靭，椒鹽香而不鹹。蜜味的欖角骨夾著欖角的鹹香，口感滋味無窮！蜜汁凝結了！用筷子拉起絲吃，清甜煙靭，帶我們回憶童真！蝦球湯伊麵有爽脆大蝦仁、香菇和腍甜菜心，伊麵份量很足夠我們分享，因此也充地份補充澱粉質！免加一小費，還有甜品奉送~~杞子桂花糕，清甜冰凍，消暑透心凉！

放工後與朋友食晚餐， 突然很想吃蠔仔粥，在openrice尋覓一下，便找到位於觀塘的新匯聚打冷小廚。餐廳位於工業大廈地下，不知道是不是我走錯街道，需要穿過停車場才能進入。路痴的我幸而有朋友一起找路，也找到了令人滿足的美食。顧名思義，餐廳有各種潮州美食，例如鹵水，蠔仔粥，蠔餅等等，當中亦有很多，大排檔小菜。因為只得兩個人，我們只能淺嚐幾款食物。潮州蠔仔泡飯我們點了小份，但份量十足，我覺得足夠三至四人分享。蠔仔泡飯真材實料，大大隻的蠔仔鮮甜肥美，加上冬菇，芫茜，冬菜等等，令湯底蘊含著不同層次的味道，而泡飯吸收了 所有配料的精華，我和朋友都非常喜愛。椒鹽鮮魷拼欖角骨想要試不同食物但又擔心吃不完，選擇雙拼的菜式就是不二之選，剛巧見到餐牌上，這兩款我最喜愛的美食竟然有雙拼的選擇。椒鹽鮮魷 方面，魷魚新鮮爽口，炸漿亦做得香脆，最欣賞是面頭的椒鹽炸蒜，有種避風塘的感覺，香辣惹味。而欖角骨，用了欖角和蜜糖製作，煮得恰到好處，保留肉質之外，也非常軟淋入味，鹹甜鹹甜的風味非常吸引。金銀蛋浸娃娃菜看似簡單的菜式，餐廳卻誠意十足。除了平常見到的金銀蛋和蒜子之外，也加了大量菇菌以及免治肉末，即使吃蔬菜類，也不會

今天和朋友相聚，特意在網上找一間小菜館啤一啤去餐廳在工業大廈內，沿路都有路牌指示，並不難找餐廳內裝潢富有港式風味，冷氣也十足我們三個人點了三個小菜，大概十分鐘左右便上菜蜂蜜欖角骨 - 這個是招牌菜，肉排大啖大啖肉，再配上蜂蜜醬汁，微甜的味道令我吃不停口，是出奇地夾！燒汁鱔球 - 白鱔通常都是用豉汁蒸，而這道菜是脆炸白鱔球！首先份量是十分多，主角白鱔炸得非常鬆炸，咬下去是卜卜脆的聲音鱔肉沒有骨，而且非常嫩滑！這個鱔球真是令我吃過番尋味！椒鹽九肚魚 - 份量亦是大大份的，同樣是炸得非常脆而香口，九肚魚亦沒有碎骨這裡的小菜令到我們一人一個白飯是吃清光的！想不到在觀塘區都有性價比高的鑊氣小菜，下次必定會再來！

晚上在觀塘放工，於是就和同事到附近的新匯聚打冷小廚吃晚飯。雖然位處於工廠大廈，不過餐廳裝修簡潔舒服，價錢相宜，分量充足，所以當晚也吸引了不少食客。酥炸蠔餅，和一般潮式打冷舖的做法很不同，以粉漿包住蠔仔油炸，炸得非常香脆挺身，毫不軟腍，而且蠔仔粒粒肥美鮮味，份量大大碟，十分超值。同事介紹這間舖的話梅骨很不錯，於是就點來一份試試。果然排骨肉質鬆軟，味道酸甜醒胃，完全沒有油膩感，的確冇介紹錯。另外這邊也有甜品供應，我點了芒果椰汁西米涼粉，這裡的甜品也很大碗，芒果肉青甜味美，涼粉Q彈爽口，並由椰汁西米中和兩者，實在非常match。同事點了手磨芝麻糊，我試了一口，味道不會太甜，濃濃的芝麻香香氣，非常順滑。

去觀塘搵一間坐得舒服，地方闊落又好食嘅餐廳，第一時間就諗起呢一間新匯聚，之前食過一次，今次再返嚟食，食物依然有水準呢間餐廳真係咩都有得食，有潮州打冷，海鮮，精美小菜，都各式各樣嘅甜品，都一應俱全真係梗有一款啱口味啊熱檸檬薏米水（$22）大大杯，風格十足似台式飲品一樣，非常足料，有好多薏米，今次特登叫咗熱飲，飲入口好潤喉，味道帶點酸酸甜甜， 十分開胃招牌話梅骨（$95）每件骨都先經過油泡，外層咬落脆卜卜，經過高溫嘅郵包，亦都更能鎖死內裏嘅肉汁，造成一種愛吹來遠嘅口感。醬汁酸酸甜甜，分量十足，係抵食又好食嘅一道菜芝士焗日本大元貝（伊面底） $55/隻焗到帶一點微焦嘅芝士，份外香口。芝士包着吸盡芝士精華嘅伊面，昇華咗整個餸嘅味道。而主角大元貝，味道鮮甜，咬入口Juicy無比濃湯蝦米粉絲雜菜煲（$75）用蝦米及雜菌炮制而成嘅高湯，入口香濃無比，配上味道較為清新嘅蔬菜，配搭得宜。粉絲亦都起了一個吸收精華的作用，將雜菜煲的整個味道，一啖索入口中免費甜品上層係清甜嘅紅豆糕，下層係充滿香味嘅椰汁糕，絕對係用心製造之品，仲要係免費贈送，可以算係物輕情意重唔夠飽嘅話，仲有好多款價錢唔貴嘅甜品，真係一個地方

想食鑊氣小炒，潮州打冷， 我就諗起觀塘嘅《新匯聚打冷小廚》。今天和老公都可以快閃收工， 六點左右就入座。餐廳內籠好大， 仲有大圓枱， 啱曬成棚親戚或者同事食晚飯小菜。大排檔小炒， 各款打冷，特色煲仔菜，餐前小食， 各適其適應有盡有。印像中各款餸菜份量足， 我們二人只 點了 《鹵水拼盤 》$170和《薑蔥魚雲煲》$90。《鹵水拼盤》$170 超大堆頭， 每款擺盤精美，唔係搭頭搭尾的堆砌。 二人來說份量真係超大（ 但最後都好味道到食晒😊）。拼盤包括鹵水鵝，墨魚，豬大腸，紅腸，滷水豆腐豬頭肉及不少花生墊底， 勁豐富。鹵水鵝有點肥，不過夠嫩滑， 鹵水味甘香。豬大腸唔韌， 渗入肉鹵水汁極滋味。墨魚煙煙韌， 送啤酒一流 ，打冷不可缺少。鹵水豆腐甘香夠滑。豬頭肉 雖然非常邪惡 ，但口感好正！墊底嘅花生都大大粒，夠入味！白飯都好大碗！《薑蔥魚雲煲》$90鐵嘅煲 熱辣辣上枱， 香氣撲鼻。 大量薑，蔥， 蒜頭，紅洋蔥特別惹味。 魚雲大大件，泡過油，香口惹味， 完全唔腥， 勁入味， 做法相當講究，極回味。這杯《檸蜜梳打》$18 是店員推介招牌特飲， 檸蜜味加上鮮檸檬， 梳打夠氣嘅檸蜜香。睇睇吓餐牌上面仲有甜