新匯聚打冷小廚 (已結業)

今日約左麻甩老死食午飯，一定要來個男人的浪漫—- 豆腐火腩飯🤫 近近地他工作地方，於是選擇了這間新匯聚，聽他說，午膳時間非常多人，應是搵食好地方❤️芥蘭炒牛肉芥蘭新鮮翠綠，有黃椒和紅椒，看起來色彩繽紛，牛肉有牛味，朋友仔表示不會過韌🤤約$50就有如此大碟，還有一大碗飯和飲品，性價比都幾高。台式豆腐炆火腩火腩數量不少，最喜歡連皮吃的半肥瘦火腩，啖啖肉，超正！台式豆腐是我的最愛，店家先將豆腐煎香，再燘，配合火腩一起吃，真是絕對男人的浪漫。最喜歡的是餐廳環境闊落，座位寬敞，相信午餐或晚上會更加熱鬧。

今日去觀塘行街，又到晚飯時間，朋友話工業大廈內有間食小菜打冷都幾好食，便跟佢一試。獅頭鵝片 $120給分量頗多，切成薄片，鵝味濃郁，肉質亦不嚡口，蘸上酸醋汁，開胃又去膩。鵝片底下亦有很多滷水豆腐，吸收了滷水汁，不錯。椒鹽九肚魚 $100九肚魚外層的炸醬被輕炸，炸至金黃色，九肚魚肉質雪白，外脆內嫩, 正。上湯粉絲蝦米什菜煲 $85有生菜，菜心，娃娃菜，魷魚🦑，蝦米，蔬菜爽甜翠綠，調味剛好不太咸。粉絲吸收了什菜煲的上湯，很不錯呢。最後還有兩件紅豆椰汁糕作結，椰汁味濃郁，質感軟滑，又唔太甜，啱晒我。

很久沒有出街食飯，政府恢復晚市堂食，第一時間就約朋友去到觀塘的新匯聚打冷小廚開餐，餐廳防疫措施亦做得好，每張枱同枱之間有一定的距離，還用膠板隔開，使用餐的人食得放心。坐下即點了一碟滷水大腸拼鵝掌翼，大腸肉厚有口感，滷水味道調教得剛好，鵝掌、鵝翼亦鹵得非常入味，滷水味濃郁但又不會過咸。這碟滷水拼盤配上這間餐廳的獨特辣椒醬，更加是將美味水平推上另一層樓。椒蒜九肚魚拼蝦球，九肚魚炸得金黃，表皮酥脆可口，魚肉嫩滑，椒鹽蒜香味濃烈，鍋氣十足。而蝦球用新鮮的鮮蝦打成，炸得非常香脆，出爐上碟熱辣辣，絕對只有這𥚃才如此有風味。紅燒乳鴿也是這間餐廳的人氣名菜，剛進來也看到兩三枱食客也在品嚐，所以我們也點了一隻來試試。菜端上來的時候香味四溢，未食看見都口水直流，乳鴿咬下去仍然冒煙，皮脆肉嫩多汁，難怪稱得上是這裏的名菜。

今次又回來朋友介紹的打冷小店，店面寬敞舒適，燈光明亮，給人舒服的感覺，和觀塘這地方形成強烈的對比。鼓油皇鮮鵝腸鮮鵝腸打冷一定要叫，這店的鮮鵝腸非常新鮮爽口，配上辣椒豉油，雖然看似簡單，但味道非常好味，配啤酒真是一流。九菜豬紅菜式簡單，但味道好味。首先九菜香，爽，第二豬紅入味，入落淡淡的胡椒粉味，每舊豬紅也是如此入味，非常好吃。咖哩牛筋腩重頭戲就是這道菜，咖哩香而不太辣，岩我不太吃辣的人。加上牛筋腩嫩滑，一點也不韌，份量也比想像中多，配白飯吃配搭一流。

好似好耐都冇食過打冷小菜喇！OT後當然想食返啲好野啦好好彩呀，今日唔駛排隊就食到呢間個menu好豐富，有好多野都好想食揀左好耐，終於揀好左了！秘製蜂蜜欖角骨首先個擺盤一啲都唔hea味道甜甜地，可以中和欖角既咸，互相balance，幾好食重點係肉質好軟腍，唔驚會痴牙！椒鹽九肚魚其實我覺得有啲似避風塘九肚魚，食落有啲蒜香&辣辣地，好惹味啲配料用嚟撈飯可以食半碗飯的燒乳鴿好欣賞呢隻乳鴿唔會太肥而且夠肥美，食落啖啖肉！仲好多肉汁，外皮燒得夠脆金銀蛋莧菜仲有飯後甜品送添感覺好親民呀

🍴蜂蜜梳打水20 蚊🍯梳打汽水 加上凍檸蜜🍋 酸甜味適中 加埋有汽既 soda水 口感同味道都唔錯 🍴欖菜肉碎四季豆 73 蚊一上枱欖角味好香 欖菜夠足料👏🏻 四季豆好夠鑊氣 出面乾身入面保留適當既水份 加上紅椒 紫洋葱 juicy既豬肉碎 🐷調味 夠惹味又入味 🍴招牌蜜糖薯仔牛柳粒 130 蚊🐮🥔牛柳粒同薯仔都好足料 薯仔外面香脆 配 d蜜糖香🍯 入面熱辣辣帶 d粉身既口感👍🏻 牛柳粒帶少少肥膏 入面好夠 juicy 😍 盡吸蜜糖 配 d三色椒點綴就好正！ 🍴小滷水拼盤 130 蚊醃得好味既滷水 甜咸度適中 顏色比較深 鵝肉煙韌入味 爽口既墨魚🦑 入味既鵝掌翼 軟林既豬大腸🐽 仲有紅腸 肥味豬頸肉🐷彈牙豬耳 入味既 豆腐同 juicy花生等等 點 d辣汁或白醋都好正！#打冷 #潮州菜 #滷水 #四季豆 #薯仔 #牛柳粒 Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~

觀塘工業區最正就係有好多好味又幾抵食嘅餐廳。 呢間我覺得佢炒嘢都幾夠火候，所以就帶咗鬼佬老闆去試吓。餐廳午餐菜式，港式，西式，炒粉麵飯，選擇好多，我都花咗一啲時間先揀到。招牌話梅骨（$50）叫得招牌，果然係好推介。 酸甜味好香濃，遠處已經聞到。 排骨半肥瘦，多肉少骨，炸粉好薄。話梅汁浸入排骨肉，肉質嫩滑，味道香濃。蜜椒薯仔牛柳粒（$50）牛柳粒好多，同薯仔份量一樣，炒得好香口，黑椒味好突出，食落辣辣哋，特別惹味。牛肉粒都有牛肉香，好腍。午餐仲包飲品，只係$50 ，真係好抵食

物有所值觀塘晚餐打冷新地方。工業大廈附近，工廠大廈地鋪收收埋埋打冷小廚，同之前同名餐廳不同，呢個主要都有打冷為主。吸引不少附近返工放工人士。而且客人推薦都系因為街坊客，店員熱情，因為都系收工打冷。所以潮州菜首選。店內見到有人點左蠔餅，我地打冷當然也少不了蠔餅。整體大份，抵食，蠔餅酥脆香口，蛋香十足。蠔仔又爆汁大大隻。而除了蠔餅，顧名思義在主要冷菜式，一般計有滷水類，醃製類以及各類潮州粿品等。因此，因為不食內臟的我，只可以選擇如滷水鵝片或者鵝肉。打冷獅頭鵝片，獅頭鵝的肉味跟一般鵝不同，肉鬆軟且鵝味好重。肉質實淨而軟。金華火腿津白/豆苗。有肉一定要有綠色菜。豆苗或者津白，顏色都鮮。所以選擇的金華火腿味道濃烈，搭配豆苗也是鮮甜，不覺鹹。飲品方面由於比較煎炸野多，因此試了店內主打的蜂蜜檸檬蜜梳打水。陪襯蠔餅，炸野可以滋潤下喉嚨。

宜家觀塘工廈真係好多嘢食選擇，終於開返晚市，又想食下d大排檔類既野，收工就一於小聚下。見到家鄉煎藕餅都好多人推介,真係好香口，好有大排檔風味，裡面有小小肉包住，好香脆。再叫左個皇牌酥炸咸豬手,好有西餐水準，份量好大，外皮又係好脆，肉質都好滑,重點係個醬汁非常好味，沙律醬mix左wasabi,成件事配搭出黎就更加好味。再叫左個啫啫芥蘭煲,裡面有蝦米，辣椒肉碎一齊炒，好有鍋氣,味道又係好好.一家大細或者朋友相聚都係一個好選擇，叫餸食飯，環境乾净,和樂融融～

晚市觀塘區覓食，附近工廠大廈真係好多選擇❤︎ 香芋臘味粒煲仔飯，應該係食過最好味嘅煲仔飯，芋頭粒煲得好軟好腍，㩒一㩒就變芋泥，臘腸臘肉份量多好足料，肥而不膩、肉汁四溢加上用電爐煲，火力夠平均，焗到好靚嘅飯焦，脆卜卜避風塘茄子，老闆話係秘製菜式上面有一層薄薄煙韌蝦膠一齊釀，少少辣好彈牙，外脆內軟 <3 最特別係伴碟嘅秘製芥蘭葉，應該有醃完再炸一炸，無咗芥蘭嘅苦味，香脆可口，好似食緊紫菜咁當然唔少得加枝啤酒〜沙薑炆芥菜，好新鮮！爽口！用沙薑嚟煮，有少少辛辣味但後勁甘甜不錯最後仲有馬豆糕，好喜歡中式甜品，椰汁味好濃好香又夠彈牙❤︎

觀塘工廈一向多隱世食堂，又平又抵食。今日同朋友去新匯聚打冷小廚，餐廳防疫做得唔錯，我地安心坐低。蜜糖薯仔牛柳粒。賣相美觀，色澤均勻，火喉好夠。入口熱辣辣，蜜糖包裹住薯仔，微甜又咸，同牛柳粒好夾，不知不覺食左好多。牛柳粒大大件，唔會炒到乾身，仲保有肉汁。炸乳鴿。炸得恰到好處，肉質鮮嫩，非常香口，又唔會過份油膩，令人齒頰留香。重頭戲到啦！薑蔥炒美國桶蠔，影出黎看似唔多，其實係因為每件蠔都好巨型！咬落薑蔥汁混合海鮮味刺激味蕾，非常濃郁。最後以啤酒同飲品畫上句點。新匯聚環境舒適，夠光猛，每張桌距離好夠，適合聚會，個人覺得唔錯，推介比大家！

去觀塘食嘢，除咗APM同駱駝漆之外，其實仲有有好隱世小店，味道又好好，又經濟實惠，今日有朋友帶路，嚟到呢一間新匯聚打冷小廚最令人驚喜嘅，係呢一度晚市有特惠套餐，百幾蚊已經有足夠兩人嘅份量，有湯有餸有飯仲有埋甜品。最後決定叫了一個二人餐，再散叫一碟朋友最喜歡吃的鵝片鵝片好入味，厚薄適中，容易咀嚼之餘亦吃得到鵝片的濃郁味道，肉質軟滑而有彈性二人套餐包括了一碗老火例湯，今晚是冬瓜排骨湯，好滋潤的一個湯水，每碗都附有排骨，肉質煮得鬆軟， 滲滿湯中嘅精華套餐要了一個欖菜肉鬆四季豆，四季豆煮得火候恰當，軟硬適中，味道清淡的四季豆，與濃郁的欖菜及肉鬆非常配合，一濃一清突顯味道的層次，惹味無比還有一個話梅骨，每一件都均勻地沾滿酸酸甜甜的話梅醬汁，非常醒胃。每件話梅骨都經過油泡，外脆而內裏仍然好似肉質鮮嫩最後還有甜品，今晚的甜品是紅豆椰汁糕，紅豆煮得很棉，椰汁味濃郁，有椰香豆香卻不會過甜總括來說，分量大，鑊氣夠，價錢平，晚飯之選

由工厦地下入口直行至推開門，直望就見到今晚開餐的食肆。 環境充滿親切感，食店防疫功夫做得足，枱之間有相隔及人數依足規定，咁就放心進餐，加上侍應熱情招呼， 真的有賓至如歸感覺。 雖然話潮州打冷，但餐牌亦有很多不同的菜式選擇，睇完餐牌後好多款菜想吃……最後選了蜜糖薯仔牛柳粒，薑葱魚腩煲，招牌小炒王及白飯。2人食的話份量真不少😜。 蜜糖薯仔牛柳粒，厚厚牛柳粒充滿肉汁，夾著煎香薯仔一齊食，絕對是好配搭。 薑葱魚腩煲，熱騰騰上枱，陣陣香葱香味，大件魚腩外層炸得香脆，內裡保持嫩嫩的肉質。 招牌小炒王，有銀魚乾，鮮魷，蝦仁，腰果，菜甫，韮菜花，鑊氣十足，顯出大厨功架。細心送上紅豆椰汁糕，為晚飯更添滿足。良朋知己開餐好地方🍻。

一間充滿人情味的小店。由入門口開始，員工很注意讓客人先量體溫再進店，有些客人沒留意有立式體溫機的存在，員工也親自拿著手提體溫儀到桌前幫客人量度體溫，防疫措施做到足。同時員工會熱情輕鬆地和客人聊天，前後3個不同員工來問我們下單未，我在此其間加了一次單，到上菜時員工發現我們點太多菜了就在我們還未開始吃的時候就先建議我們應該先吃哪樣打包哪樣，場面搞笑。因為實在是不知道這家店的份量竟然是如此實惠的啊。2個人點了3個菜，應該不算太誇張，但最後竟然只吃掉了一半，要打包另一半。滷水拼盤，內有鵝肉、紅腸、墨魚、豬頭肉、豬大腸、豆腐、花生，疊得滿滿，絕無欺場。其中我個人最愛是滷水花生，夠鬆軟夠入味；墨魚彈牙；大腸無騷味。其實除了店員建議的要先吃完豆腐外，其他的多數都打包回家第二天吃了，一餐變兩餐。椒鹽九肚魚，炸漿很薄，九肚魚軟綿，新鮮上桌，熱辣入口, 有趣的是裡面的紅辣椒是泡過的, 不太辣且有酸味, 可以減少膩味感。蠔餅，與平時的吃慣的蠔餅很是不同。平時多數吃到的蠔餅都是“餅”狀的，這裡的蠔餅反而比較像天婦羅形式的，直接將蠔仔和蔥裹著炸漿就炸了。剛上桌時入口鬆化，稍涼時變得脆口，也太好吃了吧, 今晚最愛

月前去過新匯聚餐廳, 深深被他們小食吸引, 老闆閒時也走來問下D餸如何?啱食嗎?從而得知, 佢地有間做打冷的, 也在附近, 當時知道已經雙眼發光~身為潮州人, 打冷是我的家鄉菜喎, 下次一定去會一會。選擇星期四閒日人客不多的日子去新匯聚打冷小廚, 這店比較隱蔽, 在停車場入口, 遠望才見到, 車場門口都有小廚的燈箱指示, 如果要去, 就要留意一下啦!原來新匯聚餐廳同新匯聚打冷小廚D食物差不多有80%相似架。去之前已經諗定必食滷水鵝, 點知…去到這間, 見到又有咖喱魷魚、藥膳雞腳, 口水都流哂啦, 點忍得住唔叫呢, 一於encore.再加埋打冷必叫嘅九菜豬紅先, 嘩,依碗九菜豬紅都幾大碗, 九菜爽甜, 豬紅又入味。原來這間小舖都有杏汁燉豬肺湯, 之前係一間西環食肆中過伏, 抱着勇於嘗試嘅心態, 叫了一盅來品嚐, 可能沒有什麼期望, 反而嚐到一碗真材實料的豬肺湯, 杏汁味濃, 有雞腳, 豬骨, 而豬肺也不少, 亦沒有羶味, 合理價錢, 值得一試。當左右思量再點什麼嘅時候, 老闆介紹芝士焗日本大元貝(伊麫底),心諗都好喎, 一定飽肚呢。一隻大元貝上枱係舖滿芝士伊麫,好彩仲食到元貝嘅鮮甜。