斗斗 (已結業)

/斗斗餐廳🇭🇰/#sa觀塘篇 #sa午餐篇 #sa台式餐廳篇➖➖➖<懷舊風設計台式料理•價錢相宜食到飽🤰🏻>➖➖➖疫情關係 大家都好耐無出走 所以依家係香港就食住世界各地嘅食物先平時食台式野多數都係食台式牛肉麵多今次黎到呢度 就好似去左台灣夜市咁佢牆上面嘅畫都幾靚 好似香港六七十年代咁整體來講食物份量真係幾大份 跟餐幾抵➖➖➖1️⃣紅燒牛肉擔擔 $56無諗過碗麵咁大碗 食完已經好飽牛肉就好似平日食嘅牛腩咁 偏瘦肉質幾有嚼口 如果肉質再軟腍少少就更好亦有大量肉碎舖面 擔擔有啲似米粉 質感較軟腍 都幾入味湯底連埋麵一齊食無咁辣 就咁飲就有啲辣不過係幾惹味 而且特別在湯底飲到花生味但唔食得辣就唔建議嗌～➖➖➖分數: 7.7/10 ➖➖➖2️⃣夜市小香腸肉燥飯 $50以前食過嘅肉燥飯通常都係偏細碗但呢個真係好大碗 朋友都食唔曬😂肉燥係偏瘦嘅 無肥膏 所以就係偏乾少少但份量係幾多 另外仲有小香腸都幾香脆➖➖➖分數:7.4/10 ➖➖➖3️⃣南乳排骨酥 $40 平時食台灣野好少食呢款小食～今次一於試下❤️❤️南乳味幾香濃 肉質唔會好鞋口但放左一排先食 無咁酥脆➖➖➖分數: 7.6/10 ➖➖➖4️⃣涼

以前嘅我每幾個月就去一次台北，𝚌𝚘𝚟𝚒𝚍前嘅最後一個旅行都係去台北🥺真係好掛住嗰度嘅美食啊～～～～見到 @doudouhongkong 係觀塘新開咗主打台式小食嘅分店，即刻忍唔住去食下台灣嘢，止下癮～最重要係新分店環境佈置圍繞住懷舊香港主題，入到去餐廳完全有種去咗第二個年代嘅感覺，非常之有心思嘅復古懷舊裝修可以俾大家體驗下舊時香港風情，打卡一流！.back then pre covid i would always go taipei once every few months 😆 seriously missed the foods there 😔 saw @doudouhongkong open in kwuntung decided to check it out! love the classic looking decor of the place 👍🏻 tons of instagramable spots! a huge variety of foods to choose from & at a good price point as well 😋 great plac

早幾日屋企D口罩甘唔多用哂，聽聞觀塘有一間專賣口罩既鋪頭，就過左去睇下順手搵下野食，點知原來間鋪頭對面新開左間台灣野食，咁就決定係你啦！成間口睪鋪頭都係現貸，第時唔洗走黎走去搵口罩啦 ＸＤ對面就係台灣野食佢既風格係走懷舊老香港既裝修，個西瓜波真係不得之了，好懷念呢～滿杯金秋坐低有Ｄ口乾，就叫左呢杯野黎飲，其實佢係菠蘿＋四季春茶，酸酸地涼涼地好開胃呢鹽酥雞擔擔米粉鹽酥雞炸得好香好脆，好有台灣夜市既感覺，配埋個少少辣又好香花生味湯底既米粉，真係有去左台灣既感覺呀原來老闆仲租左對面鋪做樓面，同老闆傾開計先知佢買左部真既人力車番黎諗住比人食完野可以黎打下卡，可惜而家疫情令佢裝修計劃都推遲左，希望遲Ｄ再去既時候可以坐上去打卡啦！

🇭🇰斗斗·觀塘近排新開左一間台灣野 所以我哋就去試咗一試啦😏😏佢啲嘢食都幾大份 係一個lunchtime唔錯嘅選擇 而且佢個裝修都幾有心思 幾懷舊風😎·鹽酥雞肉燥飯$51佢呢一個一上枱真係超大碗 我哋完全嚇親😂😂佢啲鹽酥雞唔會太鞋都OK嘅 不過佢個肉燥係偏濃味少少嘅 所以都完全夠撈曬成碗飯🤣·腐皮蚵仔卷$45香酥花枝丸$33台式燙青菜$30·第一次見腐皮蚵仔卷好似幾得意咁我地就嗌左黎試下😍😍 佢個腐皮真係炸得好脆 而且中間個餡料調味得都唔錯 幾好食😋佢個花枝丸都ok嘅 唔會話太熱氣 不過佢個丸本身就比較粉少少 個燙青菜調味都岩岩好 唔會話太油膩keke·#rbyeat#rby台灣菜#rby觀塘·📍觀塘成業街16號怡生工業中心G及H座地下D6-D7號舖

❀斗斗 #觀塘 ❀❗️新開懷舊裝修 抵食台式料理❗️ ——————————————————觀塘真係有好多好嘢食，今次嚟到呢間新開嘅台灣菜，有多種經典台灣菜式，仲要只係$40至$50，好味又抵食✨最特別係內裏裝修主打懷舊風，用上大量復古裝飾、傢俬營造六七十年代香港嘅情貌，牆上擺滿黑膠唱片，最誇張仲要有架人力車，歡迎大家坐上去打卡📸聽聞老細仲特登搜羅林林總總嘅舊式復古玩具，當日我哋就喺牆上搵到本仲賣緊嘅五毫子郭晉安雜誌📚！.✷𝑀𝑒𝓃𝓊✷☞香辣牛筋腩擔擔麵🍜$53牛筋夠晒大嚿，滑溜腍身🥰。牛腩肥嘅部份唔會太多，但依然入口即溶，一啲都唔鞋😋。而且一碗入面起碼有成五六舊牛筋腩，每舊都非常入味，帶點微辣，夠晒香口。另外佢哋嘅擔擔麵都非常香濃，有大量肉碎，花生味夠晒重，麵條亦索晒湯底，係少有令我滿意嘅擔擔麵😚不過留意擺得來會變到越嚟越稠，所以建議大家盡快食啦！味道: 4.4/5 性價比: 4.4/5.☞九層塔醬油雞飯🐔$54主要用醬油醃製雞肉，九層塔嘅味道唔算太重，相對上味就冇咁特別🙈。雞肉以呢個價錢來講的確夠晒足料，配埋超級大碗嘅白飯，放飯嚟食一流夠晒飽肚！味道: 3.9/5 性價比: 4.6/5.☞

觀塘不嬲都係最出名工廈Cafe 估唔到今次搵到間用懷舊復古做主題嘅台式餐廳🍴成間店嘅裝修都營造左六七十年代香港嘅感覺✨餐廳嘅牆仲畫咗香港嘅街景 相信帶爸爸媽媽嚟一定會有童年回憶👶🏻對面新分店就係台灣舊街道嘅設計 最特別係有㗎人力車 可以坐在打卡添㗎‼️全部野食都好平又好味 嗰日嗌咗兩個主食四個小食都係二百蚊左右🥰平平地都可以有豪食嘅感覺😎.紅燒牛肉麵🐮 $49 +酸菜$5台灣麵最鍾意就係牛肉麵 好耐冇食過😭麵底都夠彈牙 不過有少少黏黐埋一舊 可能過一過冷河會爽口啲🧐牛肉燜得好腍好入味 唔會太多脂肪 肥瘦啱啱好 仲有啲筋 口感都唔錯😋碗麵仲配埋好多椰菜 好健康🤩建議加酸菜 酸酸地好開胃 同湯底味都好夾😍.香酥豬扒肉燥飯🐷 $52新鮮熱辣食嘅時候 外皮好酥脆🤤不過擺耐咗就會腍晒 豬扒都有啲乾唔夠嫩滑😩面頭啲肉燥好香調味啱啱好 再加埋炸蒜 撈飯食真係一流🧄飯都有配椰菜 仲有兩片酸蘿蔔 有飯有肉有菜唔錯😝.南投怪味雞🐔 $62見個名咁有趣 都想試下個味有幾怪🧐點知好驚喜 真係好正🥳望茄好似好辣有啲似口水雞🌶️食落係凍冰冰似醉雞🤔個味酸酸甜甜帶微辣 三種味balance得好好 再加埋面啲薑蔥蒜蓉 好

見到呢間係新開，所以決定去試吓。環境裝修都算係幾有創意，不過食物比想像中差。全部食物裏面，紅燒牛肉擔擔麵都不錯，唯一算食得嘅嘢。最差係個鹽酥雞肉燥米粉真係好唔得，一上台睇碟鹽酥雞好似人哋食剩嘅餸咁，味道亦唔得，未試過食得咁差嘅台灣鹽酥雞，冇下次了，另外嗰碗米粉味道超淡，只係得個油膩，另外杯飲品巴樂汁超甜， 不建議嘗試。如果喺觀塘食台灣野，仲有其他好多選擇，不需要嚟呢一間食，因為味道方面真的不算好，所以一次就夠啦。

之前去日本城買嘢看到斗斗食客已經想試吓，今天放工就提議同事嚐嚐。台灣食品雖不是至愛，但對於我喜歡麵食可以考慮一試。果真沒有讓我失望，試了同事選的鹽酥雞，雞嫩入味且香口，雖只試了一口，但已被吸引了。香辣煙煙韌韌既牛筋腩也非常好味，牛筋入口即溶。環境很不錯，拍了很多不同佈境，見到一架黃包車，有侍應說笑叫我坐，我當然拒絕，怕太重坐爛架車

新開係觀塘既台灣菜斗斗 ，店舖外有個賣小食既位置，食物種類都幾多，除左港式小食仲有台式美食🤤係附近翻工tea time落黎買啲小食都唔錯👍🏻餐廳裝修非常別緻，裝修係根據香港舊式風情黎設計，黑膠唱片、算盤、海報既裝飾，甚至係人力車都有😆懷舊香港嘅味道出晒嚟🇭🇰⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔺小食🔸青瓜帶子裙邊🔸台式燙青菜🥬🔸南乳排骨酥最鍾意青瓜帶子裙邊，做前菜一流，好開胃🥰台式燙青菜爽脆，面頭加咗肉燥，味道出哂黎👍🏻排骨酥外脆內嫩😼🔺主食🔸香酥豬扒擔擔🔸九層塔醬油雞飯香酥豬扒炸得非常香脆，麵條幼滑，湯底好重花生醬味🥜豬扒都有4、5舊，唔會食到最後得麵冇餸食😜醬油雞就好大碟，啲雞好嫩🤩醬油用嚟撈飯真係好正😳🔺飲品🔸黑松芭樂汁呢款係台灣罐裝飲品黎，之前喺台灣飲過唔錯～估唔到呢度有得飲😆👧🏻：鍾意佢小菜做得細細碟，咁就可以試多幾款🤤小食跟餐價只係～$15內一碟😱抵到!!黎食飯一定要加小食🤩其他主食既價錢都幾抵，五十幾蚊食到有質素、大大碟既午餐/晚餐🤩性價比好高👍🏻🔸評分: 8.4/10💰人均消費: $50-$100

自從限聚令，都已好少出街堂食，今日同朋友因為出開觀塘買野，行到攰又見肚餓，經過一間斗斗小食店，門口已經好有特色，以香港懷舊裝飾佈置，除左有港式小食，仲有珍珠鮮奶同水果茶飲。不過最吸引既係，原來裡面仲有間食台式小食既，尤其呢排仲要無得去台灣旅行，結果都忍唔住坐低食番餐台式野解下饞。我同朋友各自點左2款，一款怪味雞同埋香辣牛筋腩擔擔麵，因為本身唔太鍾意飲芭樂汁，所以叫左小食店個水果茶飲，水果茶都幾好飲，不過我唔記得叫少甜，個人偏好唔太甜既飲品。怪味雞好惹味，雞既面頭鋪上滿滿既蔥蒜，帶上甜甜酸酸既醋味，非常開胃，將蔥蒜加上米粉度食，就更加好食，值得一讚既係，店員好細心，佢會另外俾隻骨碟放骨，咁就唔會搞到周檯都係雞骨。香辣牛筋腩擔擔麵，擔擔麵食落有口感，麵條唔會糊，亦唔會太硬，湯底帶有少少辣味，鍾意食辣既朋友會覺得味香麻辣，牛筋腩都入味夠鬆軟。不過都係屬於重口味既，鍾意食清淡既就未必岩食喇。價錢都真係幾抵食，下次都會帶埋朋友仔再黎食過，值得推薦。

觀塘一向多嘢食 最近開咗間台式小店 擺咗好多舊香港嘅生活事物 人力車 黑膠唱片🎙 木板門 舊式士多等等 超多打卡位📸-#🥚皮蛋肉鬆豆腐 ($42）豆腐粒清涼 肉鬆富口感 連埋皮蛋醬油一齊食 味道層次豐富-#🧆脆皮炸大腸 ($42）份量足 外脆內軟 點埋甜酸醬 更加食唔停口-#🍜台南擔仔麵 ($41）台南擔仔麵比擔擔麵材料較多 加埋芽菜酸菜仲好食 -#🐓🍜九層塔醬油雞米粉 ($54）米粉爽口 鷄肉嫩滑 醬油味道淡咗啲 九層塔亦可以放多啲-#🥤水果茶水果粒色彩繽紛 有蘋果🍎菠蘿🍍西瓜🍉火龍果檸檬片🍋 充滿水果香 味道豐富又清甜 -#🥤黑糖珍珠奶茶 (中杯 $26）黑糖嘅天然甜味同奶茶超夾 珍珠粒煙韌彈牙-📍斗斗台式美食#觀塘成業街16號怡生工業中心地下G及H座D6舖

早排放飯時間本來想同同事去駱駝漆覓食, 基於太多人既關係最後都係放棄左~ 同事提議食另一間係附近新開既台式餐廳, 咁一於去睇下啦 地舖關係其實位置都好易搵, 但原來佢地有分前後舖, 前面就賣港式小食同野飲, 要食台灣菜就要沿走廊行入少少餐廳地方唔大, 座位唔係好多, 不過疫情關係都唔會坐得逼, 裝修風格係行懷舊路線, 走廊擺左好多舊式玩意做裝飾, 至於舖頭入面都放左D舊式風扇 收音機等等, 都幾得意既, 有得食又可以打卡野食方面我就叫左個鹽酥雞肉燥飯, 鹽酥雞大小適中, 唔會太鹹, 朋友就叫左香辣牛筋腩飯, 牛筋腩都好腍好入味, 送飯唔錯另外叫飯麵可以加錢叫小食, 我地嗌左個牛肚絲, 幾爽口, 不過鹹左少少, 配埋飯食會好D飲品方面唔多選擇, 所以係小食店嗌左水果茶, 味道OK整體舖頭既設計都幾有賣點, 食物水準算唔錯

相信好多喺觀塘做野嘅人，每日最煩惱嘅就係luncn唔知食咩好（因為太多野食），經過成業街見到呢間"斗斗" ，門口好吸引，一於入去試下佢先！佢好似"前舖後居"咁應該話係前小食＋飲品，後台式美食，店員話買小食都可以拎去後面食，唔洗企响街到食一入去見到香港7-80年代嘅裝修，仲有幾個雀籠，即刻諗起以前阿公帶隻雀落街飲茶個畫面個天花仲整左個竹棚咁，好有特色！我地先買左3款小食入去，咖喱魷魚＋咖哩魚色＋燒賣。呢個咖喱一流，越食越辣，好食到想叫個飯撈黎食燒賣都好食，可以撈埋個咖喱汁食我最鐘意問店員：有咩推介？（佢地日日食，點都有D心水）佢地就推介呢個怪味雞，可以揀飯/米粉/麵，我就揀左米粉再加酸菜，小食再叫左鹵水豆腐＋蛋。呢個芭樂汁不得了，鐘意番石榴嘅人一定會愛上佢。味道：佢地嘅怪味雞有D似醉雞嘅質感，上面再加好多蒜蓉同少少辣椒，應該再加左香醋/醬油，錯綜複雜嘅味道，好惹味喎！米粉用上台灣新竹米粉，細滑之餘仲好索味，可以撈埋D餸落去食。鹵水豆腐＋蛋都好入味，好台灣夜市feel。服務：店員都好友善，有問下我地好唔好食，有咩意見，同埋佢地既對話都好有趣。環境：可以見到佢地好有心思佈置，好多裝飾都係舊古

見佢新開，食飯食未飽就落去加餸佢其實都執緊嘢諗住嗌個魚蛋燒賣$7同水魷$16我問佢有冇水魷,負責人佢話冇然後有個職員話仲有，然後拎咗兜食剩咖哩汁擺喺啲熱水度浸一浸個負責人仲叫個職員講要留返啲咖哩汁第日再用（得返少少）呢啲嘢好心就唔好當住個客面講啦雖然明知都覺得核突本身已經收舖喺入面拎返出嚟然後個職員又喺入面拎咗兜水魷點知拎到出嚟得4塊個職員話唔夠一份wor個負責人話夠我本身以為咖哩汁入面仲有點知最後就係得嗰四塊咁佢都好意思收人16蚊(圖下面嗰啲係魚蛋同燒賣)如果唔係個職員話唔夠一份我都費事上嚟寫個職員明顯平時就唔係咁樣當一份俾人哋啦，個老細為咗賺我錢就死都話夠仲要啲咖哩汁唔知係咪用咗成日其實冇乜味咁樣嘅份量擺明就唔夠啦為咗做生意乜都夠膽死本身16蚊已經唔係平就算新開我都要寫衰！人哋新開應該比較有heart呢間做到咁衰