斗斗 (已結業)

喺觀塘返工又想試下啲特色美食, 之前嚟過一次呢間叫斗斗嘅台式美食店! 間舖頭好有特色, 放滿好多懷舊嘢同懷舊裝修。我叫咗碗香酥豬扒米粉 , 一個小食青瓜帶子裙邊。一碗米粉加一個小食, 加多$6有一罐忌廉, $64 lunch都算唔錯!

同寶寶來上興趣班前要食啲嘢，經過呢間舖頭，環境幾有特色，價錢仲幾平民化，值得一試👍點咗兩個主食、兩個小食和豆漿：台灣夜市小香腸雞翼肉燥飯紅燒牛肉麵涼伴茄子麻辣豆腐兩樽豆漿最欣賞個肉燥飯，啲肉燥和汁勁多，勁鍾意多汁嘅飯😜，好大碗，味道唔錯，小香腸好有台灣風味👍寶寶平時唔鍾意食飯，但呢個飯佢都食得好快，證明真係好味😋 #sohappy◽️

來到觀塘工業區，發現有間叫斗斗台灣小食，裝修很懷舊，就進去試一下。點了個兩人餐。有涼伴茄子，剁椒皮蛋，鹽酥雞，擔仔麵和擔擔麵。再加了飲品珍珠奶茶和菠蘿四季春才148元，茄子和皮蛋味道也𣎴錯，但鹽酥雞淋淋的，不建議，擔仔麵和擔擔麵的麵質是一樣的，相對上擔擔麵湯底較濃郁，味道較好。員工服務也不錯。

去觀塘買烘焙材料，煩惱吃什麼的時候忽然想起了斗斗餐廳——的涼拌茄子！💜💜上次吃是跟餐小菜的小份，這次特意單點了大份😍😍還點了鹽酥雞塊和香酥豬扒肉燥飯😋😋雖說是外賣但是打包得也很整齊，茄子一打開我就愛了，看著就好有食慾！甚至覺得比上次更好吃？茄子依然蒸？得恰到好處，醬汁也酸甜微辣很開胃，光就著茄子我就能吃下一碗飯😂😂好想知道做法啊⋯⋯上次試過鹽酥坷仔感覺不如預期，比起來鹽酥雞塊就優秀得多😋😋雞塊都幾大件，炸粉也不厚，本身已經有調味，咬下去外酥裡嫩也不油，雖然我帶回家已經只有餘溫但不影響口感也不會返油味，沾配的是拉差醬？也很好吃～香酥豬扒飯個豬扒肯定是不如堂食香酥了，畢竟過了近一個鐘而且上面還蓋了肉燥，但是豬扒夠大塊厚度也ok，炸衣不厚肉質很嫩，整塊吃完都不會覺得油膩，肉燥調味也正好，跟飯量也match到涼拌茄子8.5/9鹽酥雞塊8.0/9香酥豬扒肉燥飯8.0/9OVERALL 8.0/9我決定每次去觀塘都要去買茄子～茄子～茄子～🍆🍆🤤🤤

觀塘午餐想食台灣菜行過見新開無耐的斗斗, 入去坐低見到牆身壁畫全都係懷舊的味道, 好特別的裝修設計. 說回菜式, 醉雞飯的雞雖然肉質可以但完全吸收唔到酒味, 感覺似係係切雞再後加上紹興酒, 並非徹底浸透, 這個有點失望. 肉燥南乳排骨飯同豬扒飯就想對較好, 尤其南乳排骨都幾入味, 肉質咬落亦都夠腍, 豬扒就大大塊, 兩個份量都可以, 性價比較高. 擔擔麵同紅燒牛肉麵水準都可以, 個人我推介擔擔麵味道有炒香的肉碎花生醬會較吸引, 紅燒牛肉麵湯底就似乎比較淡味, 所以就算牛肉味道可以整體感覺會一般. 但整體價錢都唔算貴, 加埋幾特別的懷舊風, 都係一個不錯的選擇.

一有機會我就想吃台灣菜🙈被IG種草了斗斗，剛好來觀塘買香菜拌麵就順便打卡。南投怪味雞飯，酸×甜×辣，確實是一般台式料理不太有的菜式？滿滿一碟（不過下面有帶骨雞肉啦😂）我以為是熱的但是是涼的，雞肉浸到料汁都爽滑入味，好吃是好吃的，只不過可能我期待值過高，並沒有被特別驚艷到，不過還是值得一試。涼拌茄子我就真的很愛了！！！茄子是溫的，蒸的火候剛剛好，搭配澆汁整個balance到，下次我不要跟餐小份我要單點一盤！！！鹽酥坷仔外面也比較少，炸衣不會太厚，食感也ok不會覺得太油，不過總體就不過不失，屬於台式料理該有的水準。百香果綠茶清爽解膩，杯子上的塞子敲可愛🙈其實是上錯了，我點了走甜走冰結果上的是少甜少冰😂我喝了一口才發現，就也懶得換了～南投怪味雞飯 7/9涼拌茄子 8/9鹽酥坷仔 6.5/9百香果綠茶 7/9OVERALL 7/9

今日午餐諗住試下佢，見佢新開，外賣返到公司食，一食個粢飯，嘩…有臭味嘅，已經放低唔想再食，好啦咁食個 碗仔翅啦，好油，打開盒炸魷魚鬚得勁少，完全唔值， 咖哩角冇咖哩味，仲叫咗煎釀三寶，打開發現要紅腸變咗腸仔…腸仔係無魚肉嘅，總之不可一不可再，真係好難食

斗斗11:00-21:00-廟口滷肉飯 $43🍚滷肉肥瘦適中，口感偏軟，不會食到肥膩的肥膏口感。醬汁偏鹹和油😰建議叫少汁🤩整體偏重口味。推薦度: 😋😋😋-黑醋豬軟骨擔擔 $50🍜擔擔麵質感偏軟和淋，亦很掛汁🤩湯底濃郁和辣，重花生味😙，不過沒有黑醋味😹😹豬軟骨入味，亦入口即化😛推薦度: 😋😋😋😋-陳醋小木耳 $16 (加配價$11)木耳爽口陳醋味十足，配上海量蒜蓉，首選開胃小菜😌推薦度: 😋😋😋😋.5-鹵水蛋拼豆腐$18 (加配價$13)滷水汁香香甜甜，食材入味推薦度: 😋😋😋.5

🍜斗斗係觀塘新開嘅台灣菜店🤩，裝修主打香港情懷，裝修佈置好有心思，有黑膠唱碟、人力車等等🇭🇰🇭🇰，黎到可以影下相打下卡。除左堂食，門口仲有小食檔可以買魚蛋、燒賣同台式飲品😆。鹽酥雞擔擔面$55 （8.5/10）擔擔麵湯底杰身，花生醬味道濃厚🥜，有少少辣味，麵好易就掛到湯👅👅。整體好惹味好香濃，會想一啖接啖咁食😝。鹽酥雞味道正常，麵量夠多一定夠飽🐔。🐷廟口滷肉飯$43 （6.5/10）相比擔擔面滷肉飯就冇咁吸引，肉味同滷水味重左喲🙊，覺得少左乾蔥同醬油味，同平時嘅滷肉飯係唔同style😗。🐔南投怪味雞$62 （9/10）第一次食怪味雞，原來係凍食黎😱，味道主要來自個醬汁😻，鮮甜辣香係佢嘅特色。食落近似越南撈檬汁嘅味道好開胃❣️❣️，鮮甜好香蒜味🧄，雞嘅嫩滑同佢相輔相成。❤️南乳排骨酥$40 （8/10）滿滿南乳嘅咸鮮味😋，夠脆之餘，入面都仲保持到鬆化有肉汁🤩。

到觀塘上訓練課程。上堂前吃個午飯先。觀塘區出名美食多，想找些特式的試試。從地鐵站到怡生工廈。門口有大大的招牌。店舖在開設在地面。分兩邊。坐位算多。走廊盡頭是日本城。不停的進進出出，上貨落貨感覺奇怪。味道：是次點了鹽酥雞鹵肉飯，飯量一向不大的我叫了少飯，鹵肉不太肥膩，多汁夠撈一勻碗飯。滿足。若然，鹽酥雞塊多兩件更好。服務：到達店舖時已過繁忙時段，男侍應細心有禮，友人諸多要求也沒有黑面，贊。環境：工廈地舖，燈光已光猛。衛生：地面尚算乾爽，枱面算乾淨。抵食：人均消費$60 夠飽。

官塘工業區新開嘅懷舊台灣料理，呢度嘅裝修好懷舊，好有心思，店舖有外賣專區，提供小食、台式飲品，方便打工仔嘅朋友，最重要係價錢合理，而且食物質素唔錯，番工一族又多一個新選擇啦！餐廳內仲有好多打卡位，除咗食之外仲可以打吓卡，影吓相添！🔸香酥豬扒肉燥飯 $52 (3.8/5)豬扒好大件，炸得又香又脆，而且唔會太乾身，肉燥比較咸，一定要配埋飯一齊食，整體來講，都唔錯！🔸陳醋小雲耳 🔸涼拌茄子 兩度前菜跟餐加$11，超值，雲耳酸酸地，好開胃👍🔸紅燒牛肉擔擔麵 $56 (3.8/5)湯底好濃，微辣，牛肉滷得好入味，肥瘦適中，同埋麵底夠大，好吃😋🔸滷水拼盤 $50 (3.9/5)有豆腐丶豬腩肉、大腸丶雞蛋丶底層怖滿牙菜，基本上滷得好入味，夠淋，豬腩肉，肥瘦夾雜，好吃😋🔸脆皮炸大腸 $42 (3.7/5)好耐冇食咁邪惡嘅小食，炸得好香好脆，最重要係佢洗得好乾淨，完全冇臭丶味，不過中間都仲有少少肥膏，但都可以接受，點埋甜辣醬好惹味呀！

呢間觀塘嘅餐廳行懷舊風格 有好多打卡位可以影相 仲有人力車 (( ´∀︎` ))不過唸唔到啲擺設咁舊香港風格竟然係食台灣菜嘢食有好多選擇 有唔少係香港比較少見嘅款式試咗個怪味雞 甜甜酸酸辣辣咁幾惹味 涼拌茄子同鹽酥蚵仔都好啱送飯 特別鹽酥蚵仔係香港好少見飯類都有好多款 我試咗廟口滷肉飯肥肉都幾多 夠粘稠 撈埋飯食啱啱好配埋大大杯嘅清爽水果茶可以解漏價錢都幾實惠 ˚₊ *̥𓏲𓏱𓏭𓏭廟口滷肉飯 $43南投怪味雞 $62涼拌茄子 $30鹽酥蚵仔 $45水果茶 $30

觀塘最近開左間台式小店，裝修行懷舊路線，牆上面貼滿舊唱片&電視海報，仲有一架人力車可以打卡。Menu 都幾多選擇，麵食、飯類、小食、台式飲品一應俱全。未食評前先講講服務，鋪面係由3個細鋪仔打通而成，話細唔細，話大亦唔算好大，但只有1️⃣個阿姐一腳踢 😢 雖然阿姐好有禮貌，但出餐真心慢，希望老闆快啲搵多人幫幫手。湯底係清湯加牛肉汁，冇藥材味，亦唔係濃牛肉湯，整體偏淡。牛肉有驚喜，炆得好淋，而且入味，但味道似五香牛肉多啲～ 😅應該改名叫五香牛肉麵會啱啲啦！🙈湯底係清湯，其實湯頭都幾甜。麵係幼麵，麵質軟硬適中，但唔易掛湯。豬扒炸得幾好，保持住juicy 嘅肉汁，外皮唔脆，但整體幾好食 👍🏻充滿台灣特色嘅小食，豆腐軟滑，豆味濃郁，配上鹹香嘅豬肉鬆、皮蛋、甜醬油，味道唔錯！😋份量略少，炸得好酥脆，鹹味適中，雞肉依然保持肉汁。👍🏻都係炸得酥脆，蚵仔雖然蠔味唔算濃，但食得出係新鮮嘅，而且份量都幾多下。飲品係災難級！唔建議大家試 😅兩款飲品味道都非常淡，柑橘青檸非常「醒胃」好酸 😖 香芋珍珠明顯係溝粉沖嘅，仲飲到粉粒 😢 珍珠好淋身，有咬口，本身淡而無味。大家都係叫嘢食算啦～ 😂

近來香港好興「古早味」，呢個形容詞來自台灣， 泛指一啲懷舊事物/口味，而家買少見少，又不至於古代，約媽媽或婆婆年代嘅產物～應用喺香港，大概就係雞屎藤或蝦膏之類嘅東西吧～​最近喺觀塘，開咗一間主打古早風情嘅餐廳「斗斗餐廳」，裝修糅合咗台灣及香港嘅懷舊元素，置身其中，好似入咗時光隧道咁！令我好驚喜！店內仲擺咗人力車、一系列懷舊童玩、舊式唱片、竹棚、屋村畫牆.....打卡超正！▲店內有懷舊嘅人力車，打卡一流！▲店內另一角，貼滿舊唱片及7、80年代屋村街景，好有回到過去嘅感覺！▲斗斗嘅食物都係以台菜為主～▲拎住食物打卡，好有舊陣時嘅大排檔風味！講返食，佢哋食物都以台式美食為主，好似滷水拼盤、鹽酥蚵仔、鹵肉飯、擔擔麵、芭樂汁、珍珠奶茶...等等，重點係一份粉飯都係40蚊-60蚊之間，性價比高，鍾意台灣食物嘅人應該會好興奮！🤤​▲一啲都唔怪嘅怪味雞，少少酸辣，好開胃！✦南投怪味雞飯呢款怪味雞一啲都唔怪，雞肉以辣油、花椒烹調，好惹味！🤤雞肉幾嫩，唔乾柴，味道唔錯。不過，佢哋嘅怪味雞係經過自家改良，無台灣食到咁辣，比較啱港人口味。另外，佢哋亦無係雞面上加一層搗碎嘅青蔥，不過個人唔係蔥控，有同冇都無咩所

近日有好多餐廳都冇開，晏晝要搵野食變得愈來愈難。因為咁就係觀塘附近搵到一間台灣食店，希望帶比大家參考一下。斗斗美食有前後舖兩間，前面係賣街頭小食同台式飲品嘅，後面係賣飯麵米嘅。佢嘅飯麵類形都幾多可以揀，味道都係水平之上。係晏晝食咩好黎講都幾推薦依一間。個人幾推薦佢嘅怪咪雞，辣辣甜甜酸酸的，非常開胃。佢地仲會時不時推出啲唔同嘅優惠，好似依家就有啲精選飯。可以係經濟實惠之餘又有唔錯嘅飯麵食，可謂觀塘食堂又一選擇。見佢店面裝修都幾得意嘅，打造到好似啲唐樓冰室咁。但我個人現時都係買外賣多，可能係日後再仔細研究一下。